Isaiah 47
47
Babylon tungah Thukhenna
1 Topa in,
“Babylon awng, na kumpi tokhum tung pan hong tuaksuk ta'n a,
leivui sungah to in.
Nang in khatvei lai in ngaknu thiangtho khat bang na hi a,
a kizo ngeingawl khuapi khat bang na hi hi,
ahihang nang sia moisua in na sa a neal nawn bua hi!
Tu in nang sia sal khat na hi hi! #Is 13:1—14:23; Jer 50:1—51:64
2An ngoaina suangpheak pei in! An ngoai in!
Na lu tuamna dial suut in! Na puan pha silhte suut in!
Luite kaantan tu in na nikboaite zepto in!
3Na pumnguak na om sia mihingte in hong mu tu hi;
a kiniamkhiak le a maizumin amate in nang hong mu tu hi.
Keima in phu ka la tu a, kuama in hong khak zo ngawl tu hi,” ci hi.
4Israel te ii a thiangtho Pathian in eite hong suaktasak a —
Ama min sia Vaanglianbelpa Topa ahi hi.
5 Topa in Babylon tungah,
“Khuazing sungah thim dide in to khipkhep in;
Amate in nang sia ngamte ii kumpinu hong ci nawn ngawl tu hi!
6Ka mite tungah ka thin uuk hi; ka mi in ka tuat nawn bua hi:
Nangma khut sungah amate kong aap a,
amate na hesuak bua hi;
Khanghaamte ngawngawn na vawtsia hi.
7A tawntungin kumpinu khat hi tu in na ki um a,
hi thute na thinsung ah ngaisun ngawlin
ahibuale a vekpi bangbang bo tu cisia na ngaisun bua hi.
8“Nopsakna bek dei in, muanhuai in bit a kisa sia awng, hi thu ngai in.
Pathian za in lian na kisa hi —
Nang taw a kibang kuama dang khat zongh om ngawl hi, na ci hi.
Nangma in meingong nu ka suak ngei buatu hi,
ahibuale ka tate thina bona a thuak ngei buatu hi ci in na ngaisun hi.
9Ahihang tawmvei no sung, ni khat thu in, thu hite ngeal piang tu hi.
Mitbum pilna theampo
na zak hang
na pasal le na tate thi in na khuai sua veve tu hi. #Tpl 18:7-8
10“Na phat ngawlnate sungah nangma le nangma na thin na muang a;
kuama in hong mu thei buan te ci in ngaisun ni hi.
Na ciimna le na pilna in nangma lam hong pialsak a,
Nangma le nangma, ‘Keima in Pathian ka hi hi —
kei bang a dang khat zongh om ngawl hi,’ na kici hi.
11Nang tungah tuasiatna hong theng tu a,
na mitbum thiamna in khak zo ngawl tu hi.
Na mang zong na mat ngeingawl siatna —
nang tungah thakhat thu in hong theng tu hi!
12Na no lai pek panin na zak na mitbum thiamna le
na dei aite a vekpi in keamcing in.
Tuate in nang hong hu thei tha tu hi;
na ngalte na lauthawn thei tha tu hi.
13Ngaisutna hong kipiak hangin vawt zawk na nei bua hi.
Na aksi en theite —
vantungte a khawk a khawkin khenin
nang tungah bang thu piang tu ci in
tha sim tha simin nang tungah ngaisutna hong pia
na aksi en thiamte hong paisak ta'n a, amate in ngumsak in.
14“Amate in taangphaw beknote taw kibang tu a,
mei khat in kaanghtum tu hi!
Amate le amate ngawngawn kihun zo ngawl tu uh a —
amate meilum oai bang hi ngawlin
meikuangte sia amate atu in sa lei tu hi.
15Na khan tawntungin thu na dok aisaante in —
nang atu a pha hong sepsak tu sia tuabang teng ma ahi hi.
Amate in nang hong nusia siat tu a, amate san tek pai in,
nang hong hun tu in kuama taang ngawl tu hi,” ci hi.
