Jeremiah 42
42
Mipite in Amate atu Thungetsak tu in Jeremiah Sawl
1Tua zawkciang ngalkap lampuite theampo, Kareah ii tapa Johanan le Heshaiah ii tapa Azariah le mihonte a lian a no ka kungah hong pai uh a, 2“Kong nget uh sia hong vawtsak ta'n! Topa ih Pathian tungah kote atu in thu hong ngetsak ta'n. A nungta lai kote theampo atu in thu hong ngetsak ta'n. Khatvei lai in mihing tam mama ka hi uh a; tu ahile nangma nong mu bangin mihing tawmno bek ma ka taang lai uh hi. 3Kote pai natu lampi le ko ii sep tu nate Topa ih Pathian in hong lak natu in thu hong ngetsak ta'n,” hong ci uh hi.
4Keima in, “Tua ahile pha mama hi. Nong nget uh bangin Topa ih Pathian tungah thu ka ngen tu a, ama ii hong ci babang kong son tu hi. Bangma kong iim buatu hi,” ci in ka zo hi.
5Tuasia ciang amate in keima tungah, “Ko atu a Topa ih Pathian ii hong thupiakte theampo ka ni bua uh le Topa sia ko ii lang ah thumaan le thutak tetti hi tahen. 6Koma dik ka sa a dik ka sa bua uh zong ama ii tungah thungetsak tu in kong sawl uh Topa, ih Pathian ii thu ka ni tu uh hi. Ama ii thu ka ni uhle ka mai uh vangin pha tu hi,” hong ci uh hi.
Jeremiah ii Thungetna Topa Zona.
7Ni sawm zawkciang Topa in kei hong paupui hi; 8tua ahikom keima in Johanan, a ompui ngalkap lampui te theampo le mihing dang teng taw ka sam khawm hi. 9Keima in amate tungah, “A kungah hesuak ngetna taw nong puak na pa ahi Topa Israel ii Pathian in, 10‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi. 11Babylon kumpipa kiita nawn heak vun. Noma kong ompui a, ama khut sung panin kong suatak tu hi. 12Keima sia a hesuak thei pa ka hi manin, ama in no tungah hesuak theina ka neisak tu a, na inn le lo ah hong ciasak kik tu hi. Keima, Topa in ka son zo hi,’ hong ci hi.
13-15“Ahihang Judah ngam sungah a taanglai note in Topa na Pathian na nial buatu uh a, hi ngam ah ten tu na nial peuma buatu uh hi. Noma in, ‘Hi ngawl hi, ngal kido nawn ngawlna, ngalsim tu kithotna aw zaak nawn ngawlna ahibuale ngilkial ngawlna mun ahi, Egypt ngam ah pai in ka teang tu uh hi.’ na ci bua het tu uh hi. Hi bangin na ci uh le Vaanglianbelpa Topa, Israel ii Pathian in, ‘Egypt ah pai in teen tu na tum tatak uh le, 16na kiitak uh ngal in no hong pha tu a, na kiitak uh kialpi in hong zui in, tua mun Egypt ah na thi tu uh hi. 17Egypt ngam ah tai a, teen tatak tu a sawm mihingte theampo sia ngal ahibuale kialpi ahibuale natna taw thi tu uh hi. Khat zongh nungta ngawl tu a, amate tungah ka thetsak tu tuasiatna sia taw khat zong kipeal thei ngawl tu hi,’ hong ci tu hi.
18“Topa, Israel, ii Pathian in, ‘Ka thin uukna le ka thinsona Jerusalem khua mite tungah a kibuak bangma in, Egypt ngam ah na pai uh le ka thinsona sia note tungah hong kibuak tu hi. Midangte ii hong muna ah a cizathuai na suak tu uh hi; Mite in note ciammuina in hong nei tu a na min uh sia haamsiatna in zang tu uh hi. Hi mun sia na mu kik ngei nawn buatu uh hi,’ ci hi,” ka ci hi.
19Tuaciang ka zomto lai a, “Topa in Judah ngam ah a taang lai note, Egypt ngam ah na pai ngawl natu in hong son zo hi. Tua ahikom tu in na kidop natu uh pan, 20na pai uh ahile thithei natu dongin a khial na hi tu uh hi. Noma atu in Topa ih Pathian tungah thungetsak tu in nong sawl uh a, ama ii hong thupiak theampo seam tu in kamciam nong pia uh hi. 21Tu in no tungah kong son zo hi, ahihang Topa ih Pathian in hong sonsak theampo na ni bua uh hi. 22Tua ahikom, hi thu ciamtee vun: noma pai nopna le ten nopna ngam ah ngal ahibuale ngilkialna, ahi buale natna taw in na thi tu uh hi,” ci in ka son hi.
