Jeremiah 17
17
Judah ii Mawna le Daan A kipiakna
1 Topa in, “Judah mite awng, na mawna uh sia thik laikung taw ki at hi; tuasia na lungtang tungah diamond dawn taw kikhen a, na biaknatau kingte tungah kikhuak hi. 2Na mite sia numeipathian Asherah atu in ngamsung thingkung hing theampo ii kung, mualno dawnte 3le mual liante tungah, a kiphut limte biaknataute ah bia uh hi. Na ngamsung theampo ah na vawt uh mawna khialnate theampo hu in na nei na lamh le na sum na paaite na ngalte in kong sutsak tu hi. 4Kong piaksa ngam na taan tu uh a, na heak ngeingawl uh ngam khat ah na ngalte ii na kong seamsak tu hi, banghang ziam cile ka thin uukna sia mei bang hi a, a tawntungin kuang tu hi,” ci hi.
Topa pauna A nanam
5 Topa in, “Kei kung pan a puapialte le mihing a muang,
a thithei mihing ii thahatna a suangte sia
ka puavawk tu hi.
6Amate sia sennealngam ah a po
bangma dang a po ngawl kongaw ngam, lei alna ah a khang,
sawlpaangte bang ahi hi.
Amate tungah thupha bangma piang ngeingawl hi.
7“Ahihang kei hong muangte ahile thupha ka pia tu hi.
8Amate sia luihui ah a po
luitui sungah zung a tha thingkungte bang ahi hi.
A teete hing tan ahikom
khuakhaal nisat hun hong thet ciang phamaw sa tuan ngawl hi;
ngua a zu bua hial zonghin
amate in thinngim tuan ngawl hi; a nga nga tan hi; #Ps 1:3
9“Akua in mihingte thinsung tel thei ziam?
tuabangza a ngualtheam thei
dang bangma om ngawl hi;
a natna sia nasia leih ahikom
dam thiang zo ngawl tu hi.
10Keima, Topa in, mihingte ngaisutna ka kan a,
a thinsung uh ka sittel hi.
Ama nuntakzia le
a sepzia taw kizui in khat sim tungah ka vawt hi,” ci hi. #Tpl 2:23; Ps 62:12
11Thu maan ngawl a sum nga pa sia ama ii tuui ngawlbul
tuui dang a op vacim khat taw kibang hi.
A khan tungto laitak ma in a haunate taan tu a,
ama sia a tawpna ah bangma ahi ngawl a mawmaw khat suak tu hi.
12Ih Biakinnpi sia a kipatciil pan ma in mualsaang khat tungah a ding
a minthang kumpi tokhum khat taw kibang hi.
13 Topa awng, nangma in Israel mite ii lam et pa na hi a;
nang hong nusia mihingte theampo a mai uh kizumsak tu hi.
Amate sia leivui sungah min ki at te bangin bomang tu uh hi,
banghang ziam cile amate in
ciktui thiangtho ahi Topa nangma, hong nusiat hang ahi hi.
Jeremiah in Topa tungah Huna Ngen
14 Topa awng, hong damsak ta'n, tua hile ka dam thiang tu hi; hong suatak ta'n, tua hile ka ngammuang tatak tu hi; kong pok pa sia nangma bek na hi hi!
15Mite in kei tungah, “Topa ii ei hong tawnnate koi sungah om ziam? Tu in tuate hong tungsak tahen!” hong ci uh hi.
16Ahihang, Topa awng, amate tungah tuasiatna na thetsak tu kong sawl ngei bua a; amate ii ngim a thuak tu ka deisak bua hi. Topa awng, nangma in hi thu na he hi; ka sonsa sia na he hi. 17Nang sia ka launa hong hi heak in; ngimna hong thet ciang ka ngammuanna mun na hi hi. 18Kei hong vawtsiate a maimawlsak in a, ahizong Topa awng, kei hong pengsak ta'n. Amate launa taw kidimsak in, ahihang kei hong lausak heak in. Amate tungah tuasiatna tungsak in a amate a bebekin susia in.
