Thiampite 11
11
Neak thei Nganhingte
(Thuhil kikna 14:3-21)
1 Topa in Moses le Aaron tungah, 2Israel mite atu a nuai a ngeinate pia hi. Leitung nganhing, 3peangcin kaa a, eakkha zongh a thai pawpo ii sa na ne thei tu uh a, 4-6ahizong kalaohte, sakihte, ahibuale bilpite sa na ne bua het tu uh hi. Tuate a thiang ngawlin ngaisut tu ahi hi; hite eakkha a thai hangin a peangcin kaa ngawl hi. 7Voksa ne heak vun. Tuate a thiang ngawlin ngaisut tu ahi hi; Vok sia a peangcin kaa hikale eakkha thai ngawl hi. 8Tua nganhingte ii sa ne heak vun, a thite zongh tham heak vun; tuate thiangtho ngawl hi.
9Tha le hawlip a nei ngasa nam peuma ne thei tu nu hi, 10ahizong tuisung nganhing, tha le hawlip a nei ngawlte na ne buahet tu uh hi. 11Hi nganhingte a thiang ngawlin ngaisut tu ahi hi. Na ne buahet tu uh a, a thite zongh na tham buatu uh hi. 12Tuisung a nungta, tha le hawlip a nei ngawl peuma na ne bua het tu uh hi.
13-19A nuai a vacimte: muvanlai, simbu, muthi, mupui; mumeikaa, vaciik, va-ak; kalaoh vacim; tuipiva, hilniang vacimlian, vakaang, tuingumpai, vanungak; vasuangui le bak sate na ne buahet tu uh hi.
20Peang luk a nei tha nei lungnote, 21a leang vakeu theite simngawl po thiang ngawl hi. 22Khaumaw, khuangbai le sim khaumawte na ne thei tu uh hi. 23Ahizong tha nei a, a bokvak nganhing no dang theampo a thiang ngawl het in ngaisut tu ahi hi.
24-28A kuama po in a nuai a nganhing thite a tham peuma nitak dongin nin tu hi: tuate peangcin nei ahihang a kaa ngawl, eakkha a thai ngawl nganhing theampo le, a peangbom a, peang li nei nganhing theampo ahi hi. Tua nganhing a thite a pua peuma in a puan sawp nanak tu a, ahizong nitak dongin a thiang ngawl hi lai tu hi.
29-30Savokphualte, ngam zunamte, sanchiimte le, thankhik namte a nin in kingaisun hi. 31Hi nganhingte ahibuale a thiluangte a tham pawpo nitak dongin a thiang ngawl hi tu hi. 32Hi sa a thite na khat pawpo tungah a taak le, a tukna tua vanhte a thiang ngawl hi tu hi. A kizakna taw kisai ngawlin thing, puan, savun, ip cite hisia in huam siat tu hi. Tuasia tui sungah dia tu a, ahizong nitak dongin a thiang ngawl hi tu hi. 33Tua sathi luangte leibeal khat sungah a taak le, tua ii sungah a om na theampo a thiang ngawl hi tu a, a beal sutham hamtang tu nu hi. 34A kine thei an pawpo tungah tuabang beal sung pan tui a kisung le a nin hi tu a, tuabang beal sungah a om a kidawn thei pawpo nin tu hi. 35Sa thiluangte ii taakna khat pawpo sia thiang ngawl a, lei taw kivawt meibung ahibuale bealpeu sia kiseaktham tu hi. 36Hi sathi luangte ii a thuthaak dang pawpo a thiang ngawl hi tu a, ahizong tuinaak ahibuale tuibeam sia thiang veve hi. 37A kiciing tu thaicii tungah sathi luang khat a taak le, tua thaicii thiang veve hi. 38Ahizong thaicii sia tui sungah kidia in tua tungah sathi luang khat a taak le tua thaicii thiang ngawl hi.
39A kine thei nganhing khat a thi le, tuasia a tham pawpo nitak dongin thiang ngawl tu hi. 40Tua nganhing sate a ne a om le, a puan sawp hamtang tu a, ahizong nitak dongin a thiang ngawl hi lai tu hi; tua sathi luang a pua pawpo in a puan sawp hamtang tu hi, ahizong ama sia nitak dongin a thiang ngawl hi lai tu hi.
41Lei ah a vak nganhing note, 42a awmtaal ahizong, peang li taw a vak ahizong, peang tam mama a neite ahizong ne ngawl het tu nu hi. 43Hi sate ne in noma le noma a thiang ngawl kisua heak vun. 44Keima in Topa na Pathian ka hi a, keima thiangtho ka hikom note zongh na thiangtho uh kul hi. #Thiam 19:2; 1 Pe 1:16 45Na Pathian ka hi thei natu in Egypt pan hong pusuapui Topa ka hi hi. Keima thiangtho ka hikom note na thiangtho uh kul hi.
46Tua ahiciang hisia in nganhingte, vacimte, tuisung a nungtate theampo le leitung a vakte theampo taw a kisai thukham ahi hi. 47Note in biakna taw kisai a thiang le a thiang ngawl, neak thei le neak thei ngawl nganhingte na khentel thei tu na kidop uh kul hi.
