ද්විතීය 32
32
1එම්බා අහස, සවන් දෙන්න. මම කතා කරන්නෙමි:
පොළොව, මගේ මුඛයේ වචන අසත්වා!
2ළා තණ මත සිරි පොද සේ,
දළු පැළ මත පොද වැසි සේ,
මගේ ඉගැන්වීම් වැස්ස මෙන් වසීවා.
මගේ වචන, පින්න මෙන් වැටේවා.
3මන්ද ස්වාමින්වහන්සේගේ නාමය මම ප්‍රකාශ කරන්නෙමි;
පවරන්න! අපේ දෙවියන්වහන්සේට ශ්‍රේෂ්ඨත්වය.
4පර්වතයාණන් වූ උන්වහන්සේගේ වැඩ අංග සම්පූර්ණ ය.
උන්වහන්සේගේ සියලු මාර්ග සාධාරණ ය.
අයුක්තියක් නො කරන උන්වහන්සේ විශ්වාසවන්ත දෙවියන්වහන්සේ ය;
සෘජු ය, යුක්ති සහගත ය උන්වහන්සේ.
5උන්වහන්සේ සමඟ ඔවුන් ක්‍රියා කර ඇත්තේ දූෂිත ලෙස ය. ඔවුන් තවත් උන්වහන්සේගේ දරුවන් නො වේ;
මන්ද කැළැල් සහිත ඔවුන් ඇදගැසුණු, වංචනික පරපුරකි.
6අහෝ මෝඩ අනුවණ ජනයිනි,
ස්වාමින්වහන්සේට කළගුණ සලකන්නේ මෙලෙස ද?
නුඹලා තැනූ, නුඹලා නිම වූ නුඹලාගේ පියාණන්,
නුඹලාගේ මැවුම්කරුවාණන් උන්වහන්සේ නො වෙත් ද?
7ඉපැරණි දවස් සිහි කරන්න;
අතීත පරම්පරා කල්පනාවට ගන්න.
ඔබේ පියාගෙන් අහන්න. ඔහු ඔබට කියා දේවි.
ඔබේ වැඩිහිටියන්ගෙන් අහන්න. ඔවුන් ඔබට පහදා දේවි.
8මහෝත්තමයාණන්, ජාතීන්ට ඔවුන්ගේ උරුමය දුන් කල,
උන්වහන්සේ මිනිස් වර්ගයා බෙදා වෙන් කළ විට,
ඉශ්‍රායෙල් පුත්‍රයන්ගේ#32:8 ඉශ්‍රායෙල් පුත්‍රයන්ගේ හෙවත් දෙවියන්වහන්සේගේ පුත්‍රයින් සංඛ්‍යාවට අනුව
උන්වහන්සේ ජනයාගේ දේශ සීමා නියම කළ සේක.
9 ස්වාමින්වහන්සේගේ පංගු කොටස, උන්වහන්සේගේ ජනතාවයි.
යාකොබ්, උන්වහන්සේ වෙන් කර ගත් උරුමයයි.
10කාන්තාර දේශයකදී, නිසරු, බියකරු පාළු කතරකදී,
උන්වහන්සේට ඔහු හමු විණි.
උන්වහන්සේ ඔහුට රැකවරණ දී, රැක බලා ගත්තේ,
තම ඇසේ කළුරුවාව සේ රක්ෂා කරමිනි.
11රාජාලියකු තම කැදැල්ල අවුස්සා,
තම පැටවුනට ඉහළින් අත්තටු විහිදා,
උන් අල්ලා ගන්නට අත්තටු විහිදා,
උගේ පියාපත් පිට උන් දරාගෙන යන ලෙසිනි.
12ඔහුට මග පෙන්වූයේ ස්වාමින්වහන්සේ පමණෙකි.
උන්වහන්සේ සමඟ විදේශීය දෙවියෙක් නො වී ය.
13දේශයේ උස් තැන්හි නැගී යෑමට ඔහුට මං සැලසූ උන්වහන්සේ,
වතු පිටිවල පලවලින් ඔහු පෝෂ්‍ය කළහ.
