Psalm Late 83
83
Israel te ii A ngalte A zaw natu Thungetna
1Pathian awng,
thim om heak in;
huthe ngawlin om heak in,
dai takin om heak in!
2En in! Na ngalte in
hong langpan a,
nang hong ensante in
hong langpan nginge uh hi.
3Amate in na mite langkhat panin thu ngealku uh a,
nangma ii na panpui mite thasawm uh hi.
4Amate in, “Hong pai tavun,
amate ngam sutham tawng,
tua hile Israel te sia
a tawntungin kimangil tu hi,” ci uh hi.
5Amate in a ngealna tungah lungkim tek a,
nang hong langpan tu kipawlna khat vawt uh hi:
6Tuate sia Edom le Ishmael te;
Moab le Hagri te;
7Gebal, Ammon le Amalek mite,
Philistia le Tyre mite ahi uh hi.
8Lot ii suan Ammon le Moab ii pawlpui
a thahat Assyria te zongh amate sangah pang hi.
9Midian mite le
Kishon Ngun a om Sisera le Jabin tungah
na vawt bangin amate tungah vawt in. #Thkte 4:6-22; 7:1-23
10Endor ah nangma in amate na zothal a,
amate luang lei ah a muat uh hi.
11-12“Pathian neisa leitang theampo
eima atu in la tawng” a ci Oreb le Zeeb tungah
na vawt bangin amate lampuite tungah vawt in;
Zebah le Zalmunna te na zaw thal bangma in amate a ukte theampo zo thal in. #Thkte 7:25; 8:12
13Pathian awng, amate sia
leivui bangin thezau in a,
vui ii seamkeak taangphawte bang hisak in.
14Duithuk mei ii a kak bang,
mualte a kaanghsak meikuang bangin
15na vuipi suangval taw amate del in a,
a kiitakhuai na vuipi taw amate lausak in.
16Amate maitang sia maizumna taw na tuam in,
Topa awng, amate in na vaangletna telsak in.
17Amate lelna thuakin a tawntungin lau ngawp tahen a,
maimawlna sungah amate thi tahen.
18Nangma bekma in Topa na hi hunlam,
leitung bup a lianbel ukpa na hi hunlam amate in he tahen.
Currently Selected:
Psalm Late 83: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Psalm Late 83
83
Israel te ii A ngalte A zaw natu Thungetna
1Pathian awng,
thim om heak in;
huthe ngawlin om heak in,
dai takin om heak in!
2En in! Na ngalte in
hong langpan a,
nang hong ensante in
hong langpan nginge uh hi.
3Amate in na mite langkhat panin thu ngealku uh a,
nangma ii na panpui mite thasawm uh hi.
4Amate in, “Hong pai tavun,
amate ngam sutham tawng,
tua hile Israel te sia
a tawntungin kimangil tu hi,” ci uh hi.
5Amate in a ngealna tungah lungkim tek a,
nang hong langpan tu kipawlna khat vawt uh hi:
6Tuate sia Edom le Ishmael te;
Moab le Hagri te;
7Gebal, Ammon le Amalek mite,
Philistia le Tyre mite ahi uh hi.
8Lot ii suan Ammon le Moab ii pawlpui
a thahat Assyria te zongh amate sangah pang hi.
9Midian mite le
Kishon Ngun a om Sisera le Jabin tungah
na vawt bangin amate tungah vawt in. #Thkte 4:6-22; 7:1-23
10Endor ah nangma in amate na zothal a,
amate luang lei ah a muat uh hi.
11-12“Pathian neisa leitang theampo
eima atu in la tawng” a ci Oreb le Zeeb tungah
na vawt bangin amate lampuite tungah vawt in;
Zebah le Zalmunna te na zaw thal bangma in amate a ukte theampo zo thal in. #Thkte 7:25; 8:12
13Pathian awng, amate sia
leivui bangin thezau in a,
vui ii seamkeak taangphawte bang hisak in.
14Duithuk mei ii a kak bang,
mualte a kaanghsak meikuang bangin
15na vuipi suangval taw amate del in a,
a kiitakhuai na vuipi taw amate lausak in.
16Amate maitang sia maizumna taw na tuam in,
Topa awng, amate in na vaangletna telsak in.
17Amate lelna thuakin a tawntungin lau ngawp tahen a,
maimawlna sungah amate thi tahen.
18Nangma bekma in Topa na hi hunlam,
leitung bup a lianbel ukpa na hi hunlam amate in he tahen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016