Ezekiel 15
15
Sapitkung taw Sonteena
1 Topa in kei hong paupui hi. 2Ama in, “A thithei mihing awng, sapitkung le thingkung bangbangin kitee ngat thei tu ziam? Thingtaam sung a thingkungte le sapitbaak khat ih tee ngat ciang bang phatna om ziam? 3Bang khat po vawt natu in zangh thei na ni ziam? Vanh khai natu thawnkoai khat beak in na sui thei tu ziam? 4Tua sia meitawna in pha bek hi. A mongte kaanghin a lai sia meihol a sua zawkciangin, tua taw bang vawt thei ni ziam? 5A kihal ma ngawngawn in kimanna nei ngawl hi. Tu in mei in kaangh a, hol a sua seseam ciang kimanna nei ngawl zaw lai hi.
6Tu in hisia Vaanglianpipa Topa ii ci nop teng ahi hi, “Thingtang sung pan khaungui kila in a kihal bangin, Jerusalem a teang ka mite ka la tu a, 7daan ka pia tu hi. Amate meikuang khat panin suakta zo hi, ahihang tu in mei in kaanghtum tu hi. Amate daan ka piak ciangin Keima sia Topa ka hi hunlam nong tel tu uh hi. 8Amate in kei tungah hong thumaan ngawl ahikom a ngam sia duisung ngampa ka suaksak tu hi.” Vaanglianpipa Topa in son zo hi.
Currently Selected:
Ezekiel 15: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Ezekiel 15
15
Sapitkung taw Sonteena
1 Topa in kei hong paupui hi. 2Ama in, “A thithei mihing awng, sapitkung le thingkung bangbangin kitee ngat thei tu ziam? Thingtaam sung a thingkungte le sapitbaak khat ih tee ngat ciang bang phatna om ziam? 3Bang khat po vawt natu in zangh thei na ni ziam? Vanh khai natu thawnkoai khat beak in na sui thei tu ziam? 4Tua sia meitawna in pha bek hi. A mongte kaanghin a lai sia meihol a sua zawkciangin, tua taw bang vawt thei ni ziam? 5A kihal ma ngawngawn in kimanna nei ngawl hi. Tu in mei in kaangh a, hol a sua seseam ciang kimanna nei ngawl zaw lai hi.
6Tu in hisia Vaanglianpipa Topa ii ci nop teng ahi hi, “Thingtang sung pan khaungui kila in a kihal bangin, Jerusalem a teang ka mite ka la tu a, 7daan ka pia tu hi. Amate meikuang khat panin suakta zo hi, ahihang tu in mei in kaanghtum tu hi. Amate daan ka piak ciangin Keima sia Topa ka hi hunlam nong tel tu uh hi. 8Amate in kei tungah hong thumaan ngawl ahikom a ngam sia duisung ngampa ka suaksak tu hi.” Vaanglianpipa Topa in son zo hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016