Romete 11
11
Israel te tungah Pathian ii Hesuakna
1Tua ahile Pathian in ama ii minamte nial hi ci tu hi ziam? Nial ngawl hi! Keima mama zongh Israel te ka hi a, Abraham suan, Benjamin nam sung a kihel khat ka hi hi.#Php 3:5 2A kipat pan a tealsa ahi a minamte Pathian in nial ngawl hi, Pathian tungah Israel te sia Elijah in mawsak a, tua Laithiangtho kammalte na heak uh ahi hi: 3“Topa awng, amate in na kamsaangte thatlumin, na biaknataute susia hi; keima bekma taanglai khi hi. Tuaciang keima ngawngawn thalup hong sawm lai hi,” ci hi.#1 Kum 19:10,14 4Pathian in bangbangin zo kik ziam? “Keima atu in Baal pathian a bia ngawl mihing tulsali koi lai khi hi,” ci hi.#1 Kum 19:18 5Tu laitakin zongh tuabang ma ahi hi. Thuthiamna taw Pathian tealsa mihing tawm om lai hi. 6A tealna in ama thuthiam hu hi a, amate sepna hang hi ngawl hi. Banghang ziam cile Pathian tealna sia mihing sepna tung pan hi thong le thuthiamna ih ci sia in thuthiamna maan hi ngawl tu hi.
7Tua ahile bang ih ci tu ziam? Israel mite in a zon uh sia mu ngawl hi. Pathian tealtuam mi pawlkhat in mu bek hi. A dangte ahile Pathian samna nangonthaak hi. 8“Pathian in a thinsung uh le, a khua ngaisutna bulthusak hi; tuni dong mama in, amate in a mit uh taw mu thei ngawlin a bil uh taw a za thei bua uh hi,” laithiangtho in ci hi.#Thkna 29:4; Is 29:10 9Tuaciang David in,
“Amate in a poaipi khaamna sungah
thaang kisia tahen a, kiman tahen;
amate puk hen a, daan kipia tahen! #Ps 69:22-23
10Khua a mu thei ngawl natu in
a mit uh kitawcipsak tahen a,
ngimna nencipna taw
a tawntungin bawngcip tahen,” ci hi.
11Tua ahile Jew te a lutu uh ciangin a lalcip tu in a liik ziam? ci in kong dongh hi. Hi ngawl hi! Amate maw ahikom ngupna sia Gentile te tungah theng a Jew te ii een tu in kivawt ahi hi. 12Jew te ii mawna hu in leitung bup in thupha nasia takin saang hi. Tuaciang amate ii thaa zawngkhalna hu in Gentile te thupha nasia takin kipia hi. Tua ahile Jew te sia a pawlcing in a kihuam siat ciangin thupha saanna bangza in lianzaw seseam tu ziam!
Gentile te Kingupna
13Tu in no Gentile te tungah hong son ka hi hi: Gentile te atu a sawltakpa khat ka hi laiteng in, keima nasepna sungah ka kiphasak tu hi. 14Ka minampuite in eenna thin neisakin, pawlkhat beak amate ii sung pan ka suatak thei katawm maw ka ci hi. 15Banghang ziam cile amate tuabangin a kinial ciangin leitung mihing dangte Pathian ngal dinmun panin, Pathian lawmte cina dinmun ah theng uh hi. Amate a kisaan ciangin bangbang hi tu ziam? A thite atu in nuntakna suak tu hi.
16Anluum a kileap masa sia Pathian atu in a kipia le a anluum buppi zongh ama aa ahi hi. Thingzungte Pathian atu in a kipia le a baakte zongh ama aa ahi hi. 17Inn olive baak pawlkhat kithiaktan a, ngam olive baak sia inn olive kung tungah kipee hi. No Gentile te sia tua ngam olive baakte taw na kibang uh hi, tu in Jew te ii a kho thaa nuntakna na nga uh hi. 18Tua ahikom thingbaak bangin a kithiaktante sia na zawngsak bua het tu uh hi. Banghangin note kiphasak thei tu nu ziam? Note in a baak khat na hi bek uh hi. Note in a zung na vaak na taa bua uh hi — a zung in note hong vaak hi.
