Matthew 19
19
Jesus in Nupa Kikhulna huvau Thuhil
(Mark 10:1-12)
1Jesus in hi teng a ci zawkciang, Galilee ngam nusia in Jordan ngun ngalkhat Judea ngam ah pai hi. 2Mihonpi in zui a, tua munah amate damsak hi.
3Pharisee te pawlkhat in, ama aitaa nuam ahikom hi bangin dongh uh hi. “Pasal khat in a zi sia bang thu po taw ahizong a khul nuam le khul thei hi ci thu, ih thukham in a oai ziam?” ci uh hi.
4“A kipatciil in Bitphuapa in mihing sia pa khat le numei khat vawt hi, ci in a ki at laithiangtho sia sim ngeingawl nu ziam?#Pian 1:27; 5:2 5Tuaciangin hi thu hangin, ‘Pasal in a pa le a nu nusia tu a, a zi taw kingawm in, amate ngeal sia khat suak tu hi,’ Pathian in ci hi.#Pian 2:24 6“Tua ahikom amate sia nii hi nawn ngawlin khat suak hi. Tua ahikom Pathian ii ngawmsa sia mihing in khen thei ngawl tu hi,” ci hi.
7Pharisee te in, “Tua ahile banghang Moses in, Pasal in a zi a khul le kikhulna lai pia tahen, ci in thukham vawt ziam?” ci in dongh uh hi.#Thkna 24:1-4; Mt 5:31
8Jesus in, “Moses in zi khul thei natu thu hong pia hi, banghang ziam cile noma sia hil hak mama nu hi. Ahihang bitphua ciil hunin tuabang thu om ngawl hi. 9A tatakin kong ci ciang, pasal khat in a zi sia, vaang kitan ngawlna simngawl, thudang taw a khul a, numei dang a teenpui le ama in palngul mawna vawt ahi hi,” ci hi.#Mt 5:32; 1 Cor 7:10-11
10A nungzuite in ama tungah, “Pasal le zi kilaklaw ah ngamtat natu sia tu a bang ahi thong le kiteang bualeang phazaw hi,” ci uh hi.
11Jesus in, “Hi kihilna sia mihing theampo atu kici ngawl a, Pathian ii piakte atu bek hi: 12Banghang ziam cile pate ii zi a nei thei ngawl natu thu tam mama om hi; pawlkhat sia a nei thei ngawl tu in piang hi; pawlkhat sia ngual in tuabang tu ma in vawt hi; tuaciang pawlkhat in Vantung ngam thu hangin nei ngawl hi. Hi kihilna a saang theite in, tuabangin ngamta tahen,” ci hi.
Jesus in Patangnote Thupha pia
(Mark 10:13-16; Luke 18:15-17)
13Mihing pawlkhat in patangte tungah khut nga a, thungetsak tu in Jesus kungah paipui uh hi; ahihang nungzuite in tua mihingte teih hi. 14Jesus in, “Patangte ka kungah hong pai tahen, khaam heak vun, banghang ziam cile Vantung ngam sia tuabangte atu ahi hi,” ci hi.
15Amate tungah a khut nga a tua zawkciangin paisan hi.
Sumhau Khangnopa
(Mark 10:17-31; Luke 18:18 -30)
16Khatvei lai in Jesus kungah pasal khat hong pai hi. “Sya awng, tawntung nuntakna nga natu in, bang nasep pha ka seam tu ziam?” ci in Jesus dongh hi.
17“A banghangin naphate huvau kei tungah hong dongh ni ziam? A pha khat bekma om hi. Nuntakna sungah na tum nuam le thupiakte tang in,” Jesus in ci hi.
18Ama in “A bang thupiakte ziam?” ci in dongh hi. Jesus in “Mihing that heak in, palngul mawna vawt heak in, ngu heak in, leilot thu taw ngual suanhkhial heak in;#Pu 20:13; Thkna 5:17-20 19na pa le na nu zakta in, nangma le nangma na ki it bangin na innpaamte zongh it in,” ci in zo kik hi.#Pu 20:12; Thkna 5:16; Thiam 19:18
20“Hi thupiakte theampo ka zui siat sa hi,” khangnopa in ci hi. “A dang bang ka sep tu kul lai ziam?” ci hi.