උන්වහන්සේ ඔහු පිනවූයේ,
පර්වතයේ මී පැණි හා ගිනි-ගල් පව්වේ තෙල්වලිනි;
14එළු, බැටළු, ගව රංචුවල කිරෙන් සහ දී කිරෙනි;
තර කළ බැටළු පැටවුන් හා එළුවන්ගෙනි.
බාෂාන්හි අනගි බැටළුවන්ගෙන් හා
හොඳ ම තිරිඟු කරලිනි.
මිදි පලයේ රුධිරය වන පෙණ දමන මිදි යුෂ ඔබ බීවෙහි ය.
15යෙෂුරූන්#32:15 යෙෂුරූන් ඉශ්‍රායෙල් හඳුන්වන කාව්‍යමය නාමයකි. තර වී, පයින් ගැසී ය.
අහරින් පිරී, බරින් වැඩි වී, සුමුදු වූයේ ය.
තමා සෑදූ දෙවියන්වහන්සේ අත් හළ ඔහු,
තම මිදුම්කාර පර්වතයාණන් එපා කළේ ය.
16තම විදෙස් දෙවිවරුන් මගින් උන්වහන්සේ ඊර්ෂ්‍යාවට පත් කළ ඔවුහු
තම දේව පිළිම පිළිකුල මගින් උන්වහන්සේ කෝප ගැන්වූහ.
17දෙවිඳුන් නො වන ඔවුන් නො දැන සිටි දෙවි දේවතාවුන්ට,
මෑතකදී පෙනී සිටි දෙවිවරුන්ට,
ඔබේ පියවරුන් බිය නො වූ දෙවිවරුන්ට,
දෙවි නො වන යක්ෂාත්මයනට ඔවුහු යාග පිදූහ.
18ඔබ ජනිත කළ පර්වතයාණන් අතැර දැමූ ඔබ,
ඔබ ඉපැදූ දෙවියන්වහන්සේ අමතක කළේ ය.
19 ස්වාමින්වහන්සේ එය දුටු සේක්, ඔවුන් ප්‍රතික්ෂේප කළ සේක.
මන්ද උන්වහන්සේගේ දූ පුතුන් ම උන්වහන්සේ උදහස් කර ඇත.
20උන්වහන්සේ පැවසුවේ, “ඔවුන් අගතිගාමී පරපුරක් ද
අවිශ්වාසවන්ත දරුවන් ද වන බැවින්,
මම ඔවුන් වෙතින් මගේ මුහුණ සඟවා ගතිමි.
ඔවුන්ගේ අවසානය කෙසේ වේ දැයි බලමි.
21දෙවියන් නො වන දේවලින් මා ඊර්ෂ්‍යාවට පත් කළ ඔවුහු,
නිෂ්ඵල පිළිම මගින් මා කෝපයට පත් කළහ.
එබැවින් ජනතාවක් නො වන්නවුන් මගින් මම ඔවුන් ඊර්ෂ්‍යාවට පත් කරන්නෙමි.
අඥාන ජාතියක් ලවා මම ඔවුන් කෝපයට පත් කරමි.
22පාතාල පත්ලට ම ඇවිළ යන ගින්නක්
මගේ උදහසින් ඇවිළී,
පොළොවත් එහි අස්වැන්නත් දවා දමන්නේ ය.
කඳුවල පදනම් ද ගිනිලනු ලැබේ.
23“ඔවුන් පිට මම විපත්ති ගොඩ ගසමි.
ඔවුන්ට එරෙහිව මගේ හී ගස් යවමි.
24ඔවුන්ට එරෙහිව මම හානිකර සාගතයක් ද
විනාශකාරී වසංගතයක් ද මාරක ව්‍යසනයක් ද එවන්නෙමි.
ඔවුනට එරෙහිව මම වල් සතුන්ගේ තියුණු දත් හා
දූලියෙහි ඇදී යන සර්ප විස එවන්නෙමි.
25වීදියේ අසිපත, ඔවුන්ට දරුවන් අහිමි කරයි;
ඔවුන්ගේ නිවෙස්හි භීතිය රජ කරයි.
