Romete 1
1
1Lungdamna Thupha hil tu in Pathian ii a sap, sawltak khat tu in a teal, Jesus Christ ii naseampa ahi Paul ii laithak ahi hi.
2Tua Lungdamna Thupha sia Lai Thiangtho sungah a ki at sa bangma taanghlai pek panin a kamsaangte tungtawnin Pathian ii kamciam a piaksa ahi hi. 3Tua in ih Topa Jesus Christ, ama Tapa huvau ahi hi: cii le sa panin ama David suan hi a; 4Pathian pianzia taw ci leang thina panin a lian vaangletna taw a kithawsak kikna in Pathian Tapa a hina kilanghsak hi. 5Ama tungtawnin mi namcin sung pan mihing theampo ii a up thei natu le a thu a nit thei natu in Christ hu in Pathian in kei sia sawltak khat sua theina thupha hong pia hi. 6Jesus Christ neisa a suak tu in Pathian hong sapsa Rome khua a om note zongh hi thu in hong huam hi.
7Tua ahikom Pathian in hong it a, ama minam suak tu in, hong sapsa no Rome khua a omte theampo tungah lai kong thaak hi.
Ih Pa Pathian le ih Topa Jesus Christ in thuthiamna le thinnopna hong pia tahen.
Lungdamko Thungetna
8A masa phitbel in no tungtaang ah Jesus Christ tungtawnin Pathian tungah lungdam ka ko hi, banghang ziam cile leitung theampo in na upna thu uh hong za hi. 9A Tapa ii Lungdamna Thupha ka hilsak, ka thin theampo taw ka sepsak, tu a ka son teng sia thumaan a hina thu ah — Pathian sia ka tetti ahi hi. No kong phawna sia Pathian in, 10thu ka nget simin hong he hi. Pathian ii deina ahi nale tu in no kungah kong haw tu sia hong suaksak thei takpi le ci in ka ngen hi. 11Note hong thakhosak tu, Thaa thupha hong hawm sawn tu in kong mu nuam mama hi. 12Ka cinopna pan kei upna hu in note phat tuamna nga in, note upna hu in kei zongh phat tuamna nga tu a, hun khat sungah a kihu tetek ih hina thu ka son nopna hi.
13Suapuite awng hi thu na teptee tu ka dei a, tamvei ma note kungah hong haw tu in ka ngeal zo hi, ahihang tuabang ka hi thei natu in na khat po in hong khak tawntung hi. Gentile te sung panin a kikheal ka omsak bangma in, no sung pan zong kikhealsak zawk nei leng ka uk hi.#Sawl 19:21 14Banghang ziam cile heakna nei te ahizong a nei ngawlte ahizong, pilna neite ahizong a nei ngawlte ahizong mihing theampo ii tungah vaipuak ka nei hi. 15Tua ahikom Rome khua ah a teang no tung zongh ah Lungdamna Thupha hil tu ka lawp hi.
Lungdamna Thupha ii Vaangletna
16Lungdamna thupha sungah a kicingin muanna ka nei hi; tua in a umte theampo kingup natu Pathian ii vaangletna hi a Jew mite atu hi photin, tua zawkciang Gentile te atu zongh ahi hi.#Mk 8:38 17Banghang ziam cile lungdamna thupha in Pathian le mihingte bangbangin kilemzawng thei tu ziam ci in hong pualaak hi: a patna panin a tawp dong upna tungtawnin a piang ahi hi. Laithiangtho sungah “Upna tungtawnin Pathian mai ah thutang a kisuaksak sia in nungta tu hi,” ci hi.#Hab 2:4
Mihing Theampo ii Mawneina
18Thumaan thu a kiheak tu a khaktan mihingte ngitlona le mawnate hu in Pathian thin uukna sia vantung panin hong kilanghsak hi. 19Pathian in amate daan pia hi, banghang ziam cile mihingte ii Pathian a heak natu sia Pathian mama in amate tungah telthiangsak hi. 20Pathian ii simlei a bitphua pan kipan a kimu thei ngawl Pathian phatna ahi, ama ii tawntung vaangletna le thaa pianziate thiang takin kimu a; tuate sia Pathian ii vawt nate tung panin kitel thei hi. Tua ahikom mihingte in kam zon natu bangma a nei bua uh hi. 21Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.#Eph 4:17-18 22Amate ciim kisa ahihang mawmaw uh hi; 23a nungta tawntung Pathian a biak tu luangin a thithei mihing, vacim, ngamsa, awmtaal in a vak nganhingte meal taw kibang limte bia uh hi.#Thkna 4:16-18
24Tua ahikom, amate thinsung ah a uuk kiihuai ngamtatnate vawt tu in, Pathian in amate thazau a, tuaciangin amate khat le khat tungah maizumhuai nate kivawt uh hi. 25Pathian huvau thumaante sia leilot thu suaksak uh a, Bitphuapa Pathian bia ngawlin a bitphua sa nate bia zaw uh hi. Pathian a tawntungin kipok tahen! Amen.