19“Hi hi, ahihang kote om thei natu in a baakte kithiaktan hi ngawl ziam,” ci tu nu hi. 20Hi hi, amate a kithiaktan sia banghang ziam cile amate in a up ngawl uh hang ahi hi. Note, tu a na dinmun uh ah na om theina in, na up uh hang ahi hi. Ahihang kiphasak heak vun; tua hi ngawlin kiitakna thin nei tavun. 21A pianpui a baak ahi Jew te Pathian in dual tuan ngawl hi; no hong dual tu in na um uh ziam? 22Hisia san ah Pathian in bangza in cingh a, bangza nasia takin thukhen thei ziam ci in ih mu thei hi. Ama in a puk sate tungah nasia takin thukhen hi — ahihang ama ii cikna le thiamna sungah na om uh le ama cingh hi. Tuabang na hi bua uh le, no zongh hong kithiaktan tu hi. 23Tuaciang Jew te in a up thei ngawlna uh teng nusia hile, amate a om natu san ah kikoi kik tu hi; banghang ziam cile Pathian in amate koi kik thei hi. 24No Gentile te ahi ngam olive thingbaak sia kithiaktan a, ngeina om ngawlin, inn olive thingkung tungah hong kipee hi. Jew te sia inn olive thingkungte taw kibang hi, tua ahikom Pathian atu in, hi a kithiaktan a baakte amate kung tek tungah a pee kik tu ol zaw lai tu hi.
A vekpi tungah Pathian ii Hesuakna
25Suapuite awng, thumaan thutak ahi thuku khat a om sia na heak tu uh ka dei hi. Tua in noma le noma ciim na kisakna uh hong khaam tu hi. Hi thu ahi hi. Israel mite thinpuina sia a tawntungin a om tu hi ngawl hi. Ahihang Pathian kungah Gentile mite a theng tu in a kisee za a cin dong bek hi tu hi. 26Tuaciang hi thu in Israel mite theampo a kihut tu zia hi tu hi. Laithiangtho in:
“Hunpa Zion panin
hong pai tu a,
Jacob suante tung panin
ngitlona theampo heam tu hi.
27Amate ii mawna
ka maisak ciangin,
amate taw hi thuciamna
ka vawt tu hi,” ci hi.#Jer 31:33-34; Is 27:9
28Jew te in Lungdamna Thupha a nial uh hu in no Gentile te phattuam natu in Pathian ngalte suak uh hi. Ahihang Pathian tealna hangin a pute a pate hu in amate in, Pathian ii lawmte ahi uh hi. 29Banghang ziam cile tealin thupha a piakte tungtaang ah Pathian in a thin a kheal bua hi. 30No Gentile te na hi uh le a bosa hun sungah Pathian thu na ni bua uh hi; ahihang tu in Jew te thu nit ngawl hu in Pathian ii hesuakna na saang uh hi. 31Tuasia bangma in, note saansa hesuakna hu in amate zongh Pathian ii hesuakna a saan thei natu, tu in Jew te in Pathian thu a ni bua uh hi. 32Banghang ziam cile amate theampo tungah a hesuakna a lak natu in Pathian in mihing theampo thunit nop ngawlna ii kol a bul luangtaate suaksak siat hi.
Pathian Pokna
33Pathian hauna bangza in lian ziam! a ciimna le a heakna bangza in thuk ziam! Ama ii thukhensat nate akua in sontel thei tu ziam? Ama zia akua in he ziam?#Is 55:8 34Laithiangtho in:
“Topa ii khua ngaisutna
akua in he ziam?