යෞවන යෞවනියන්,
අත දරුවන් හා වැඩිමහල්ලන් ද වැනසී යනු ඇත.
26‘මම ඔවුන් විසුරුවන්නෙමි;
ඔවුන් ගැන මතකය, මිනිසුන් වෙතින් මකා දමන්නෙමි’ යි කීවෙමි.
27එහෙත් විරුද්ධවාදීන්, වැරදි වැටහීමෙන්,
‘මේ හැම කළේ ස්වාමින්වහන්සේ නො වේ.
අපේ ම අතින් අපි ජය ගතිමු’ යි
සතුරා සරදම් කරනු ඇතැයි බියවීමි.”
28ඔවුහු දැනීමක් නැති ජාතියකි;
ඔවුන් තුළ වැටහීමක් නැත.
29මේ දෑ පමණක් වටහා ගන්නට ඔවුන් නැණවත් වේ නම්!
තමන්ගේ අවසානය කවරක් වේ දැයි වටහා ගනිත් නම්!
30ඔවුන්ගේ පර්වතයාණෝ මොවුන් නො වික්ක සේක් නම්,
ස්වාමින්වහන්සේ ඔවුන් අත්හැර නැති නම්,
දහසක් පන්නා දමන්නට එක් කෙනකුටත්,
දස දහසක් පලවා හරින්නට දෙදෙනකුටත් හැකි වන්නේ කෙලෙස ද?
31ඔවුන්ගේ පර්වතය, අපගේ පර්වතයාණන් මෙන් නො වන වග,
අපේ සතුරෝ පවා පිළිගනිති.
32ඔවුන්ගේ මිදි වැල පැමිණෙන්නේ, සොදොම්හි මිදි වැලෙනි;
ගොමොරාහි කෙත්වලිනි.
ඔවුන්ගේ මිදි පල විසෙන් පිරී ඇත.
ඔවුන්ගේ මිදි වලු තිත්ත ය.
33ඔවුන්ගේ මිදි යුෂ, සර්ප විස ය;
නාගයින්ගේ මාරක විස ය.
34“මා මෙය වෙන් කොට තබා නො ගත්තේ ද?
මගේ සේප්පුවේ ලා, මුද්‍රා තැබුවේ නැති ද?
35පළි ගැනීම මා සතු ය: මම විපාක දෙන්නෙමි;
කාලය එළැඹි කල, ඔවුන්ගේ පය ලිස්සා යයි.
ඔවුන්ගේ විපත්ති දවස ළඟ ය.
අත් විය යුතු ඉරණම, ඔවුන් පිට වහ වහා පැමිණේ.”
36තම ජනයාගේ ශක්තිය හීන වී ඇති වග ද
වහල්, නිවහල් කිසිවකු ඉතිරි වී නැති වග ද දකින කල,
ස්වාමින්වහන්සේ, තම ජනයාට යුක්තිය ඉටු කර,
තම සේවකයිනට අනුකම්පා කරන සේක.
37උන්වහන්සේ කතා කරමින්, “ඔවුන් පිළිසරණ සෙවූ පර්වතය වන
ඔවුන්ගේ දෙවිවරුන් දැන් කොහේ ද?
38ඔවුන්ගේ යාග පූජාවල මේදය කෑ,
ඔවුන්ගේ පාන පූජාවල මිදි යුෂ බිවූ,
දෙවිවරු නැගිට ඔබට පිහිට වෙත්වා!
ඔවුහු ඔබට රැකවරණ දෙත්වා!
39“දැන් බලන්න! උන්වහන්සේ මා පමණක් ය.
මා හැර අන් දෙවි කෙනෙක් නැත.
මරණයට හෙළන්නේ මම ය; ජීවනයට ගෙනෙන්නේත් මම ය.
මම තුවාල කළෙමි. මම සුවපත් කරන්නෙමි.
මගේ අතින් මුදා ගත හැකි සමතකු නැත.
