Teu Maan Caoh 27
27
Paul tumz ceun luang lan weng Rom
1Meuz diz khunz Phestus cao ehz tumz ceun luang lan prih Itali rae ihz keui aapz Paul boh ihz klaez thang keui tuhz tihz ihz mawh siukz an upz seu peur ya tuhz cumz khunz longz, mus hnhz daz Yulius an upz siukz khunz longz. 2Ehz tumz ceun luang an truz thaz weng Adramittium, naeh ceun luang ngaz lan tawiz tiu prih Asia. Aristarkhus naeh ihz prih Makedoni an truz thaz weng Thessalonika kaw lan tawiz ehz. 3Ceun kap siz ne ehz deukz tawz tiu weng Sidon. Yulius phawmz rak cu Paul rae aez hnhz khahz keulz tawiz bohz raen, ceun hnhz lo keui kaw keuh kawr hnhz. 4Meuz ehz lae thaz a diz ne kurz nam tawz rae bawnz lan thaz ti seun tapz kurz plaakz keun bongz klunz Siprus. 5Ehz datz paang laai thatz prih Silisia boh prih Pamphilia rae phraeoz weng Mira tuhz prih Lisia. 6Tawz weng an diz ihz mawh siukz an upz seu peur ya ne, awlz ceun luang an truz thaz weng Alesandria, tuhz prih Ekip ngaz lan thaz prih Itali rae hnhz cao ehz tumz an diz.
7Ehz lan lawiz lawiz heungz seu ngihz rae phraeoz kreuk kreuk an thatz weng Cnidus. Kurz nam tawz, nam caang lan thaengz rae ehz datz lan rim weng Salmone tuhz cawkz klunz Krete ne lan tawiz ti seun tapz kurz plaakz seun daalz klunz Krete. 8Lan kreuk lan lawiz lawiz rae phraeoz Tiu Pras rim weng Lasea.
9Ehz thangz a diz ceu nawhz baaiz, seu ngihz sinz pawiz lawt reung dengz kawi paw peun. A wa kut tuhz kiarz nam rak seum lo paang laai leui rae Paul aez keuh nahz seu tih, 10“Raen keui aez, beuk ehz lo paang laai seu ni kaw ohz mas, nam kaz taw ceun luang boh kreung keui ngaz luh sumz a, teuk luh pa tang phawmz ehz.” 11Keuiz daz ihz mawh siukz an upz seu peur ya nam teuk ngarz Paul, teuk ngarz mony ihz wit boh tahz ceun luang. 12Kawp daz nam rak seum thangz tawz tiu an diz tuhz kiarz katz. Ihz tang heungz keui daz khanz penz bawnz kaw lan phraeoz phraeoz weng Phoenis kyaam thangz a diz. Tiu Phoenis samz naeh tuhz klunz Krete rae waaiz ngaai cu thaz reu keutz seun daalz boh thaz reu keutz keun bongz.
Cung coh tuhz paang laai
13Meuz kurz seun daalz pat lawiz lawiz ne ihz keui thaang caang peun boh rae koz mok teun wawkz seum peuk deukz kaw lan tawiz thatz thatz waar klunz Krete. 14Keuiz daz nam paw moh ceu nawhz kurz thaz reu lae keun bongz pat krang truz thaz pukz. 15Kurz pat ceun luang ne ehz nam pae bawnz kurz rae loiz lan tawiz kurz boh. 16Meuz loiz lan tawiz kurz phraeoz plaakz seun daalz klunz kyehz Kauda ne, ehz leh phrawz kreuk kreuk ceun luang kyehz keui mok mial ti daehz. 17Keuh leh ceun luang kyehz keui a wa mok tuhz ceun luang kaw leh nuarz mat tawiz aez ceun luang khreumz. Doz ceun luang khamz klunz omz daelz Sirtis rae plawiz cur seum peuk deukz, koz mok piangz ceun luang kaw aez loiz lan tawiz kurz daz boh. 18Seu ngihz kap siz kaw yeung maang boh kurz longz rae keuh leh thengz kun teur ka. 19Kaai waiz seu ngihz ne keuh leh thengz kreung ceun luang teur ka. 20Ehz nam awlz seu ngihz, seuk muny heungz seu ngihz baaiz, cung kurz keui yeung krang rae ehz nam maang ti mang ta te lawt.