21Jesus in ama munah, “Na cialcing nuam le, va pai ta'n a, na neisa theampo zuak in, sum na nga teng a zawngte pia ta'n, tua hile vantung ah na hau tu hi; tua zawkciang ka nung hong zui ta'n,” ci hi.
22Khangnopa in hi thu teng a zaak ciangin khuangai in paisan hi, banghang ziam cile ama hau mama hi.
23Jesus in a nungzuite munah “A tatakin ka ci ciang sumhaute Vantung ngamsung a thet tu sia haksa mama tu hi. 24Kong ci kik hi: kalaoh khat phin bilvang sungah a tum tu sangin sumhaute Pathian Ngam sungah a tum tu sia haksa zaw lai hi,” ci hi.
25Nungzuite in hi thu a zaak uh ciangin, amate lungmang mama uh hi. “Tuabang hi thong le akua peuma ngupna nga thei tu ziam?” ci uh hi.
26Jesus in amate tangtan in en a, “Mihing atu in suak thei ngawl ahihang Pathian atu na khat pawpo suak thei hi,” ci hi.
27Tuaciang Peter in, “En in, na theampo nusia in nang hong zui khu hi, bang ka nga tu uh ziam?” ci hi.
28Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.#Mt 25:31; Lk 22:30 29Tuaciang a kuama po kei hu in, a inn, a suapuipate, a suapuinute, a pa, a nu, a tate, a leitang khat pawpo a nusiate in, a see zakhat sangin tamzaw in saang tu a, tawntung nuntakna kipia tu hi. 30Ahihang tu laitak a masate hong nungkhak tu a, tu laitak a nungkhakte hong masa tu hi,” ci hi.#Mt 20:16; Lk 13:30
Currently Selected:
Matthew 19: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Matthew 19
19
Jesus in Nupa Kikhulna huvau Thuhil
(Mark 10:1-12)
1Jesus in hi teng a ci zawkciang, Galilee ngam nusia in Jordan ngun ngalkhat Judea ngam ah pai hi. 2Mihonpi in zui a, tua munah amate damsak hi.
3Pharisee te pawlkhat in, ama aitaa nuam ahikom hi bangin dongh uh hi. “Pasal khat in a zi sia bang thu po taw ahizong a khul nuam le khul thei hi ci thu, ih thukham in a oai ziam?” ci uh hi.
4“A kipatciil in Bitphuapa in mihing sia pa khat le numei khat vawt hi, ci in a ki at laithiangtho sia sim ngeingawl nu ziam?#Pian 1:27; 5:2 5Tuaciangin hi thu hangin, ‘Pasal in a pa le a nu nusia tu a, a zi taw kingawm in, amate ngeal sia khat suak tu hi,’ Pathian in ci hi.#Pian 2:24 6“Tua ahikom amate sia nii hi nawn ngawlin khat suak hi. Tua ahikom Pathian ii ngawmsa sia mihing in khen thei ngawl tu hi,” ci hi.
7Pharisee te in, “Tua ahile banghang Moses in, Pasal in a zi a khul le kikhulna lai pia tahen, ci in thukham vawt ziam?” ci in dongh uh hi.#Thkna 24:1-4; Mt 5:31
8Jesus in, “Moses in zi khul thei natu thu hong pia hi, banghang ziam cile noma sia hil hak mama nu hi. Ahihang bitphua ciil hunin tuabang thu om ngawl hi. 9A tatakin kong ci ciang, pasal khat in a zi sia, vaang kitan ngawlna simngawl, thudang taw a khul a, numei dang a teenpui le ama in palngul mawna vawt ahi hi,” ci hi.#Mt 5:32; 1 Cor 7:10-11
10A nungzuite in ama tungah, “Pasal le zi kilaklaw ah ngamtat natu sia tu a bang ahi thong le kiteang bualeang phazaw hi,” ci uh hi.
