Zechariah 3
3
Kamsaangpa ii Thiampi Lianbelpa Mukholna
1Mukholna dang khat ah Topa in Thiampi Lianbel Joshua sia Topa vantunglalang mai ah dingin a om hong lak hi. Tuaciang Joshua kungah Satan ding a, ama mawsuan tu in kinging hi. #Ezra 5:2; Tpl 12:10 2Topa vantunglalang in Satan munah, “Topa in nang hong puavawk tahen, Satan awng! Jerusalem a it Topa in nang hong puavawk tahen. Hi sia pa in meikhuk sung pan a kiteen kik thingkhua khat taw kibang hi,” ci hi.
3Joshua in puansiate silhin tualai ah ding hi. 4Vantunglalang in a vantung sawllamhte munah, “Hi sia pa ii a silh puansia teng suutkeak vun,” ci hi. Tua zawkciang ama in Joshua munah “Na mawna teng kong laak keaksak zo a, na silh tu puan thakte kong pia tu hi,” ci hi.
5Ama in a sawllamhte munah, Joshua lu tungah dial thiang khat a khipsak natu in thupia hi. Tuabang ma in amate in seam uh a, Topa vantunglalang ii din sung teng ma in puan thakte ama kisilhsak hi.
6Tua zawkciang vantunglalang in Joshua tungah, 7Vaanglianbelpa Topa ii ci teng son hi: “Ka thukhamte zui in kong sawl tuamte na seam le, tuasia ciang ka Biakinnpi le a suumte na uk suak tu hi, tuaciang ka omna munah a om vantunglalangte thungetna ka zaak bangin na thungetnate kong za tu hi. 8Tua ahiciang nang, Thiampi Lianbel ahi Joshua awng, na ngai in; no, a thiampi seppuite awng, mailam hun phate ii limlakna ahite awng, ngai vun: Thingbaak a kici ka naseampa kong pualaak tu hi! #Jer 23:5; 33:15; Zec 6:12 9Joshua mai ah mai sali a nei suang khat nguak ka koi tu hi. Tua tungah lai kong khen tu a, ni khat thu in hi ngam ii mawna teng ka lakeak tu hi. 10Tua ni hong thet ciang, note khatsim in na sapitkungte le na theikungte taw a kidimna sungah kilemna le ngal muanna nga tu in hong pai natu na innpaamte tek na sam tu uh hi,” ci hi.#Mic 4:4
Currently Selected:
Zechariah 3: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Zechariah 3
3
Kamsaangpa ii Thiampi Lianbelpa Mukholna
1Mukholna dang khat ah Topa in Thiampi Lianbel Joshua sia Topa vantunglalang mai ah dingin a om hong lak hi. Tuaciang Joshua kungah Satan ding a, ama mawsuan tu in kinging hi. #Ezra 5:2; Tpl 12:10 2Topa vantunglalang in Satan munah, “Topa in nang hong puavawk tahen, Satan awng! Jerusalem a it Topa in nang hong puavawk tahen. Hi sia pa in meikhuk sung pan a kiteen kik thingkhua khat taw kibang hi,” ci hi.
3Joshua in puansiate silhin tualai ah ding hi. 4Vantunglalang in a vantung sawllamhte munah, “Hi sia pa ii a silh puansia teng suutkeak vun,” ci hi. Tua zawkciang ama in Joshua munah “Na mawna teng kong laak keaksak zo a, na silh tu puan thakte kong pia tu hi,” ci hi.
5Ama in a sawllamhte munah, Joshua lu tungah dial thiang khat a khipsak natu in thupia hi. Tuabang ma in amate in seam uh a, Topa vantunglalang ii din sung teng ma in puan thakte ama kisilhsak hi.
6Tua zawkciang vantunglalang in Joshua tungah, 7Vaanglianbelpa Topa ii ci teng son hi: “Ka thukhamte zui in kong sawl tuamte na seam le, tuasia ciang ka Biakinnpi le a suumte na uk suak tu hi, tuaciang ka omna munah a om vantunglalangte thungetna ka zaak bangin na thungetnate kong za tu hi. 8Tua ahiciang nang, Thiampi Lianbel ahi Joshua awng, na ngai in; no, a thiampi seppuite awng, mailam hun phate ii limlakna ahite awng, ngai vun: Thingbaak a kici ka naseampa kong pualaak tu hi! #Jer 23:5; 33:15; Zec 6:12 9Joshua mai ah mai sali a nei suang khat nguak ka koi tu hi. Tua tungah lai kong khen tu a, ni khat thu in hi ngam ii mawna teng ka lakeak tu hi. 10Tua ni hong thet ciang, note khatsim in na sapitkungte le na theikungte taw a kidimna sungah kilemna le ngal muanna nga tu in hong pai natu na innpaamte tek na sam tu uh hi,” ci hi.#Mic 4:4
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016