Akua in ama, ngaisutna
pia thei ziam?#Is 40:13
35Hong lo kik tu in akua in
ama tungah bang pia ngei ziam?” ci hi. #Job 41:11
36Banghang ziam cile na theampo ama bitphua sa hi a, na theampo ama tungtawnin piang a, ama atu ahi hi. Pathian tungah minthanna a tawntungin om tahen! Amen.#1 Cor 8:6
Currently Selected:
Romete 11: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Romete 11
11
Israel te tungah Pathian ii Hesuakna
1Tua ahile Pathian in ama ii minamte nial hi ci tu hi ziam? Nial ngawl hi! Keima mama zongh Israel te ka hi a, Abraham suan, Benjamin nam sung a kihel khat ka hi hi.#Php 3:5 2A kipat pan a tealsa ahi a minamte Pathian in nial ngawl hi, Pathian tungah Israel te sia Elijah in mawsak a, tua Laithiangtho kammalte na heak uh ahi hi: 3“Topa awng, amate in na kamsaangte thatlumin, na biaknataute susia hi; keima bekma taanglai khi hi. Tuaciang keima ngawngawn thalup hong sawm lai hi,” ci hi.#1 Kum 19:10,14 4Pathian in bangbangin zo kik ziam? “Keima atu in Baal pathian a bia ngawl mihing tulsali koi lai khi hi,” ci hi.#1 Kum 19:18 5Tu laitakin zongh tuabang ma ahi hi. Thuthiamna taw Pathian tealsa mihing tawm om lai hi. 6A tealna in ama thuthiam hu hi a, amate sepna hang hi ngawl hi. Banghang ziam cile Pathian tealna sia mihing sepna tung pan hi thong le thuthiamna ih ci sia in thuthiamna maan hi ngawl tu hi.
7Tua ahile bang ih ci tu ziam? Israel mite in a zon uh sia mu ngawl hi. Pathian tealtuam mi pawlkhat in mu bek hi. A dangte ahile Pathian samna nangonthaak hi. 8“Pathian in a thinsung uh le, a khua ngaisutna bulthusak hi; tuni dong mama in, amate in a mit uh taw mu thei ngawlin a bil uh taw a za thei bua uh hi,” laithiangtho in ci hi.#Thkna 29:4; Is 29:10 9Tuaciang David in,
“Amate in a poaipi khaamna sungah
thaang kisia tahen a, kiman tahen;
amate puk hen a, daan kipia tahen! #Ps 69:22-23
10Khua a mu thei ngawl natu in
a mit uh kitawcipsak tahen a,
ngimna nencipna taw
a tawntungin bawngcip tahen,” ci hi.
11Tua ahile Jew te a lutu uh ciangin a lalcip tu in a liik ziam? ci in kong dongh hi. Hi ngawl hi! Amate maw ahikom ngupna sia Gentile te tungah theng a Jew te ii een tu in kivawt ahi hi. 12Jew te ii mawna hu in leitung bup in thupha nasia takin saang hi. Tuaciang amate ii thaa zawngkhalna hu in Gentile te thupha nasia takin kipia hi. Tua ahile Jew te sia a pawlcing in a kihuam siat ciangin thupha saanna bangza in lianzaw seseam tu ziam!
Gentile te Kingupna
13Tu in no Gentile te tungah hong son ka hi hi: Gentile te atu a sawltakpa khat ka hi laiteng in, keima nasepna sungah ka kiphasak tu hi. 14Ka minampuite in eenna thin neisakin, pawlkhat beak amate ii sung pan ka suatak thei katawm maw ka ci hi. 15Banghang ziam cile amate tuabangin a kinial ciangin leitung mihing dangte Pathian ngal dinmun panin, Pathian lawmte cina dinmun ah theng uh hi. Amate a kisaan ciangin bangbang hi tu ziam? A thite atu in nuntakna suak tu hi.
16Anluum a kileap masa sia Pathian atu in a kipia le a anluum buppi zongh ama aa ahi hi. Thingzungte Pathian atu in a kipia le a baakte zongh ama aa ahi hi. 17Inn olive baak pawlkhat kithiaktan a, ngam olive baak sia inn olive kung tungah kipee hi. No Gentile te sia tua ngam olive baakte taw na kibang uh hi, tu in Jew te ii a kho thaa nuntakna na nga uh hi. 18Tua ahikom thingbaak bangin a kithiaktante sia na zawngsak bua het tu uh hi. Banghangin note kiphasak thei tu nu ziam? Note in a baak khat na hi bek uh hi. Note in a zung na vaak na taa bua uh hi — a zung in note hong vaak hi.
