Thiampite 7
7
Khialphel natu Biakpiaknate
1A nuai a te sia khialphel biakpiaknate atu zui tu ngeinate hi a, thiangtho mama hi. 2Meihal biakpiak natu in nganhing kingawna mun, biaknatau saksang ah hi biakpiakna ngan kingo tu a, biaknatau pangh li tengah a chi kithe tu hi. 3A thau theampo la in biaknatau tungah kipia tu a, tuate a meithau, a sungthau, 4a nauta le a tuam thau teng, le a thinsa phabel teng hi tu hi. 5Topa tungah an taw biakpiakna bangin thiampipa in a thau theampo biaknatau tungah hal tu hi. Tua in khialphel biakpiakna khat ahi hi. 6Thiampi innkuanpui, pa peuma in tua sa ne thei tu a, ahizong tua sa thiangtho mama ahikom mun thiangthona ah kine tu hi.
7Mawphel biakpiakna le khialphel biakpiakna ah a kibangin zak tu ngeina khat om a, tua in a sa sia sangaw biakpiakna a pia thiampipa ii neisa hi, cina ahi hi. 8Meihal biakpiakna in a kipia nganhing vun sia biakpiakna a pia thiampipa ii neisa ahi hi. 9Thik bealpeu sungah a ki em, ahibuale beal baannei le moh emna sungah a kivawt antang biakpiakna peuma, Pathian tungah a pia thiampipa ii neisa hi. 10Ahizong a kihuan ngawl antang a kipia theampo, sathau taw a kihel ahizong a kihel ngawl ahizong, Aaron suan thiampite neisa hi a, a kikim in a hawm tek tu ahi hi.
Kipawlkhop Biakpiaknate
11A nuai a te Topa tungah a kipia kipawlkhop biakpiakna ah zui tu ngeinate ahi hi. 12Mihing khat in Pathian tungah lungdamko biakpiakna in hi biakpiakna a vawt le biakpiakna ah a zak tu nganhing taw in, tol saw ngawl anluum piakhawm tu hi, tuate anvui le olive thau a kihel a saa anluumte ahibuale olive thau taw a kizut muhte, ahibuale olive thau taw kihel muhte ahi hi. 13Tua dom ngawlin tol kisaw anluumte zongh pia tu hi. 14Ama in anluum nam simin khen khat tek a tuam vilvel in Topa tungah pia tu a; tuate nganhing chi la a, biaknatau tungah a the thiampipa ii neisa ahi hi. 15Biakpiakna nganhing sa sia biakpiakna vawt ni in kine tu a; a zingsang ciang dong koi ngawl tu hi.
16Mihing khat in kamciam taangtut natu ahizong ama thinzaw biakpiakna taw ahizong a piak pawlkhop biakpiakna hong paipui le biakpiak ni in ne siat ngawl tu a, a taanglai pawpo a zing ciang ne thei tu hi. 17A ni thum ni in sa taanglai pawpo kihal tu hi. 18A ni thum ni in a taanglai sa a kine le tua pa biakpiakna Pathian in saang ngawl tu hi. Tua biakpiakna sia ama atu in phattuamna om ngawl tu a, a thiangtho ngawlin kingaisun in, tua sa a ne pawpo in a piang babang thuak tu hi. 19Tua biakpiakna sa sia biakna taw kisai a thiang ngawl khat pawpo taw a kithutha le kine ngawlin a kihal kul tu hi.
Biakna zeksa taw kisai in a thiang khat pawpo in tua sa ne thei tu hi, 20ahizong a thiang ngawl khat pawpo in tua sa a ne le Pathian mi in kingaisun nawn ngawl tu hi. 21Mihing khat pawpo in mihing ahibuale nganhing tung pan biakna taw kisai in a thiang ngawl khat pawpo a tham zawkciang hi biakpiakna sa a ne le, ama sia Pathian mi in kingaisun nawn ngawl tu hi.
22 Topa in Moses tungah, 23a nuai a, zui tu ngeina teng Israel mite atu in pia hi. Khuithau, tuuthau le kealthau kine ngawl tu hi. 24Ama thu in a thi thawthong nganhing ahibuale ngamsa ii a mat nganhing sia ii thaute kine ngawl tu a, ahizong na dangin kizangh thei tu hi. 25Mihing khat pawpo in Topa tungah an taw biakpiakna in a kizangh thei nganhing thau a ne le, ama sia Pathian mi in kingaisun nawn ngawl tu hi. 26Koisung po ah a teang zong Israel te in vacim chi le nganhing chi ne ngawl tu hi. #Pian 9:4; Thiam 17:10-14; 19:26; Thkna 12:16,23; 15:23 27Hi thukham a paltan pawpo Pathian ii mi khat in kingaisun nawn ngawl tu hi.
