Romete 16
16
Aituam Paupuina
1Cenchreae pawlpi ah a seam ih suapuinu Phoebe sia note tungah ka pokna kam kong thaak hi. 2Pathian ii mihingte ngamtat tu bangin Topa min taw ama na saang vun a, tuaciangin huna zongh note tung panin a kisap babang na pia vun; banghang ziam cile ama in mihing tam ma ii lawm pha hi a, kei atu zong lawm pha khat ahi hi.
3Jesus Christ sungah ka naseppui Priscilla le Aquila tungah paupuina kam ka thaak hi; #Sawl 18:2 4Amate in kei atu in a nuntakna aitaa ngam hi; amate tungah ka lungdam hi — kei nguak bek zongh hi ngawlin, Gentile pawlpi mite theampo zongh a lungdam uh hi. 5Amate inn ah a kikhawm pawlpi tung zongh ah paupuina kam ka thaak hi.
Asia ngamkhen pan Christ a um phitbelpa, ka it ka lawm Epaenetus tung zongh ah paupuina kam ka thaak hi. 6Note atu in nasia takin na a seam Mary ka paupui hi. 7Ka Jew mipui, kei taw thongtaak khawm Andronicus le Junia tungah paupuina kam ka thaak hi; amate sia sawltakte in pha takin a heak uh hi a, kei sangin Tapidaw a suak masazawte ahi uh hi.
8Topa kipawlna sungah ih seppui Ampliatus ka it ka lawm zongh ka paupui hi. 9Christ nasepna sungah ih seppui Urbanus le Stachys ka it ka lawmte zongh ka paupui hi. 10Apelles ka paupui hi, ama ii Christ tungah a thumaanna sia sit natu om ngawl hi. Aristobulus innkuanpuite tungah paupuina kam ka thaak hi. 11Ka Jew mipui Herodion le Narcissus innkuanpuite sung Tapidaw suapuite ka paupui hi.
12Topa nasepna sungah a seam Tryphaena le Tryphosa luangin, Topa nasepna sungah nasia takin a seam ka it ka lawm Persis ka paupui hi. 13Topa nasepna sungah a kician tuamin a seam Rufus le a tapa bang tatak a hong vawt, a nu tungah paupuina kam ka thaak hi.#Mk 15:21 14Ka paupuina kam Asyncritus, Phlegon, Hermes, Patrobas le Hermas le a dang amate taw a om Christ mite ka thaak hi. 15Philologus le Julia, Nereus le a suapuinu le Olympas le amate taw a om Pathian mite theampo ka paupui siat hi.
16Khat le khat unau ki itna taw kipaupui in na kinamh vun. Christ pawlpite theampo in no hong paupui hi.
A khakbel Kihilna
17Suapuite awng: pawl khenna piangsak a, mihingte upna a lumlette, tuaciang na saansa kihilnate a langpante encik tavun a, amate kung pan na kikeam tavun. 18Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi. 19Lungdamna thu tungah na thumaan uh sia a kuama po in hong he a, tua hu in note huvau in ka lungdam hi. A pha nate ah na ciim tavun a, a sia tungtaang ah na paubaang heak vun. 20Tuaciang ih thinnopna ii naak ahi Pathian in Satan sia hai ngawlin na peang nuai ah siiktham tu hi.
Ih Topa Jesus thuthiamna in note taw hong om tahen.
21Ka naseppui Timothy in hong paupui hi; tuasia bangma Lucius, Jason le Sosipater, ka Jew minampuite zongh in hong paupui hi.#Sawl 16:1
22Hi lai a atpa keima, Tertius in Tapidaw kipaupuina lai kong thaak hi.
23A inn sia pawlpi kikhopna in a kizangh ka zintunna pa Gaius zongh in hong paupui hi; khuapi sumkeampa Erastus le ih suapui Quartus in hong paupui hi.#Sawl 19:29; 1 Cor 1:14; 2 Tim 4:20 24Ih Topa Jesus Christ ii thuthiamna note theampo taw hong om tahen.
Pokna Thunget Khupna
25Eite in Pathian tungah minthanna pia tawng. Jesus Christ huvau Lungdamna Thupha ka hilna bang le a bosa hun sau mama sungah a kiseal thumaan thutak hong kilak bangin Ama in na upna uh sungah kip takin na din thei natu in vawt thei hi. 26Tu in ahile kamsaangte lai atna sung panin tua thumaan thutak sia a kilanghtakna ah kikoi zo hi; tuaciangin a nungta tawntung Pathian sawlna taw minam theampo in um a, a nit thei natu in amate tungah kihesak zo hi.
27Ciimna namcin a nei, khatbek ahi Pathian tungah Jesus Christ tungtawnin minthanna kip tawntung tahen! Amen.