21Ihz keui nam suamz seum suamz ceu nawhz baaiz, Paul ceng teun khinz keuh daz, “Ihz keui aez, beuk pehz teuk ngarz mony ohz nam lae truz thaz klunz Krete kaw te nam luh sumz ceun ni. 22Keuiz daz yak phawmz kyehz, naeh ceun luang pan ngaz luh a, tuhz pehz ne yaeh nam bawnz luh teun akz. 23Phraz Pen Caoh an naeh Tahz ohz, an ohz koz kwaai ne teu maan kaang raaoz Hnhz truz cu ohz seum wawh rae daz, 24‘Paul aez, yak doz! Mih te phraeoz boh aacz ngaai khunz longz. Phraz Pen Caoh yawt ngaai mih rae ihz tumz ceun luang tawiz mih keui bawnz lawt phez yam.’ 25Kawp ceun diz yak ngaat. Ohz naeh ihz yum Phraz Pen Caoh rae te naeh boh ceun Hnhz lao keuiz. 26Keuiz daz ceun luang ne ngaz loiz hakz kaai waar klunz seu ti ti.”
27Kaai seu kawlz ponz seu ngihz ne ceun luang ehz loiz lan tawiz kurz tuhz paang laai Mediterranean, kraao khinz sawmz ne ihz tumz ceun luang keui thaang daehz naeh thatz waar. 28Keuh taek yawt omz truh naeh aarz kawlz tapz. Peun lan thaengz a diz nyaenz ne taek yawt thaengz naeh seu kawlz hanz tapz. 29Keuh doz ceun luang lan lawz phlaan reu aangz rae plawiz peun cur seum peuk deukz keu ponz thaz titz ceun luang, keuh kaw teur aacz daehz suz tawngz aez prih thaangz. 30Ihz tumz ceun luang keui kyaam tiunz rae keuh seuk cih daehz leh teuk klaez seum peuk deukz thaz kingz ceun luang, keuiz daz keuh leh teuk klaez ceun luang kyehz tuhz omz. 31Paul lao ihz mawh siukz an upz seu peur ya boh siukz keui nahz, “Keuh keu ni beuk nam moh kaai ceun luang kaw nam lawt yam.” 32Meuz ceun diz siukz keui mak nuarz mat ceun luang kyehz rae teuk klaez thengz.
33Aacz prih thaangz ne Paul sawz aez ihz keui suamz seum suamz rae daz, “Pehz kawcz phawmz ta seu kawlz ponz seu ngihz thapz thapz rae nam suamz seum suamz naehz. 34Kawp ceun diz suamz raez, aez maang keum rang. Hukz kingz pehz seu senz kaw nam bawnz luh.” 35Paul leh kaaiz mun lupz phrawz kez cuz Phraz Pen Caoh aacz ngaai keuh kaw pekz suamz. 36Keuh hacz aamz kaw teur aacz daehz sa phawmz rae suamz. 37Ihz tumz ceun luang naeh aarz peur ya plawi pulz kawlz tualz. 38Suamz saakz klawhz ihz kaw wiurz teuk klaez kohz kaaiz kyung keui tuhz omz rae aez ceun luang nyawngz.
Ceun luang luh
39Meuz prih thaangz ne ihz tumz ceun luang keui nam mas daehz phraeoz a naez kaw keuh awlz tiu ceun luang tawz waar omz wot ne rae kyaam lae seuk lang pukz an diz. 40Keuh mak teuk teutz nuarz seum peuk deukz teuk klaez tuhz omz, khawz thengz tang nuarz seur wah, aez caang peun waaiz kingz. Leh phrawz meu rae piangz ceun luang thaz kingz rae aez lan cu waar. 41Keuiz daz ceun luang ne phraeoz ti omz daelz rae deukz khamz. Kingz ceun luang teusz boh a omz daelz rae nam keusz. Thaz titz ceun luang samz seuk mar omz keui pat teuk peukz penz patz.
42Meuz ceun diz siukz keui doz ihz klaez thang keui ngawi omz tiunz rae kyaam piamz keuh. 43Keuiz daz ihz mawh siukz an upz seu peur ya ne sunz khyawt Paul rae kan yak aez siukz keui cih ceun diz. Hnhz cao ihz mawz ngawi omz keui teuk dawtz cur rae aez ngawi lan aacz. 44Hnhz cao ihz teur ka nahz leh khaehz patz keui, tang kreung ceun luang keui rae ngawi lan. Ehz hacz aamz lawt phez rae phraeoz lang pukz.