11Jesus in, “Hi kihilna sia mihing theampo atu kici ngawl a, Pathian ii piakte atu bek hi: 12Banghang ziam cile pate ii zi a nei thei ngawl natu thu tam mama om hi; pawlkhat sia a nei thei ngawl tu in piang hi; pawlkhat sia ngual in tuabang tu ma in vawt hi; tuaciang pawlkhat in Vantung ngam thu hangin nei ngawl hi. Hi kihilna a saang theite in, tuabangin ngamta tahen,” ci hi.
Jesus in Patangnote Thupha pia
(Mark 10:13-16; Luke 18:15-17)
13Mihing pawlkhat in patangte tungah khut nga a, thungetsak tu in Jesus kungah paipui uh hi; ahihang nungzuite in tua mihingte teih hi. 14Jesus in, “Patangte ka kungah hong pai tahen, khaam heak vun, banghang ziam cile Vantung ngam sia tuabangte atu ahi hi,” ci hi.
15Amate tungah a khut nga a tua zawkciangin paisan hi.
Sumhau Khangnopa
(Mark 10:17-31; Luke 18:18 -30)
16Khatvei lai in Jesus kungah pasal khat hong pai hi. “Sya awng, tawntung nuntakna nga natu in, bang nasep pha ka seam tu ziam?” ci in Jesus dongh hi.
17“A banghangin naphate huvau kei tungah hong dongh ni ziam? A pha khat bekma om hi. Nuntakna sungah na tum nuam le thupiakte tang in,” Jesus in ci hi.
18Ama in “A bang thupiakte ziam?” ci in dongh hi. Jesus in “Mihing that heak in, palngul mawna vawt heak in, ngu heak in, leilot thu taw ngual suanhkhial heak in;#Pu 20:13; Thkna 5:17-20 19na pa le na nu zakta in, nangma le nangma na ki it bangin na innpaamte zongh it in,” ci in zo kik hi.#Pu 20:12; Thkna 5:16; Thiam 19:18
20“Hi thupiakte theampo ka zui siat sa hi,” khangnopa in ci hi. “A dang bang ka sep tu kul lai ziam?” ci hi.
21Jesus in ama munah, “Na cialcing nuam le, va pai ta'n a, na neisa theampo zuak in, sum na nga teng a zawngte pia ta'n, tua hile vantung ah na hau tu hi; tua zawkciang ka nung hong zui ta'n,” ci hi.
22Khangnopa in hi thu teng a zaak ciangin khuangai in paisan hi, banghang ziam cile ama hau mama hi.
23Jesus in a nungzuite munah “A tatakin ka ci ciang sumhaute Vantung ngamsung a thet tu sia haksa mama tu hi. 24Kong ci kik hi: kalaoh khat phin bilvang sungah a tum tu sangin sumhaute Pathian Ngam sungah a tum tu sia haksa zaw lai hi,” ci hi.
25Nungzuite in hi thu a zaak uh ciangin, amate lungmang mama uh hi. “Tuabang hi thong le akua peuma ngupna nga thei tu ziam?” ci uh hi.
26Jesus in amate tangtan in en a, “Mihing atu in suak thei ngawl ahihang Pathian atu na khat pawpo suak thei hi,” ci hi.
27Tuaciang Peter in, “En in, na theampo nusia in nang hong zui khu hi, bang ka nga tu uh ziam?” ci hi.
28Jesus in, “A maan takin kong ci hi. Mihing Tapa sia hong pai tu Khang Thak hun sungah minthanna kumpi tokhum tungah hong to ciangin, no kei hong zui sawm le niite zongh kumpi tokhum tungah to in Israel minam sawm le niite na uk tu uh hi.#Mt 25:31; Lk 22:30 29Tuaciang a kuama po kei hu in, a inn, a suapuipate, a suapuinute, a pa, a nu, a tate, a leitang khat pawpo a nusiate in, a see zakhat sangin tamzaw in saang tu a, tawntung nuntakna kipia tu hi. 30Ahihang tu laitak a masate hong nungkhak tu a, tu laitak a nungkhakte hong masa tu hi,” ci hi.#Mt 20:16; Lk 13:30
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016