Mi Simna 8
8
Meiinnte Koi
1 Topa in Moses tungah, 2“Aaron in meiinn salite meikhuam tungah a koi ciang a maisang a taang tu in koi tahen ci in son in.” ci hi. 3Aaron in a thu ni a, meikhuam ii maisang maingatin meiinnte koi hi. 4Topa in Moses tungah a laksa pianzia bangin tua meikhuam a dawn pan a bul dong a kiseak khamh taw kivawt hi.#Pu 25:31-40; 37:17-24
Levi te Thianthosakna le Aapna
5 Topa in Moses tungah, 6“Levi te sia Israel dangte taw khen in a, hi bangin thiansua in: 7thiansuana tui amate tungah the in a, a pum tung bup multe meet hen a, a puante a sawp natu sawl in. Tua sia ciang amate thiangtho tu uh hi. 8Tua zawkciang amate in khuital moi khat le antang biakpiak natu a, a kisamh olive thau taw kihel anvuite kengsak in a; nangma in mawphel biakpiak natu in a dang khuital khat na keng tu hi. 9Tuaciang Israel taangpi bup khawm in a, ka ompuina Puanbuk mai ah Levi te dingsak in. 10Israel mite in Levi te lu tungah a khut uh nga tu a, 11tuaciang Levi te in ka na a sep thei natu in Israel te tung pan a tuam vilvel letsong bangin amate Aaron in keima tungah hong aap tu hi. 12Levi te in khuital niite lu tungah a khut uh nga tu uh a; Levi te atu a zeksa thiansuana vawt natu in, khui khat mawphel biakpiakna in kipia tu a, a dang khat sia meihal biakpiakna in kipia tu hi.
13“Levi te kei tungah a tuam vilvel letsong in hong aap ta'n a, Aaron le a tapate in amate uksak in. 14Levi te sia keima aa ahi tu in Israel dangte tu a bangin khen in. 15Levi te thiansua in aapna na vawt zawkciang, amate Puanbuk sungah naseam tu in a kiphu a kilawmte suak tu hi. 16Israel te tapa suakciil theampo ii dinmun ah amate ka laaksa hi a, amate keima bek ii neisa ahi hi. 17Egypt ah taciil theampo ka thalup lai in, Israel innkuan sim ii tapa lianbel tek le a nganhing suakciil theampo keima neisa in ka tuam koi hi. #Pu 13:2 18Tu in keima in Levi te sia Israel te taciil theampo taangin ka la hi, 19Puanbuk sungah Israel te atu in naseam tu le Mun Thiangtho ah Israel te in hong neak a, ngimna a thuak thaak ngawl natu a dal tu in, Israel te sung pan letsong bangin Levi te sia Aaron le a tapate tungah ka pia hi.” ci hi.
20Tua ahiciang Topa in Moses a thupiak bangin, Moses, Aaron le Israel mite theampo in Pathian tungah Levi te aap uh hi. 21Levi te amate le amate kithiansua in, a puante uh silthiang a, tua zawkciang Aaron in Topa tungah amate a tuam vilvel letsong in aap hi. Aaron in amate atu in kithiansuana a zeksa teng zongh vawtsak hi. 22Levi mite taw kisai, Topa ii Moses tungah a thupiak theampo mipite in vawt siat hi. Tua hi a, Levi mite sia Aaron le a tapate khutnuai ah Puanbuk sung naseam tu in a kiphu a kilawm hong suak uh hi.
23 Topa in Moses tungah, 24“Levi te a mi simin kum 25 a phak pan kipan keima ompuina Puanbuk sungah a vaipuakte seam tu uh a, 25kum 50 a phak ciang tawp tu uh hi. 26Tua zawkciang ama in Puanbuk sungah a Levi mipuite ii nasep hu thei tu hi, ahizong ama tatakin seam ngawl het tu hi. Hi bangin Levi te ii nasep tu teng seesak tu ni hi.” ci hi.