28 Topa in Moses tungah 29a nuai a, zui tu ngeina teng Israel mite atu in pia hi. A kuama po in kipawlkhop biakpiakna a piak ciang tua ii sung pan pawlkhat sia Topa tungah a tuam vilvel letsong in puak hamtang tu a, 30tua letsong sia an taw biakpiakna bangin ama khut vateak taw paipui tu hi. Ama in nganhing thau sia a awmsa taw paipui tu a, Topa tungah a tuam vilvel letsong in pia tu hi. 31Thiampipa in a thaute biaknatau ah hal tu a, ahizong a awmsa sia thiampite in tang tu hi. 32A ziatsang phei bup sia a tuam vilvel letsong in, 33a chi le a thau taw in kipawlkhop biakpiakna a pia thiampipa tungah pia tu hi. 34A awmsa sia a tuam vilvel letsong hi a, a ziatsang phei sia Israel mite tung pan Topa ii a laak, thiampite tungah a piak a tuam vilvel letsong ahi hi. Hisia maisang hun theampo ah Israel mite ii thiampite tungah a piak tu ahi hi. 35Hisia in Aaron le a tapate thiampi in a kikipsak ni a, Topa tungah a kipia an sung pan amate a kipia an khen khat ahi hi. 36Tua ni in hi biakpiakna sung pan khen khat thiampite tungah piak tu in Israel mite tungah Topa in thupia hi. Hi sia in Israel mite ii mai sang hun theampo ah a zui tu ngeina khat ahi hi.
37Tua ahiciang, hite in meihal biakpiakna, antang biakpiakna, mawphel biakpiakna, khialphel biakpiakna, kipsakna biakpiaknate, le pawlkhop biakpiakna atu in ngeinate ahi hi. 38Hite sia sennealngam Sinai Mual ah, Israel mite ii zui tu biakpiaknate a vawt natu a son ni in Topa ii Moses tungah a thupiakte ahi hi.
Currently Selected:
Thiampite 7: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Thiampite 7
7
Khialphel natu Biakpiaknate
1A nuai a te sia khialphel biakpiaknate atu zui tu ngeinate hi a, thiangtho mama hi. 2Meihal biakpiak natu in nganhing kingawna mun, biaknatau saksang ah hi biakpiakna ngan kingo tu a, biaknatau pangh li tengah a chi kithe tu hi. 3A thau theampo la in biaknatau tungah kipia tu a, tuate a meithau, a sungthau, 4a nauta le a tuam thau teng, le a thinsa phabel teng hi tu hi. 5Topa tungah an taw biakpiakna bangin thiampipa in a thau theampo biaknatau tungah hal tu hi. Tua in khialphel biakpiakna khat ahi hi. 6Thiampi innkuanpui, pa peuma in tua sa ne thei tu a, ahizong tua sa thiangtho mama ahikom mun thiangthona ah kine tu hi.
7Mawphel biakpiakna le khialphel biakpiakna ah a kibangin zak tu ngeina khat om a, tua in a sa sia sangaw biakpiakna a pia thiampipa ii neisa hi, cina ahi hi. 8Meihal biakpiakna in a kipia nganhing vun sia biakpiakna a pia thiampipa ii neisa ahi hi. 9Thik bealpeu sungah a ki em, ahibuale beal baannei le moh emna sungah a kivawt antang biakpiakna peuma, Pathian tungah a pia thiampipa ii neisa hi. 10Ahizong a kihuan ngawl antang a kipia theampo, sathau taw a kihel ahizong a kihel ngawl ahizong, Aaron suan thiampite neisa hi a, a kikim in a hawm tek tu ahi hi.
Kipawlkhop Biakpiaknate
11A nuai a te Topa tungah a kipia kipawlkhop biakpiakna ah zui tu ngeinate ahi hi. 12Mihing khat in Pathian tungah lungdamko biakpiakna in hi biakpiakna a vawt le biakpiakna ah a zak tu nganhing taw in, tol saw ngawl anluum piakhawm tu hi, tuate anvui le olive thau a kihel a saa anluumte ahibuale olive thau taw a kizut muhte, ahibuale olive thau taw kihel muhte ahi hi. 13Tua dom ngawlin tol kisaw anluumte zongh pia tu hi. 14Ama in anluum nam simin khen khat tek a tuam vilvel in Topa tungah pia tu a; tuate nganhing chi la a, biaknatau tungah a the thiampipa ii neisa ahi hi. 15Biakpiakna nganhing sa sia biakpiakna vawt ni in kine tu a; a zingsang ciang dong koi ngawl tu hi.
