Titus 2
2
Upna Thubul Maan
1Ahihang nang na hile, upna thubul maan taw a kisi thute na hil kul tu hi. 2Pasal khanghaamzawte sia a kilawm bang ngamtatna nei tu, khuangaisun thei tu, amate le amate ki uk zo tu; a upna uh maan tu, ki itna nei tu, tuaciang thuak zawkna a nei natu uh in na hil in. 3Tuasia bangma, numei khanghaamzawte a thiangtho nuntakna taw a nungta numeite bangin, a ngamtat natu hil in. Amate sia ngual ngensia theite hi ngawl tu a, sapittui ii sila hi ngawl tu hi. Amate in a pha teng hil thei tu a, 4amate sungah numei khangmoizawte in a pasal uh le a tate uh a it natu in hil tu uh hi, 5amate le amate a ki uk zo, a thiangtho, tuaciang a pasalte ii thu a ni, bangkua nupi pha ahi thei tu in hil tu nu hi, tua hile Pathian kung pan hong pai thute, kuama in sonsia ngawl tu hi.
6Tuabang ma in pa khangmoite sia, amate le amate ki uk zawk natu in hanthawn ta'n. 7Na theampo ah ngamtat phatna taw kisai in nangma mama a ettee taak na hi kul tu hi. Na hilna sungah deisak takpina le thupi laakna taw hil in. 8Sit thei tu ahi ngawl kammal kilawmte zangh in, tua hile na ngalte in, ei huvau a sia hong pau natu, a heak ngawl uh ciangin, amate maizum thei tu uh hi.
9Sila te in na theampo sungah, a tote thu zawp tu a, amate lungkimsak tu hi. Amate kam zo kik ngawl tu a, 10a neisa nguksak ngawl tu hi. Tua hi zaw ngawlin, silate in, a tawntung a uphuai le mihing pha ahi hunlam a lak kul tu hi, tua hile ih Ngumpa Pathian thu kihilna sia a sepna theampo ah man neisak tu hi.
11Banghang ziam cile Pathian in mihing theampo ngupna nga natu in, a thuthiamna hong pualaak hi. 12Tua thu thiamna in, eite Pathian dei ngawl nuntakna zia, leitung taw kisai lungngul nate nusia in hong sawl a, hi leitung ah eima le eima a ki uk zo nuntakna, thutang le Pathian dei bang nuntaknate taw ih nuntak tu in hong hil hi. 13A lian ih Pathian le Hunpa Jesus Christ minthanna taw hong kilangh tu ih lam et thupha hong tun Ni ngak in, ih om laitak tuabangin ngamta tawng. 14Seksolna theampo pan ih suatak natu le ama bek ii neisa hi in, a pha sep tu a lawp, a thiangtho mite hong suasak natu in ama le ama sia ei atu hong kipia hi. #Ps 130:8; Pu 19:5; Thkna 4:20; 7:6; 14:2; 1 Pe 2:9
15Na thu hong ngaite, na hanthot ciang le na hil na pau ciangin nangma thuneina theampo na zangh in a, hi thute na hil ta'n. Amate kuama in nangma nomusak heak in.
Currently Selected:
Titus 2: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016