26Amate hi bangin ngamta ahikom, Pathian in amate sia a maizumhuai cii le sa deina sungah thazau hi. A numeite ngawngawn in amate pumpi zak tu bangin zangh ngawlin ngeina ngawl bangin zangh uh hi. 27Tuabang ma in pate zongh in numei taw omkhop tu sangin, pa le pa khial nopna thin nei uh hi. Pate in a maizumhuai pa le pa khialnate vawt a, tua hu in amate taw a kiphu daante kipia hi.
28Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi. 29Amate in ngitlona, siatna, duhopna le kilalsak theina namcinte taw kidim a; ki eenna, kisuamlupna, kihauna, ngualtheamna le siatvawt nopna thin taw kidim uh hi. Amate nawnsan a, 30khat le khat kingensia hi; amate in Pathian ensan a, sisuak in, kiphasak a kisuangtaak hi; siatna namcin phuang a; nute pate thu ni ngawl uh hi; 31A pha le a sia khentel theina thinsung nei ngawl, kamciam len ngawlin ngual hesuak theina le thuthiamna nei ngawl uh hi. 32Hi bangin a nungtate sia Pathian thukham in thidaan thuak hen a ci hunlam zongh amate in he uh hi. Ahitazong, a ngamtatna kheal ngawl bek dom ngawlin, tuabang a ngamtate zongh thukimpui lai uh hi.
Currently Selected:
Romete 1: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Romete 1
1
1Lungdamna Thupha hil tu in Pathian ii a sap, sawltak khat tu in a teal, Jesus Christ ii naseampa ahi Paul ii laithak ahi hi.
2Tua Lungdamna Thupha sia Lai Thiangtho sungah a ki at sa bangma taanghlai pek panin a kamsaangte tungtawnin Pathian ii kamciam a piaksa ahi hi. 3Tua in ih Topa Jesus Christ, ama Tapa huvau ahi hi: cii le sa panin ama David suan hi a; 4Pathian pianzia taw ci leang thina panin a lian vaangletna taw a kithawsak kikna in Pathian Tapa a hina kilanghsak hi. 5Ama tungtawnin mi namcin sung pan mihing theampo ii a up thei natu le a thu a nit thei natu in Christ hu in Pathian in kei sia sawltak khat sua theina thupha hong pia hi. 6Jesus Christ neisa a suak tu in Pathian hong sapsa Rome khua a om note zongh hi thu in hong huam hi.
7Tua ahikom Pathian in hong it a, ama minam suak tu in, hong sapsa no Rome khua a omte theampo tungah lai kong thaak hi.
Ih Pa Pathian le ih Topa Jesus Christ in thuthiamna le thinnopna hong pia tahen.
Lungdamko Thungetna
8A masa phitbel in no tungtaang ah Jesus Christ tungtawnin Pathian tungah lungdam ka ko hi, banghang ziam cile leitung theampo in na upna thu uh hong za hi. 9A Tapa ii Lungdamna Thupha ka hilsak, ka thin theampo taw ka sepsak, tu a ka son teng sia thumaan a hina thu ah — Pathian sia ka tetti ahi hi. No kong phawna sia Pathian in, 10thu ka nget simin hong he hi. Pathian ii deina ahi nale tu in no kungah kong haw tu sia hong suaksak thei takpi le ci in ka ngen hi. 11Note hong thakhosak tu, Thaa thupha hong hawm sawn tu in kong mu nuam mama hi. 12Ka cinopna pan kei upna hu in note phat tuamna nga in, note upna hu in kei zongh phat tuamna nga tu a, hun khat sungah a kihu tetek ih hina thu ka son nopna hi.