Currently Selected:
Romete 16: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Romete 16
16
Aituam Paupuina
1Cenchreae pawlpi ah a seam ih suapuinu Phoebe sia note tungah ka pokna kam kong thaak hi. 2Pathian ii mihingte ngamtat tu bangin Topa min taw ama na saang vun a, tuaciangin huna zongh note tung panin a kisap babang na pia vun; banghang ziam cile ama in mihing tam ma ii lawm pha hi a, kei atu zong lawm pha khat ahi hi.
3Jesus Christ sungah ka naseppui Priscilla le Aquila tungah paupuina kam ka thaak hi; #Sawl 18:2 4Amate in kei atu in a nuntakna aitaa ngam hi; amate tungah ka lungdam hi — kei nguak bek zongh hi ngawlin, Gentile pawlpi mite theampo zongh a lungdam uh hi. 5Amate inn ah a kikhawm pawlpi tung zongh ah paupuina kam ka thaak hi.
Asia ngamkhen pan Christ a um phitbelpa, ka it ka lawm Epaenetus tung zongh ah paupuina kam ka thaak hi. 6Note atu in nasia takin na a seam Mary ka paupui hi. 7Ka Jew mipui, kei taw thongtaak khawm Andronicus le Junia tungah paupuina kam ka thaak hi; amate sia sawltakte in pha takin a heak uh hi a, kei sangin Tapidaw a suak masazawte ahi uh hi.
8Topa kipawlna sungah ih seppui Ampliatus ka it ka lawm zongh ka paupui hi. 9Christ nasepna sungah ih seppui Urbanus le Stachys ka it ka lawmte zongh ka paupui hi. 10Apelles ka paupui hi, ama ii Christ tungah a thumaanna sia sit natu om ngawl hi. Aristobulus innkuanpuite tungah paupuina kam ka thaak hi. 11Ka Jew mipui Herodion le Narcissus innkuanpuite sung Tapidaw suapuite ka paupui hi.
12Topa nasepna sungah a seam Tryphaena le Tryphosa luangin, Topa nasepna sungah nasia takin a seam ka it ka lawm Persis ka paupui hi. 13Topa nasepna sungah a kician tuamin a seam Rufus le a tapa bang tatak a hong vawt, a nu tungah paupuina kam ka thaak hi.#Mk 15:21 14Ka paupuina kam Asyncritus, Phlegon, Hermes, Patrobas le Hermas le a dang amate taw a om Christ mite ka thaak hi. 15Philologus le Julia, Nereus le a suapuinu le Olympas le amate taw a om Pathian mite theampo ka paupui siat hi.
16Khat le khat unau ki itna taw kipaupui in na kinamh vun. Christ pawlpite theampo in no hong paupui hi.
A khakbel Kihilna
17Suapuite awng: pawl khenna piangsak a, mihingte upna a lumlette, tuaciang na saansa kihilnate a langpante encik tavun a, amate kung pan na kikeam tavun. 18Banghang ziam cile tuabangin a ngamtate in ih Topa Christ atu in a seamte hi ngawl a, amate ngilpi atu in a seamte ahi uh hi. Amate in kamneal le kisialpoknate taw bangma a he ngawl mihing pawlkhat a theam uh hi. 19Lungdamna thu tungah na thumaan uh sia a kuama po in hong he a, tua hu in note huvau in ka lungdam hi. A pha nate ah na ciim tavun a, a sia tungtaang ah na paubaang heak vun. 20Tuaciang ih thinnopna ii naak ahi Pathian in Satan sia hai ngawlin na peang nuai ah siiktham tu hi.
Ih Topa Jesus thuthiamna in note taw hong om tahen.
21Ka naseppui Timothy in hong paupui hi; tuasia bangma Lucius, Jason le Sosipater, ka Jew minampuite zongh in hong paupui hi.#Sawl 16:1
22Hi lai a atpa keima, Tertius in Tapidaw kipaupuina lai kong thaak hi.
23A inn sia pawlpi kikhopna in a kizangh ka zintunna pa Gaius zongh in hong paupui hi; khuapi sumkeampa Erastus le ih suapui Quartus in hong paupui hi.#Sawl 19:29; 1 Cor 1:14; 2 Tim 4:20 24Ih Topa Jesus Christ ii thuthiamna note theampo taw hong om tahen.
Pokna Thunget Khupna
25Eite in Pathian tungah minthanna pia tawng. Jesus Christ huvau Lungdamna Thupha ka hilna bang le a bosa hun sau mama sungah a kiseal thumaan thutak hong kilak bangin Ama in na upna uh sungah kip takin na din thei natu in vawt thei hi. 26Tu in ahile kamsaangte lai atna sung panin tua thumaan thutak sia a kilanghtakna ah kikoi zo hi; tuaciangin a nungta tawntung Pathian sawlna taw minam theampo in um a, a nit thei natu in amate tungah kihesak zo hi.
27Ciimna namcin a nei, khatbek ahi Pathian tungah Jesus Christ tungtawnin minthanna kip tawntung tahen! Amen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016