40ස්වර්ගයට මගේ අත ඔසවා, මම දිවුරා මෙසේ ප්‍රකාශ කරමි:
මා සදා ජීවත් වන වග සැබෑ සේ ම,
41දිළිසෙන මගේ අසිපත මා මුවහත් කොට,
විනිශ්චයේදී මා එය අතට ගත් කල,
මගේ සතුරන්ගෙන් මම පළිගන්නෙමි.
මට වෛර කරන්නන්ට විපාක දෙන්නෙමි.
42මරා දමන ලද්දවුන්ගේ හා අල්ලා ගනු ලැබූවන්ගේ ලෙයින් ද
සතුරන්ගේ දිගු කෙස් සහිත හිස්වලින් ද
මගේ හී, ලෙයින් මත් කරමි.
මගේ කඩුව, මාංස කා දමනු ඇත.”
43එම්බා ජාතීනි, උන්වහන්සේගේ ජනයා සමඟ ප්‍රීති වන්න.
මන්ද, උන්වහන්සේ තම සේවකයින්ගේ ලේවල පළිය ගන්නා සේක,
තම සතුරන්ගෙන් පළි ගන්නා සේක.
තම දේශය හා තම ජනතාව උදෙසා පාප වන්දි නිවාරණය ඉටු කරන සේක.
44නූන්ගේ පුත් යෝෂුවා#32:44 යෝෂුවා හෙබ්‍රෙව් හොෂෙයා සමඟ පැමිණි මෝසෙස්, ජනයා අසා සිටියදී, මේ ගීතයේ වචන සියල්ල පැවසී ය. 45මේ සියලු වචන මෝසෙස් මුළු ඉශ්‍රායෙල්ට හඬ නගා කියවූ පසු, 46ඔවුන් අමතමින්, “මෙම නීති පද්ධතියේ සියලු වචනවලට සැලකිල්ලෙන් කීකරු වන ලෙස ඔබේ දරුවන්ට අණ කරන පිණිස, මා අද අවධාරණයෙන් ඔබට ප්‍රකාශ කරන මේ සියලු වචන සිතට ගන්න. 47ඒවා ඔබට හුදු බොල් වචන නො වේ. ඒවා ඔබේ ජීවනයයි. අත්කර ගැන්මට යොර්දානෙන් එතෙර ව ඔබ යන දේශයේ ඒවා මගින් ඔබ දිගු කල් වෙසෙනු ඇත.”
මෝසෙස් නෙබෝ කන්ද මත
48ඒ දවසේ ම ස්වාමින්වහන්සේ මෝසෙස් ඇමතූ සේක්, 49“යෙරිකෝවෙන් මෙගොඩ මෝවබ් දේශයේ අබාරීම් කඳු පෙළෙහි නෙබෝ කන්දට නැග, ඉශ්‍රායෙල් ජනයාගේ උරුමය වශයෙන් මා ඔවුනට දෙන කානාන් දේශය නරඹන්න. 50ඔබ නැගුණු ඒ කන්දේදී ඔබ මියෙනු ඇත. ඔබේ සහෝදර ආරොන් හෝර් කන්දේ මියැදී, සැතපුණු තම ජනයා වෙත එක් කරනු ලැබූ සේ ම ඔබත්, සැතපුණු ඔබේ ජනයා අතරට එක් කරනු ලබනු ඇත. 51එසේ වන්නේ, සීන් කාන්තාරයේ මෙරීබා-කාදෙෂ් ජලය අසල ඉශ්‍රායෙල් ජනයා ඉදිරිපිට ඔබ දෙදෙනා මා හා වූ විශ්වසනීයත්වය කඩ කළ නිසා ය. ඉශ්‍රායෙල් ජනයා අතරෙහි මගේ පාරිශුද්ධත්වය ඔබ රක්ෂා නො කළ නිසා ය. 52එබැවින්, දුර සිට ඔබ ඒ දේශය නරඹනවා පමණි. ඉශ්‍රායෙල් ජනතාවට මා දෙන දේශයට ඔබ ඇතුළු වන්නේ නැතැ” යි පැවසූ සේක.
Currently Selected:
ද්විතීය 32: SCV
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.