13Suapuite awng hi thu na teptee tu ka dei a, tamvei ma note kungah hong haw tu in ka ngeal zo hi, ahihang tuabang ka hi thei natu in na khat po in hong khak tawntung hi. Gentile te sung panin a kikheal ka omsak bangma in, no sung pan zong kikhealsak zawk nei leng ka uk hi.#Sawl 19:21 14Banghang ziam cile heakna nei te ahizong a nei ngawlte ahizong, pilna neite ahizong a nei ngawlte ahizong mihing theampo ii tungah vaipuak ka nei hi. 15Tua ahikom Rome khua ah a teang no tung zongh ah Lungdamna Thupha hil tu ka lawp hi.
Lungdamna Thupha ii Vaangletna
16Lungdamna thupha sungah a kicingin muanna ka nei hi; tua in a umte theampo kingup natu Pathian ii vaangletna hi a Jew mite atu hi photin, tua zawkciang Gentile te atu zongh ahi hi.#Mk 8:38 17Banghang ziam cile lungdamna thupha in Pathian le mihingte bangbangin kilemzawng thei tu ziam ci in hong pualaak hi: a patna panin a tawp dong upna tungtawnin a piang ahi hi. Laithiangtho sungah “Upna tungtawnin Pathian mai ah thutang a kisuaksak sia in nungta tu hi,” ci hi.#Hab 2:4
Mihing Theampo ii Mawneina
18Thumaan thu a kiheak tu a khaktan mihingte ngitlona le mawnate hu in Pathian thin uukna sia vantung panin hong kilanghsak hi. 19Pathian in amate daan pia hi, banghang ziam cile mihingte ii Pathian a heak natu sia Pathian mama in amate tungah telthiangsak hi. 20Pathian ii simlei a bitphua pan kipan a kimu thei ngawl Pathian phatna ahi, ama ii tawntung vaangletna le thaa pianziate thiang takin kimu a; tuate sia Pathian ii vawt nate tung panin kitel thei hi. Tua ahikom mihingte in kam zon natu bangma a nei bua uh hi. 21Amate in Pathian he ahihang a upat tu bangin upat ngawl uh a, ama tungah lungdam a ko tu bangin ko ngawl uh hi. Amate khua ngaisutna mannung mama ngawl a, amate thinsung hawmin, khuazing taw kidim hi.#Eph 4:17-18 22Amate ciim kisa ahihang mawmaw uh hi; 23a nungta tawntung Pathian a biak tu luangin a thithei mihing, vacim, ngamsa, awmtaal in a vak nganhingte meal taw kibang limte bia uh hi.#Thkna 4:16-18
24Tua ahikom, amate thinsung ah a uuk kiihuai ngamtatnate vawt tu in, Pathian in amate thazau a, tuaciangin amate khat le khat tungah maizumhuai nate kivawt uh hi. 25Pathian huvau thumaante sia leilot thu suaksak uh a, Bitphuapa Pathian bia ngawlin a bitphua sa nate bia zaw uh hi. Pathian a tawntungin kipok tahen! Amen.
26Amate hi bangin ngamta ahikom, Pathian in amate sia a maizumhuai cii le sa deina sungah thazau hi. A numeite ngawngawn in amate pumpi zak tu bangin zangh ngawlin ngeina ngawl bangin zangh uh hi. 27Tuabang ma in pate zongh in numei taw omkhop tu sangin, pa le pa khial nopna thin nei uh hi. Pate in a maizumhuai pa le pa khialnate vawt a, tua hu in amate taw a kiphu daante kipia hi.
28Pathian huvau heakna maante sia mihingte in khua ngaisut in nei nuam ngawl ahikom Pathian in amate ngamtat tuak ngawlte ngamtat theina ngaisutna sungah thazau hi. 29Amate in ngitlona, siatna, duhopna le kilalsak theina namcinte taw kidim a; ki eenna, kisuamlupna, kihauna, ngualtheamna le siatvawt nopna thin taw kidim uh hi. Amate nawnsan a, 30khat le khat kingensia hi; amate in Pathian ensan a, sisuak in, kiphasak a kisuangtaak hi; siatna namcin phuang a; nute pate thu ni ngawl uh hi; 31A pha le a sia khentel theina thinsung nei ngawl, kamciam len ngawlin ngual hesuak theina le thuthiamna nei ngawl uh hi. 32Hi bangin a nungtate sia Pathian thukham in thidaan thuak hen a ci hunlam zongh amate in he uh hi. Ahitazong, a ngamtatna kheal ngawl bek dom ngawlin, tuabang a ngamtate zongh thukimpui lai uh hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016