Job 24
24
1Banghangin Pathian in thukhen natu hun khat,
ama na a seamte atu in thutang khen ni khat ciangtan ngawl ziam?
2Mite in leitang tamzaw a nga natu in, longi khiin uh hi;
amate in tuute ngu in amate tuuhonte taw koi khawm uh hi.
3Amate in tangate neisa
laanote la in,
a leiba a lo dong meingong nu ii khuital keam hi.
4Amate in mizawngte ii a nga thei tute khaktan in;
tuaciang a zawngkhalte zawthawkna taw taisakin buusak uh hi.
5Tua ahikom mizawngte sia, ngam laate bangin,
duisung ngam kona sungah an zong uh hi;
amate in koima dang po ah a tate an tu mu zo ngawl uh hi.
6Amate in amate ii neisa ahi ngawl lo ante a laak kul hi,
tuaciang mi ngilote ii sapithuan sungah sapitngate lo uh hi.
7Zanin amate bangma silh ngawlin lum a, khuasik dal natu puan nei ngawl uh hi.
8Mualtung ah ngua a zute in amate tuamcipsak a,
suangpite kung a kipha tinten in bealh uh hi.
9Misiate in pasel patang note sal suaksak a,
mizawngte ii tate leiba taangin la uh hi.
10Mizawngte ahile a kiseal natu puan nei ngawlin a vak kul a,
mangtaang a at laitakin a ngil uh kial nanak tu hi.
11Amate in olive ngate sathau in ngoai a,
sapitngate a tui suuk hi,
ahihang amate mama a dang uh ko hi.
12Khuapite sungah a liamte le a
thi dekte in au in a ko uh hang
Pathian in amate thungetnate
awlmawk ngawl hi.
13Khuavak a nial mite om hi;
Amate in tuasia tel ngawl hi, ahibuale a lamlakna mun zuan ngawl hi.
14Khuavak ciang mi thatpa tho in mizawngte thatlum tu in kuan hi,
zanin ama in ngual ii na nguksak hi.
15Palngul mawna a vawt sia in khuangial tu ngak hi;
Ama in kuama ii mu thei ngawl tu in a maitang seal hi.
16Zanin ngutate in innte phuul a,
ahihang sunin amate buu in khuavak pial uh hi.
17Amate in sun khuavak kiita a,
ahihang amate atu in khuazing kiitakhuai ngawl hi.
[Zophar]#24:18 thulu Zophar hi kampauna sia Zophar min a kibulna mun om ngawl ahihang ama veu ma kiseesiat hi.
18Mi ngilopa sia khuanawl tuipawm in taaikeak a,
tuaciang a neisa leitang Pathian in haamsiat hi;
ama a sapithuan sungah naseam tu in kuan nawn ngawl hi.
19Nisa khua kona sungah vuuk a tuithap vadi bangin
mimaw khat sia a nungtate ii ngam panin bo vangeu hi.
20Tu in a nu ngawngawn in ama phawk nawn ngawl hi;
ama thanh in ne a, thing puk khat bangin kimuatsak hi.
21Tuabangin a pian sia meingongte a vawtsiat hang le
tasel nupite tungah cikna thiamna a lak ngawl hang hi.
22Pathian in ama ii thahatna taw a thahatbelpa susia a;
Pathian hong dian tak ciang mi ngilo pa thi hi.
23Pathian in ama ngal muangin nungtasak thei hikale ama encik tan viuveu hi.
24Tawmvei sung teng mi ngilo pa nuamsa hi,
ahihang tua zawkciang ama lopa khat bangin vul a, ankung vui kisaattante bang ahi hi.
25Tu a ka ci bang hi bo ci in khat po in a nial thei tu ziam?
Ka kammalte maan ngawl hi ci in, khat po in a lak thei tu ziam?
Currently Selected:
Job 24: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 24
24
1Banghangin Pathian in thukhen natu hun khat,
ama na a seamte atu in thutang khen ni khat ciangtan ngawl ziam?
2Mite in leitang tamzaw a nga natu in, longi khiin uh hi;
amate in tuute ngu in amate tuuhonte taw koi khawm uh hi.
3Amate in tangate neisa
laanote la in,
a leiba a lo dong meingong nu ii khuital keam hi.
4Amate in mizawngte ii a nga thei tute khaktan in;
tuaciang a zawngkhalte zawthawkna taw taisakin buusak uh hi.
5Tua ahikom mizawngte sia, ngam laate bangin,
duisung ngam kona sungah an zong uh hi;
amate in koima dang po ah a tate an tu mu zo ngawl uh hi.
6Amate in amate ii neisa ahi ngawl lo ante a laak kul hi,
tuaciang mi ngilote ii sapithuan sungah sapitngate lo uh hi.
7Zanin amate bangma silh ngawlin lum a, khuasik dal natu puan nei ngawl uh hi.
8Mualtung ah ngua a zute in amate tuamcipsak a,
suangpite kung a kipha tinten in bealh uh hi.
9Misiate in pasel patang note sal suaksak a,
mizawngte ii tate leiba taangin la uh hi.
10Mizawngte ahile a kiseal natu puan nei ngawlin a vak kul a,
mangtaang a at laitakin a ngil uh kial nanak tu hi.
11Amate in olive ngate sathau in ngoai a,
sapitngate a tui suuk hi,
ahihang amate mama a dang uh ko hi.
12Khuapite sungah a liamte le a
thi dekte in au in a ko uh hang
Pathian in amate thungetnate
awlmawk ngawl hi.
13Khuavak a nial mite om hi;
Amate in tuasia tel ngawl hi, ahibuale a lamlakna mun zuan ngawl hi.
14Khuavak ciang mi thatpa tho in mizawngte thatlum tu in kuan hi,
zanin ama in ngual ii na nguksak hi.
15Palngul mawna a vawt sia in khuangial tu ngak hi;
Ama in kuama ii mu thei ngawl tu in a maitang seal hi.
16Zanin ngutate in innte phuul a,
ahihang sunin amate buu in khuavak pial uh hi.
17Amate in sun khuavak kiita a,
ahihang amate atu in khuazing kiitakhuai ngawl hi.
[Zophar]#24:18 thulu Zophar hi kampauna sia Zophar min a kibulna mun om ngawl ahihang ama veu ma kiseesiat hi.
18Mi ngilopa sia khuanawl tuipawm in taaikeak a,
tuaciang a neisa leitang Pathian in haamsiat hi;
ama a sapithuan sungah naseam tu in kuan nawn ngawl hi.
19Nisa khua kona sungah vuuk a tuithap vadi bangin
mimaw khat sia a nungtate ii ngam panin bo vangeu hi.
20Tu in a nu ngawngawn in ama phawk nawn ngawl hi;
ama thanh in ne a, thing puk khat bangin kimuatsak hi.
21Tuabangin a pian sia meingongte a vawtsiat hang le
tasel nupite tungah cikna thiamna a lak ngawl hang hi.
22Pathian in ama ii thahatna taw a thahatbelpa susia a;
Pathian hong dian tak ciang mi ngilo pa thi hi.
23Pathian in ama ngal muangin nungtasak thei hikale ama encik tan viuveu hi.
24Tawmvei sung teng mi ngilo pa nuamsa hi,
ahihang tua zawkciang ama lopa khat bangin vul a, ankung vui kisaattante bang ahi hi.
25Tu a ka ci bang hi bo ci in khat po in a nial thei tu ziam?
Ka kammalte maan ngawl hi ci in, khat po in a lak thei tu ziam?
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016