Job 31
31
1Ci le sa deina taw numei khat po ka et ngeingawl natu in
a ciliap huai kamciam khat ka vawt zo hi.
2Vaanglianbelpa Pathian in
ei tungah bang hong vawt ziam?
Ama in mihingte nasepna
bangbangin thuk kik ziam?
3Ama in, a maan ngawl a seamte tungah
tuasiatna le lalna tungsak hi.
4Pathian in ka vawt theampo he a;
ka kalsuanna theampo mu hi.
5Ngitlo ngamtatna nei ngeingawlin,
ngualtheam tu hanciam ngeingawl khi hi ci in ka kiciam hi.
6Pathian in a maan khaikhin tungah ka ngitna hong tee tahen,
tuaciang ama in ka mawban ngawlna mu tu hi.
7Lam maan panin ka pial a,
ahibuale siatna in ka zolsak a,
ka khutte mawna taw a nin le
8tuasia ciang ka lo ante laltham tahen a,
ahibuale, ka anciinte ngualdang in ne tahen.
9Ka innpaam pa ii zi ka dei a, a kongbiang pua sangah buu in ka ngak le
10tuasia ciang ka zi in pasal dang khat ii an huansak tahen a,
pasal dang khat ii lupna ah lum tahen.
11Tuabang a ngamtatsia te thidaan nga tu hi.
12Tuasia in ka nei theampo a kuangtumsak,
a lalcipsak thei, hell mei bang khat hi tu hi.
13Ka naseamte khat in ka tungah a lungkim ngawlna hong pualaak ciang,
ngai in ama tungah a pha ka vawt hi.
14Tuabang a pha vawt bua leng
bangbangin Pathian maitang si ngam tu khi ziam?
Kei tungah thukhen tu in Pathian hong pai ciang
a bang son thei thong tu khi ziam?
15Kei hong bitphua Pathian in ka naseamte zongh bitphua hi.
16Mizawngte hu tu ka nial ngei bua hi;
meingongte thinkiam in ka omsak ngei bua hi,
17tua ahibuale neak tu ka nei laiteng
tangate a ngil ka kialsak
bua hi.
18Ka khan tawntungin amate pha takin ka en hi.
19Zawng leih a, puansilh lei zo ngawl a kitasamh khat ka mu ciang,
20keima ii tuu hon sung pan
a piang
samulte taw a kivawt puansilhte ka pia tu hi.
Tuasia ciang ama in a thinsung theampo taw kei hong pok hi.
21Thukhenzum ah ka zaw thei tu he in tanga khat ka theam le,
22tuasia ciang ka baante taltan tahen;
tuate ka liangko panin kileamkeak tahen.
23Pathian ii daan ka kiitak hu in
tuabangin ka ngamta ngei buatu hi.
24Hauna ka muang ngei bua a,
25tua ahibuale ka neisa tungah ka kiphasak ngei bua hi.
26A taang mama ni ahibuale,
a hoi mama tha ka bia ngei bua hi.
27Ka khut nam in amate zatak ka pia ngei bua a,
amate upat pia tu in lam hong kipialsak ngei ngawl hi.
28Tuabang mawna sia thidaan piak tu ahi hi;
tuasia in Vaanglianbelpa Pathian nial hi.
29Ka ngalte ii a thuak ciang
ka lungdam ngeingawl hi,
tua ahibuale tuasiatna
a thuak ciang dik ka sa ngei bua hi;
30Amate thi natu thungetna taw ka maw ngei bua hi.
31Kei atu na hong sepsak mite theampo in
khualmite pha takin vai ka mua tawntung hunlam hong he hi.
32Khualhaw mite ka inn ah tung tu in ka sam a,
lampi tungah ka lumsak ngei bua hi.
33Midangte in a mawna a khialna te uh seal tu hanciam a,
kei ka hile ka phualseal ngei bua hi.
34Mite ii hong ci tu sia ka kiita ngei bua hi;
amate hong ci zazaan tu ka lau bua hi
thim om in inn sungah ka omcip ngei bua hi,
35Ka pau teng kuama in ngai ngawl tu ziam?
Ka kammal theampo thumaan hi ci in ka kiciam hi.
Vaanglianbelpa Pathian in ka kam hong zo tahen.
Hong langpante ii hong mawsaknate ka mu thei natu in ki at le
36Ka liangko tungah kiphasak liuliau in ka suang tu a,
kumpilukhu khat bangin ka lu tungah ka khu tu hi.
37Pathian tungah ka sep sa theampo ka son tu a,
ama mai ah awlmaw ngawlin ka om liuliau tu hi.
38Ka thaw leitang sia
ka nguk ahi a,
a nei tatakte tung pan
ka laksak ahile —
39tua munah a kiciing ante ne in,
tua ante a ciing lothote ka pukthisakin ahile —
40tuasia ciang zungtaang le mangtaangte a po luangin
lopa le lingkungte po tahen.
Job ii thu sonte a tawpna hi.
