Joshua 2
2
Joshua in Jericho khua sungah Thudawpkute Paisak
1Tua zawkciang Joshua in thudawpkute nii sia Acacia ngiaphual panin paisak a, Canaan ngam, a tuanin Jericho khuapi vilku tu in thupia hi. Amate ngeal sia khuapi sung hong thet uh ciangin pumpi kizuak numei Rahab ii inn ah zan taam uh hi. #Heb 11:31; Jas 2:25 2Jericho khua kumpipa in ngal vil tu Israel mi pawlkhat tua zanin hong pai hi ci in za hi, 3tua ahikom ama in Rahab tungah thu puak a: “Na inn ah hong tung mite in ih ngam bup hong enkuu tu in hong pai hi! Amate hong pusua ta'n!” ci hi.
4-6“Mihing pawlkhat ahile ka inn ah hong pai peu hi, ahihang amate sia koisung pan hong pai ziam ka he bua hi. Khuapi kongpi a kikha ma nitum hunin amate heak kik zo hi. Amate zot natu kan se ngawl ka hi hang amate nung pan del memeang le uhte pha thei lai tu nu hi,” ci hi. (Tu in Rahab in hi thukankute nii sia a innkhum tungah huankhau kuung pawlkhat a koi te ii nuai ah seal hi.) 7Kumpipa mite in khuapi nusia a, tua zawkciang kongpi sia kikhak hi. Lamziikpi ii Jordan ngun a kaanna mun dong amate in Israel thudawpkute zong uh hi.
8Thudawpkute zan a lup ma in Rahab sia innkhum tungah kaato a, 9hi bangin ci hi; “Topa in hi ngam sia no hong pia zo hi ci in ka he hi. Ngamsung mite khat simin no hong kiita vadil hi. 10Topa in Egypt ngam na nusiat uh ciangin na mai a om San Tuipi sia kangsak ci in ka za uh hi. Jordan nisuana sang Amor te ii kumpite nii Sihon le Og na thalup uh zongh ka za uh hi. #Pu 14:21; Mi 21:21-35 11Ka zaak uh po ciang ka lau uh hi; no hu in ka thin letna teng ka bosua uh hi. Topa na Pathian sia vantung le hi lai leitung ii Pathian ahi hi. 12No tungah kong dik bangin ka innkuanpui te tungah dikna taw nong ngamtat natu in ama min taw hong kiciam tavun a, no kong muan thei natu in lim khat po hong pia tavun. 13Ka pa le ka nu, ka suapuipate ka suapuinute le a innkuanpui theampo nong suataksak natu kamciam hong pia tavun. Ko hong kithatlumsak heak vun!”
14Tua mite in ama tungah, “Koma pau bangin ka ngamta bua uh le Pathian in koma nuntakna hong la tahen! Koma ngamtatna teng kuama munah na son bua nale Topa in hi ngam hong piak ciangin pha takin kong vawt tu uh hi ci in kamciam kong pia uh hi,” ci uh hi.
15Rahab sia khuapi luphung pang sungah inn vawtin teang ahi bangma ama in pasal te nii khauzeen taw kongvang no panin khiasuk hi. 16“Mual tung ngam sang zuan tavun, tua ahi bua na po le kumpipa mihingte in hong mu tu hi. Tua munah amate ii hong heak kik dong ni thum sung buu tavun. Tuasia zawkciang na lampi na tawn thei kik tu uh hi” ci hi.
17Pasalte in ama munah, “Kamciam nong vawtsak teng sia kholet tu khu hi. Hi bangin na ngamtat kul tu hi. 18Na ngam uh kong sim uh ciang khauhual san hisia khitin nong khiaksukna kongvang no panin kaaisuksak in. Na pa na nu le na suapuite na pa innkuanpuite theampo na inn sungah khawm siat tu ni hi. 19Khat po doipua ah a pusuak le ama ii thina sia ama ii khialna hi tu a, ko taw kisai ngawl tu hi; ahihang na inn sungah om khat pawpo sia bang khat po a kitawksak ahile ko khialna hi tu hi. 20Ahizong ko ii ngamtatna sia khat po tungah na son a, ahile kamciam pia a nong sawl sia len ngawl tu khu hi.” 21Numei in tua thu lungkim in amate a paisak hi. Amate pai zawkciang numei nu in khauhual san khat a kongvang no panin a kaai suk tu in khit hi.
22Thukankute mual kawm ah pai in buu uh hi. Kumpipa mite in amate sia ni thum tangciing mun theampo ah zong uh hi, ahihang mu ngawl ahikom amate Jericho khua ah heak kik uh hi. 23Tua zawkciang thudawpkute nii sia mual tung pan hong tuaksuk uh a, ngun kaantan in Joshua kungah a heak kik uh hi. Ama tungah amate in thupiang theampo son uh hi, 24tuasia zawkciang, “Topa in ngam buppi sia ei hong pia zo hi ci in um khu hi. Tua munah a om mipi theampo sia ei hong kiita vadil hi,” ci uh hi.
