Ezekiel 6
6
Topa in Milim Biakna Ningkhiin
1 Topa in kei hong paupui hi. 2Ama in, “A thithei mihing awng, Israel mualte sang en in a, amate tungah kong thupuak sia son in. 3Topa kammal sia Israel mualte ii zaak tu in — Vaanglianpipa Topa keima ii mualpite mualnote, luamthukte le lei kuamte tungah ka son thute a zaak tu in na son in: mihingte ii milim te a biakna munte susia tu in namsau khat kong puak tu hi. 4biaknataute kinuaitham tu a, ngimnamtui halna biaknataute kisutan tu hi. Tua munah om mihingte theampo a milimte mai ah kithatlum tu hi. 5Israel mite ii mithi luangte ka thethaang tu hi; amate ii ngu le taangte biaknatau kiim theampo ah ka thethaang tu hi. 6A biaknataute theampo le a milimte a kisukthap natu, a ngimnamtui halna biaknataute a kisaatthapsak natu le, a vawtsa uh theampo a bo cimit natu in Israel khuapite theampo kilalthamsak tu hi. 7Mihingte sia mun theampo ah kithatlum tu hi, tuaciang a nungta laiteng in keima sia Topa ka hina hong tel tu uh hi.
8“Kithalupna pan pawlkhatte ka suaktasak tu a, ngam tuatuamte ah kithethaang tu hi, 9tua munah amate saltaang in teang tu uh hi. Tua munah amate in kei hong phawk tu uh a, daan pia in maizum ka piak sia he tu uh hi, banghang ziam cile amate ii upna sel lungtang in kei hong taisan a, kei sangin milimte deizaw uh hi. Amate tatsiatna le a etthawk huai nate a vawt hu in amate le amate kiihuai kisa tu uh hi. 10Amate in keima sia Topa ka hina le kidop natu a ka thupiakte sia kitawnna thawthong ahi ngawl hunlam he tu uh hi,” hong ci hi.
11Vaanglianpipa Topa in, “Na khut meak in! Na peang taw khuasiik in. Israel te ii tatsiatna theampo le a thasiathuai na te a vawt hu in khuangai in kap in. Amate sia ngal sung ahizong ngilkialna taw ahizong, natna taw ahizong thi tu uh hi. 12A khualana ah a omte a ciina in thi tu uh hi; a naina a omte sia ngal sungah kithatlum tu hi. A thimong teng sia ngilkial in thi tu uh hi. Amate in ka thin uukna ii thahatna theampo phawk tu uh hi. 13Mithi luangte sia milimte kawm le biaknataute kiimkot, tuaciang mualno saang theampo tung le mualpi dawn theampo, thingkung hingte le, oak thingkung lian theampo ii nuai, milim meihal biakpiakna mun theampo ah kithethaang tu hi. Tua zawkciangin mihing theampo in keima sia Topa ka hi hunlam hong he tu uh hi. 14Hi hi, keima in ka khut ka vaan tu a, amate ngam ka lalthamsak tu hi. Thangsang sennealngam pan saksang Riblah khuapi dong, Israel mite teenna mun khat zongh khoaikhe ngawlin ngamtongta ka suaksak tu hi. Tuasia ciangin, a kuama po in keima sia Topa ka hi hunlam hong he tu uh hi,” hong ci hi.
Currently Selected:
Ezekiel 6: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Ezekiel 6
6
Topa in Milim Biakna Ningkhiin
1 Topa in kei hong paupui hi. 2Ama in, “A thithei mihing awng, Israel mualte sang en in a, amate tungah kong thupuak sia son in. 3Topa kammal sia Israel mualte ii zaak tu in — Vaanglianpipa Topa keima ii mualpite mualnote, luamthukte le lei kuamte tungah ka son thute a zaak tu in na son in: mihingte ii milim te a biakna munte susia tu in namsau khat kong puak tu hi. 4biaknataute kinuaitham tu a, ngimnamtui halna biaknataute kisutan tu hi. Tua munah om mihingte theampo a milimte mai ah kithatlum tu hi. 5Israel mite ii mithi luangte ka thethaang tu hi; amate ii ngu le taangte biaknatau kiim theampo ah ka thethaang tu hi. 6A biaknataute theampo le a milimte a kisukthap natu, a ngimnamtui halna biaknataute a kisaatthapsak natu le, a vawtsa uh theampo a bo cimit natu in Israel khuapite theampo kilalthamsak tu hi. 7Mihingte sia mun theampo ah kithatlum tu hi, tuaciang a nungta laiteng in keima sia Topa ka hina hong tel tu uh hi.
8“Kithalupna pan pawlkhatte ka suaktasak tu a, ngam tuatuamte ah kithethaang tu hi, 9tua munah amate saltaang in teang tu uh hi. Tua munah amate in kei hong phawk tu uh a, daan pia in maizum ka piak sia he tu uh hi, banghang ziam cile amate ii upna sel lungtang in kei hong taisan a, kei sangin milimte deizaw uh hi. Amate tatsiatna le a etthawk huai nate a vawt hu in amate le amate kiihuai kisa tu uh hi. 10Amate in keima sia Topa ka hina le kidop natu a ka thupiakte sia kitawnna thawthong ahi ngawl hunlam he tu uh hi,” hong ci hi.
11Vaanglianpipa Topa in, “Na khut meak in! Na peang taw khuasiik in. Israel te ii tatsiatna theampo le a thasiathuai na te a vawt hu in khuangai in kap in. Amate sia ngal sung ahizong ngilkialna taw ahizong, natna taw ahizong thi tu uh hi. 12A khualana ah a omte a ciina in thi tu uh hi; a naina a omte sia ngal sungah kithatlum tu hi. A thimong teng sia ngilkial in thi tu uh hi. Amate in ka thin uukna ii thahatna theampo phawk tu uh hi. 13Mithi luangte sia milimte kawm le biaknataute kiimkot, tuaciang mualno saang theampo tung le mualpi dawn theampo, thingkung hingte le, oak thingkung lian theampo ii nuai, milim meihal biakpiakna mun theampo ah kithethaang tu hi. Tua zawkciangin mihing theampo in keima sia Topa ka hi hunlam hong he tu uh hi. 14Hi hi, keima in ka khut ka vaan tu a, amate ngam ka lalthamsak tu hi. Thangsang sennealngam pan saksang Riblah khuapi dong, Israel mite teenna mun khat zongh khoaikhe ngawlin ngamtongta ka suaksak tu hi. Tuasia ciangin, a kuama po in keima sia Topa ka hi hunlam hong he tu uh hi,” hong ci hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016