Matthew 2
2
Nisuana sang pan Leangnate
1Jesus sia Herod Kumpipa maan lai in, Judea ngam Bethlehem khua ah suak hi. Tua zawk hai ngawlin aksi huvau a kante in nisuana sang pan Jerusalem ah hong pai uh a, 2“Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.
3Herod Kumpipa in hi thu a zaak ciang, Jerusalem a om midangte bangma in liinglawng hi. 4Ama in thiampi liante theampo le Thukham hil sya theampo kaikhawm in, “Messiah koisungah suak tu ziam?” ci in dongh hi.
5“Judea ngam Bethlehem khua ah suak tu hi, banghang ziam cile kamsaang khat in hi bangin at zo hi:
6‘Judah ngam
Bethlehem khua awng
Judah ngam
khuapi thupite sungah,
nang sia a nobel na hi bua hi,
banghang ziam cile nang sung panin,
ka Israel mite lam a lak tu
lampuipa khat, hong piang tu hi.’ ” #Mic 5:2
7Tua ahikom Herod in nisuana sang pan hong pai leangnate sam ku a, aksi a kilangh bang hun tatak ziam, ci in dongh hi. 8Tuaciang, hi bang sawlna taw Bethlehem ah paisak hi. “Pai tavun a, patangno sia pha tak hong zong tavun. Na mu zawk uh ciang hong zasak kik tavun, kei zongh pai in ka bia tu hi,” ci hi.
9-10Tuaciang amate ding kik a, nisuana sang pan a mu sa uh aksi sia ma a pai kawmin mu uh hi. Amate in tua aksi a mu ciangin, a thinnopna le a lungdamna kison zo ngawl hi! Aksi sia amate mai ah pai a patangno omna tung san a thet ciang tawlnga hi. 11Amate inn sungah tum a patangno le a nu Mary a mu uh ciang khupdin in bia uh hi. Amate in a ken uh a letsongte khamh, frankincense paaknamtui le myrrh thil namtuite sua in pia uh hi.
12Pathian in amate Herod kungah, a heak kik ngawl natu in, a mang sungah hilkhol ahikom lampi dang khat tawn in, a ngam ah cia kik uh hi.
Egypt ah Taipui
13Amate a pai zawkciang, Topa vantunglalang khat Joseph mang sungah kilangh a, “Herod in patangno sia that tu in zong tu hi. Tua ahikom patangno le a nu Egypt ngam ah taipui ta'n, cia kik a kong sawl dong, tua munah om tavun,” ci hi.
14Joseph tho a patangno le a nu Egypt ngam ah zan lai in, taipui hi. 15Tua munah Herod thi dong taam uh hi. “Egypt ngam pan ka Tapa ka sam hi,” ci thu kamsaangpa ii sonkholnate a taangtunna ahi hi.#Hos 11:1
Patangnote A Kithalupna
16Nisuana sang pan hong pai mihing pilte in theam ahi hunlam Herod in a phaw ciangin a thin uuk mama hi. Bethlehem khua sung le a kiim a paam a om, kum nii le a nuaisia patangno theampo thalup tu in thupia hi. Mipilte ii aksi a mu hun taw tuatin tuabangin ngamta hi.
17Kamsaangpa Jeremiah ii a sonkholna teng hi bangin taangtung a:
18“Ramah ngam ah nasia tak kaana awnging khat kiza hi. Rachel sia a tate a thi siat hu in kiheneam zo ngawlin kap hi.” #Jer 31:15
Egypt ngam pan Heakkikna
19Herod thi zawkciang Egypt ngam a om Joseph mang sungah Topa vantunglalang khat kilangh a, 20“Tho in nauno le a nu, Israel ngam ah ciapui kik ta'n. Banghang ziam cile patang a that nuam sia thi zo hi,” ci hi. 21Tua ahikom Joseph tho a, nauno le a nu taw Israel ngam ah cia kik uh hi.
22Ahihang Judea ngam ah Herod za a laih sia Archelaus hi, ci in Joseph in a zaak ciang tua ngam a pai tu lau hi. A mang sungah a ngamtat natu kihil thua ahikom Galilee ngam ah pai in Nazareth khua ah teang hi. 23Kamsaangte sonkhol bangin, “Ama sia Nazareth mi kici tu hi,” a cina thu taangtung hi.#Mk 1:24; Lk 2:39; Jn 1:45
Currently Selected:
Matthew 2: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Matthew 2
2
Nisuana sang pan Leangnate
1Jesus sia Herod Kumpipa maan lai in, Judea ngam Bethlehem khua ah suak hi. Tua zawk hai ngawlin aksi huvau a kante in nisuana sang pan Jerusalem ah hong pai uh a, 2“Jew te Kumpipa tu in a piang nausen sia koisung a suak ziam,” ci in dongh hi. “Nisuana sang panin ama ii aksi hong suak ka mu uh a, ama bia tu in kong pai uh hi,” ci uh hi.