Currently Selected:
Joshua 2: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Joshua 2
2
Joshua in Jericho khua sungah Thudawpkute Paisak
1Tua zawkciang Joshua in thudawpkute nii sia Acacia ngiaphual panin paisak a, Canaan ngam, a tuanin Jericho khuapi vilku tu in thupia hi. Amate ngeal sia khuapi sung hong thet uh ciangin pumpi kizuak numei Rahab ii inn ah zan taam uh hi. #Heb 11:31; Jas 2:25 2Jericho khua kumpipa in ngal vil tu Israel mi pawlkhat tua zanin hong pai hi ci in za hi, 3tua ahikom ama in Rahab tungah thu puak a: “Na inn ah hong tung mite in ih ngam bup hong enkuu tu in hong pai hi! Amate hong pusua ta'n!” ci hi.
4-6“Mihing pawlkhat ahile ka inn ah hong pai peu hi, ahihang amate sia koisung pan hong pai ziam ka he bua hi. Khuapi kongpi a kikha ma nitum hunin amate heak kik zo hi. Amate zot natu kan se ngawl ka hi hang amate nung pan del memeang le uhte pha thei lai tu nu hi,” ci hi. (Tu in Rahab in hi thukankute nii sia a innkhum tungah huankhau kuung pawlkhat a koi te ii nuai ah seal hi.) 7Kumpipa mite in khuapi nusia a, tua zawkciang kongpi sia kikhak hi. Lamziikpi ii Jordan ngun a kaanna mun dong amate in Israel thudawpkute zong uh hi.
8Thudawpkute zan a lup ma in Rahab sia innkhum tungah kaato a, 9hi bangin ci hi; “Topa in hi ngam sia no hong pia zo hi ci in ka he hi. Ngamsung mite khat simin no hong kiita vadil hi. 10Topa in Egypt ngam na nusiat uh ciangin na mai a om San Tuipi sia kangsak ci in ka za uh hi. Jordan nisuana sang Amor te ii kumpite nii Sihon le Og na thalup uh zongh ka za uh hi. #Pu 14:21; Mi 21:21-35 11Ka zaak uh po ciang ka lau uh hi; no hu in ka thin letna teng ka bosua uh hi. Topa na Pathian sia vantung le hi lai leitung ii Pathian ahi hi. 12No tungah kong dik bangin ka innkuanpui te tungah dikna taw nong ngamtat natu in ama min taw hong kiciam tavun a, no kong muan thei natu in lim khat po hong pia tavun. 13Ka pa le ka nu, ka suapuipate ka suapuinute le a innkuanpui theampo nong suataksak natu kamciam hong pia tavun. Ko hong kithatlumsak heak vun!”
14Tua mite in ama tungah, “Koma pau bangin ka ngamta bua uh le Pathian in koma nuntakna hong la tahen! Koma ngamtatna teng kuama munah na son bua nale Topa in hi ngam hong piak ciangin pha takin kong vawt tu uh hi ci in kamciam kong pia uh hi,” ci uh hi.
15Rahab sia khuapi luphung pang sungah inn vawtin teang ahi bangma ama in pasal te nii khauzeen taw kongvang no panin khiasuk hi. 16“Mual tung ngam sang zuan tavun, tua ahi bua na po le kumpipa mihingte in hong mu tu hi. Tua munah amate ii hong heak kik dong ni thum sung buu tavun. Tuasia zawkciang na lampi na tawn thei kik tu uh hi” ci hi.
17Pasalte in ama munah, “Kamciam nong vawtsak teng sia kholet tu khu hi. Hi bangin na ngamtat kul tu hi. 18Na ngam uh kong sim uh ciang khauhual san hisia khitin nong khiaksukna kongvang no panin kaaisuksak in. Na pa na nu le na suapuite na pa innkuanpuite theampo na inn sungah khawm siat tu ni hi. 19Khat po doipua ah a pusuak le ama ii thina sia ama ii khialna hi tu a, ko taw kisai ngawl tu hi; ahihang na inn sungah om khat pawpo sia bang khat po a kitawksak ahile ko khialna hi tu hi. 20Ahizong ko ii ngamtatna sia khat po tungah na son a, ahile kamciam pia a nong sawl sia len ngawl tu khu hi.” 21Numei in tua thu lungkim in amate a paisak hi. Amate pai zawkciang numei nu in khauhual san khat a kongvang no panin a kaai suk tu in khit hi.
22Thukankute mual kawm ah pai in buu uh hi. Kumpipa mite in amate sia ni thum tangciing mun theampo ah zong uh hi, ahihang mu ngawl ahikom amate Jericho khua ah heak kik uh hi. 23Tua zawkciang thudawpkute nii sia mual tung pan hong tuaksuk uh a, ngun kaantan in Joshua kungah a heak kik uh hi. Ama tungah amate in thupiang theampo son uh hi, 24tuasia zawkciang, “Topa in ngam buppi sia ei hong pia zo hi ci in um khu hi. Tua munah a om mipi theampo sia ei hong kiita vadil hi,” ci uh hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016