Thiampite 14
14
Vun natnate Nei Zawkciang Thiansuana
1 Topa in a lauhuai vun natna pan a dam mihing khat a zeksa thiansua natu in, 2a nuai a zui tu ngeinate Moses tungah pia hi. Ama a thiang hi ci in a kithansak tu ni in, thiampipa kungah kipaipui tu a, #Mt 8:4; Mk 1:44; Lk 5:14; 17:14 3thiampipa in ngiaphual pua sangah ama paipui in en tu hi. 4A natna a dam le, thiampipa in biakna taw kisai a thiang vacim nii sia cedar thing, khausan, hyssop meangte taw a kipaipui khop natu in thupia tu hi. 5Tuaciang thiampipa in vacimte khat ciktui thiang a kidim leibeal khat tungah a thalup natu in thupia tu hi. 6Ama in vacim dang khat sia la in a kithat vacim ii chi sungah cedar thing, khausan le hyssop taw, pap khawm tu hi. 7Ama in vun natna vei a kithiansua tu pa ii tungah salivei a chi the tu a, tua zawkciang ama thiang hi ci in thiampipa in thangsak tu hi. A nungta vacim sia dui sungah leangsak tu hi. 8Tua pa in a puan sawp tu a, a multe theampo meetin kibual tu a, tua zawkciang ama biakna taw kisai in a thiang hi tu hi. Ama ngiaphual sung tum thei tu ahihang, buk pua sangah ama ni sali sung a teen kul tu hi. 9Ni sali ni in ama in a sam, a khamul, a mitmul le a taanglai a pum tung mul teng theampo meet kik siat tu a; a puante silthiang in kibual tu a, tuaciang ama biakna taw kisai in a thiang hi tu hi.
10A ni liat ni in kum khat a pha, a mealhem ngawl tuutalno nii le tuu anu khat olive thau taw kihel anvui kilogramme thum le olive thau litre khat ii khenthum sua khenkhat, ama in paipui tu hi. 11Thiampipa in tua pa le biakpiaknate Topa ompuina Puanbuk kongbiang ah paipui tu hi. 12Tuaciang thiampipa in sathau litre khat ii khenthum sua khenkhat taw tuutal note khat khialphel biakpiakna in pia tu hi. Ama in thiampipa atu in tua te Topa tungah a tuam vilvel letsong in pia tu hi. 13Ama in mawphel biakpiak natu le meihal biakpiak natu in nganhing kingawna mun, a thiangthona munah tuuno ngo tu hi. Ama in hi bangin vawt tu hi, banghang ziam cile khialphel biakpiakna sia mawphel biakpiakna taw kibangin thiampipa ii neisa hi a, thiangtho mama hi. 14Thiampipa in tuuno chi tawm la in, biakna taw kisai a kithiansua pa ii a ziatsang bildawn, a ziatsang khutpi dawn le a ziatsang peangpi dawn noisak tu hi. 15Thiampipa in olive thau tawm la in a veisang khutpheak sungah sung tu a, 16a ziatsang khutme khat a sungah papin, Topa ompuina tualai ah tua sathau pawlkhat salivei the tu hi. 17Ama in a khutpheak sung a om sathau tawm le tuuno chi tawm la in biakna taw kisai thiang hi, ci in a kithangsak tu pa ii a ziatsang bildawn, a ziatsang khutpi, a ziatsang peangpi tungah noai tu hi. 18A khutpheak sungah a taanglai sathaute tua pa lu tungah thisak tu hi. Tuabangin thiampipa in a zeksa thiansuana vawt tu hi.
19Tuaciang thiampipa in mawphel biakpiakna pia in a zeksa thiansuana vawt tu hi. Tuasia zawkciang ama in meihal biakpiak natu in ngan ngo tu a, 20antang biakpiakna taw biaknatau tungah pia tu hi. Hi bangin thiampipa in a zeksa thiansuana vawt tu a, tua pa biakna taw kisai in thiang tu hi.
