Teu Maan Caoh 4
4
Ihz mat Petros kaar Yohn
1Meuz Petros kaar Yohn yeung rawz aez boh ihz nahz ne, saangz longz teur ka, ihz mawh siukz pao wat boh Saduse teur ka keui phraeoz truz. 2Keuh sunz ca tawiz traz an kaar rawz aez ihz nahz lawng Tahz Yesuhz meu rae imz thaz reung dengz yam. 3Kawp ceun diz keuh mat kaar mok tuhz khawk taw phraeoz kap siz, kawp daz seu ngihz a wa keutz. 4Keuiz daz ihz an bawnz ngarz keui keuh yum rae, keur meh pan naeh kraao hanz rengz.
5Ceun ngup kap siz ne, ihz peur aacz Yio, thao pruh thao kaang, boh ihz mawz kyaamz keui teur cuhz daehz tuhz weng Yerusalem. 6Tang ceu beunz Annas tang Kaiaphas, Yohn, Alesander boh ihz kaang ceu beunz keui kaw teur cuhz daehz tuhz weng Yerusalem. 7Keuh cao Petros kaar Yohn ceng aacz ngaai daehz rae maanyz, “Paarz leh taanz khoz naehz boh leh mus yaeh cih keu ni a?”
8Petros kaw neuk tang Khuanz Seu Ngamz tawpz daz, “Ihz peur aacz boh thao pruh thao kaang aez, 9meu ni beuk aaiz bawnz khaam ihz caetz daehz, kawp aaiz cih kez cuz kaai ihz cawng yam ne cih seu naez bilz truz daz kaw, 10pehz boh kheuz Israel keui, pehz lo mas ihz an ceng aacz ngaai pehz ne moh rak truz kawp taanz khoz boh mus Tahz Yesuhz Khris ihz weng Nasaret, an pehz leh Hnhz piamz kaai lakz keun rang klawngz klaengz rae Phraz Pen Caoh leh Hnhz meu rae imz. 11Tahz Yesuhz ne naeh ceun tuhz kyaamz lik daz, ‘Reu aangz an ihz mok thengz meuz cih kaang ne, mial sapz tawz seu dukz thaz cawkz boh.’ 12Naeh taw Tahz Yesuhz pan, naeh tahz khyawt. Neuz lak mus Hnhz, tuhz prih keu tehz ne, nam maang thaengz mus khyawt leui.” 13Ihz an kut tuhz cumz rumz ihz mawh keui teur aacz daehz sangz Petros kaar Yohn yaak baaiz, kawp daz kaar nam ti sawnz lik, naeh ihz cih suamz kaanz. Keuh tang ngaai kaar a wa tomz lan tawiz Tahz Yesuhz. 14Keuiz daz ihz cawng yam a wa rak ne ceng kawmz boh kaar, keuh nam caang tawpz naehz.
15Keuh cao kaar lae lan thaz nawk rumz seu co, teur daz daehz nahz, 16“Ehz ngaz cih seu naez kaai kaar. Ihz weng Yerusalem keui kaw a wa mas an laak laaiz rak seum sangz an kaar cih, ehz nam caang tawpz thiangz naehz. 17Keuiz daz reu oiz an ni yak aez prae lan thaengz ne, ehz lawkz kyaamz kyaamz kaar, yak aez kaar leh mus Yesuhz rawz plaez thaengz ihz nahz leui.” 18Keuh mial raak kaar kut, lao kaar nahz, yak aez kaar leh mus Yesuhz rawz plaez ihz nahz hawkz hawkz leui.