Sabbath Tanzia
19 Topa in kei tungah, “Jeremiah awng, va pai ta'n a Judah ngam kumpite ii khuapi sung tumna le pusuana, Mipite ii Kongpi ah ka thu taangko ta'n; tuaciang Jerusalem kongpi dangte theampo ah va pai ta'n. 20Kumpite le Judah mite theampo, tuaciang Jerusalem khua sungah a teangte theampo le hi kongpite pan a tumte theampo in ka thuson a ngai natu in son in. 21A nuntakna uh a it le Sabbath ni in vanh pua heak hen ci in amate tungah son in; Jerusalem kongpite kaantan in bangma tumpui peuma heak hen, #Neh 13:15-22 22ahibuale Sabbath ni in a inn uh pan bangma pusua pui heak hen. Sabbath ni in amate naseam ngawl het tu hi; a taanghpupite thu ka piak bangin ni thiangtho khat in tang nanak tahen. #Pu 20:8-10 23A taanghpupite in ka thu hong ngai ngawl, hong nadon ngawl hi. Amate a thin pui a; ka thu hong ni zaw ngawlin ka hilnate saang nuam ngawl pumsai uh hi.
24Ka thu piak theampo a zui nanak natu in hi mite tungah son in. Amate in Sabbath ni in hi khuapi kongpite kaantan in bangma tumpui ngawl het tu hi. Amate in Sabbath sia ni thiangtho khat in tang tu a, na bangma seam ngawl het tu uh hi. 25Tuaciang a kumpite le a kumpi tapate in Jerusalem kongpite ah tum tu uh hi, tuaciang David ii nei kumpi vaangletna nei tu uh hi. Judah mite le Jerusalem mite taw amate siphu leang tung le siphu tungah tokhawm tu uh a, Jerusalem khuapi sia mihing dim tawntung tu hi. 26Mihingte sia Judah khuate le Jerusalem ii a kiim a paam khuanote panin hong pai tu uh hi; amate sia Benjamin ngamsung pan, mualpeangte pan, mualte pan le Judah ngam thangsang panin hong pai tu uh hi. Amate in ka Biakinnpi ah meihal biakpiaknate, sangaw biakpiaknate, antang le paaknamtui taw biakpiaknate le lungdamko biakpiaknate zongh hong paipui tu uh hi. 27Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.
Currently Selected:
Jeremiah 17: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Jeremiah 17
17
Judah ii Mawna le Daan A kipiakna
1 Topa in, “Judah mite awng, na mawna uh sia thik laikung taw ki at hi; tuasia na lungtang tungah diamond dawn taw kikhen a, na biaknatau kingte tungah kikhuak hi. 2Na mite sia numeipathian Asherah atu in ngamsung thingkung hing theampo ii kung, mualno dawnte 3le mual liante tungah, a kiphut limte biaknataute ah bia uh hi. Na ngamsung theampo ah na vawt uh mawna khialnate theampo hu in na nei na lamh le na sum na paaite na ngalte in kong sutsak tu hi. 4Kong piaksa ngam na taan tu uh a, na heak ngeingawl uh ngam khat ah na ngalte ii na kong seamsak tu hi, banghang ziam cile ka thin uukna sia mei bang hi a, a tawntungin kuang tu hi,” ci hi.
Topa pauna A nanam
5 Topa in, “Kei kung pan a puapialte le mihing a muang,
a thithei mihing ii thahatna a suangte sia
ka puavawk tu hi.
6Amate sia sennealngam ah a po
bangma dang a po ngawl kongaw ngam, lei alna ah a khang,
sawlpaangte bang ahi hi.
Amate tungah thupha bangma piang ngeingawl hi.
7“Ahihang kei hong muangte ahile thupha ka pia tu hi.
8Amate sia luihui ah a po
luitui sungah zung a tha thingkungte bang ahi hi.
A teete hing tan ahikom
khuakhaal nisat hun hong thet ciang phamaw sa tuan ngawl hi;
ngua a zu bua hial zonghin
amate in thinngim tuan ngawl hi; a nga nga tan hi; #Ps 1:3
9“Akua in mihingte thinsung tel thei ziam?
tuabangza a ngualtheam thei
dang bangma om ngawl hi;
a natna sia nasia leih ahikom
dam thiang zo ngawl tu hi.
10Keima, Topa in, mihingte ngaisutna ka kan a,
a thinsung uh ka sittel hi.
Ama nuntakzia le
a sepzia taw kizui in khat sim tungah ka vawt hi,” ci hi. #Tpl 2:23; Ps 62:12
11Thu maan ngawl a sum nga pa sia ama ii tuui ngawlbul
tuui dang a op vacim khat taw kibang hi.