ද්විතීය 32
32
1එම්බා අහස, සවන් දෙන්න. මම කතා කරන්නෙමි:
පොළොව, මගේ මුඛයේ වචන අසත්වා!
2ළා තණ මත සිරි පොද සේ,
දළු පැළ මත පොද වැසි සේ,
මගේ ඉගැන්වීම් වැස්ස මෙන් වසීවා.
මගේ වචන, පින්න මෙන් වැටේවා.
3මන්ද ස්වාමින්වහන්සේගේ නාමය මම ප්‍රකාශ කරන්නෙමි;
පවරන්න! අපේ දෙවියන්වහන්සේට ශ්‍රේෂ්ඨත්වය.
4පර්වතයාණන් වූ උන්වහන්සේගේ වැඩ අංග සම්පූර්ණ ය.
උන්වහන්සේගේ සියලු මාර්ග සාධාරණ ය.
අයුක්තියක් නො කරන උන්වහන්සේ විශ්වාසවන්ත දෙවියන්වහන්සේ ය;
සෘජු ය, යුක්ති සහගත ය උන්වහන්සේ.
5උන්වහන්සේ සමඟ ඔවුන් ක්‍රියා කර ඇත්තේ දූෂිත ලෙස ය. ඔවුන් තවත් උන්වහන්සේගේ දරුවන් නො වේ;
මන්ද කැළැල් සහිත ඔවුන් ඇදගැසුණු, වංචනික පරපුරකි.
6අහෝ මෝඩ අනුවණ ජනයිනි,
ස්වාමින්වහන්සේට කළගුණ සලකන්නේ මෙලෙස ද?
නුඹලා තැනූ, නුඹලා නිම වූ නුඹලාගේ පියාණන්,
නුඹලාගේ මැවුම්කරුවාණන් උන්වහන්සේ නො වෙත් ද?
7ඉපැරණි දවස් සිහි කරන්න;
අතීත පරම්පරා කල්පනාවට ගන්න.
ඔබේ පියාගෙන් අහන්න. ඔහු ඔබට කියා දේවි.
ඔබේ වැඩිහිටියන්ගෙන් අහන්න. ඔවුන් ඔබට පහදා දේවි.
8මහෝත්තමයාණන්, ජාතීන්ට ඔවුන්ගේ උරුමය දුන් කල,
උන්වහන්සේ මිනිස් වර්ගයා බෙදා වෙන් කළ විට,
ඉශ්‍රායෙල් පුත්‍රයන්ගේ#32:8 ඉශ්‍රායෙල් පුත්‍රයන්ගේ හෙවත් දෙවියන්වහන්සේගේ පුත්‍රයින් සංඛ්‍යාවට අනුව
උන්වහන්සේ ජනයාගේ දේශ සීමා නියම කළ සේක.
9 ස්වාමින්වහන්සේගේ පංගු කොටස, උන්වහන්සේගේ ජනතාවයි.
යාකොබ්, උන්වහන්සේ වෙන් කර ගත් උරුමයයි.
10කාන්තාර දේශයකදී, නිසරු, බියකරු පාළු කතරකදී,
උන්වහන්සේට ඔහු හමු විණි.
උන්වහන්සේ ඔහුට රැකවරණ දී, රැක බලා ගත්තේ,
තම ඇසේ කළුරුවාව සේ රක්ෂා කරමිනි.
11රාජාලියකු තම කැදැල්ල අවුස්සා,
තම පැටවුනට ඉහළින් අත්තටු විහිදා,
උන් අල්ලා ගන්නට අත්තටු විහිදා,
උගේ පියාපත් පිට උන් දරාගෙන යන ලෙසිනි.
12ඔහුට මග පෙන්වූයේ ස්වාමින්වහන්සේ පමණෙකි.
උන්වහන්සේ සමඟ විදේශීය දෙවියෙක් නො වී ය.
13දේශයේ උස් තැන්හි නැගී යෑමට ඔහුට මං සැලසූ උන්වහන්සේ,
වතු පිටිවල පලවලින් ඔහු පෝෂ්‍ය කළහ.
