Psalm Late 115
115
A maan Pathian khat
1 Topa awng, na itna kip le na thumaanna hangin
na minthanna sia kote tungah hi ngawlin,
nang tung bek ah om tahen.
2Banghangin minam tuatuamte in,
“Na Pathian uh koisungah om ziam?” ci in hong dongh tu ziam?
3Ih Pathian in vantung ah om hi;
ama in a uuk pawpo seam hi.
4Amate ii pathiante sia ngunn le khamh taw kivawt a,
mihing khutte taw kivawt hi.
5Tua pathiante in kamte nei
ahihang pau thei ngawl a,
mittangte nei ahihang,
khuamu thei ngawl hi. #Ps 135:15-18; Tpl 9:20
6Amate in bilte nei ahihang khua za thei ngawl a,
naakte nei ahihang a ngim za thei ngawl hi.
7Amate in khutte nei ahihang tham thei ngawl a,
peangte nei ahihang lampai thei ngawl hi;
amate in aw ngingsak thei ngawl hi.
8Tuabangte vawt a tuate ma a muangte in
amate vawt milimte bang suak siat tahen.
9No, Israel te awng,
Topa muang vun.
Ama in no hong hu a
hong dal hi.
10No, Pathian thiampite awng Topa muang vun.
Ama in no hong hu a hong dal hi.
11No, ama a biate theampo awng, Topa muang vun.
Ama in no hong hu a hong dal hi.
12 Topa in eite hong phawk a thupha hong pia tu hi;
ama in Israel te le Pathian thiampite theampo thupha pia tu hi.
13Ama a zaktate theampo
a lian, a no a kibangin ama in thupha pia tu hi. #Tpl 11:18; 19:5
14 Topa in no le na suan na paalte uh tungah
hin le toai hong pia tahen!
15Van le lei a vawt Topa in
note thupha hong pia tahen.
16Vantung sia, Topa bek ii
neisa hi a,
ahihang simlei sia
mihingte atu in pia hi.
17 Topa sia, ngam thimna a zuansuk
mithite peuma in pok ngawl uh hi.
18Ahihang ei a nungtate in
tu le a tawntungin ama tungah lungdam ih ko tu hi.
Topa pok vun!
Currently Selected:
Psalm Late 115: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Psalm Late 115
115
A maan Pathian khat
1 Topa awng, na itna kip le na thumaanna hangin
na minthanna sia kote tungah hi ngawlin,
nang tung bek ah om tahen.
2Banghangin minam tuatuamte in,
“Na Pathian uh koisungah om ziam?” ci in hong dongh tu ziam?
3Ih Pathian in vantung ah om hi;
ama in a uuk pawpo seam hi.
4Amate ii pathiante sia ngunn le khamh taw kivawt a,
mihing khutte taw kivawt hi.
5Tua pathiante in kamte nei
ahihang pau thei ngawl a,
mittangte nei ahihang,
khuamu thei ngawl hi. #Ps 135:15-18; Tpl 9:20
6Amate in bilte nei ahihang khua za thei ngawl a,
naakte nei ahihang a ngim za thei ngawl hi.
7Amate in khutte nei ahihang tham thei ngawl a,
peangte nei ahihang lampai thei ngawl hi;
amate in aw ngingsak thei ngawl hi.
8Tuabangte vawt a tuate ma a muangte in
amate vawt milimte bang suak siat tahen.
9No, Israel te awng,
Topa muang vun.
Ama in no hong hu a
hong dal hi.
10No, Pathian thiampite awng Topa muang vun.
Ama in no hong hu a hong dal hi.
11No, ama a biate theampo awng, Topa muang vun.
Ama in no hong hu a hong dal hi.
12 Topa in eite hong phawk a thupha hong pia tu hi;
ama in Israel te le Pathian thiampite theampo thupha pia tu hi.
13Ama a zaktate theampo
a lian, a no a kibangin ama in thupha pia tu hi. #Tpl 11:18; 19:5
14 Topa in no le na suan na paalte uh tungah
hin le toai hong pia tahen!
15Van le lei a vawt Topa in
note thupha hong pia tahen.
16Vantung sia, Topa bek ii
neisa hi a,
ahihang simlei sia
mihingte atu in pia hi.
17 Topa sia, ngam thimna a zuansuk
mithite peuma in pok ngawl uh hi.
18Ahihang ei a nungtate in
tu le a tawntungin ama tungah lungdam ih ko tu hi.
Topa pok vun!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016