Ezekiel 10
10
Pathian Vaangletna in Biakinnpi Nusia
1Cherub te ii lu tung san ah a kikhup siin sia ka en a, a tungah sapphire suang manpha taw a kivawt kumpi tokhum bang khat a om hi. #Eze 1:26; Tpl 4:2 2Pathian in puanneal a silh pa tungah “Cherub te ii nuai, a muite ii kawm ah pai in na khut dimin suang meihol kamte toai ta'n. Tua zawkciang khuapi tungah the suk in,” ci hi.
Ama ii paikhiat ka en hi. #Tpl 8:5 3Cherub te sia ama ii tum laitakin Biakinnpi thang sangah ding uh hi, tuaciang a suumsung sungnung sia meeikaai in tuam hi. 4Topa ii omna po ah khuavak taang velvol sia cherub te kung pan kikhaangto a Biakinn tumna ah kikhiin hi. Tua zawkciang meeikaai in Biakinnpi tuam a, leitual sia taang pempom hi. 5Cherub te thaphil nging sia a suumsung puanung ngawngawn dongin kiza hi. Tua awnging sia Vaanglianpipa Pathian ii aw bang ahi hi.
6 Topa in puanneal a silh pa tungah cherub te ii nuai a muite kawm pan meikuang la tu in sawl hi. Tua pa pai in tua a mui khat ii hui ah ding hi. 7Cherub te sung pan khat in, amate sungah a om mei sia a khut taw sawkin, meikam pawlkhat la in, puanneal silh pa ii khut sungah koisak hi. Tua pa in meikamte toai in, tuaciang a paisan hi.
8Cherub khat simin a thakhui nuai tek ah mihing khut bang veu a nei ka mu hi. 9-10A kibang linlian mui li zongh ka mu hi, tuate sia kibang a, cherub khat ii pangh ah khat tek om hi. A muite sia suang manpha bangin taang a, tuaciang khat ii sungah a mui dang khat a king kitangin kithua hi. #Eze 1:15-21 11Cherub te a kikhiin uh ciang, a kiheak kul ngawlin a pai nopna pawpo ah pai thei uh hi. Amate sia a pai nopna san tek ah paikhawm tek a, kiheak a kul bua hi. 12Amate ii pumte, nungzaangte, khutte, thate le a muite sia mittang taw kidim hi. #Tpl 4:8 13Hi a muite sia ka mangmu maksak sungah ka mute taw ma kibang hi.
14Cherub sim in maitang li veu nei uh hi. A masa phitbel sia khuital maitang, a niina sia mihing maitang, a thumna sia tawpi maitang le a lina sia muvanlai maitang ahi uh hi. #Eze 1:10; Tpl 4:7 15(Tuate sia Chebar Ngunhui ah ka mu cherub te ma ahi uh hi). Cherub te vui sungah kikhaangto in, 16a kikhiin uh ciangin a muite in zui uh hi. Amate in leang tu in a thate a phil uh simin a muite in a zui lai uh hi. 17Cherub te a tawlngak uh ciang a muite zongh tawlnga uh hi; tuaciang cherub te a len uh ciang a muite in zui uh hi; banghang ziam cile cherub te in a muite a uk uh hi.
18Tuasia zawkciang Topa ii ompuina po ah khuavak taang velvol sia in Biakinnpi tumna mun nusia in cherub te ii tungsia mun khat ah kikhiin hi. 19Amate in a thate phalhin, lei panin ka mu tangin a lento ciang, a muite in zui uh hi. Amate sia Biakinnpi ii nisuana sang kongpi ah tawlnga zii a, khuavak taang velvol sia amate tungsia ah om hi. 20Chebar Ngunhui Israel ii Pathian nuai ah ka mu sa cherub te ma hi ci sia ka tel hi.
21Amate sim in maitang li tek, tha li tek le, thakhui nuai tek ah mihing khut taw a kibang khat tek nei uh hi. 22A maitangte sia Chedar Ngunhui ah ka mu maitang te taw kibang linlian hi. Cherub sim in a maisang tek ah tang takin kikhiin uh hi.