16Mihing khat in kamciam taangtut natu ahizong ama thinzaw biakpiakna taw ahizong a piak pawlkhop biakpiakna hong paipui le biakpiak ni in ne siat ngawl tu a, a taanglai pawpo a zing ciang ne thei tu hi. 17A ni thum ni in sa taanglai pawpo kihal tu hi. 18A ni thum ni in a taanglai sa a kine le tua pa biakpiakna Pathian in saang ngawl tu hi. Tua biakpiakna sia ama atu in phattuamna om ngawl tu a, a thiangtho ngawlin kingaisun in, tua sa a ne pawpo in a piang babang thuak tu hi. 19Tua biakpiakna sa sia biakna taw kisai a thiang ngawl khat pawpo taw a kithutha le kine ngawlin a kihal kul tu hi.
Biakna zeksa taw kisai in a thiang khat pawpo in tua sa ne thei tu hi, 20ahizong a thiang ngawl khat pawpo in tua sa a ne le Pathian mi in kingaisun nawn ngawl tu hi. 21Mihing khat pawpo in mihing ahibuale nganhing tung pan biakna taw kisai in a thiang ngawl khat pawpo a tham zawkciang hi biakpiakna sa a ne le, ama sia Pathian mi in kingaisun nawn ngawl tu hi.
22 Topa in Moses tungah, 23a nuai a, zui tu ngeina teng Israel mite atu in pia hi. Khuithau, tuuthau le kealthau kine ngawl tu hi. 24Ama thu in a thi thawthong nganhing ahibuale ngamsa ii a mat nganhing sia ii thaute kine ngawl tu a, ahizong na dangin kizangh thei tu hi. 25Mihing khat pawpo in Topa tungah an taw biakpiakna in a kizangh thei nganhing thau a ne le, ama sia Pathian mi in kingaisun nawn ngawl tu hi. 26Koisung po ah a teang zong Israel te in vacim chi le nganhing chi ne ngawl tu hi. #Pian 9:4; Thiam 17:10-14; 19:26; Thkna 12:16,23; 15:23 27Hi thukham a paltan pawpo Pathian ii mi khat in kingaisun nawn ngawl tu hi.
28 Topa in Moses tungah 29a nuai a, zui tu ngeina teng Israel mite atu in pia hi. A kuama po in kipawlkhop biakpiakna a piak ciang tua ii sung pan pawlkhat sia Topa tungah a tuam vilvel letsong in puak hamtang tu a, 30tua letsong sia an taw biakpiakna bangin ama khut vateak taw paipui tu hi. Ama in nganhing thau sia a awmsa taw paipui tu a, Topa tungah a tuam vilvel letsong in pia tu hi. 31Thiampipa in a thaute biaknatau ah hal tu a, ahizong a awmsa sia thiampite in tang tu hi. 32A ziatsang phei bup sia a tuam vilvel letsong in, 33a chi le a thau taw in kipawlkhop biakpiakna a pia thiampipa tungah pia tu hi. 34A awmsa sia a tuam vilvel letsong hi a, a ziatsang phei sia Israel mite tung pan Topa ii a laak, thiampite tungah a piak a tuam vilvel letsong ahi hi. Hisia maisang hun theampo ah Israel mite ii thiampite tungah a piak tu ahi hi. 35Hisia in Aaron le a tapate thiampi in a kikipsak ni a, Topa tungah a kipia an sung pan amate a kipia an khen khat ahi hi. 36Tua ni in hi biakpiakna sung pan khen khat thiampite tungah piak tu in Israel mite tungah Topa in thupia hi. Hi sia in Israel mite ii mai sang hun theampo ah a zui tu ngeina khat ahi hi.
37Tua ahiciang, hite in meihal biakpiakna, antang biakpiakna, mawphel biakpiakna, khialphel biakpiakna, kipsakna biakpiaknate, le pawlkhop biakpiakna atu in ngeinate ahi hi. 38Hite sia sennealngam Sinai Mual ah, Israel mite ii zui tu biakpiaknate a vawt natu a son ni in Topa ii Moses tungah a thupiakte ahi hi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016