Currently Selected:
Thiampite 11: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Thiampite 11
11
Neak thei Nganhingte
(Thuhil kikna 14:3-21)
1 Topa in Moses le Aaron tungah, 2Israel mite atu a nuai a ngeinate pia hi. Leitung nganhing, 3peangcin kaa a, eakkha zongh a thai pawpo ii sa na ne thei tu uh a, 4-6ahizong kalaohte, sakihte, ahibuale bilpite sa na ne bua het tu uh hi. Tuate a thiang ngawlin ngaisut tu ahi hi; hite eakkha a thai hangin a peangcin kaa ngawl hi. 7Voksa ne heak vun. Tuate a thiang ngawlin ngaisut tu ahi hi; Vok sia a peangcin kaa hikale eakkha thai ngawl hi. 8Tua nganhingte ii sa ne heak vun, a thite zongh tham heak vun; tuate thiangtho ngawl hi.
9Tha le hawlip a nei ngasa nam peuma ne thei tu nu hi, 10ahizong tuisung nganhing, tha le hawlip a nei ngawlte na ne buahet tu uh hi. 11Hi nganhingte a thiang ngawlin ngaisut tu ahi hi. Na ne buahet tu uh a, a thite zongh na tham buatu uh hi. 12Tuisung a nungta, tha le hawlip a nei ngawl peuma na ne bua het tu uh hi.
13-19A nuai a vacimte: muvanlai, simbu, muthi, mupui; mumeikaa, vaciik, va-ak; kalaoh vacim; tuipiva, hilniang vacimlian, vakaang, tuingumpai, vanungak; vasuangui le bak sate na ne buahet tu uh hi.
20Peang luk a nei tha nei lungnote, 21a leang vakeu theite simngawl po thiang ngawl hi. 22Khaumaw, khuangbai le sim khaumawte na ne thei tu uh hi. 23Ahizong tha nei a, a bokvak nganhing no dang theampo a thiang ngawl het in ngaisut tu ahi hi.
24-28A kuama po in a nuai a nganhing thite a tham peuma nitak dongin nin tu hi: tuate peangcin nei ahihang a kaa ngawl, eakkha a thai ngawl nganhing theampo le, a peangbom a, peang li nei nganhing theampo ahi hi. Tua nganhing a thite a pua peuma in a puan sawp nanak tu a, ahizong nitak dongin a thiang ngawl hi lai tu hi.
29-30Savokphualte, ngam zunamte, sanchiimte le, thankhik namte a nin in kingaisun hi. 31Hi nganhingte ahibuale a thiluangte a tham pawpo nitak dongin a thiang ngawl hi tu hi. 32Hi sa a thite na khat pawpo tungah a taak le, a tukna tua vanhte a thiang ngawl hi tu hi. A kizakna taw kisai ngawlin thing, puan, savun, ip cite hisia in huam siat tu hi. Tuasia tui sungah dia tu a, ahizong nitak dongin a thiang ngawl hi tu hi. 33Tua sathi luangte leibeal khat sungah a taak le, tua ii sungah a om na theampo a thiang ngawl hi tu a, a beal sutham hamtang tu nu hi. 34A kine thei an pawpo tungah tuabang beal sung pan tui a kisung le a nin hi tu a, tuabang beal sungah a om a kidawn thei pawpo nin tu hi. 35Sa thiluangte ii taakna khat pawpo sia thiang ngawl a, lei taw kivawt meibung ahibuale bealpeu sia kiseaktham tu hi. 36Hi sathi luangte ii a thuthaak dang pawpo a thiang ngawl hi tu a, ahizong tuinaak ahibuale tuibeam sia thiang veve hi. 37A kiciing tu thaicii tungah sathi luang khat a taak le, tua thaicii thiang veve hi. 38Ahizong thaicii sia tui sungah kidia in tua tungah sathi luang khat a taak le tua thaicii thiang ngawl hi.
39A kine thei nganhing khat a thi le, tuasia a tham pawpo nitak dongin thiang ngawl tu hi. 40Tua nganhing sate a ne a om le, a puan sawp hamtang tu a, ahizong nitak dongin a thiang ngawl hi lai tu hi; tua sathi luang a pua pawpo in a puan sawp hamtang tu hi, ahizong ama sia nitak dongin a thiang ngawl hi lai tu hi.
41Lei ah a vak nganhing note, 42a awmtaal ahizong, peang li taw a vak ahizong, peang tam mama a neite ahizong ne ngawl het tu nu hi. 43Hi sate ne in noma le noma a thiang ngawl kisua heak vun. 44Keima in Topa na Pathian ka hi a, keima thiangtho ka hikom note zongh na thiangtho uh kul hi. #Thiam 19:2; 1 Pe 1:16 45Na Pathian ka hi thei natu in Egypt pan hong pusuapui Topa ka hi hi. Keima thiangtho ka hikom note na thiangtho uh kul hi.
46Tua ahiciang hisia in nganhingte, vacimte, tuisung a nungtate theampo le leitung a vakte theampo taw a kisai thukham ahi hi. 47Note in biakna taw kisai a thiang le a thiang ngawl, neak thei le neak thei ngawl nganhingte na khentel thei tu na kidop uh kul hi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016