Pusuana 9
9
Nganhingte Thina
1 Topa in Moses tungah, “Kumpipa kungah pai in, Hebrew te ii Pathian Topa in, ‘Kei hong biak thei natu in ka mite paisak hen. 2Na paisak nuam bua leleau ahile, 3no daan kong pia tu a, na ngannote — siphu, laa, kalaoh, khui, tuu le kealte tungah a lauhuai natna ka tungsak tu hi. 4Israel ngannote le Egypt ngannote kilaklaw ah kilamdanna khat ka vawt tu a, Israel te nganno ngawl teng ka thisak tu hi. 5Keima Topa in, hi teng zing ciang mama in ka seam tu hi hong ci hi,’ va ci ta'n,” ci hi.
6A sonsa bangin a zing ciangin Topa in naseam a. Egypt te nganno theampo thi siat hi, ahizong, Israel te nganno khat zongh thi ngawl hi. 7Kumpipa in bang thupiang ziam ci in dongh a, Israel te nganno khat zongh a thi ngawlna thu teng ama tungah kison hi. Ahizong a thin sah veve a, tua mite paisak tuan ngawl hi.
Uilut Meima
8Tuasia ciang Topa in Moses le Aaron tungah, “Meikhuk pan khutpham dim vut la vun; kumpipa mai vui sungah Moses in tua vutte lawn tu hi. 9Tuate Egypt ngamsung theampo ah leivui bangin kithethaang tu a, a thetna mun po ah uilut meima piangsak in, mite le nganhingte uilut veeisak tu hi,” ci hi. 10Tua ahiciang amate in vut tawm la in kumpipa mai ah ding uh hi; Moses in tua vutte vui sungah lawnin tua vutte in mihingte le nganhingte tungah uilut meima piangsak hi. #Tpl 16:2 11Mitbum thiamte Moses mai ah kilaak thei ngawl uh hi, banghang ziam cile a dang Egypt te theampo taw kibangin uilut meima veei siat uh hi. 12Ahizong Topa in kumpipa thin sahsakin, Topa cisa bangma kumpipa in Moses le Aaron thu ngai nuam ngawl hi.
Ngial
13Tuasia ciang Topa in Moses tungah, “Zing ciang zingtuung in kumpipa taw kimu in a, Hebrew te Pathian Topa in, ‘Kei hong biak thei natu in ka mite paisak hen. 14Leitung theampo ah keima taw kibang khat beak a om ngawl hunlam na heak natu in tu tungin na uliante le na mihingte bek daan pia ngawlin nangma zongh daan kong pia tu hi. 15Nangma le na mite tungah ka khut laamin natna hong tungsak leng note na mong siat tu uh hi. 16Ahizong leitung bup ah ka minthanna a kizel natu in nang tungah ka vaangletna hong lak nuam in kong nungtasak zo hi. #Rom 9:17 17Ahizong nangma na kisathei veve a, ka mite na paisak bua hi. 18Zing ciang, tu hunin Egypt ngam taanghthu sungah a kihe ngeingawl, vui le ngial kithua a nasia mama khat ka piangsak tu hi. 19Tu in na ngannote le nadang tuatuam a pua sangah na nei theampo kidalna buk sungah a koi natu in thupia in. A pua sangah a om lai kidalna nei ngawl mihingte le ngannote tungah ngial kia tu a, amate thi siat tu hi,’ ci in va son ta'n,” ci hi. 20Topa thusonte hangin kumpipa ulian kimkhatte lau in a silate le a ngannote kidalna buk sungah paipui uh hi. 21Ahizong pawlkhatte in Topa thupiakte awlmawk ngawlin, a silate le a ngannote doipua sangah nusia uh hi.