19Keuiz daz Petros kaar Yohn tawpz daz keuh nahz, “Pehz wonz yawt rak rak luz. Aacz ngaai Phraz Pen Caoh ne aaiz ngaz bawnz teuk ngarz mony reu ma pehz leuz lak mony reu ma Phraz Pen Caoh hiuz? 20Aaiz nam nyeun bawnz, beuk nam bawnz rawz plaez an aaiz awlz an aaiz ngarz a.” 21Keuh lawkz thaengz kaar, plawiz weng kaar kawp daz keuh nam awlz reung dengz kawi seum aez kaar nahz taam, kawp daz ihz keui lupz phrawz kez cuz Phraz Pen Caoh tawiz an a wa naeh peun keui. 22Kawp an laak laaiz penz kaai ihz cawng yam rak truz mial ne a saak hnhz a wa naeh ponz kawlz leuz.
Teu paez keui suz tawngz aez daehz maang phawmz yaak
23Waaiz Petros kaar Yohn lawt lae truz ne, weng phraeoz mial tuhz cumz daehz, kaar lao plaez keuh nahz lawng an beunz caangz boh thao pruh thao kaang keui daz daehz nahz. 24Meuz keuh ngarz ne teur aacz daehz penz phawmz teum prawm suz tawngz tawz Phraz Pen Caoh daz, “Tahz ehz naeh Tahz phaan cih kaang raaoz, keu tehz, paang laai boh an naeh tuhz keu diz hacz aamz. 25Tahz ehz leh mony khunz Dawit tawiz Khuanz Seu Ngamz ne daz, ‘Kawp naehz Ihz an nam anz kheuz Yio keui ronyz a? Kawp naehz Ihz keui kyaam maat maat a? 26Khunz tuhz prih keu tehz keui teur aacz daehz rawi ceng, ihz peur aacz keui teur aacz daehz teur cuhz daehz cih khatz Phraz Cen Cen boh Tahz Khris.’ 27Tuhz weng Yerusalem kaw khunz Herot boh khunz Pontius Pilat ne teur cuhz tang ihz an nam anz kheuz Yio boh kheuz Israel keui rae tawpz thiangz Tahz Yesuhz, Kuanz Leng an seu ngamz Phraz Pen Caoh, an Phraz Pen Caoh khaanz Hnhz naeh Khris. 28Ceun taanz khoz Tahz ehz boh ceun phawmz Tahz ehz dawhz an kyaam mok thaz meuz neungz, keuh teum prawm aez daehz bawnz cih klawhz meoz. 29Oz Phraz Cen Cen, seu ni tang tang mok an keuh lawkz suamz ihz, cih aez kuanz leng Tahz ehz keui nahz aez rawz yaak yaak se kamz. 30Teuk yawr tihz Tahz ehz rae, aez ihz keui moh rak. Leh mus Tahz Yesuhz an naeh kuanz leng Tahz ehz an seu ngamz rae, cih an laak laaiz boh rak seum sangz se kamz.” 31Waaiz keuh suz tawngz, ti keuh teur cuhz daehz ne keusz yeuk yeuk. Khuanz Seu Ngamz neuk kaai keuh rae, keuh rawz mony reu ma Phraz yaak yaak.
Teu paez keui teur phraez aez phrihz phrahz an keuh maang
32Kuanz mai yum yam keui naeh seu phawmz kawmz, nam maang ihz daz kreung mih kreung ohz, cao teur kawmz hacz aamz. 33Teu maan keui kaw khaam saak se lawng Tahz Yesuhz meu rae imz tawiz taanz khoz an mawh, Phraz Pen Caoh thawkz aez ihz nahz kez cuz Caoh heungz baaiz. 34Tuhz keuh ne nam maang ihz phaanz, kawp daz ihz maang kaang boh sraakz maar keui saz daehz eunz, truz mok langz 35aacz ngaai teu maan keui rae, keuh teur phraez aez ihz phaanz keui nahz. 36Meuz phangz an diz, Yosep an naeh kheuz Lewi, ihz klunz Siprus, teu maan keui peuk mus hnhz Barnabas, an loz daz ihz aez keum rang ne, 37saz sraakz daehz, leh paekz an bawnz ne truz aez tawz teu maan keui.