Currently Selected:
Teu Maan Caoh 27: ril
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Teu Maan Caoh 27
27
Paul tumz ceun luang lan weng Rom
1Meuz diz khunz Phestus cao ehz tumz ceun luang lan prih Itali rae ihz keui aapz Paul boh ihz klaez thang keui tuhz tihz ihz mawh siukz an upz seu peur ya tuhz cumz khunz longz, mus hnhz daz Yulius an upz siukz khunz longz. 2Ehz tumz ceun luang an truz thaz weng Adramittium, naeh ceun luang ngaz lan tawiz tiu prih Asia. Aristarkhus naeh ihz prih Makedoni an truz thaz weng Thessalonika kaw lan tawiz ehz. 3Ceun kap siz ne ehz deukz tawz tiu weng Sidon. Yulius phawmz rak cu Paul rae aez hnhz khahz keulz tawiz bohz raen, ceun hnhz lo keui kaw keuh kawr hnhz. 4Meuz ehz lae thaz a diz ne kurz nam tawz rae bawnz lan thaz ti seun tapz kurz plaakz keun bongz klunz Siprus. 5Ehz datz paang laai thatz prih Silisia boh prih Pamphilia rae phraeoz weng Mira tuhz prih Lisia. 6Tawz weng an diz ihz mawh siukz an upz seu peur ya ne, awlz ceun luang an truz thaz weng Alesandria, tuhz prih Ekip ngaz lan thaz prih Itali rae hnhz cao ehz tumz an diz.
7Ehz lan lawiz lawiz heungz seu ngihz rae phraeoz kreuk kreuk an thatz weng Cnidus. Kurz nam tawz, nam caang lan thaengz rae ehz datz lan rim weng Salmone tuhz cawkz klunz Krete ne lan tawiz ti seun tapz kurz plaakz seun daalz klunz Krete. 8Lan kreuk lan lawiz lawiz rae phraeoz Tiu Pras rim weng Lasea.
9Ehz thangz a diz ceu nawhz baaiz, seu ngihz sinz pawiz lawt reung dengz kawi paw peun. A wa kut tuhz kiarz nam rak seum lo paang laai leui rae Paul aez keuh nahz seu tih, 10“Raen keui aez, beuk ehz lo paang laai seu ni kaw ohz mas, nam kaz taw ceun luang boh kreung keui ngaz luh sumz a, teuk luh pa tang phawmz ehz.” 11Keuiz daz ihz mawh siukz an upz seu peur ya nam teuk ngarz Paul, teuk ngarz mony ihz wit boh tahz ceun luang. 12Kawp daz nam rak seum thangz tawz tiu an diz tuhz kiarz katz. Ihz tang heungz keui daz khanz penz bawnz kaw lan phraeoz phraeoz weng Phoenis kyaam thangz a diz. Tiu Phoenis samz naeh tuhz klunz Krete rae waaiz ngaai cu thaz reu keutz seun daalz boh thaz reu keutz keun bongz.
Cung coh tuhz paang laai
13Meuz kurz seun daalz pat lawiz lawiz ne ihz keui thaang caang peun boh rae koz mok teun wawkz seum peuk deukz kaw lan tawiz thatz thatz waar klunz Krete. 14Keuiz daz nam paw moh ceu nawhz kurz thaz reu lae keun bongz pat krang truz thaz pukz. 15Kurz pat ceun luang ne ehz nam pae bawnz kurz rae loiz lan tawiz kurz boh. 16Meuz loiz lan tawiz kurz phraeoz plaakz seun daalz klunz kyehz Kauda ne, ehz leh phrawz kreuk kreuk ceun luang kyehz keui mok mial ti daehz. 17Keuh leh ceun luang kyehz keui a wa mok tuhz ceun luang kaw leh nuarz mat tawiz aez ceun luang khreumz. Doz ceun luang khamz klunz omz daelz Sirtis rae plawiz cur seum peuk deukz, koz mok piangz ceun luang kaw aez loiz lan tawiz kurz daz boh. 18Seu ngihz kap siz kaw yeung maang boh kurz longz rae keuh leh thengz kun teur ka. 19Kaai waiz seu ngihz ne keuh leh thengz kreung ceun luang teur ka. 20Ehz nam awlz seu ngihz, seuk muny heungz seu ngihz baaiz, cung kurz keui yeung krang rae ehz nam maang ti mang ta te lawt.
