Hosea 12
12
1Zingsang pan nitak dong Israel mite ngamtatnate theampo kimanna om ngawl a, siatna vive hi. Ciampealna le ngoltol ngamtatna sia amate sungah khangto vaial hi. Amate in Assyria taw ngal kilemna thukimnate vawtin Egypt taw sum vawt khawm uh hi,” ci hi.
2Judah mite tungah Topa in mawsakna khat nei hi; Israel zongh a mite ngamtatna bangin daan pia tu hi. Amate ngamtatna sate bangin ama in thuk kik tu hi. 3A taanghpupi Jacob sia apeang a suapuipa Esau taw a nu ngil sungah a omkhop lai ma in kilaai hi; Jacob hong khan ciang ama in Pathian langpan hi — #Pian 25:26 #Pian 32:24-26 4ama in vantunglalang khat buanin zo hi. Ama kapin thupha ngen hi. Tuaciang Bethel ah ih taanghpupi Jacob kungah Pathian pai in paupui hi.#Pian 28:10-22 5Hisia in Vaanglianbelpa Topa Pathian ahi hi — Topa sia ama ih biak natu min ahi hi. 6Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.
Thukhenna Kammal A zom
7 Topa in, “Israel mite sia Canaan mite bangza ma in thumaan ngawl uh hi; amate in vanh leite toaisuang maan ngawl taw theam thanuam uh hi. 8Amate in ‘Ko hau khu hi, nei le lamh khol zo khu hi. Kuama in thimthelna taw hau hi ci in, ko hong mawsak thei ngawl hi,’ ci hi. 9Ahihang, Egypt ngam pan hong pusua pui keima, Topa na Pathian in, senneal ngamsung noma kungah kong pai lai bangma in tuipuan buk sungah kong teangsak kik tu hi. #Thiam 23:42-43
10“Kamsaangte ka paupui a, mukholna tam mama ka pia hi, tuaciang kamsaangte tungtawnin ka mite kidop natu thu ka pia hi. 11Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.
12Ih taanghpupi Jacob sia Mesopotamia ah tai a, zi khat a nga natu in tua munah midang khat ii na seamin a tuute cing hi. #Pian 29:1-20 13Egypt a saltanna pan Israel mite a suatak tu le a keam tu in Topa in kamsaang khat puak hi. #Pu 12:50-51 14Israel mite in Topa nasia takin thin uuksak hi; amate khialna liante hangin a thi tu in kilawm hi. Ama min a daisak uh hu in Topa in amate daan pia tu hi.
Currently Selected:
Hosea 12: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Hosea 12
12
1Zingsang pan nitak dong Israel mite ngamtatnate theampo kimanna om ngawl a, siatna vive hi. Ciampealna le ngoltol ngamtatna sia amate sungah khangto vaial hi. Amate in Assyria taw ngal kilemna thukimnate vawtin Egypt taw sum vawt khawm uh hi,” ci hi.
2Judah mite tungah Topa in mawsakna khat nei hi; Israel zongh a mite ngamtatna bangin daan pia tu hi. Amate ngamtatna sate bangin ama in thuk kik tu hi. 3A taanghpupi Jacob sia apeang a suapuipa Esau taw a nu ngil sungah a omkhop lai ma in kilaai hi; Jacob hong khan ciang ama in Pathian langpan hi — #Pian 25:26 #Pian 32:24-26 4ama in vantunglalang khat buanin zo hi. Ama kapin thupha ngen hi. Tuaciang Bethel ah ih taanghpupi Jacob kungah Pathian pai in paupui hi.#Pian 28:10-22 5Hisia in Vaanglianbelpa Topa Pathian ahi hi — Topa sia ama ih biak natu min ahi hi. 6Tua ahikom tu in Jacob suan le paalte awng, na Pathian muang vun a, ama kungah heak kik vun. Pathian tungah citakin thutang vun, tuaciang na Pathian ii note atu hong sep tu sia thinsau takin ngak vun.
Thukhenna Kammal A zom
7 Topa in, “Israel mite sia Canaan mite bangza ma in thumaan ngawl uh hi; amate in vanh leite toaisuang maan ngawl taw theam thanuam uh hi. 8Amate in ‘Ko hau khu hi, nei le lamh khol zo khu hi. Kuama in thimthelna taw hau hi ci in, ko hong mawsak thei ngawl hi,’ ci hi. 9Ahihang, Egypt ngam pan hong pusua pui keima, Topa na Pathian in, senneal ngamsung noma kungah kong pai lai bangma in tuipuan buk sungah kong teangsak kik tu hi. #Thiam 23:42-43
10“Kamsaangte ka paupui a, mukholna tam mama ka pia hi, tuaciang kamsaangte tungtawnin ka mite kidop natu thu ka pia hi. 11Tua hi napi Gilead ah milimte kibia a, a biate thi tu hi. Gilgal ah khuitalte sangaw biakpiakna in kipia a, tua munah biaknataute zong lozau sungah suang kholte suak tu hi,” ci hi.
12Ih taanghpupi Jacob sia Mesopotamia ah tai a, zi khat a nga natu in tua munah midang khat ii na seamin a tuute cing hi. #Pian 29:1-20 13Egypt a saltanna pan Israel mite a suatak tu le a keam tu in Topa in kamsaang khat puak hi. #Pu 12:50-51 14Israel mite in Topa nasia takin thin uuksak hi; amate khialna liante hangin a thi tu in kilawm hi. Ama min a daisak uh hu in Topa in amate daan pia tu hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016