Psalm Late 108
108
Ngalte Zaw natu Hu nget Thungetna
(Psalm Late 57:7-11; 60:5-12)
1Lungmuanna a cingin ka nei hi, Pathian awng!
La ka sa tu a, kong pok tu hi!
Khanglo in, ka thaa awng!
2Ka tengtongh le liamlo te awng, khanglo vun!
Tung sunni zongh ka phong tu hi.
3 Topa awng, minamte sung
nangma tungah lungdam kong ko tu hi.
Mihingte kawm panin nang kong pok tu hi.
4Na itna kip in vantungte kalh hi;
na thumaanna in vante ban hi.
5Pathian awng, van ah na letna le
leitung bup ah na minthanna lak in.
6Na thahatna taw
kote hong hun ta'n;
na it, na mite a suatak thei natu in ka thungetna hong zo ta'n.
7A inn thiangtho pan Pathian in,
“Zawna mualsuana taw Shechem ka khentham tu a,
Sukkoth ngamkuam sia ka mihingte ka hawmsak tu hi.
8Gilead sia kei aa hi a,
Manasseh zongh kei aa, ahi hi;
Ephraim sia ka thik lukhu hi a,
Judah sia ka kumpi ciangkhut hi.
9Ahihang Moab sia
ka kisilna kuangin ka zangh tu a,
ka neisa hi ci in a kitel natu in
Edom tungah ka peangdap
ka lawn tu hi.
Philistine te tungah zawna
mualsua in ka au tu hi,” ci hi.
10Pathian awng, ngalnan natu in
a ki uumcip khuapi sungah
akua in kei hong tumpui tu ziam?
Edom ah akua in kei lam hong pui tu ziam?
11Hong nial takpi zo ni ziam?
Ka ngalkap honte taw
mainawt in hong kuanpui
ngawl tu ni ziam?
12Ngalte langpanin
ko hong hu ta'n;
Mihingte kihuna in
mannung ngawl hi.
13Pathian ei sang hong pang le eite in ih zo tu hi;
ama in ih ngalte a zothal tu hi.
Currently Selected:
Psalm Late 108: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Psalm Late 108
108
Ngalte Zaw natu Hu nget Thungetna
(Psalm Late 57:7-11; 60:5-12)
1Lungmuanna a cingin ka nei hi, Pathian awng!
La ka sa tu a, kong pok tu hi!
Khanglo in, ka thaa awng!
2Ka tengtongh le liamlo te awng, khanglo vun!
Tung sunni zongh ka phong tu hi.
3 Topa awng, minamte sung
nangma tungah lungdam kong ko tu hi.
Mihingte kawm panin nang kong pok tu hi.
4Na itna kip in vantungte kalh hi;
na thumaanna in vante ban hi.
5Pathian awng, van ah na letna le
leitung bup ah na minthanna lak in.
6Na thahatna taw
kote hong hun ta'n;
na it, na mite a suatak thei natu in ka thungetna hong zo ta'n.
7A inn thiangtho pan Pathian in,
“Zawna mualsuana taw Shechem ka khentham tu a,
Sukkoth ngamkuam sia ka mihingte ka hawmsak tu hi.
8Gilead sia kei aa hi a,
Manasseh zongh kei aa, ahi hi;
Ephraim sia ka thik lukhu hi a,
Judah sia ka kumpi ciangkhut hi.
9Ahihang Moab sia
ka kisilna kuangin ka zangh tu a,
ka neisa hi ci in a kitel natu in
Edom tungah ka peangdap
ka lawn tu hi.
Philistine te tungah zawna
mualsua in ka au tu hi,” ci hi.
10Pathian awng, ngalnan natu in
a ki uumcip khuapi sungah
akua in kei hong tumpui tu ziam?
Edom ah akua in kei lam hong pui tu ziam?
11Hong nial takpi zo ni ziam?
Ka ngalkap honte taw
mainawt in hong kuanpui
ngawl tu ni ziam?
12Ngalte langpanin
ko hong hu ta'n;
Mihingte kihuna in
mannung ngawl hi.
13Pathian ei sang hong pang le eite in ih zo tu hi;
ama in ih ngalte a zothal tu hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016