Mi Simna 28
28
Hunmaan Piakkhiatnate
(Pusuana 29:38-46)
1 Topa in Moses tungah, 2Israel te in a kisee hunin ama a lungkimsak ahi, a kitaangsamh an biakpiaknate Pathian tungah a piak natu a sawl natu in thupia hi.
3Hite sia Topa tungah a kipia tu an piakkhiatnate ahi hi: ni sim meihal biakpiak natu in a mealhem ngawl kum khat a pha tuutalno nii hi tu hi. 4Tuuno a khatna sia zingsang in kipia tu a, a niina sia nitakin kipia tu hi. 5Tua tuuno khat sim taw antang piakkhiatna khat ahi a phabel olive thau litre khat a kihel anvui kilogramme khat kipia khawm tu hi. 6Hisia in Sinai Mual tungah a masabel an biakpiakna in a kipia sa, a kihaltum ni sim biakpiakna hi a, tua in Topa a lungkimsak ngimnam ahi hi. 7A masa tuuno sia taw sapittui biakpiakna na piak uh bangin biaknatau ah sapittui litre khat buak vun. 8Sapittui taw zingsang biakpiakna a kipiak khop bangma in, nitakin a niina tuuno sia pia vun. Tuasia zongh a ngimnam taw Topa a lungkimsak an taw biakpiakna ahi hi.
Sabbath Biakpiakna
9Sabbath ni in a mealhem ngawl, kum khat a pha tuutal no nii, antang biakpiakna in olive thau taw a kihel anvui kilogramme 2 le sapittui biakpiakna pia vun. 10Hi meihal biakpiakna sia ni simin sapittui biakpiakna belapna in Sabbath ni simin piak tu ahi hi.
Tha sim a Ni khat Ni Biakpiakna
11Tha sim a ni khat ni in, Topa tungah meihal biakpiakna a nuai a bangin pia vun: khuitalno nii, tuutal khat, kum khat a pha tuutalno sali, a vekpi in a mealhem ngawl hi tu hi. 12Antang biakpiakna in olive thau taw a kihel anvui pia vun: khuital khat ciang anvui kilogramme 3 veu; tuutal sia anvui kilogramme 2 13le, tuuno khat ciang anvui kilogramme khat veu taw pia vun. Hi meihal biakpiaknate sia an biakpiakna hi a, Topa a lungkimsak ngimnam khat ahi hi. 14Piak ngengei sapittui biakpiakna sia khuital khat ciang sapittui litre 2, tuutal sia sapittui litre khat le lang le tuuno khat ciang sapittui litre khat veu taw piak tu ahi hi. Hisia kum khat tawntung tha sim, a ni khat ni in meihal biakpiakna ah zui tu ngeina ahi hi. 15Tuaciang sapittui biakpiakna taw ni sim meihal biakpiakna belapna in, mawphel biakpiakna in kealtal khat pia vun.
Tol Saw ngawl Anluum Poai ah Biakpiaknate
(Thiampi 23:5-14 )
16 Topa patoaina Paisan Poai sia tha masabel, ni sawm le ni li ni in, kivawt tu hi.#Pu 12:1-13; Thkna 16:1-2 17A ni sawm le ni nga ni in, biakna poai kipan a, ni sali sung poai kikhaam tu hi, tua hunsung teng tol saw ngawl anluum bek kine tu hi. 18Poaikhaam a ni masabel ni in, biakna vawt tu in na kikhawm tu uh a, na kiseam ngawl tu hi. 19Topa tungah an taw biakpiakna in meihal biakpiakna pia vun: khuitalno nii, tuutal khat le kum khat a pha tuutal sali, a vekpi in a mealhem ngawl hi tu hi. 20Olive thau a kihel anvui taw piak ngei antang biakpiakna pia vun: Khuital khat ciang anvui kilogramme 3 veu, tuutal sia anvui kilogramme 2 21le tuutalno khat ciang anvui kilogramme khat veu taw pia tu nu hi. 22Mawphel biakpiakna in keal tal khat zongh pia vun a, hi bangin mipite atu in a zeksa thiansuana vawt vun. 23Hite sia zing simin meihal biakpiakna belapna in pia vun. 24Tuabang ma in ni sali sung ama a lungkimsak ngimnam, an taw biakpiakna Topa tungah pia vun. Hi biakpiakna sia ni sim meihal biakpiakna le sapittui biakpiakna belapna in pia thua vun. #Pu 12:14-20; 23:15; 34:18; Thkna 16:3-8 25A ni sali ni in, biakna vawt tu in kikhawm vun a, na seam heak vun.
Anlaak Poai ah Biakpiaknate
(Thiam 23:15-22)
26Anlaak Poai a ni masabel ni in Topa tungah anpal biakpiakna na piak uh ciang biak kikhopna nei in, bangma seam ngawl tu nu hi. 27Topa a lungkimsak ngimnam, meihal biakpiakna pia vun: khuital moi nii, tuutal khat le kum khat a pha tuutalno sali hi tu a, a vekpi in a mealhem ngawl hi tu hi. 28Olive thau le anvui a kihel piak ngengei antang biakpiakna pia vun: khuital khat ciang anvui kilogramme 3 veu, tuutal sia anvui kilogramme 2, 29le tuutalno khat ciang anvui kilogramme khat veu taw pia vun. 30Mawphel biakpiakna in kealtal khat zongh pia vun a, hi bangin mipite atu in a zeksa thiansuana vawt vun. 31Ni sim meihal biakpiakna le antang biakpiakna belapna in hite le sapittui biakpiakna pia vun. #Pu 23:16; 34:22; Thkna 16:9-12
Currently Selected:
Mi Simna 28: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Mi Simna 28
28
Hunmaan Piakkhiatnate
(Pusuana 29:38-46)
1 Topa in Moses tungah, 2Israel te in a kisee hunin ama a lungkimsak ahi, a kitaangsamh an biakpiaknate Pathian tungah a piak natu a sawl natu in thupia hi.