Currently Selected:
Isaiah 47: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Isaiah 47
47
Babylon tungah Thukhenna
1 Topa in,
“Babylon awng, na kumpi tokhum tung pan hong tuaksuk ta'n a,
leivui sungah to in.
Nang in khatvei lai in ngaknu thiangtho khat bang na hi a,
a kizo ngeingawl khuapi khat bang na hi hi,
ahihang nang sia moisua in na sa a neal nawn bua hi!
Tu in nang sia sal khat na hi hi! #Is 13:1—14:23; Jer 50:1—51:64
2An ngoaina suangpheak pei in! An ngoai in!
Na lu tuamna dial suut in! Na puan pha silhte suut in!
Luite kaantan tu in na nikboaite zepto in!
3Na pumnguak na om sia mihingte in hong mu tu hi;
a kiniamkhiak le a maizumin amate in nang hong mu tu hi.
Keima in phu ka la tu a, kuama in hong khak zo ngawl tu hi,” ci hi.
4Israel te ii a thiangtho Pathian in eite hong suaktasak a —
Ama min sia Vaanglianbelpa Topa ahi hi.
5 Topa in Babylon tungah,
“Khuazing sungah thim dide in to khipkhep in;
Amate in nang sia ngamte ii kumpinu hong ci nawn ngawl tu hi!
6Ka mite tungah ka thin uuk hi; ka mi in ka tuat nawn bua hi:
Nangma khut sungah amate kong aap a,
amate na hesuak bua hi;
Khanghaamte ngawngawn na vawtsia hi.
7A tawntungin kumpinu khat hi tu in na ki um a,
hi thute na thinsung ah ngaisun ngawlin
ahibuale a vekpi bangbang bo tu cisia na ngaisun bua hi.
8“Nopsakna bek dei in, muanhuai in bit a kisa sia awng, hi thu ngai in.
Pathian za in lian na kisa hi —
Nang taw a kibang kuama dang khat zongh om ngawl hi, na ci hi.
Nangma in meingong nu ka suak ngei buatu hi,
ahibuale ka tate thina bona a thuak ngei buatu hi ci in na ngaisun hi.
9Ahihang tawmvei no sung, ni khat thu in, thu hite ngeal piang tu hi.
Mitbum pilna theampo
na zak hang
na pasal le na tate thi in na khuai sua veve tu hi. #Tpl 18:7-8
10“Na phat ngawlnate sungah nangma le nangma na thin na muang a;
kuama in hong mu thei buan te ci in ngaisun ni hi.
Na ciimna le na pilna in nangma lam hong pialsak a,
Nangma le nangma, ‘Keima in Pathian ka hi hi —
kei bang a dang khat zongh om ngawl hi,’ na kici hi.
11Nang tungah tuasiatna hong theng tu a,
na mitbum thiamna in khak zo ngawl tu hi.
Na mang zong na mat ngeingawl siatna —
nang tungah thakhat thu in hong theng tu hi!
12Na no lai pek panin na zak na mitbum thiamna le
na dei aite a vekpi in keamcing in.
Tuate in nang hong hu thei tha tu hi;
na ngalte na lauthawn thei tha tu hi.
13Ngaisutna hong kipiak hangin vawt zawk na nei bua hi.
Na aksi en theite —
vantungte a khawk a khawkin khenin
nang tungah bang thu piang tu ci in
tha sim tha simin nang tungah ngaisutna hong pia
na aksi en thiamte hong paisak ta'n a, amate in ngumsak in.
14“Amate in taangphaw beknote taw kibang tu a,
mei khat in kaanghtum tu hi!
Amate le amate ngawngawn kihun zo ngawl tu uh a —
amate meilum oai bang hi ngawlin
meikuangte sia amate atu in sa lei tu hi.
15Na khan tawntungin thu na dok aisaante in —
nang atu a pha hong sepsak tu sia tuabang teng ma ahi hi.
Amate in nang hong nusia siat tu a, amate san tek pai in,
nang hong hun tu in kuama taang ngawl tu hi,” ci hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016