Psalm Late 45
45
Kumpi Mo Kiteenna La
1Kumpipa atu hi la ka phua laitakin
ka khua ngaisutna in kammal hoi nawno taw kidim hi.
Lai at thiampa laikung bangin
ka leei sia lamal phuak tu in kinging hi.
2Nangma in pasal a minpiang a mealphabel na hi hi;
kampau thiam pa na hi hi.
Pathian in nangma thupha hong pia tawntung hi.
3Vaanglian Kumpipa awng;
na namsau hong kua tan
nangma in minthang in uk zawkna vaang nei ni hi.
4Thumaan le thutang khenna a huu tu in
zawna sungah na uk theina vaang taw hong pai ta'n.
Na thahatna in zawna lianpite hong ngasak tu hi.
5Na thaltangte hiam a, na ngalte lungtangte vutlet hi;
minam tuatuamte in na peang ah puksuk hi.
6Pathian ii hong piak kumpi ngam sia
a tawntung a tawntungin kikhomsuan tu hi.
Na mite thukhaikim taw na uk hi; #Heb 1:8-9
7a maan na dei a, a siate na ensan hi.
Tua hu in nangma ii Pathian in nang hong teal zo a,
kumpi dang khat po sangin
na tungah lungdamna a tamzaw hong buak zo hi.
8Myrrh le aloe a namtuite thau, na puan tungah nam hi;
saiha taw a kizeam kumpi inn sungah
music thiamte in nang hong lungdamsak hi.
9Na suumsung sang a om numeite
sia kumpite tanute veu hi a,
tuaciang na kumpi tokhum
ziatsang ah kumpinu dingin,
ama in khamh phabel taw
a kivawt kizepnate taw kizeam hi.
10Kumpipa zi tu monu awng, kong thuson sia ngai in,
na mite le na beete mangil in.
11Na mealphatna hangin kumpipa in hong dei tu hi;
ama in na topa ahikom ama thu na ni tu hi.
12Tyre mihingte in nang atu
letsong hong paipui tu hi;
sumhaute in maipha na piak tu
hong hanciam tu hi.
13Kumpipa tanu kumpi inn sungah om hi —
ama bangza in a mealpha ziam!
A puantual sia khamh khau taw kitak hi.
14Mealcii tuatuam a nei puantual pawl silhin
kumpipa kungah ama kipaipui a,
ama a zui moliate zongh kumpipa kungah a vekpi in kipaipui hi.
15Lungdamna le thinnopna taw amate hong pai a
kumpipa inn sungah hong tum uh hi.
16Nang ka kumpipa in, na taanghpupite
kumpiza a laih tu tapa tam mama na nei tu hi.
Tuaciang amate sia leitung bup a ukte na suaksak tu hi.
17Ka laphua in na minthanna sia
a tawntungin nungtasak tu a,
mihing theampo in hong pai lai tu
hun theampo sungah nang hong pok tu hi.
Currently Selected:
Psalm Late 45: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Psalm Late 45
45
Kumpi Mo Kiteenna La
1Kumpipa atu hi la ka phua laitakin
ka khua ngaisutna in kammal hoi nawno taw kidim hi.
Lai at thiampa laikung bangin
ka leei sia lamal phuak tu in kinging hi.
2Nangma in pasal a minpiang a mealphabel na hi hi;
kampau thiam pa na hi hi.
Pathian in nangma thupha hong pia tawntung hi.
3Vaanglian Kumpipa awng;
na namsau hong kua tan
nangma in minthang in uk zawkna vaang nei ni hi.
4Thumaan le thutang khenna a huu tu in
zawna sungah na uk theina vaang taw hong pai ta'n.
Na thahatna in zawna lianpite hong ngasak tu hi.
5Na thaltangte hiam a, na ngalte lungtangte vutlet hi;
minam tuatuamte in na peang ah puksuk hi.
6Pathian ii hong piak kumpi ngam sia
a tawntung a tawntungin kikhomsuan tu hi.
Na mite thukhaikim taw na uk hi; #Heb 1:8-9
7a maan na dei a, a siate na ensan hi.
Tua hu in nangma ii Pathian in nang hong teal zo a,
kumpi dang khat po sangin
na tungah lungdamna a tamzaw hong buak zo hi.
8Myrrh le aloe a namtuite thau, na puan tungah nam hi;
saiha taw a kizeam kumpi inn sungah
music thiamte in nang hong lungdamsak hi.
9Na suumsung sang a om numeite
sia kumpite tanute veu hi a,
tuaciang na kumpi tokhum
ziatsang ah kumpinu dingin,
ama in khamh phabel taw
a kivawt kizepnate taw kizeam hi.
10Kumpipa zi tu monu awng, kong thuson sia ngai in,
na mite le na beete mangil in.
11Na mealphatna hangin kumpipa in hong dei tu hi;
ama in na topa ahikom ama thu na ni tu hi.
12Tyre mihingte in nang atu
letsong hong paipui tu hi;
sumhaute in maipha na piak tu
hong hanciam tu hi.
13Kumpipa tanu kumpi inn sungah om hi —
ama bangza in a mealpha ziam!
A puantual sia khamh khau taw kitak hi.
14Mealcii tuatuam a nei puantual pawl silhin
kumpipa kungah ama kipaipui a,
ama a zui moliate zongh kumpipa kungah a vekpi in kipaipui hi.
15Lungdamna le thinnopna taw amate hong pai a
kumpipa inn sungah hong tum uh hi.
16Nang ka kumpipa in, na taanghpupite
kumpiza a laih tu tapa tam mama na nei tu hi.
Tuaciang amate sia leitung bup a ukte na suaksak tu hi.
17Ka laphua in na minthanna sia
a tawntungin nungtasak tu a,
mihing theampo in hong pai lai tu
hun theampo sungah nang hong pok tu hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016