21Ihz keui nam suamz seum suamz ceu nawhz baaiz, Paul ceng teun khinz keuh daz, “Ihz keui aez, beuk pehz teuk ngarz mony ohz nam lae truz thaz klunz Krete kaw te nam luh sumz ceun ni. 22Keuiz daz yak phawmz kyehz, naeh ceun luang pan ngaz luh a, tuhz pehz ne yaeh nam bawnz luh teun akz. 23Phraz Pen Caoh an naeh Tahz ohz, an ohz koz kwaai ne teu maan kaang raaoz Hnhz truz cu ohz seum wawh rae daz, 24‘Paul aez, yak doz! Mih te phraeoz boh aacz ngaai khunz longz. Phraz Pen Caoh yawt ngaai mih rae ihz tumz ceun luang tawiz mih keui bawnz lawt phez yam.’ 25Kawp ceun diz yak ngaat. Ohz naeh ihz yum Phraz Pen Caoh rae te naeh boh ceun Hnhz lao keuiz. 26Keuiz daz ceun luang ne ngaz loiz hakz kaai waar klunz seu ti ti.”
27Kaai seu kawlz ponz seu ngihz ne ceun luang ehz loiz lan tawiz kurz tuhz paang laai Mediterranean, kraao khinz sawmz ne ihz tumz ceun luang keui thaang daehz naeh thatz waar. 28Keuh taek yawt omz truh naeh aarz kawlz tapz. Peun lan thaengz a diz nyaenz ne taek yawt thaengz naeh seu kawlz hanz tapz. 29Keuh doz ceun luang lan lawz phlaan reu aangz rae plawiz peun cur seum peuk deukz keu ponz thaz titz ceun luang, keuh kaw teur aacz daehz suz tawngz aez prih thaangz. 30Ihz tumz ceun luang keui kyaam tiunz rae keuh seuk cih daehz leh teuk klaez seum peuk deukz thaz kingz ceun luang, keuiz daz keuh leh teuk klaez ceun luang kyehz tuhz omz. 31Paul lao ihz mawh siukz an upz seu peur ya boh siukz keui nahz, “Keuh keu ni beuk nam moh kaai ceun luang kaw nam lawt yam.” 32Meuz ceun diz siukz keui mak nuarz mat ceun luang kyehz rae teuk klaez thengz.
33Aacz prih thaangz ne Paul sawz aez ihz keui suamz seum suamz rae daz, “Pehz kawcz phawmz ta seu kawlz ponz seu ngihz thapz thapz rae nam suamz seum suamz naehz. 34Kawp ceun diz suamz raez, aez maang keum rang. Hukz kingz pehz seu senz kaw nam bawnz luh.” 35Paul leh kaaiz mun lupz phrawz kez cuz Phraz Pen Caoh aacz ngaai keuh kaw pekz suamz. 36Keuh hacz aamz kaw teur aacz daehz sa phawmz rae suamz. 37Ihz tumz ceun luang naeh aarz peur ya plawi pulz kawlz tualz. 38Suamz saakz klawhz ihz kaw wiurz teuk klaez kohz kaaiz kyung keui tuhz omz rae aez ceun luang nyawngz.
Ceun luang luh
39Meuz prih thaangz ne ihz tumz ceun luang keui nam mas daehz phraeoz a naez kaw keuh awlz tiu ceun luang tawz waar omz wot ne rae kyaam lae seuk lang pukz an diz. 40Keuh mak teuk teutz nuarz seum peuk deukz teuk klaez tuhz omz, khawz thengz tang nuarz seur wah, aez caang peun waaiz kingz. Leh phrawz meu rae piangz ceun luang thaz kingz rae aez lan cu waar. 41Keuiz daz ceun luang ne phraeoz ti omz daelz rae deukz khamz. Kingz ceun luang teusz boh a omz daelz rae nam keusz. Thaz titz ceun luang samz seuk mar omz keui pat teuk peukz penz patz.
42Meuz ceun diz siukz keui doz ihz klaez thang keui ngawi omz tiunz rae kyaam piamz keuh. 43Keuiz daz ihz mawh siukz an upz seu peur ya ne sunz khyawt Paul rae kan yak aez siukz keui cih ceun diz. Hnhz cao ihz mawz ngawi omz keui teuk dawtz cur rae aez ngawi lan aacz. 44Hnhz cao ihz teur ka nahz leh khaehz patz keui, tang kreung ceun luang keui rae ngawi lan. Ehz hacz aamz lawt phez rae phraeoz lang pukz.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.