21Tua pa zawngin a dang bangma a pia zo buale a kithiansua natu bekin, tuutal khat khialphel biakpiak natu, thiampipa atu in Topa tungah a tuam vilvel letsongin pia tu hi. Ama in antang biakpiak natu in olive thau taw a kihel anvui kilogramme khat le olive thau litre khat ii khenthum sua khenkhat paipui tu hi. 22Ama in inn vakhu nii ahibuale ngam vakhu nii zongh keng tu a, mawmai biakpiak natu in khat, le meihal biakpiak natu in khat hi tu hi. 23A kithiansua zawk ni liat ni in, Puanbuk kongbiang ah a om thiampipa kungah tuate paipui tu hi. 24Thiampipa in tuu le olive thau keng tu a, thiampipa atu in Topa tungah a tuam vilvel letsongin pia tu hi. 25Ama in tuu ngo tu a, a chisan tawm la in tua pa ii ziatsang bildawn, a ziatsang khutpi tung le ziatsang peangpi tungah noai tu hi. 26Thiampipa in a veisang khutpheak tungah sathau tawm sung tu a, 27a ziatsang khutme taw Topa ompuina tualai ah tua sathau pawlkhat salivei the tu hi. 28Ama in chisan a noina mun tengma ahi, a ziatsang bildawn, a ziatsang khutpi tung le a ziatsang peangpi tungah sathau tawm noai tu hi. 29A khutpheak sungah a taanglai sathau teng sia tua pa lu tungah thisak tu a, hi bangin a zeksa thiansuana vawt tu hi. 30Tuaciang ama in inn vakhu khat ahibuale ngam vakhu khat sia, 31mawphel biakpiakna in pia tu a, a dang khat sia meihal biakpiakna in antang biakpiakna taw pia tu hi. Hi bangin thiampipa in a zeksa thiansuana vawt tu hi. 32Hisia in a kiitakhuai vun natna vei a ahihang ama kithiansua natu in a kisamh biakpiaknate a pia zo ngawl sia ii zui tu thukham ahi hi.
Innsung Cipawl natna
33 Topa in Moses le Aaron tungah, 34-35inn sungah cipawl natna kizel in a om ciang a nuai a zui tu ngeinate pia hi. (Hite sia Israel mite ii lua tu in Topa ii a piak tu Canaan ngamsung a tum zawkciang a zak tu ngeinate ahi hi.) Topa in a inn sungah cipawl natna puak hi ci in mihing khat pawpo in a mu le pai in thiampipa tungah son nanak tu hi. 36Thiampipa in cipawlnatna en tu a pai ma in inn sung vanh theampo a pusua natu in thupia tu a; tua ahibuale inn sung vanh teng thiang ngawl hi, ci tu hi. Tuaciang ama sia inn ah pai tu a, 37cipawl natna sittel tu hi. Tuate in ahingpian ahibuale a sanpawl hi a, innpang a nesuk tu bang ahile, 38tua inn sia ni sali sung tawkalh cip in ama in nusia tu hi. 39Ni sali ni ciang ama heak kikin sittel kik tu hi. Tua cipawl natna a beak le, 40tua cipawl natna a baanna suangte la in khuapi puasang a ninna munah a vawk natu in thiampipa in thupia tu hi. 41Tua zawkciang ama in pang sungsang belna teng kiatsak tu a, a kiatna vuite khuapi pua sang a ninna ah vawksak tu hi. 42Tuaciang tua suangte a kilaakna munah suang dangte koi kik tu a, a zutna thak taw zut kik tu hi.
43Suangte la in pangte kiat a, za a zut kik zawkciang cipawl natna tua inn sungah hong om kik veve le, 44thiampipa in pai in en tu hi. Tua cipawl natna a kizel ahile tua inn a thiang ngawl ahi hi. 45Tua inn phel tu a, a suangte, a thingte le a zutnate khua puasang a ninna munah vawk tu hi. 46Tua inn sia taw a kikalh laitakin a sungah a tum khat pawpo sia nitak dong a thiang ngawl hi tu hi. 47Hi inn sungah a lum ahibuale an a ne sia in ama puante sawpthiang tu hi.
48Thiampipa in inn sia za a kizut zawk in a et ciang cipawl natna a om kik nawn buale, cipawl natna bo thiang zo ahikom ama in biakna taw kisai a thiang inn ci in thangsak tu hi. 49Inn thiansua natu in ama in vacim nii, cedar thing tawm, khausan le hyssop baakno meang khat paipui tu hi. 50Ama in cik tuithiang koina leibeal tungah vacimte khat ngo tu hi. 51Tuaciang ama in cedar thing, hyssop, khausan le a nungta vacim paipui in, a kithat vacim chi sung le tuithiang sungah pap tu hi. Tuaciang ama in tua inn salivei the tu hi. 52Hi bangin vacim chi, tuithiang, a nungta vacim, cedar thing, hyssop le khausante taw ama in inn thiansua tu hi. 53Tuaciang ama in a nungta vacim sia khuapi puasang dui sungah leangsak tu hi. Hi bangin ama in a zeksa inn thiansuana vawt tu a, biakna taw kisai in inn thiang hi tu hi.
54Hiteng sia a kiitakhuai vun natnate; 55-56meimate, uilutte ahibuale a tum meimate, le puan tung ahibuale inn sungah cipawl natnate taw kisai zui tu thukhamte ahi hi. 57Hi thukhamte in na khat sia thiang ziam thiang ngawl ziam khensat hi.