22Tuasia ciang Topa in Moses tungah, “Na khut van ah laamto in tua hile Egypt ngamsung buppi — mihing, nganhing le lo sung ankung theampo tungah ngial kia tu hi,” ci hi. 23Tua ahiciang Moses in a ciangkhut van ah laamto a, Topa in vantosak, ngial kiasakin khualengsak hi. Topa in 24a tee vazal kawkoai khualeng taw a kithua vuipi le ngial kithua nasia mama khat piangsak hi. Tua in Egypt te taanghthu sungah a heak ngei sung pan a nasiabel vuipi suangval ahi hi. #Tpl 8:7; 16:21 25Egypt ngamsung theampo doipua sangah a om mihingte theampo le nganhingte theampo ngial in deangcip hi. Lo sung ankung theampo puksakin, thingkung theampo talsak siat hi. 26Israel te teenna Goshen ngam bekma ngial kia ngawl hi.
27Kumpipa in Moses le Aaron samin, “Tutungin keima maw khi hi; Topa maan a, ka mite le keima khial khu hi. 28Topa tungah thungen vun! Hi vanto le ngialkiate kicing zo hi. Note paisak tu in kamciam kong pia a; hi lai ah no om tu kul nawn ngawl hi,” ci hi.
29Moses in ama tungah, “Khuapi pan ka pusua po ciang ka khutte laamin Topa tungah thu ka ngen tu hi. Vanto nawn ngawl tu a, ngialkia nawn ngawl tu hi. Tuasia ciang hi leitung sia Topa aa hi ci in na he tu uh hi. 30Ahizong nangma le na uliante in Topa Pathian na kiitak ngawl lai uh sia ka he hi,” ci hi.
31Ngial in anthul le mangtaangte lalsak siat hi, banghang ziam cile mangtaang a min laitak hi in, anthul sia a mom laitak ahi hi. 32Ahizong zungtaang a lal om ngawl hi, banghang ziam cile tuate min ngawl lai hi.
33Kumpipa kung pan Moses khuapi pua sangah pai in a khutte laamin Topa tungah thungen hi. Vanto le ngialkia tawlnga in nguazu nawn ngawl hi. 34Kumpipa sia thupiang teng a mu ciang khial kik leleau hi. Ama le a uliante thin a sak ngei in sak a, 35Topa in Moses tungtawnin a sonkhol bangma in kumpipa in Israel te paisak ngawl hi.
Currently Selected:
Pusuana 9: SCB2
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Pusuana 9
9
Nganhingte Thina
1 Topa in Moses tungah, “Kumpipa kungah pai in, Hebrew te ii Pathian Topa in, ‘Kei hong biak thei natu in ka mite paisak hen. 2Na paisak nuam bua leleau ahile, 3no daan kong pia tu a, na ngannote — siphu, laa, kalaoh, khui, tuu le kealte tungah a lauhuai natna ka tungsak tu hi. 4Israel ngannote le Egypt ngannote kilaklaw ah kilamdanna khat ka vawt tu a, Israel te nganno ngawl teng ka thisak tu hi. 5Keima Topa in, hi teng zing ciang mama in ka seam tu hi hong ci hi,’ va ci ta'n,” ci hi.
6A sonsa bangin a zing ciangin Topa in naseam a. Egypt te nganno theampo thi siat hi, ahizong, Israel te nganno khat zongh thi ngawl hi. 7Kumpipa in bang thupiang ziam ci in dongh a, Israel te nganno khat zongh a thi ngawlna thu teng ama tungah kison hi. Ahizong a thin sah veve a, tua mite paisak tuan ngawl hi.
Uilut Meima
8Tuasia ciang Topa in Moses le Aaron tungah, “Meikhuk pan khutpham dim vut la vun; kumpipa mai vui sungah Moses in tua vutte lawn tu hi. 9Tuate Egypt ngamsung theampo ah leivui bangin kithethaang tu a, a thetna mun po ah uilut meima piangsak in, mite le nganhingte uilut veeisak tu hi,” ci hi. 10Tua ahiciang amate in vut tawm la in kumpipa mai ah ding uh hi; Moses in tua vutte vui sungah lawnin tua vutte in mihingte le nganhingte tungah uilut meima piangsak hi. #Tpl 16:2 11Mitbum thiamte Moses mai ah kilaak thei ngawl uh hi, banghang ziam cile a dang Egypt te theampo taw kibangin uilut meima veei siat uh hi. 12Ahizong Topa in kumpipa thin sahsakin, Topa cisa bangma kumpipa in Moses le Aaron thu ngai nuam ngawl hi.