Currently Selected:
Job 31: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 31
31
1Ci le sa deina taw numei khat po ka et ngeingawl natu in
a ciliap huai kamciam khat ka vawt zo hi.
2Vaanglianbelpa Pathian in
ei tungah bang hong vawt ziam?
Ama in mihingte nasepna
bangbangin thuk kik ziam?
3Ama in, a maan ngawl a seamte tungah
tuasiatna le lalna tungsak hi.
4Pathian in ka vawt theampo he a;
ka kalsuanna theampo mu hi.
5Ngitlo ngamtatna nei ngeingawlin,
ngualtheam tu hanciam ngeingawl khi hi ci in ka kiciam hi.
6Pathian in a maan khaikhin tungah ka ngitna hong tee tahen,
tuaciang ama in ka mawban ngawlna mu tu hi.
7Lam maan panin ka pial a,
ahibuale siatna in ka zolsak a,
ka khutte mawna taw a nin le
8tuasia ciang ka lo ante laltham tahen a,
ahibuale, ka anciinte ngualdang in ne tahen.
9Ka innpaam pa ii zi ka dei a, a kongbiang pua sangah buu in ka ngak le
10tuasia ciang ka zi in pasal dang khat ii an huansak tahen a,
pasal dang khat ii lupna ah lum tahen.
11Tuabang a ngamtatsia te thidaan nga tu hi.
12Tuasia in ka nei theampo a kuangtumsak,
a lalcipsak thei, hell mei bang khat hi tu hi.
13Ka naseamte khat in ka tungah a lungkim ngawlna hong pualaak ciang,
ngai in ama tungah a pha ka vawt hi.
14Tuabang a pha vawt bua leng
bangbangin Pathian maitang si ngam tu khi ziam?
Kei tungah thukhen tu in Pathian hong pai ciang
a bang son thei thong tu khi ziam?
15Kei hong bitphua Pathian in ka naseamte zongh bitphua hi.
16Mizawngte hu tu ka nial ngei bua hi;
meingongte thinkiam in ka omsak ngei bua hi,
17tua ahibuale neak tu ka nei laiteng
tangate a ngil ka kialsak
bua hi.
18Ka khan tawntungin amate pha takin ka en hi.
19Zawng leih a, puansilh lei zo ngawl a kitasamh khat ka mu ciang,
20keima ii tuu hon sung pan
a piang
samulte taw a kivawt puansilhte ka pia tu hi.
Tuasia ciang ama in a thinsung theampo taw kei hong pok hi.
21Thukhenzum ah ka zaw thei tu he in tanga khat ka theam le,
22tuasia ciang ka baante taltan tahen;
tuate ka liangko panin kileamkeak tahen.
23Pathian ii daan ka kiitak hu in
tuabangin ka ngamta ngei buatu hi.
24Hauna ka muang ngei bua a,
25tua ahibuale ka neisa tungah ka kiphasak ngei bua hi.
26A taang mama ni ahibuale,
a hoi mama tha ka bia ngei bua hi.
27Ka khut nam in amate zatak ka pia ngei bua a,
amate upat pia tu in lam hong kipialsak ngei ngawl hi.
28Tuabang mawna sia thidaan piak tu ahi hi;
tuasia in Vaanglianbelpa Pathian nial hi.
29Ka ngalte ii a thuak ciang
ka lungdam ngeingawl hi,
tua ahibuale tuasiatna
a thuak ciang dik ka sa ngei bua hi;
30Amate thi natu thungetna taw ka maw ngei bua hi.
31Kei atu na hong sepsak mite theampo in
khualmite pha takin vai ka mua tawntung hunlam hong he hi.
32Khualhaw mite ka inn ah tung tu in ka sam a,
lampi tungah ka lumsak ngei bua hi.
33Midangte in a mawna a khialna te uh seal tu hanciam a,
kei ka hile ka phualseal ngei bua hi.
34Mite ii hong ci tu sia ka kiita ngei bua hi;
amate hong ci zazaan tu ka lau bua hi
thim om in inn sungah ka omcip ngei bua hi,
35Ka pau teng kuama in ngai ngawl tu ziam?
Ka kammal theampo thumaan hi ci in ka kiciam hi.
Vaanglianbelpa Pathian in ka kam hong zo tahen.
Hong langpante ii hong mawsaknate ka mu thei natu in ki at le
36Ka liangko tungah kiphasak liuliau in ka suang tu a,
kumpilukhu khat bangin ka lu tungah ka khu tu hi.
37Pathian tungah ka sep sa theampo ka son tu a,
ama mai ah awlmaw ngawlin ka om liuliau tu hi.
38Ka thaw leitang sia
ka nguk ahi a,
a nei tatakte tung pan
ka laksak ahile —
39tua munah a kiciing ante ne in,
tua ante a ciing lothote ka pukthisakin ahile —
40tuasia ciang zungtaang le mangtaangte a po luangin
lopa le lingkungte po tahen.
Job ii thu sonte a tawpna hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016