Currently Selected:
Mi Simna 8: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Mi Simna 8
8
Meiinnte Koi
1 Topa in Moses tungah, 2“Aaron in meiinn salite meikhuam tungah a koi ciang a maisang a taang tu in koi tahen ci in son in.” ci hi. 3Aaron in a thu ni a, meikhuam ii maisang maingatin meiinnte koi hi. 4Topa in Moses tungah a laksa pianzia bangin tua meikhuam a dawn pan a bul dong a kiseak khamh taw kivawt hi.#Pu 25:31-40; 37:17-24
Levi te Thianthosakna le Aapna
5 Topa in Moses tungah, 6“Levi te sia Israel dangte taw khen in a, hi bangin thiansua in: 7thiansuana tui amate tungah the in a, a pum tung bup multe meet hen a, a puante a sawp natu sawl in. Tua sia ciang amate thiangtho tu uh hi. 8Tua zawkciang amate in khuital moi khat le antang biakpiak natu a, a kisamh olive thau taw kihel anvuite kengsak in a; nangma in mawphel biakpiak natu in a dang khuital khat na keng tu hi. 9Tuaciang Israel taangpi bup khawm in a, ka ompuina Puanbuk mai ah Levi te dingsak in. 10Israel mite in Levi te lu tungah a khut uh nga tu a, 11tuaciang Levi te in ka na a sep thei natu in Israel te tung pan a tuam vilvel letsong bangin amate Aaron in keima tungah hong aap tu hi. 12Levi te in khuital niite lu tungah a khut uh nga tu uh a; Levi te atu a zeksa thiansuana vawt natu in, khui khat mawphel biakpiakna in kipia tu a, a dang khat sia meihal biakpiakna in kipia tu hi.
13“Levi te kei tungah a tuam vilvel letsong in hong aap ta'n a, Aaron le a tapate in amate uksak in. 14Levi te sia keima aa ahi tu in Israel dangte tu a bangin khen in. 15Levi te thiansua in aapna na vawt zawkciang, amate Puanbuk sungah naseam tu in a kiphu a kilawmte suak tu hi. 16Israel te tapa suakciil theampo ii dinmun ah amate ka laaksa hi a, amate keima bek ii neisa ahi hi. 17Egypt ah taciil theampo ka thalup lai in, Israel innkuan sim ii tapa lianbel tek le a nganhing suakciil theampo keima neisa in ka tuam koi hi. #Pu 13:2 18Tu in keima in Levi te sia Israel te taciil theampo taangin ka la hi, 19Puanbuk sungah Israel te atu in naseam tu le Mun Thiangtho ah Israel te in hong neak a, ngimna a thuak thaak ngawl natu a dal tu in, Israel te sung pan letsong bangin Levi te sia Aaron le a tapate tungah ka pia hi.” ci hi.
20Tua ahiciang Topa in Moses a thupiak bangin, Moses, Aaron le Israel mite theampo in Pathian tungah Levi te aap uh hi. 21Levi te amate le amate kithiansua in, a puante uh silthiang a, tua zawkciang Aaron in Topa tungah amate a tuam vilvel letsong in aap hi. Aaron in amate atu in kithiansuana a zeksa teng zongh vawtsak hi. 22Levi mite taw kisai, Topa ii Moses tungah a thupiak theampo mipite in vawt siat hi. Tua hi a, Levi mite sia Aaron le a tapate khutnuai ah Puanbuk sung naseam tu in a kiphu a kilawm hong suak uh hi.
23 Topa in Moses tungah, 24“Levi te a mi simin kum 25 a phak pan kipan keima ompuina Puanbuk sungah a vaipuakte seam tu uh a, 25kum 50 a phak ciang tawp tu uh hi. 26Tua zawkciang ama in Puanbuk sungah a Levi mipuite ii nasep hu thei tu hi, ahizong ama tatakin seam ngawl het tu hi. Hi bangin Levi te ii nasep tu teng seesak tu ni hi.” ci hi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016