John Thupatna
Thupatna
John ii teptee bang Lungdamna Thu in Jesus sia a tawntung a om Pathian Kammal, “Mihing hong suak a ei sungah hong teang sia hi,” (1:14) ci hi. A laibu ii ama le ama a kici bangin, hi Lungdamna Thu banghangin ki at ziam cile, a simte in Jesus sia kamciam hong kipia sa, Hunpa, Pathian Tapa a hina thu le ama upna tungtawnin, amate in, tawntung nuntakna nga tu ahi sia a up natu uh ahi hi, ci hi (20:31).
A tawntung a om Pathian Kammal le, Jesus sia thu khat a hina teng thupatna in a nei zawkciang, Lungdamna Thu ii a masa sangah nalamdang lakna tuatuamte taw Jesus sia hong kikamciamsa Hunpa, Pathian Tapa hi ci in pualaak hi. Tua nalamdang laknate in bang pualaak ziam ci in sontelnate taw zomto hi. Mihing pawlkhat in Jesus um in a nungzui suak a, a dangte in nial a, um ngawl hi, ci thu hi thubu khen in son hi. A a khan lian 13-17 na sia Jesus a kimat tu ni zanin a nungzuite taw nai takin a kitholna le a kingingsa in a om thei natu thapiakna kammalte thinglamtee tungah a kithalup tu ma a nitakin amate tungah a sonte tepteena ahi hi. A khaksang a sonna sungah Jesus kimatna, a thusitna, thinglamtee tung a kithalupna le a thaw kikna, a thaw kik zawkciang a nungzuite tungah a kilangh na thute ki at hi.
Palngul mawna vawt, a kiman numei sia ii thu teng (8:1-11) laimal doituamna sungah kikoi hi; banghang ziam cile lai a ki at ciilte le a kipheen ciilte tam mama sungah kihel ngawl hi. Tuaciang a dangte in, mundang ah koi uh hi.
John in Christ tungtawnin a kinga tawntung nuntakna letsong sia thupi son a, tua letsong sia tu pan kipan kinga a, Jesus sia lampi, thumaan thutak le nuntakna hi ci in a saangte tungah kipia hi ci hi. John thubu ii a lamdanna sia ni sim a, a kizangh a kimu nate ahi tui, anluum, khuavak, tuucingpa, le a tuute, sapitkung le a nga ci bangte taw sontee in thaa lam a thuthukte lak hi.
A kihel Thulute
Thupatna 1:1-18
Tuiphumpa John le nungzui masate 1:19-51
Mihonpi tung a Jesus nasepna 2:1—12:50
Jerusalem khua sung le a nai le a khakbel hunte 13:1—19:42
Topa thaw kikna le a kilanghna 20:1-31
Thukhupna: Galilee ngam ah a kilanghna 21:1-25
Currently Selected:
John Thupatna: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016