Currently Selected:
Ezekiel 10: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Ezekiel 10
10
Pathian Vaangletna in Biakinnpi Nusia
1Cherub te ii lu tung san ah a kikhup siin sia ka en a, a tungah sapphire suang manpha taw a kivawt kumpi tokhum bang khat a om hi. #Eze 1:26; Tpl 4:2 2Pathian in puanneal a silh pa tungah “Cherub te ii nuai, a muite ii kawm ah pai in na khut dimin suang meihol kamte toai ta'n. Tua zawkciang khuapi tungah the suk in,” ci hi.
Ama ii paikhiat ka en hi. #Tpl 8:5 3Cherub te sia ama ii tum laitakin Biakinnpi thang sangah ding uh hi, tuaciang a suumsung sungnung sia meeikaai in tuam hi. 4Topa ii omna po ah khuavak taang velvol sia cherub te kung pan kikhaangto a Biakinn tumna ah kikhiin hi. Tua zawkciang meeikaai in Biakinnpi tuam a, leitual sia taang pempom hi. 5Cherub te thaphil nging sia a suumsung puanung ngawngawn dongin kiza hi. Tua awnging sia Vaanglianpipa Pathian ii aw bang ahi hi.
6 Topa in puanneal a silh pa tungah cherub te ii nuai a muite kawm pan meikuang la tu in sawl hi. Tua pa pai in tua a mui khat ii hui ah ding hi. 7Cherub te sung pan khat in, amate sungah a om mei sia a khut taw sawkin, meikam pawlkhat la in, puanneal silh pa ii khut sungah koisak hi. Tua pa in meikamte toai in, tuaciang a paisan hi.
8Cherub khat simin a thakhui nuai tek ah mihing khut bang veu a nei ka mu hi. 9-10A kibang linlian mui li zongh ka mu hi, tuate sia kibang a, cherub khat ii pangh ah khat tek om hi. A muite sia suang manpha bangin taang a, tuaciang khat ii sungah a mui dang khat a king kitangin kithua hi. #Eze 1:15-21 11Cherub te a kikhiin uh ciang, a kiheak kul ngawlin a pai nopna pawpo ah pai thei uh hi. Amate sia a pai nopna san tek ah paikhawm tek a, kiheak a kul bua hi. 12Amate ii pumte, nungzaangte, khutte, thate le a muite sia mittang taw kidim hi. #Tpl 4:8 13Hi a muite sia ka mangmu maksak sungah ka mute taw ma kibang hi.
14Cherub sim in maitang li veu nei uh hi. A masa phitbel sia khuital maitang, a niina sia mihing maitang, a thumna sia tawpi maitang le a lina sia muvanlai maitang ahi uh hi. #Eze 1:10; Tpl 4:7 15(Tuate sia Chebar Ngunhui ah ka mu cherub te ma ahi uh hi). Cherub te vui sungah kikhaangto in, 16a kikhiin uh ciangin a muite in zui uh hi. Amate in leang tu in a thate a phil uh simin a muite in a zui lai uh hi. 17Cherub te a tawlngak uh ciang a muite zongh tawlnga uh hi; tuaciang cherub te a len uh ciang a muite in zui uh hi; banghang ziam cile cherub te in a muite a uk uh hi.
18Tuasia zawkciang Topa ii ompuina po ah khuavak taang velvol sia in Biakinnpi tumna mun nusia in cherub te ii tungsia mun khat ah kikhiin hi. 19Amate in a thate phalhin, lei panin ka mu tangin a lento ciang, a muite in zui uh hi. Amate sia Biakinnpi ii nisuana sang kongpi ah tawlnga zii a, khuavak taang velvol sia amate tungsia ah om hi. 20Chebar Ngunhui Israel ii Pathian nuai ah ka mu sa cherub te ma hi ci sia ka tel hi.
21Amate sim in maitang li tek, tha li tek le, thakhui nuai tek ah mihing khut taw a kibang khat tek nei uh hi. 22A maitangte sia Chedar Ngunhui ah ka mu maitang te taw kibang linlian hi. Cherub sim in a maisang tek ah tang takin kikhiin uh hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016