Isaiah 38
38
Hezekiah Kumpipa ii Natna le Dam kikna
(2 Kumpite 20:1-11,2 Khangtaanghthu 32:24-26)
1Hi hunin Hezekiah Kumpipa a ciina in thi dektak hi. Amoz ii tapa, kamsaang pa Isaiah in ve a, ama tungah, “Topa in a kul theampo vawt siat hen, banghang ziam cile dam kik ngawl tu hi hong ci hi. Tua ahiciang a thi tu in kinging in,” ci hi.
2Tuaciang Hezekiah sia pang sang nga in hi bangin thungen hi: 3“Nangma tungah thumaan tak muanhuai takin na na ka sepnate le sepsak tu nong dei bangin a tawntung hanciam in ka nasepnate hong phawk ta'n, Topa awng,” ci hi. Tuaciang ama sia nasia tak kap tu in kipan hi.
4Tuaciang, Topa in Isaiah tungah hi bangin thupia hi. 5Hezekiah kungah pai kik in a, ama tungah, “Na taanghpupi David ii Topa Pathian ahi, Keima in, na thungetna ka za zo a, na thituite ka mu zo hi; na nuntakna kum sawm le kum nga kong khangkhan tu hi. 6Assyria kumpipa khut sung pan nangma le Jerusalem khuapi kong suatak tu a, hi khuapi ka sungsia suak tu hi,” ci in son in.
21 # 38:21 akhan 21-22 te sia a khanlian ii tawpna pan a kikhiin hi (et kak tu 2 Kum 20:6-9). Isaiah in kumpipa tungah na meima sia thei naai noai lete dam kik tu ni hi ci in son hi. 22Tuaciang Hezekiah Kumpipa in, “Biakinn ah ka pai zawk natu bang lim in hong lak tu ziam?” ci in dongh hi.
7Isaiah in, “Topa in hong kamciam a peal ngawlna lim nang tungah hong lak tu hi. 8Ahaz Kumpipa ii a vawt keallei tungah, Topa in a limh nungsangah kal sawm heak kiksak tu hi,” ci in zo kik hi. Tuaciang a limh kal sawm heak kik hi.
9Hezekiah a natna pan a dam kik zawkciang, hi pokna la at hi;
10Ka khan kimlaitakin mithi khua zuan tu hi thong tang a,
Huaikut teakkut in nungta ngawl tu hi tang a, ci in ka ngaisun hi.
11A nungtate omna hi leitung ah Topa mu ngei nawn ngawlin,
A nungta mi kuama mu nawn ngawl tu hi tangh a ci in ka ngaisun hi.
12Puanbuk khat a kiphelthap bang,
thiambu pan puan a ki attan bangin,
ka nuntakna hong ki attan a, hong kibosak hi.
Pathian in ka nuntakna hong
bosak hi ci in ka ngaisun hi.
13Tawpi in ka ngute hong thiatansak bang keakin
zankhuateak na sa in ka au hi.
Pathian in ka nuntakna hong bosak hi ci in ka ngaisun hi.
14Ka aw theapin nging zo ngawl a, vakhu bangin ka kuul hi.
Vantung ka etna in ka mit toi hi.
Topa awng, hi ngimna theampo pan hong suatak ta'n.
15Hi thu sia Topa vawt sa hi a,
kei in bang ka ci thei thong tu ziam?
Ka thinngim lei in, ka mu thei bua hi.
16 Topa awng, nang atu,
nang atu bekma in ka nungta tu hi;
Ka cii hong damsakin, hong nungtasak ta'n.
17Ka thinngimna sia thinnopna suak tu hi.
Lauhuaina theampo pan ka nuntakna nong ngum hi;
ka khialna theampo nong maisak hi.
18Mithi khua ah a om mite kuama in nang hong pok thei ngawlin,
mithite in nang ii thumaanna hong muang thei ngawl uh hi.
19Tu laitakin nang kong pok uh bangin,
nang hong pokte sia a nungta laite ahi hi.
Pate in a tate tungah na thumaan nate son uh hi.
20 Topa awng,
kei nong damsak zo hi.
Tumtheite tumin nang pokna la ka sa tu uh hi.
Ka nuntak lai uh tengin,
na Biakinn sungah pokna la ka sa tu uh hi.
