यशैया 4

1त्यस दिन सात जना स्त्रीहरूले

एक जना मानिसलाई समात्नेछन्,

र यसो भन्‍नेछन्, “हामी आफ्नै भोजन खानेछौँ;

अनि आफ्ना लुगाको प्रबन्ध आफैँ गर्नेछौँ;

तपाईं हाम्रो पति हुनुहोस्।

हाम्रो अपमान तपाईंले हटाइदिनुहोस्!”

याहवेहको हाँगा

2त्यस दिन याहवेहको हाँगा सुन्दर र महिमित हुनेछ; अनि जमिनको फल इस्राएलमा बाँचेकाहरूका निम्ति गर्व र महिमा हुनेछ। 3सियोनमा छोडिएका यरूशलेममा रहनेहरू सबै, जो यरूशलेममा बस्‍नेहरूको गन्तीमा आएका छन्, तिनीहरू पवित्र भनिनेछन्। 4प्रभुले सियोनका स्त्रीहरूको मैला धोइदिनुहुनेछ; उहाँले न्यायको आत्मा र आगोको आत्माले यरूशलेमबाट रगतका दागहरू सफा गरिदिनुहुनेछ। 5त्यसपछि याहवेहले सियोन पर्वतमाथि र त्यहाँ भेला हुने जातिमाथि दिनमा धुवाँको बादल अनि राति बल्दो आगोको ज्योति सृष्‍टि गरिदिनुहुनेछ; त्यस सम्पूर्ण महिमामाथि एउटा मण्डप हुनेछ। 6त्यो दिनको गर्मीबाट बच्ने आश्रय र छाया; अनि आँधी र वर्षाबाट बचाउने शरणस्थान र लुक्ने ठाउँ हुनेछ।

Currently Selected:

यशैया 4: NCV

Highlight

Copy

Compare

Want to have your highlights saved across all your devices? Sign up or sign in

पवित्र बाइबल, नेपाली समकालीन संस्करण

अनुमतिसहित प्रयोग गरिएको छ।

सम्पूर्ण अधिकार विश्‍वव्यापी रूपमा सुरक्षित रहनेछ।

Holy Bible, Nepali Contemporary Version

Learn More About पवित्र बाइबल, नेपाली समकालीन संस्करण