උන්වහන්සේ ඔහු පිනවූයේ,
පර්වතයේ මී පැණි හා ගිනි-ගල් පව්වේ තෙල්වලිනි;
14එළු, බැටළු, ගව රංචුවල කිරෙන් සහ දී කිරෙනි;
තර කළ බැටළු පැටවුන් හා එළුවන්ගෙනි.
බාෂාන්හි අනගි බැටළුවන්ගෙන් හා
හොඳ ම තිරිඟු කරලිනි.
මිදි පලයේ රුධිරය වන පෙණ දමන මිදි යුෂ ඔබ බීවෙහි ය.
15යෙෂුරූන්#32:15 යෙෂුරූන් ඉශ්‍රායෙල් හඳුන්වන කාව්‍යමය නාමයකි. තර වී, පයින් ගැසී ය.
අහරින් පිරී, බරින් වැඩි වී, සුමුදු වූයේ ය.
තමා සෑදූ දෙවියන්වහන්සේ අත් හළ ඔහු,
තම මිදුම්කාර පර්වතයාණන් එපා කළේ ය.
16තම විදෙස් දෙවිවරුන් මගින් උන්වහන්සේ ඊර්ෂ්‍යාවට පත් කළ ඔවුහු
තම දේව පිළිම පිළිකුල මගින් උන්වහන්සේ කෝප ගැන්වූහ.
17දෙවිඳුන් නො වන ඔවුන් නො දැන සිටි දෙවි දේවතාවුන්ට,
මෑතකදී පෙනී සිටි දෙවිවරුන්ට,
ඔබේ පියවරුන් බිය නො වූ දෙවිවරුන්ට,
දෙවි නො වන යක්ෂාත්මයනට ඔවුහු යාග පිදූහ.
18ඔබ ජනිත කළ පර්වතයාණන් අතැර දැමූ ඔබ,
ඔබ ඉපැදූ දෙවියන්වහන්සේ අමතක කළේ ය.
19 ස්වාමින්වහන්සේ එය දුටු සේක්, ඔවුන් ප්‍රතික්ෂේප කළ සේක.
මන්ද උන්වහන්සේගේ දූ පුතුන් ම උන්වහන්සේ උදහස් කර ඇත.
20උන්වහන්සේ පැවසුවේ, “ඔවුන් අගතිගාමී පරපුරක් ද
අවිශ්වාසවන්ත දරුවන් ද වන බැවින්,
මම ඔවුන් වෙතින් මගේ මුහුණ සඟවා ගතිමි.
ඔවුන්ගේ අවසානය කෙසේ වේ දැයි බලමි.
21දෙවියන් නො වන දේවලින් මා ඊර්ෂ්‍යාවට පත් කළ ඔවුහු,
නිෂ්ඵල පිළිම මගින් මා කෝපයට පත් කළහ.
එබැවින් ජනතාවක් නො වන්නවුන් මගින් මම ඔවුන් ඊර්ෂ්‍යාවට පත් කරන්නෙමි.
අඥාන ජාතියක් ලවා මම ඔවුන් කෝපයට පත් කරමි.
22පාතාල පත්ලට ම ඇවිළ යන ගින්නක්
මගේ උදහසින් ඇවිළී,
පොළොවත් එහි අස්වැන්නත් දවා දමන්නේ ය.
කඳුවල පදනම් ද ගිනිලනු ලැබේ.
23“ඔවුන් පිට මම විපත්ති ගොඩ ගසමි.
ඔවුන්ට එරෙහිව මගේ හී ගස් යවමි.
24ඔවුන්ට එරෙහිව මම හානිකර සාගතයක් ද
විනාශකාරී වසංගතයක් ද මාරක ව්‍යසනයක් ද එවන්නෙමි.
ඔවුනට එරෙහිව මම වල් සතුන්ගේ තියුණු දත් හා
දූලියෙහි ඇදී යන සර්ප විස එවන්නෙමි.
25වීදියේ අසිපත, ඔවුන්ට දරුවන් අහිමි කරයි;
ඔවුන්ගේ නිවෙස්හි භීතිය රජ කරයි.
