Job 15
15
A niivei Kipaupuina
15:1—21:34
Eliphaz
1-2Job awng! na kammalte a hawmpi hi, a hawmpi hi!
3Miciim kuama in nang pau bangin pau ngawl hi,
ama le ama tuabang khiakna nei ngawl kammalte taw a kidal om ngawl hi.
4Nangma ci bang suak thei thong le kuama in Pathian kiita ngawl tu a;
ama tungah kuama in thungen ngawl tu hi.
5Na seksolna sia na pauna panin kilangh hi;
na pilna kammalte taw kiseal sawm ni hi.
6Kei in nang kong puanil tu kul tuan bo;
na pau kammal theampo taw nangma kipuanil ni hi.
7Nang sia mihing a piang phitbelpa kisa ni ziam?
Pathian in mualte a vawt lai in om ni ziam?
8Pathian vaihawmnate za ku ni ziam?
Mihing ciimna sia nang bek in nei kisa ni ziam?
9Ko ii heak ngawl thu khat pawpo na heak om tuan ngawl hi.
10Ka ciimna uh sia na pa ii pian ma in a piangte —
puakkaang sa mite tung pan ka heak uh hi.
11Pathian in nang heenepna hong pia hi;
banghangin nolh lalai ni ziam?
Ama taangin kam-uai in kamthiam taw pau khu hi.
12Ahihang nang na hile, patau in thin uukna taw ko nong sal hi.
13Pathian tungah na thin uuk a, ama na son sia hi.
14Mihing khat pawpo sia
thiangtho takpi thei tu ziam?
Mihing khat pawpo sia
Pathian muna ah maan thei tu ziam? #Job 25:4-6
15Ahang sia Pathian in
a vantunglalangte ngawngawn muang ngawl hi;
amate zongh ama muna ah thiangtho ngawl hi.
16Tuaciang, mite in siatna sia tui bang phetin dawn uh hi;
hi hi, amate lal in mannei ngawl hi.
17Job awng, ka heak kong son sia tu in ngai in.
18Miciimte in a taanghpupite
tung pan a heak uh
thumaan thutak te
kei hong hil zo hi,
tuaciang amate in thukute
seal nei ngawl uh hi.
19A ngam sungah ngamdangmi
om ngawl hi;
Pathian taw amate
a kikhualasak tu kuama om ngawl hi.
20Ngualdang a zothaw mihing seksol khat sia,
a khan tawntungin ngim thuak tu hi.
21A lauhuai awte a nakheng sungah ciik au tu hi,
ngammuang a kisak laitak phalakte in ama sim tu hi.
22Amate in khuazing sung pan a suatak tu lametna nei ngawl hi,
banghang ziam cile namsau khat in amate that tu in mun khat pan ngak hi,
23tuaciang amate ii luang ne tu in vaciikte in ngak hi.
Amate in a mailam khuazing ahi sia he a;
24a thahat kumpipa khat bangin tuasiatna in amate sim tu in ngak nginge hi.
25Tuasia in Pathian khuttum a ngat,
Vaanglianbelpa a nalh mihing khat ii thuak tu a tangsa ahi hi.
26-27Amate kiphasak a leedo kin uh hi;
amate in thinpui takin a lum laamto a, Pathian do tu in tai uh hi.
28Amate sia khuapite a la le a neite ii taisat sa innte a suan te hi a,
ahihang ngal in tua khuapite le innte lalthamsak tu hi.
29Amate khuangei hau ngawl tu hi;
a neisa bangma kikhomsuan ngawl tu hi.
A limh uhte ngawngawn bo tu a,
30tuaciang amate khuazing sung pan suakta ngawl tu hi.
Amate sia a baakte mei ii a kak, a paakte vui ii seamkeak thingkung te bang hi tu hi.
31Amate in siatna a suang tu in a mawmaw lawlawm uh le
siatna sia amate ii tel hi tu hi.
32A hun a cin ma in amate vulcip tu uh hi,
thingbaak khat bangin vulin hing kik ngei nawn ngawl tu hi.
33Amate a nga ung lai teng a pul sapitkung bang hi tu hi;
amate sia a paak pul sa olive kung bang hi tu hi.
34Pathian a sel mite atu in suan le paal om ngawl tu a,
sumnguk taw a kisa innte kaanghmei tawk in laltham tu hi.
35Hi mite sia ngual ngim piak sawm in, siatna a vawtte hi a;
amate thinsung sia ngualtheam nopna taw kidim tawntung hi.