3Herod Kumpipa in hi thu a zaak ciang, Jerusalem a om midangte bangma in liinglawng hi. 4Ama in thiampi liante theampo le Thukham hil sya theampo kaikhawm in, “Messiah koisungah suak tu ziam?” ci in dongh hi.
5“Judea ngam Bethlehem khua ah suak tu hi, banghang ziam cile kamsaang khat in hi bangin at zo hi:
6‘Judah ngam
Bethlehem khua awng
Judah ngam
khuapi thupite sungah,
nang sia a nobel na hi bua hi,
banghang ziam cile nang sung panin,
ka Israel mite lam a lak tu
lampuipa khat, hong piang tu hi.’ ” #Mic 5:2
7Tua ahikom Herod in nisuana sang pan hong pai leangnate sam ku a, aksi a kilangh bang hun tatak ziam, ci in dongh hi. 8Tuaciang, hi bang sawlna taw Bethlehem ah paisak hi. “Pai tavun a, patangno sia pha tak hong zong tavun. Na mu zawk uh ciang hong zasak kik tavun, kei zongh pai in ka bia tu hi,” ci hi.
9-10Tuaciang amate ding kik a, nisuana sang pan a mu sa uh aksi sia ma a pai kawmin mu uh hi. Amate in tua aksi a mu ciangin, a thinnopna le a lungdamna kison zo ngawl hi! Aksi sia amate mai ah pai a patangno omna tung san a thet ciang tawlnga hi. 11Amate inn sungah tum a patangno le a nu Mary a mu uh ciang khupdin in bia uh hi. Amate in a ken uh a letsongte khamh, frankincense paaknamtui le myrrh thil namtuite sua in pia uh hi.
12Pathian in amate Herod kungah, a heak kik ngawl natu in, a mang sungah hilkhol ahikom lampi dang khat tawn in, a ngam ah cia kik uh hi.
Egypt ah Taipui
13Amate a pai zawkciang, Topa vantunglalang khat Joseph mang sungah kilangh a, “Herod in patangno sia that tu in zong tu hi. Tua ahikom patangno le a nu Egypt ngam ah taipui ta'n, cia kik a kong sawl dong, tua munah om tavun,” ci hi.
14Joseph tho a patangno le a nu Egypt ngam ah zan lai in, taipui hi. 15Tua munah Herod thi dong taam uh hi. “Egypt ngam pan ka Tapa ka sam hi,” ci thu kamsaangpa ii sonkholnate a taangtunna ahi hi.#Hos 11:1
Patangnote A Kithalupna
16Nisuana sang pan hong pai mihing pilte in theam ahi hunlam Herod in a phaw ciangin a thin uuk mama hi. Bethlehem khua sung le a kiim a paam a om, kum nii le a nuaisia patangno theampo thalup tu in thupia hi. Mipilte ii aksi a mu hun taw tuatin tuabangin ngamta hi.
17Kamsaangpa Jeremiah ii a sonkholna teng hi bangin taangtung a:
18“Ramah ngam ah nasia tak kaana awnging khat kiza hi. Rachel sia a tate a thi siat hu in kiheneam zo ngawlin kap hi.” #Jer 31:15
Egypt ngam pan Heakkikna
19Herod thi zawkciang Egypt ngam a om Joseph mang sungah Topa vantunglalang khat kilangh a, 20“Tho in nauno le a nu, Israel ngam ah ciapui kik ta'n. Banghang ziam cile patang a that nuam sia thi zo hi,” ci hi. 21Tua ahikom Joseph tho a, nauno le a nu taw Israel ngam ah cia kik uh hi.
22Ahihang Judea ngam ah Herod za a laih sia Archelaus hi, ci in Joseph in a zaak ciang tua ngam a pai tu lau hi. A mang sungah a ngamtat natu kihil thua ahikom Galilee ngam ah pai in Nazareth khua ah teang hi. 23Kamsaangte sonkhol bangin, “Ama sia Nazareth mi kici tu hi,” a cina thu taangtung hi.#Mk 1:24; Lk 2:39; Jn 1:45
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016