3Hite sia Topa tungah a kipia tu an piakkhiatnate ahi hi: ni sim meihal biakpiak natu in a mealhem ngawl kum khat a pha tuutalno nii hi tu hi. 4Tuuno a khatna sia zingsang in kipia tu a, a niina sia nitakin kipia tu hi. 5Tua tuuno khat sim taw antang piakkhiatna khat ahi a phabel olive thau litre khat a kihel anvui kilogramme khat kipia khawm tu hi. 6Hisia in Sinai Mual tungah a masabel an biakpiakna in a kipia sa, a kihaltum ni sim biakpiakna hi a, tua in Topa a lungkimsak ngimnam ahi hi. 7A masa tuuno sia taw sapittui biakpiakna na piak uh bangin biaknatau ah sapittui litre khat buak vun. 8Sapittui taw zingsang biakpiakna a kipiak khop bangma in, nitakin a niina tuuno sia pia vun. Tuasia zongh a ngimnam taw Topa a lungkimsak an taw biakpiakna ahi hi.
Sabbath Biakpiakna
9Sabbath ni in a mealhem ngawl, kum khat a pha tuutal no nii, antang biakpiakna in olive thau taw a kihel anvui kilogramme 2 le sapittui biakpiakna pia vun. 10Hi meihal biakpiakna sia ni simin sapittui biakpiakna belapna in Sabbath ni simin piak tu ahi hi.
Tha sim a Ni khat Ni Biakpiakna
11Tha sim a ni khat ni in, Topa tungah meihal biakpiakna a nuai a bangin pia vun: khuitalno nii, tuutal khat, kum khat a pha tuutalno sali, a vekpi in a mealhem ngawl hi tu hi. 12Antang biakpiakna in olive thau taw a kihel anvui pia vun: khuital khat ciang anvui kilogramme 3 veu; tuutal sia anvui kilogramme 2 13le, tuuno khat ciang anvui kilogramme khat veu taw pia vun. Hi meihal biakpiaknate sia an biakpiakna hi a, Topa a lungkimsak ngimnam khat ahi hi. 14Piak ngengei sapittui biakpiakna sia khuital khat ciang sapittui litre 2, tuutal sia sapittui litre khat le lang le tuuno khat ciang sapittui litre khat veu taw piak tu ahi hi. Hisia kum khat tawntung tha sim, a ni khat ni in meihal biakpiakna ah zui tu ngeina ahi hi. 15Tuaciang sapittui biakpiakna taw ni sim meihal biakpiakna belapna in, mawphel biakpiakna in kealtal khat pia vun.
Tol Saw ngawl Anluum Poai ah Biakpiaknate
(Thiampi 23:5-14 )
16 Topa patoaina Paisan Poai sia tha masabel, ni sawm le ni li ni in, kivawt tu hi.#Pu 12:1-13; Thkna 16:1-2 17A ni sawm le ni nga ni in, biakna poai kipan a, ni sali sung poai kikhaam tu hi, tua hunsung teng tol saw ngawl anluum bek kine tu hi. 18Poaikhaam a ni masabel ni in, biakna vawt tu in na kikhawm tu uh a, na kiseam ngawl tu hi. 19Topa tungah an taw biakpiakna in meihal biakpiakna pia vun: khuitalno nii, tuutal khat le kum khat a pha tuutal sali, a vekpi in a mealhem ngawl hi tu hi. 20Olive thau a kihel anvui taw piak ngei antang biakpiakna pia vun: Khuital khat ciang anvui kilogramme 3 veu, tuutal sia anvui kilogramme 2 21le tuutalno khat ciang anvui kilogramme khat veu taw pia tu nu hi. 22Mawphel biakpiakna in keal tal khat zongh pia vun a, hi bangin mipite atu in a zeksa thiansuana vawt vun. 23Hite sia zing simin meihal biakpiakna belapna in pia vun. 24Tuabang ma in ni sali sung ama a lungkimsak ngimnam, an taw biakpiakna Topa tungah pia vun. Hi biakpiakna sia ni sim meihal biakpiakna le sapittui biakpiakna belapna in pia thua vun. #Pu 12:14-20; 23:15; 34:18; Thkna 16:3-8 25A ni sali ni in, biakna vawt tu in kikhawm vun a, na seam heak vun.
Anlaak Poai ah Biakpiaknate
(Thiam 23:15-22)
26Anlaak Poai a ni masabel ni in Topa tungah anpal biakpiakna na piak uh ciang biak kikhopna nei in, bangma seam ngawl tu nu hi. 27Topa a lungkimsak ngimnam, meihal biakpiakna pia vun: khuital moi nii, tuutal khat le kum khat a pha tuutalno sali hi tu a, a vekpi in a mealhem ngawl hi tu hi. 28Olive thau le anvui a kihel piak ngengei antang biakpiakna pia vun: khuital khat ciang anvui kilogramme 3 veu, tuutal sia anvui kilogramme 2, 29le tuutalno khat ciang anvui kilogramme khat veu taw pia vun. 30Mawphel biakpiakna in kealtal khat zongh pia vun a, hi bangin mipite atu in a zeksa thiansuana vawt vun. 31Ni sim meihal biakpiakna le antang biakpiakna belapna in hite le sapittui biakpiakna pia vun. #Pu 23:16; 34:22; Thkna 16:9-12
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016