19“Hi hi, ahihang kote om thei natu in a baakte kithiaktan hi ngawl ziam,” ci tu nu hi. 20Hi hi, amate a kithiaktan sia banghang ziam cile amate in a up ngawl uh hang ahi hi. Note, tu a na dinmun uh ah na om theina in, na up uh hang ahi hi. Ahihang kiphasak heak vun; tua hi ngawlin kiitakna thin nei tavun. 21A pianpui a baak ahi Jew te Pathian in dual tuan ngawl hi; no hong dual tu in na um uh ziam? 22Hisia san ah Pathian in bangza in cingh a, bangza nasia takin thukhen thei ziam ci in ih mu thei hi. Ama in a puk sate tungah nasia takin thukhen hi — ahihang ama ii cikna le thiamna sungah na om uh le ama cingh hi. Tuabang na hi bua uh le, no zongh hong kithiaktan tu hi. 23Tuaciang Jew te in a up thei ngawlna uh teng nusia hile, amate a om natu san ah kikoi kik tu hi; banghang ziam cile Pathian in amate koi kik thei hi. 24No Gentile te ahi ngam olive thingbaak sia kithiaktan a, ngeina om ngawlin, inn olive thingkung tungah hong kipee hi. Jew te sia inn olive thingkungte taw kibang hi, tua ahikom Pathian atu in, hi a kithiaktan a baakte amate kung tek tungah a pee kik tu ol zaw lai tu hi.
A vekpi tungah Pathian ii Hesuakna
25Suapuite awng, thumaan thutak ahi thuku khat a om sia na heak tu uh ka dei hi. Tua in noma le noma ciim na kisakna uh hong khaam tu hi. Hi thu ahi hi. Israel mite thinpuina sia a tawntungin a om tu hi ngawl hi. Ahihang Pathian kungah Gentile mite a theng tu in a kisee za a cin dong bek hi tu hi. 26Tuaciang hi thu in Israel mite theampo a kihut tu zia hi tu hi. Laithiangtho in:
“Hunpa Zion panin
hong pai tu a,
Jacob suante tung panin
ngitlona theampo heam tu hi.
27Amate ii mawna
ka maisak ciangin,
amate taw hi thuciamna
ka vawt tu hi,” ci hi.#Jer 31:33-34; Is 27:9
28Jew te in Lungdamna Thupha a nial uh hu in no Gentile te phattuam natu in Pathian ngalte suak uh hi. Ahihang Pathian tealna hangin a pute a pate hu in amate in, Pathian ii lawmte ahi uh hi. 29Banghang ziam cile tealin thupha a piakte tungtaang ah Pathian in a thin a kheal bua hi. 30No Gentile te na hi uh le a bosa hun sungah Pathian thu na ni bua uh hi; ahihang tu in Jew te thu nit ngawl hu in Pathian ii hesuakna na saang uh hi. 31Tuasia bangma in, note saansa hesuakna hu in amate zongh Pathian ii hesuakna a saan thei natu, tu in Jew te in Pathian thu a ni bua uh hi. 32Banghang ziam cile amate theampo tungah a hesuakna a lak natu in Pathian in mihing theampo thunit nop ngawlna ii kol a bul luangtaate suaksak siat hi.
Pathian Pokna
33Pathian hauna bangza in lian ziam! a ciimna le a heakna bangza in thuk ziam! Ama ii thukhensat nate akua in sontel thei tu ziam? Ama zia akua in he ziam?#Is 55:8 34Laithiangtho in:
“Topa ii khua ngaisutna
akua in he ziam?
Akua in ama, ngaisutna
pia thei ziam?#Is 40:13
35Hong lo kik tu in akua in
ama tungah bang pia ngei ziam?” ci hi. #Job 41:11
36Banghang ziam cile na theampo ama bitphua sa hi a, na theampo ama tungtawnin piang a, ama atu ahi hi. Pathian tungah minthanna a tawntungin om tahen! Amen.#1 Cor 8:6
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016