A khan tungto laitak ma in a haunate taan tu a,
ama sia a tawpna ah bangma ahi ngawl a mawmaw khat suak tu hi.
12Ih Biakinnpi sia a kipatciil pan ma in mualsaang khat tungah a ding
a minthang kumpi tokhum khat taw kibang hi.
13 Topa awng, nangma in Israel mite ii lam et pa na hi a;
nang hong nusia mihingte theampo a mai uh kizumsak tu hi.
Amate sia leivui sungah min ki at te bangin bomang tu uh hi,
banghang ziam cile amate in
ciktui thiangtho ahi Topa nangma, hong nusiat hang ahi hi.
Jeremiah in Topa tungah Huna Ngen
14 Topa awng, hong damsak ta'n, tua hile ka dam thiang tu hi; hong suatak ta'n, tua hile ka ngammuang tatak tu hi; kong pok pa sia nangma bek na hi hi!
15Mite in kei tungah, “Topa ii ei hong tawnnate koi sungah om ziam? Tu in tuate hong tungsak tahen!” hong ci uh hi.
16Ahihang, Topa awng, amate tungah tuasiatna na thetsak tu kong sawl ngei bua a; amate ii ngim a thuak tu ka deisak bua hi. Topa awng, nangma in hi thu na he hi; ka sonsa sia na he hi. 17Nang sia ka launa hong hi heak in; ngimna hong thet ciang ka ngammuanna mun na hi hi. 18Kei hong vawtsiate a maimawlsak in a, ahizong Topa awng, kei hong pengsak ta'n. Amate launa taw kidimsak in, ahihang kei hong lausak heak in. Amate tungah tuasiatna tungsak in a amate a bebekin susia in.
Sabbath Tanzia
19 Topa in kei tungah, “Jeremiah awng, va pai ta'n a Judah ngam kumpite ii khuapi sung tumna le pusuana, Mipite ii Kongpi ah ka thu taangko ta'n; tuaciang Jerusalem kongpi dangte theampo ah va pai ta'n. 20Kumpite le Judah mite theampo, tuaciang Jerusalem khua sungah a teangte theampo le hi kongpite pan a tumte theampo in ka thuson a ngai natu in son in. 21A nuntakna uh a it le Sabbath ni in vanh pua heak hen ci in amate tungah son in; Jerusalem kongpite kaantan in bangma tumpui peuma heak hen, #Neh 13:15-22 22ahibuale Sabbath ni in a inn uh pan bangma pusua pui heak hen. Sabbath ni in amate naseam ngawl het tu hi; a taanghpupite thu ka piak bangin ni thiangtho khat in tang nanak tahen. #Pu 20:8-10 23A taanghpupite in ka thu hong ngai ngawl, hong nadon ngawl hi. Amate a thin pui a; ka thu hong ni zaw ngawlin ka hilnate saang nuam ngawl pumsai uh hi.
24Ka thu piak theampo a zui nanak natu in hi mite tungah son in. Amate in Sabbath ni in hi khuapi kongpite kaantan in bangma tumpui ngawl het tu hi. Amate in Sabbath sia ni thiangtho khat in tang tu a, na bangma seam ngawl het tu uh hi. 25Tuaciang a kumpite le a kumpi tapate in Jerusalem kongpite ah tum tu uh hi, tuaciang David ii nei kumpi vaangletna nei tu uh hi. Judah mite le Jerusalem mite taw amate siphu leang tung le siphu tungah tokhawm tu uh a, Jerusalem khuapi sia mihing dim tawntung tu hi. 26Mihingte sia Judah khuate le Jerusalem ii a kiim a paam khuanote panin hong pai tu uh hi; amate sia Benjamin ngamsung pan, mualpeangte pan, mualte pan le Judah ngam thangsang panin hong pai tu uh hi. Amate in ka Biakinnpi ah meihal biakpiaknate, sangaw biakpiaknate, antang le paaknamtui taw biakpiaknate le lungdamko biakpiaknate zongh hong paipui tu uh hi. 27Ahihang amate in ka thu hong nit kul tu a Sabbath sia ni thiangtho khat in a tan uh kul tu hi. Tua ni in amate Jerusalem kongpite kaantan in vanh bangma pua ngawl het tu uh hi. A pua uh ahile Jerusalem kongpite mei taw ka hal tu hi. Mei in Jerusalem khua kumpi innte kaanghtum tu a, kuama in phel zo ngawl tu uh hi,” hong ci hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016