Currently Selected:
Thiampite 14: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Thiampite 14
14
Vun natnate Nei Zawkciang Thiansuana
1 Topa in a lauhuai vun natna pan a dam mihing khat a zeksa thiansua natu in, 2a nuai a zui tu ngeinate Moses tungah pia hi. Ama a thiang hi ci in a kithansak tu ni in, thiampipa kungah kipaipui tu a, #Mt 8:4; Mk 1:44; Lk 5:14; 17:14 3thiampipa in ngiaphual pua sangah ama paipui in en tu hi. 4A natna a dam le, thiampipa in biakna taw kisai a thiang vacim nii sia cedar thing, khausan, hyssop meangte taw a kipaipui khop natu in thupia tu hi. 5Tuaciang thiampipa in vacimte khat ciktui thiang a kidim leibeal khat tungah a thalup natu in thupia tu hi. 6Ama in vacim dang khat sia la in a kithat vacim ii chi sungah cedar thing, khausan le hyssop taw, pap khawm tu hi. 7Ama in vun natna vei a kithiansua tu pa ii tungah salivei a chi the tu a, tua zawkciang ama thiang hi ci in thiampipa in thangsak tu hi. A nungta vacim sia dui sungah leangsak tu hi. 8Tua pa in a puan sawp tu a, a multe theampo meetin kibual tu a, tua zawkciang ama biakna taw kisai in a thiang hi tu hi. Ama ngiaphual sung tum thei tu ahihang, buk pua sangah ama ni sali sung a teen kul tu hi. 9Ni sali ni in ama in a sam, a khamul, a mitmul le a taanglai a pum tung mul teng theampo meet kik siat tu a; a puante silthiang in kibual tu a, tuaciang ama biakna taw kisai in a thiang hi tu hi.
10A ni liat ni in kum khat a pha, a mealhem ngawl tuutalno nii le tuu anu khat olive thau taw kihel anvui kilogramme thum le olive thau litre khat ii khenthum sua khenkhat, ama in paipui tu hi. 11Thiampipa in tua pa le biakpiaknate Topa ompuina Puanbuk kongbiang ah paipui tu hi. 12Tuaciang thiampipa in sathau litre khat ii khenthum sua khenkhat taw tuutal note khat khialphel biakpiakna in pia tu hi. Ama in thiampipa atu in tua te Topa tungah a tuam vilvel letsong in pia tu hi. 13Ama in mawphel biakpiak natu le meihal biakpiak natu in nganhing kingawna mun, a thiangthona munah tuuno ngo tu hi. Ama in hi bangin vawt tu hi, banghang ziam cile khialphel biakpiakna sia mawphel biakpiakna taw kibangin thiampipa ii neisa hi a, thiangtho mama hi. 14Thiampipa in tuuno chi tawm la in, biakna taw kisai a kithiansua pa ii a ziatsang bildawn, a ziatsang khutpi dawn le a ziatsang peangpi dawn noisak tu hi. 15Thiampipa in olive thau tawm la in a veisang khutpheak sungah sung tu a, 16a ziatsang khutme khat a sungah papin, Topa ompuina tualai ah tua sathau pawlkhat salivei the tu hi. 17Ama in a khutpheak sung a om sathau tawm le tuuno chi tawm la in biakna taw kisai thiang hi, ci in a kithangsak tu pa ii a ziatsang bildawn, a ziatsang khutpi, a ziatsang peangpi tungah noai tu hi. 18A khutpheak sungah a taanglai sathaute tua pa lu tungah thisak tu hi. Tuabangin thiampipa in a zeksa thiansuana vawt tu hi.
19Tuaciang thiampipa in mawphel biakpiakna pia in a zeksa thiansuana vawt tu hi. Tuasia zawkciang ama in meihal biakpiak natu in ngan ngo tu a, 20antang biakpiakna taw biaknatau tungah pia tu hi. Hi bangin thiampipa in a zeksa thiansuana vawt tu a, tua pa biakna taw kisai in thiang tu hi.