Currently Selected:
Teu Maan Caoh 4: ril
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Teu Maan Caoh 4
4
Ihz mat Petros kaar Yohn
1Meuz Petros kaar Yohn yeung rawz aez boh ihz nahz ne, saangz longz teur ka, ihz mawh siukz pao wat boh Saduse teur ka keui phraeoz truz. 2Keuh sunz ca tawiz traz an kaar rawz aez ihz nahz lawng Tahz Yesuhz meu rae imz thaz reung dengz yam. 3Kawp ceun diz keuh mat kaar mok tuhz khawk taw phraeoz kap siz, kawp daz seu ngihz a wa keutz. 4Keuiz daz ihz an bawnz ngarz keui keuh yum rae, keur meh pan naeh kraao hanz rengz.
5Ceun ngup kap siz ne, ihz peur aacz Yio, thao pruh thao kaang, boh ihz mawz kyaamz keui teur cuhz daehz tuhz weng Yerusalem. 6Tang ceu beunz Annas tang Kaiaphas, Yohn, Alesander boh ihz kaang ceu beunz keui kaw teur cuhz daehz tuhz weng Yerusalem. 7Keuh cao Petros kaar Yohn ceng aacz ngaai daehz rae maanyz, “Paarz leh taanz khoz naehz boh leh mus yaeh cih keu ni a?”
8Petros kaw neuk tang Khuanz Seu Ngamz tawpz daz, “Ihz peur aacz boh thao pruh thao kaang aez, 9meu ni beuk aaiz bawnz khaam ihz caetz daehz, kawp aaiz cih kez cuz kaai ihz cawng yam ne cih seu naez bilz truz daz kaw, 10pehz boh kheuz Israel keui, pehz lo mas ihz an ceng aacz ngaai pehz ne moh rak truz kawp taanz khoz boh mus Tahz Yesuhz Khris ihz weng Nasaret, an pehz leh Hnhz piamz kaai lakz keun rang klawngz klaengz rae Phraz Pen Caoh leh Hnhz meu rae imz. 11Tahz Yesuhz ne naeh ceun tuhz kyaamz lik daz, ‘Reu aangz an ihz mok thengz meuz cih kaang ne, mial sapz tawz seu dukz thaz cawkz boh.’ 12Naeh taw Tahz Yesuhz pan, naeh tahz khyawt. Neuz lak mus Hnhz, tuhz prih keu tehz ne, nam maang thaengz mus khyawt leui.” 13Ihz an kut tuhz cumz rumz ihz mawh keui teur aacz daehz sangz Petros kaar Yohn yaak baaiz, kawp daz kaar nam ti sawnz lik, naeh ihz cih suamz kaanz. Keuh tang ngaai kaar a wa tomz lan tawiz Tahz Yesuhz. 14Keuiz daz ihz cawng yam a wa rak ne ceng kawmz boh kaar, keuh nam caang tawpz naehz.
15Keuh cao kaar lae lan thaz nawk rumz seu co, teur daz daehz nahz, 16“Ehz ngaz cih seu naez kaai kaar. Ihz weng Yerusalem keui kaw a wa mas an laak laaiz rak seum sangz an kaar cih, ehz nam caang tawpz thiangz naehz. 17Keuiz daz reu oiz an ni yak aez prae lan thaengz ne, ehz lawkz kyaamz kyaamz kaar, yak aez kaar leh mus Yesuhz rawz plaez thaengz ihz nahz leui.” 18Keuh mial raak kaar kut, lao kaar nahz, yak aez kaar leh mus Yesuhz rawz plaez ihz nahz hawkz hawkz leui.