යෞවන යෞවනියන්,
අත දරුවන් හා වැඩිමහල්ලන් ද වැනසී යනු ඇත.
26‘මම ඔවුන් විසුරුවන්නෙමි;
ඔවුන් ගැන මතකය, මිනිසුන් වෙතින් මකා දමන්නෙමි’ යි කීවෙමි.
27එහෙත් විරුද්ධවාදීන්, වැරදි වැටහීමෙන්,
‘මේ හැම කළේ ස්වාමින්වහන්සේ නො වේ.
අපේ ම අතින් අපි ජය ගතිමු’ යි
සතුරා සරදම් කරනු ඇතැයි බියවීමි.”
28ඔවුහු දැනීමක් නැති ජාතියකි;
ඔවුන් තුළ වැටහීමක් නැත.
29මේ දෑ පමණක් වටහා ගන්නට ඔවුන් නැණවත් වේ නම්!
තමන්ගේ අවසානය කවරක් වේ දැයි වටහා ගනිත් නම්!
30ඔවුන්ගේ පර්වතයාණෝ මොවුන් නො වික්ක සේක් නම්,
ස්වාමින්වහන්සේ ඔවුන් අත්හැර නැති නම්,
දහසක් පන්නා දමන්නට එක් කෙනකුටත්,
දස දහසක් පලවා හරින්නට දෙදෙනකුටත් හැකි වන්නේ කෙලෙස ද?
31ඔවුන්ගේ පර්වතය, අපගේ පර්වතයාණන් මෙන් නො වන වග,
අපේ සතුරෝ පවා පිළිගනිති.
32ඔවුන්ගේ මිදි වැල පැමිණෙන්නේ, සොදොම්හි මිදි වැලෙනි;
ගොමොරාහි කෙත්වලිනි.
ඔවුන්ගේ මිදි පල විසෙන් පිරී ඇත.
ඔවුන්ගේ මිදි වලු තිත්ත ය.
33ඔවුන්ගේ මිදි යුෂ, සර්ප විස ය;
නාගයින්ගේ මාරක විස ය.
34“මා මෙය වෙන් කොට තබා නො ගත්තේ ද?
මගේ සේප්පුවේ ලා, මුද්‍රා තැබුවේ නැති ද?
35පළි ගැනීම මා සතු ය: මම විපාක දෙන්නෙමි;
කාලය එළැඹි කල, ඔවුන්ගේ පය ලිස්සා යයි.
ඔවුන්ගේ විපත්ති දවස ළඟ ය.
අත් විය යුතු ඉරණම, ඔවුන් පිට වහ වහා පැමිණේ.”
36තම ජනයාගේ ශක්තිය හීන වී ඇති වග ද
වහල්, නිවහල් කිසිවකු ඉතිරි වී නැති වග ද දකින කල,
ස්වාමින්වහන්සේ, තම ජනයාට යුක්තිය ඉටු කර,
තම සේවකයිනට අනුකම්පා කරන සේක.
37උන්වහන්සේ කතා කරමින්, “ඔවුන් පිළිසරණ සෙවූ පර්වතය වන
ඔවුන්ගේ දෙවිවරුන් දැන් කොහේ ද?
38ඔවුන්ගේ යාග පූජාවල මේදය කෑ,
ඔවුන්ගේ පාන පූජාවල මිදි යුෂ බිවූ,
දෙවිවරු නැගිට ඔබට පිහිට වෙත්වා!
ඔවුහු ඔබට රැකවරණ දෙත්වා!
39“දැන් බලන්න! උන්වහන්සේ මා පමණක් ය.
මා හැර අන් දෙවි කෙනෙක් නැත.
මරණයට හෙළන්නේ මම ය; ජීවනයට ගෙනෙන්නේත් මම ය.
මම තුවාල කළෙමි. මම සුවපත් කරන්නෙමි.
මගේ අතින් මුදා ගත හැකි සමතකු නැත.