21Tua pa zawngin a dang bangma a pia zo buale a kithiansua natu bekin, tuutal khat khialphel biakpiak natu, thiampipa atu in Topa tungah a tuam vilvel letsongin pia tu hi. Ama in antang biakpiak natu in olive thau taw a kihel anvui kilogramme khat le olive thau litre khat ii khenthum sua khenkhat paipui tu hi. 22Ama in inn vakhu nii ahibuale ngam vakhu nii zongh keng tu a, mawmai biakpiak natu in khat, le meihal biakpiak natu in khat hi tu hi. 23A kithiansua zawk ni liat ni in, Puanbuk kongbiang ah a om thiampipa kungah tuate paipui tu hi. 24Thiampipa in tuu le olive thau keng tu a, thiampipa atu in Topa tungah a tuam vilvel letsongin pia tu hi. 25Ama in tuu ngo tu a, a chisan tawm la in tua pa ii ziatsang bildawn, a ziatsang khutpi tung le ziatsang peangpi tungah noai tu hi. 26Thiampipa in a veisang khutpheak tungah sathau tawm sung tu a, 27a ziatsang khutme taw Topa ompuina tualai ah tua sathau pawlkhat salivei the tu hi. 28Ama in chisan a noina mun tengma ahi, a ziatsang bildawn, a ziatsang khutpi tung le a ziatsang peangpi tungah sathau tawm noai tu hi. 29A khutpheak sungah a taanglai sathau teng sia tua pa lu tungah thisak tu a, hi bangin a zeksa thiansuana vawt tu hi. 30Tuaciang ama in inn vakhu khat ahibuale ngam vakhu khat sia, 31mawphel biakpiakna in pia tu a, a dang khat sia meihal biakpiakna in antang biakpiakna taw pia tu hi. Hi bangin thiampipa in a zeksa thiansuana vawt tu hi. 32Hisia in a kiitakhuai vun natna vei a ahihang ama kithiansua natu in a kisamh biakpiaknate a pia zo ngawl sia ii zui tu thukham ahi hi.
Innsung Cipawl natna
33 Topa in Moses le Aaron tungah, 34-35inn sungah cipawl natna kizel in a om ciang a nuai a zui tu ngeinate pia hi. (Hite sia Israel mite ii lua tu in Topa ii a piak tu Canaan ngamsung a tum zawkciang a zak tu ngeinate ahi hi.) Topa in a inn sungah cipawl natna puak hi ci in mihing khat pawpo in a mu le pai in thiampipa tungah son nanak tu hi. 36Thiampipa in cipawlnatna en tu a pai ma in inn sung vanh theampo a pusua natu in thupia tu a; tua ahibuale inn sung vanh teng thiang ngawl hi, ci tu hi. Tuaciang ama sia inn ah pai tu a, 37cipawl natna sittel tu hi. Tuate in ahingpian ahibuale a sanpawl hi a, innpang a nesuk tu bang ahile, 38tua inn sia ni sali sung tawkalh cip in ama in nusia tu hi. 39Ni sali ni ciang ama heak kikin sittel kik tu hi. Tua cipawl natna a beak le, 40tua cipawl natna a baanna suangte la in khuapi puasang a ninna munah a vawk natu in thiampipa in thupia tu hi. 41Tua zawkciang ama in pang sungsang belna teng kiatsak tu a, a kiatna vuite khuapi pua sang a ninna ah vawksak tu hi. 42Tuaciang tua suangte a kilaakna munah suang dangte koi kik tu a, a zutna thak taw zut kik tu hi.
43Suangte la in pangte kiat a, za a zut kik zawkciang cipawl natna tua inn sungah hong om kik veve le, 44thiampipa in pai in en tu hi. Tua cipawl natna a kizel ahile tua inn a thiang ngawl ahi hi. 45Tua inn phel tu a, a suangte, a thingte le a zutnate khua puasang a ninna munah vawk tu hi. 46Tua inn sia taw a kikalh laitakin a sungah a tum khat pawpo sia nitak dong a thiang ngawl hi tu hi. 47Hi inn sungah a lum ahibuale an a ne sia in ama puante sawpthiang tu hi.
48Thiampipa in inn sia za a kizut zawk in a et ciang cipawl natna a om kik nawn buale, cipawl natna bo thiang zo ahikom ama in biakna taw kisai a thiang inn ci in thangsak tu hi. 49Inn thiansua natu in ama in vacim nii, cedar thing tawm, khausan le hyssop baakno meang khat paipui tu hi. 50Ama in cik tuithiang koina leibeal tungah vacimte khat ngo tu hi. 51Tuaciang ama in cedar thing, hyssop, khausan le a nungta vacim paipui in, a kithat vacim chi sung le tuithiang sungah pap tu hi. Tuaciang ama in tua inn salivei the tu hi. 52Hi bangin vacim chi, tuithiang, a nungta vacim, cedar thing, hyssop le khausante taw ama in inn thiansua tu hi. 53Tuaciang ama in a nungta vacim sia khuapi puasang dui sungah leangsak tu hi. Hi bangin ama in a zeksa inn thiansuana vawt tu a, biakna taw kisai in inn thiang hi tu hi.
54Hiteng sia a kiitakhuai vun natnate; 55-56meimate, uilutte ahibuale a tum meimate, le puan tung ahibuale inn sungah cipawl natnate taw kisai zui tu thukhamte ahi hi. 57Hi thukhamte in na khat sia thiang ziam thiang ngawl ziam khensat hi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016