19Keuiz daz Petros kaar Yohn tawpz daz keuh nahz, “Pehz wonz yawt rak rak luz. Aacz ngaai Phraz Pen Caoh ne aaiz ngaz bawnz teuk ngarz mony reu ma pehz leuz lak mony reu ma Phraz Pen Caoh hiuz? 20Aaiz nam nyeun bawnz, beuk nam bawnz rawz plaez an aaiz awlz an aaiz ngarz a.” 21Keuh lawkz thaengz kaar, plawiz weng kaar kawp daz keuh nam awlz reung dengz kawi seum aez kaar nahz taam, kawp daz ihz keui lupz phrawz kez cuz Phraz Pen Caoh tawiz an a wa naeh peun keui. 22Kawp an laak laaiz penz kaai ihz cawng yam rak truz mial ne a saak hnhz a wa naeh ponz kawlz leuz.
Teu paez keui suz tawngz aez daehz maang phawmz yaak
23Waaiz Petros kaar Yohn lawt lae truz ne, weng phraeoz mial tuhz cumz daehz, kaar lao plaez keuh nahz lawng an beunz caangz boh thao pruh thao kaang keui daz daehz nahz. 24Meuz keuh ngarz ne teur aacz daehz penz phawmz teum prawm suz tawngz tawz Phraz Pen Caoh daz, “Tahz ehz naeh Tahz phaan cih kaang raaoz, keu tehz, paang laai boh an naeh tuhz keu diz hacz aamz. 25Tahz ehz leh mony khunz Dawit tawiz Khuanz Seu Ngamz ne daz, ‘Kawp naehz Ihz an nam anz kheuz Yio keui ronyz a? Kawp naehz Ihz keui kyaam maat maat a? 26Khunz tuhz prih keu tehz keui teur aacz daehz rawi ceng, ihz peur aacz keui teur aacz daehz teur cuhz daehz cih khatz Phraz Cen Cen boh Tahz Khris.’ 27Tuhz weng Yerusalem kaw khunz Herot boh khunz Pontius Pilat ne teur cuhz tang ihz an nam anz kheuz Yio boh kheuz Israel keui rae tawpz thiangz Tahz Yesuhz, Kuanz Leng an seu ngamz Phraz Pen Caoh, an Phraz Pen Caoh khaanz Hnhz naeh Khris. 28Ceun taanz khoz Tahz ehz boh ceun phawmz Tahz ehz dawhz an kyaam mok thaz meuz neungz, keuh teum prawm aez daehz bawnz cih klawhz meoz. 29Oz Phraz Cen Cen, seu ni tang tang mok an keuh lawkz suamz ihz, cih aez kuanz leng Tahz ehz keui nahz aez rawz yaak yaak se kamz. 30Teuk yawr tihz Tahz ehz rae, aez ihz keui moh rak. Leh mus Tahz Yesuhz an naeh kuanz leng Tahz ehz an seu ngamz rae, cih an laak laaiz boh rak seum sangz se kamz.” 31Waaiz keuh suz tawngz, ti keuh teur cuhz daehz ne keusz yeuk yeuk. Khuanz Seu Ngamz neuk kaai keuh rae, keuh rawz mony reu ma Phraz yaak yaak.
Teu paez keui teur phraez aez phrihz phrahz an keuh maang
32Kuanz mai yum yam keui naeh seu phawmz kawmz, nam maang ihz daz kreung mih kreung ohz, cao teur kawmz hacz aamz. 33Teu maan keui kaw khaam saak se lawng Tahz Yesuhz meu rae imz tawiz taanz khoz an mawh, Phraz Pen Caoh thawkz aez ihz nahz kez cuz Caoh heungz baaiz. 34Tuhz keuh ne nam maang ihz phaanz, kawp daz ihz maang kaang boh sraakz maar keui saz daehz eunz, truz mok langz 35aacz ngaai teu maan keui rae, keuh teur phraez aez ihz phaanz keui nahz. 36Meuz phangz an diz, Yosep an naeh kheuz Lewi, ihz klunz Siprus, teu maan keui peuk mus hnhz Barnabas, an loz daz ihz aez keum rang ne, 37saz sraakz daehz, leh paekz an bawnz ne truz aez tawz teu maan keui.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.