Currently Selected:
Isaiah 38: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Isaiah 38
38
Hezekiah Kumpipa ii Natna le Dam kikna
(2 Kumpite 20:1-11,2 Khangtaanghthu 32:24-26)
1Hi hunin Hezekiah Kumpipa a ciina in thi dektak hi. Amoz ii tapa, kamsaang pa Isaiah in ve a, ama tungah, “Topa in a kul theampo vawt siat hen, banghang ziam cile dam kik ngawl tu hi hong ci hi. Tua ahiciang a thi tu in kinging in,” ci hi.
2Tuaciang Hezekiah sia pang sang nga in hi bangin thungen hi: 3“Nangma tungah thumaan tak muanhuai takin na na ka sepnate le sepsak tu nong dei bangin a tawntung hanciam in ka nasepnate hong phawk ta'n, Topa awng,” ci hi. Tuaciang ama sia nasia tak kap tu in kipan hi.
4Tuaciang, Topa in Isaiah tungah hi bangin thupia hi. 5Hezekiah kungah pai kik in a, ama tungah, “Na taanghpupi David ii Topa Pathian ahi, Keima in, na thungetna ka za zo a, na thituite ka mu zo hi; na nuntakna kum sawm le kum nga kong khangkhan tu hi. 6Assyria kumpipa khut sung pan nangma le Jerusalem khuapi kong suatak tu a, hi khuapi ka sungsia suak tu hi,” ci in son in.
21 # 38:21 akhan 21-22 te sia a khanlian ii tawpna pan a kikhiin hi (et kak tu 2 Kum 20:6-9). Isaiah in kumpipa tungah na meima sia thei naai noai lete dam kik tu ni hi ci in son hi. 22Tuaciang Hezekiah Kumpipa in, “Biakinn ah ka pai zawk natu bang lim in hong lak tu ziam?” ci in dongh hi.
7Isaiah in, “Topa in hong kamciam a peal ngawlna lim nang tungah hong lak tu hi. 8Ahaz Kumpipa ii a vawt keallei tungah, Topa in a limh nungsangah kal sawm heak kiksak tu hi,” ci in zo kik hi. Tuaciang a limh kal sawm heak kik hi.
9Hezekiah a natna pan a dam kik zawkciang, hi pokna la at hi;
10Ka khan kimlaitakin mithi khua zuan tu hi thong tang a,
Huaikut teakkut in nungta ngawl tu hi tang a, ci in ka ngaisun hi.
11A nungtate omna hi leitung ah Topa mu ngei nawn ngawlin,
A nungta mi kuama mu nawn ngawl tu hi tangh a ci in ka ngaisun hi.
12Puanbuk khat a kiphelthap bang,
thiambu pan puan a ki attan bangin,
ka nuntakna hong ki attan a, hong kibosak hi.
Pathian in ka nuntakna hong
bosak hi ci in ka ngaisun hi.
13Tawpi in ka ngute hong thiatansak bang keakin
zankhuateak na sa in ka au hi.
Pathian in ka nuntakna hong bosak hi ci in ka ngaisun hi.
14Ka aw theapin nging zo ngawl a, vakhu bangin ka kuul hi.
Vantung ka etna in ka mit toi hi.
Topa awng, hi ngimna theampo pan hong suatak ta'n.
15Hi thu sia Topa vawt sa hi a,
kei in bang ka ci thei thong tu ziam?
Ka thinngim lei in, ka mu thei bua hi.
16 Topa awng, nang atu,
nang atu bekma in ka nungta tu hi;
Ka cii hong damsakin, hong nungtasak ta'n.
17Ka thinngimna sia thinnopna suak tu hi.
Lauhuaina theampo pan ka nuntakna nong ngum hi;
ka khialna theampo nong maisak hi.
18Mithi khua ah a om mite kuama in nang hong pok thei ngawlin,
mithite in nang ii thumaanna hong muang thei ngawl uh hi.
19Tu laitakin nang kong pok uh bangin,
nang hong pokte sia a nungta laite ahi hi.
Pate in a tate tungah na thumaan nate son uh hi.
20 Topa awng,
kei nong damsak zo hi.
Tumtheite tumin nang pokna la ka sa tu uh hi.
Ka nuntak lai uh tengin,
na Biakinn sungah pokna la ka sa tu uh hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016