Ngial
13Tuasia ciang Topa in Moses tungah, “Zing ciang zingtuung in kumpipa taw kimu in a, Hebrew te Pathian Topa in, ‘Kei hong biak thei natu in ka mite paisak hen. 14Leitung theampo ah keima taw kibang khat beak a om ngawl hunlam na heak natu in tu tungin na uliante le na mihingte bek daan pia ngawlin nangma zongh daan kong pia tu hi. 15Nangma le na mite tungah ka khut laamin natna hong tungsak leng note na mong siat tu uh hi. 16Ahizong leitung bup ah ka minthanna a kizel natu in nang tungah ka vaangletna hong lak nuam in kong nungtasak zo hi. #Rom 9:17 17Ahizong nangma na kisathei veve a, ka mite na paisak bua hi. 18Zing ciang, tu hunin Egypt ngam taanghthu sungah a kihe ngeingawl, vui le ngial kithua a nasia mama khat ka piangsak tu hi. 19Tu in na ngannote le nadang tuatuam a pua sangah na nei theampo kidalna buk sungah a koi natu in thupia in. A pua sangah a om lai kidalna nei ngawl mihingte le ngannote tungah ngial kia tu a, amate thi siat tu hi,’ ci in va son ta'n,” ci hi. 20Topa thusonte hangin kumpipa ulian kimkhatte lau in a silate le a ngannote kidalna buk sungah paipui uh hi. 21Ahizong pawlkhatte in Topa thupiakte awlmawk ngawlin, a silate le a ngannote doipua sangah nusia uh hi.
22Tuasia ciang Topa in Moses tungah, “Na khut van ah laamto in tua hile Egypt ngamsung buppi — mihing, nganhing le lo sung ankung theampo tungah ngial kia tu hi,” ci hi. 23Tua ahiciang Moses in a ciangkhut van ah laamto a, Topa in vantosak, ngial kiasakin khualengsak hi. Topa in 24a tee vazal kawkoai khualeng taw a kithua vuipi le ngial kithua nasia mama khat piangsak hi. Tua in Egypt te taanghthu sungah a heak ngei sung pan a nasiabel vuipi suangval ahi hi. #Tpl 8:7; 16:21 25Egypt ngamsung theampo doipua sangah a om mihingte theampo le nganhingte theampo ngial in deangcip hi. Lo sung ankung theampo puksakin, thingkung theampo talsak siat hi. 26Israel te teenna Goshen ngam bekma ngial kia ngawl hi.
27Kumpipa in Moses le Aaron samin, “Tutungin keima maw khi hi; Topa maan a, ka mite le keima khial khu hi. 28Topa tungah thungen vun! Hi vanto le ngialkiate kicing zo hi. Note paisak tu in kamciam kong pia a; hi lai ah no om tu kul nawn ngawl hi,” ci hi.
29Moses in ama tungah, “Khuapi pan ka pusua po ciang ka khutte laamin Topa tungah thu ka ngen tu hi. Vanto nawn ngawl tu a, ngialkia nawn ngawl tu hi. Tuasia ciang hi leitung sia Topa aa hi ci in na he tu uh hi. 30Ahizong nangma le na uliante in Topa Pathian na kiitak ngawl lai uh sia ka he hi,” ci hi.
31Ngial in anthul le mangtaangte lalsak siat hi, banghang ziam cile mangtaang a min laitak hi in, anthul sia a mom laitak ahi hi. 32Ahizong zungtaang a lal om ngawl hi, banghang ziam cile tuate min ngawl lai hi.
33Kumpipa kung pan Moses khuapi pua sangah pai in a khutte laamin Topa tungah thungen hi. Vanto le ngialkia tawlnga in nguazu nawn ngawl hi. 34Kumpipa sia thupiang teng a mu ciang khial kik leleau hi. Ama le a uliante thin a sak ngei in sak a, 35Topa in Moses tungtawnin a sonkhol bangma in kumpipa in Israel te paisak ngawl hi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016