40ස්වර්ගයට මගේ අත ඔසවා, මම දිවුරා මෙසේ ප්‍රකාශ කරමි:
මා සදා ජීවත් වන වග සැබෑ සේ ම,
41දිළිසෙන මගේ අසිපත මා මුවහත් කොට,
විනිශ්චයේදී මා එය අතට ගත් කල,
මගේ සතුරන්ගෙන් මම පළිගන්නෙමි.
මට වෛර කරන්නන්ට විපාක දෙන්නෙමි.
42මරා දමන ලද්දවුන්ගේ හා අල්ලා ගනු ලැබූවන්ගේ ලෙයින් ද
සතුරන්ගේ දිගු කෙස් සහිත හිස්වලින් ද
මගේ හී, ලෙයින් මත් කරමි.
මගේ කඩුව, මාංස කා දමනු ඇත.”
43එම්බා ජාතීනි, උන්වහන්සේගේ ජනයා සමඟ ප්‍රීති වන්න.
මන්ද, උන්වහන්සේ තම සේවකයින්ගේ ලේවල පළිය ගන්නා සේක,
තම සතුරන්ගෙන් පළි ගන්නා සේක.
තම දේශය හා තම ජනතාව උදෙසා පාප වන්දි නිවාරණය ඉටු කරන සේක.
44නූන්ගේ පුත් යෝෂුවා#32:44 යෝෂුවා හෙබ්‍රෙව් හොෂෙයා සමඟ පැමිණි මෝසෙස්, ජනයා අසා සිටියදී, මේ ගීතයේ වචන සියල්ල පැවසී ය. 45මේ සියලු වචන මෝසෙස් මුළු ඉශ්‍රායෙල්ට හඬ නගා කියවූ පසු, 46ඔවුන් අමතමින්, “මෙම නීති පද්ධතියේ සියලු වචනවලට සැලකිල්ලෙන් කීකරු වන ලෙස ඔබේ දරුවන්ට අණ කරන පිණිස, මා අද අවධාරණයෙන් ඔබට ප්‍රකාශ කරන මේ සියලු වචන සිතට ගන්න. 47ඒවා ඔබට හුදු බොල් වචන නො වේ. ඒවා ඔබේ ජීවනයයි. අත්කර ගැන්මට යොර්දානෙන් එතෙර ව ඔබ යන දේශයේ ඒවා මගින් ඔබ දිගු කල් වෙසෙනු ඇත.”
මෝසෙස් නෙබෝ කන්ද මත
48ඒ දවසේ ම ස්වාමින්වහන්සේ මෝසෙස් ඇමතූ සේක්, 49“යෙරිකෝවෙන් මෙගොඩ මෝවබ් දේශයේ අබාරීම් කඳු පෙළෙහි නෙබෝ කන්දට නැග, ඉශ්‍රායෙල් ජනයාගේ උරුමය වශයෙන් මා ඔවුනට දෙන කානාන් දේශය නරඹන්න. 50ඔබ නැගුණු ඒ කන්දේදී ඔබ මියෙනු ඇත. ඔබේ සහෝදර ආරොන් හෝර් කන්දේ මියැදී, සැතපුණු තම ජනයා වෙත එක් කරනු ලැබූ සේ ම ඔබත්, සැතපුණු ඔබේ ජනයා අතරට එක් කරනු ලබනු ඇත. 51එසේ වන්නේ, සීන් කාන්තාරයේ මෙරීබා-කාදෙෂ් ජලය අසල ඉශ්‍රායෙල් ජනයා ඉදිරිපිට ඔබ දෙදෙනා මා හා වූ විශ්වසනීයත්වය කඩ කළ නිසා ය. ඉශ්‍රායෙල් ජනයා අතරෙහි මගේ පාරිශුද්ධත්වය ඔබ රක්ෂා නො කළ නිසා ය. 52එබැවින්, දුර සිට ඔබ ඒ දේශය නරඹනවා පමණි. ඉශ්‍රායෙල් ජනතාවට මා දෙන දේශයට ඔබ ඇතුළු වන්නේ නැතැ” යි පැවසූ සේක.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Holy Bible, Sinhala Contemporary Version™ | © 1980, 1991, 1994, 2011, 2020, 2025 by Biblica, Inc. | Used with permission. All rights reserved worldwide.