Currently Selected:
Job 15: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Job 15
15
A niivei Kipaupuina
15:1—21:34
Eliphaz
1-2Job awng! na kammalte a hawmpi hi, a hawmpi hi!
3Miciim kuama in nang pau bangin pau ngawl hi,
ama le ama tuabang khiakna nei ngawl kammalte taw a kidal om ngawl hi.
4Nangma ci bang suak thei thong le kuama in Pathian kiita ngawl tu a;
ama tungah kuama in thungen ngawl tu hi.
5Na seksolna sia na pauna panin kilangh hi;
na pilna kammalte taw kiseal sawm ni hi.
6Kei in nang kong puanil tu kul tuan bo;
na pau kammal theampo taw nangma kipuanil ni hi.
7Nang sia mihing a piang phitbelpa kisa ni ziam?
Pathian in mualte a vawt lai in om ni ziam?
8Pathian vaihawmnate za ku ni ziam?
Mihing ciimna sia nang bek in nei kisa ni ziam?
9Ko ii heak ngawl thu khat pawpo na heak om tuan ngawl hi.
10Ka ciimna uh sia na pa ii pian ma in a piangte —
puakkaang sa mite tung pan ka heak uh hi.
11Pathian in nang heenepna hong pia hi;
banghangin nolh lalai ni ziam?
Ama taangin kam-uai in kamthiam taw pau khu hi.
12Ahihang nang na hile, patau in thin uukna taw ko nong sal hi.
13Pathian tungah na thin uuk a, ama na son sia hi.
14Mihing khat pawpo sia
thiangtho takpi thei tu ziam?
Mihing khat pawpo sia
Pathian muna ah maan thei tu ziam? #Job 25:4-6
15Ahang sia Pathian in
a vantunglalangte ngawngawn muang ngawl hi;
amate zongh ama muna ah thiangtho ngawl hi.
16Tuaciang, mite in siatna sia tui bang phetin dawn uh hi;
hi hi, amate lal in mannei ngawl hi.
17Job awng, ka heak kong son sia tu in ngai in.
18Miciimte in a taanghpupite
tung pan a heak uh
thumaan thutak te
kei hong hil zo hi,
tuaciang amate in thukute
seal nei ngawl uh hi.
19A ngam sungah ngamdangmi
om ngawl hi;
Pathian taw amate
a kikhualasak tu kuama om ngawl hi.
20Ngualdang a zothaw mihing seksol khat sia,
a khan tawntungin ngim thuak tu hi.
21A lauhuai awte a nakheng sungah ciik au tu hi,
ngammuang a kisak laitak phalakte in ama sim tu hi.
22Amate in khuazing sung pan a suatak tu lametna nei ngawl hi,
banghang ziam cile namsau khat in amate that tu in mun khat pan ngak hi,
23tuaciang amate ii luang ne tu in vaciikte in ngak hi.
Amate in a mailam khuazing ahi sia he a;
24a thahat kumpipa khat bangin tuasiatna in amate sim tu in ngak nginge hi.
25Tuasia in Pathian khuttum a ngat,
Vaanglianbelpa a nalh mihing khat ii thuak tu a tangsa ahi hi.
26-27Amate kiphasak a leedo kin uh hi;
amate in thinpui takin a lum laamto a, Pathian do tu in tai uh hi.
28Amate sia khuapite a la le a neite ii taisat sa innte a suan te hi a,
ahihang ngal in tua khuapite le innte lalthamsak tu hi.
29Amate khuangei hau ngawl tu hi;
a neisa bangma kikhomsuan ngawl tu hi.
A limh uhte ngawngawn bo tu a,
30tuaciang amate khuazing sung pan suakta ngawl tu hi.
Amate sia a baakte mei ii a kak, a paakte vui ii seamkeak thingkung te bang hi tu hi.
31Amate in siatna a suang tu in a mawmaw lawlawm uh le
siatna sia amate ii tel hi tu hi.
32A hun a cin ma in amate vulcip tu uh hi,
thingbaak khat bangin vulin hing kik ngei nawn ngawl tu hi.
33Amate a nga ung lai teng a pul sapitkung bang hi tu hi;
amate sia a paak pul sa olive kung bang hi tu hi.
34Pathian a sel mite atu in suan le paal om ngawl tu a,
sumnguk taw a kisa innte kaanghmei tawk in laltham tu hi.
35Hi mite sia ngual ngim piak sawm in, siatna a vawtte hi a;
amate thinsung sia ngualtheam nopna taw kidim tawntung hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016