Currently Selected:
Jeremiah 42: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Jeremiah 42
42
Mipite in Amate atu Thungetsak tu in Jeremiah Sawl
1Tua zawkciang ngalkap lampuite theampo, Kareah ii tapa Johanan le Heshaiah ii tapa Azariah le mihonte a lian a no ka kungah hong pai uh a, 2“Kong nget uh sia hong vawtsak ta'n! Topa ih Pathian tungah kote atu in thu hong ngetsak ta'n. A nungta lai kote theampo atu in thu hong ngetsak ta'n. Khatvei lai in mihing tam mama ka hi uh a; tu ahile nangma nong mu bangin mihing tawmno bek ma ka taang lai uh hi. 3Kote pai natu lampi le ko ii sep tu nate Topa ih Pathian in hong lak natu in thu hong ngetsak ta'n,” hong ci uh hi.
4Keima in, “Tua ahile pha mama hi. Nong nget uh bangin Topa ih Pathian tungah thu ka ngen tu a, ama ii hong ci babang kong son tu hi. Bangma kong iim buatu hi,” ci in ka zo hi.
5Tuasia ciang amate in keima tungah, “Ko atu a Topa ih Pathian ii hong thupiakte theampo ka ni bua uh le Topa sia ko ii lang ah thumaan le thutak tetti hi tahen. 6Koma dik ka sa a dik ka sa bua uh zong ama ii tungah thungetsak tu in kong sawl uh Topa, ih Pathian ii thu ka ni tu uh hi. Ama ii thu ka ni uhle ka mai uh vangin pha tu hi,” hong ci uh hi.
Jeremiah ii Thungetna Topa Zona.
7Ni sawm zawkciang Topa in kei hong paupui hi; 8tua ahikom keima in Johanan, a ompui ngalkap lampui te theampo le mihing dang teng taw ka sam khawm hi. 9Keima in amate tungah, “A kungah hesuak ngetna taw nong puak na pa ahi Topa Israel ii Pathian in, 10‘Hi ngam ah na teang suak nuam uh le, kong laamto tu a, kong lalsak buatu hi; kong phut tu a, kong phaikeak buatu hi. Siatna kong thetsak sia in hong heesak mama hi. 11Babylon kumpipa kiita nawn heak vun. Noma kong ompui a, ama khut sung panin kong suatak tu hi. 12Keima sia a hesuak thei pa ka hi manin, ama in no tungah hesuak theina ka neisak tu a, na inn le lo ah hong ciasak kik tu hi. Keima, Topa in ka son zo hi,’ hong ci hi.
13-15“Ahihang Judah ngam sungah a taanglai note in Topa na Pathian na nial buatu uh a, hi ngam ah ten tu na nial peuma buatu uh hi. Noma in, ‘Hi ngawl hi, ngal kido nawn ngawlna, ngalsim tu kithotna aw zaak nawn ngawlna ahibuale ngilkial ngawlna mun ahi, Egypt ngam ah pai in ka teang tu uh hi.’ na ci bua het tu uh hi. Hi bangin na ci uh le Vaanglianbelpa Topa, Israel ii Pathian in, ‘Egypt ah pai in teen tu na tum tatak uh le, 16na kiitak uh ngal in no hong pha tu a, na kiitak uh kialpi in hong zui in, tua mun Egypt ah na thi tu uh hi. 17Egypt ngam ah tai a, teen tatak tu a sawm mihingte theampo sia ngal ahibuale kialpi ahibuale natna taw thi tu uh hi. Khat zongh nungta ngawl tu a, amate tungah ka thetsak tu tuasiatna sia taw khat zong kipeal thei ngawl tu hi,’ hong ci tu hi.
18“Topa, Israel, ii Pathian in, ‘Ka thin uukna le ka thinsona Jerusalem khua mite tungah a kibuak bangma in, Egypt ngam ah na pai uh le ka thinsona sia note tungah hong kibuak tu hi. Midangte ii hong muna ah a cizathuai na suak tu uh hi; Mite in note ciammuina in hong nei tu a na min uh sia haamsiatna in zang tu uh hi. Hi mun sia na mu kik ngei nawn buatu uh hi,’ ci hi,” ka ci hi.
19Tuaciang ka zomto lai a, “Topa in Judah ngam ah a taang lai note, Egypt ngam ah na pai ngawl natu in hong son zo hi. Tua ahikom tu in na kidop natu uh pan, 20na pai uh ahile thithei natu dongin a khial na hi tu uh hi. Noma atu in Topa ih Pathian tungah thungetsak tu in nong sawl uh a, ama ii hong thupiak theampo seam tu in kamciam nong pia uh hi. 21Tu in no tungah kong son zo hi, ahihang Topa ih Pathian in hong sonsak theampo na ni bua uh hi. 22Tua ahikom, hi thu ciamtee vun: noma pai nopna le ten nopna ngam ah ngal ahibuale ngilkialna, ahi buale natna taw in na thi tu uh hi,” ci in ka son hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016