Psalm Late 90
90
LAIBU A LINA
(Psalm Late 90 — 106)
Pathian le Mihing
1Topa awng, nangma in
a tawntungin kote inn na hi hi.
2Mualte na bitphua ma,
simlei na piansak ma in nangma in a om tawntung Pathian na hi a,
a tawntungin Pathian na hi tu hi.
3Kote sia ka hina uh ah cia kikin nong sawl hi;
kote leivui nong suak kiksak hi.
4Kum tulkhat sia nang atu in ni khat bang ahi hi;
tuate in a bosa zeini taw kibang a,
zan lai hun tomno khat taw kibang hi. #2 Pe 3:8
5Nangma in tuipawm ii taai
bangin kote nong paipui hi;
mangmat khat bang zaa ka hi bek uh hi.
Kote sia zingsang in meang a,
6khangto in a paak,
nitak sang ciang vulin a thi
lopate taw ka kibang uh hi.
7Na thin uukna in ko
hong susia hi;
thinso in na nge ngawpna in
ko hong lausak hi.
8Ko ii mawnate na mai ah koi in,
ko ii maw kunaste na mu theina ah na koi hi.
9Na thin uukna in ka khan uh hong tomsak hi;
ka khan uh sia kihuau khat bangin mang vadi hi.
10Kote ii hun nei theampo in kum sawmsali hi —
ka hat uh le kum sawmliat hi;
Tuate in thinngimna le heena teng
bekma hong puak hi;
nuntakna sia hai ngawlin bo a,
kote sia mu mun ka om nawn bua uh hi.
11Na thin uukna ii thahatna buppi
akua in thuak ngei ziam?
Na thinsona sia bangza lauhuai
thei ci sia akua in he ziam?
12Ka ciim thei natu uh in ka nuntakna uh
bangza in tom ziam ci sia hong hil ta'n.
13Na thin uukna bang tan
khuangei lai tu ziam?
Topa awng, na naseamte tungah
mulkimna hong nei ta'n!
14Ka nuntak tawntung
lungdam in la ka sak thei natu uh in
zing simin na itna kip hong dim ta'n.
15Lungmanna ka thuak uh
kumte theampo sungah
heena nong piak za ma in tu in
lungdamna hong pia ta'n.
16Ko, na naseamte in na lianpi
na sepnate hong musak ta'n;
ko ii suan le paalte in
a minthang, na thahatna musak in.
17 Topa kote Pathian awng,
na thuphate ko taw hong om tahen.
Ka sep ka vawt uh theampo
sungah zawna hong pia ta'n!
Currently Selected:
Psalm Late 90: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Psalm Late 90
90
LAIBU A LINA
(Psalm Late 90 — 106)
Pathian le Mihing
1Topa awng, nangma in
a tawntungin kote inn na hi hi.
2Mualte na bitphua ma,
simlei na piansak ma in nangma in a om tawntung Pathian na hi a,
a tawntungin Pathian na hi tu hi.
3Kote sia ka hina uh ah cia kikin nong sawl hi;
kote leivui nong suak kiksak hi.
4Kum tulkhat sia nang atu in ni khat bang ahi hi;
tuate in a bosa zeini taw kibang a,
zan lai hun tomno khat taw kibang hi. #2 Pe 3:8
5Nangma in tuipawm ii taai
bangin kote nong paipui hi;
mangmat khat bang zaa ka hi bek uh hi.
Kote sia zingsang in meang a,
6khangto in a paak,
nitak sang ciang vulin a thi
lopate taw ka kibang uh hi.
7Na thin uukna in ko
hong susia hi;
thinso in na nge ngawpna in
ko hong lausak hi.
8Ko ii mawnate na mai ah koi in,
ko ii maw kunaste na mu theina ah na koi hi.
9Na thin uukna in ka khan uh hong tomsak hi;
ka khan uh sia kihuau khat bangin mang vadi hi.
10Kote ii hun nei theampo in kum sawmsali hi —
ka hat uh le kum sawmliat hi;
Tuate in thinngimna le heena teng
bekma hong puak hi;
nuntakna sia hai ngawlin bo a,
kote sia mu mun ka om nawn bua uh hi.
11Na thin uukna ii thahatna buppi
akua in thuak ngei ziam?
Na thinsona sia bangza lauhuai
thei ci sia akua in he ziam?
12Ka ciim thei natu uh in ka nuntakna uh
bangza in tom ziam ci sia hong hil ta'n.
13Na thin uukna bang tan
khuangei lai tu ziam?
Topa awng, na naseamte tungah
mulkimna hong nei ta'n!
14Ka nuntak tawntung
lungdam in la ka sak thei natu uh in
zing simin na itna kip hong dim ta'n.
15Lungmanna ka thuak uh
kumte theampo sungah
heena nong piak za ma in tu in
lungdamna hong pia ta'n.
16Ko, na naseamte in na lianpi
na sepnate hong musak ta'n;
ko ii suan le paalte in
a minthang, na thahatna musak in.
17 Topa kote Pathian awng,
na thuphate ko taw hong om tahen.
Ka sep ka vawt uh theampo
sungah zawna hong pia ta'n!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016