Ephesus te 3
3
Gentile te atu Paul ii Nasepna
1Hisia thu hu in, no Gentile te atu in Christ Jesus ii thongtaakpa keima Paul in, Pathian tungah thu ka ngen hi. 2Note phattuam natu in, Pathian in a thuthiamna taw hi nasep sia kei hong piakna thu, na za takpi zo uh hi. 3Pathian in a tupku sia hong lak a, kei hong hesak hi. (Hi thu a tom in kong at zo hi. 4Kong lai at sa sia na sim uh le, Christ thuku ka heakna thu na he tu uh hi.) #Col 1:26-27 5Hun bosa sungah tua thuku sia mihingte tungah kison ngawl a, ahizong tu in Pathian in a thiangtho sawltakte le a kamsaangte tungah Thaa taw lak zo hi. 6A thuku sia bang ziam cile Gentile te le Jew te in Pathian thupha sia lungdamna thu hangin saang khawm thei hi; amate in pumpi khat ii nate hi tek a, Pathian ii Christ Jesus tungtawn a kamciam a piakte nga tek hi.
7Ama ii vaangletna tungtawnin Pathian ii a tuam vilvelin hong piak letsong taw kei sia lungdamna thuhil naseampa ka suak hi. 8Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi, 9-10tuaciang mihing theampo in, koi bangin Pathian thuku sia kiseam thei tu ziam ci in a mu thei natu in hong seamsak hi. Vantung ngam ah vantunglalang a ukte le vaangletna a neite ii, Pathian ii ciimna a tuatuamte, tu hun sungah pawlpi tungtawnin a heak thei natu in, na theampo a bitphua Pathian in a thuku sia a bosa khang hunte sungah seal top hi. 11Hi thu sia Pathian in ih Topa Christ Jesus tungtawnin a kitaksua ama ii tawntung tupna taw kizui in a vawt ahi hi. 12Christ taw ih kikopna le ama sungah ih upna hu in, Pathian omna munah kimuanna le hanna taw ih pai ngam hi. 13Tua zawkciang, note atu in thuak ka hihang, na thin a kiam ngawl natu in kong thuum hi; tuate theampo sia noma phattuam natu ahi hi.
Christ ii hong Itna
14Hi thu hu in ih Pa mai ah ka khupdin hi, 15ama tung pan vantung le leitung ah a om innkuan sim in a min maan a nga uh hi. 16Pathian in ama ii a kicing minthanna panin a Thaa tungtawnin, na sungsang mi sia hong hatsak natu in, vaang hong piak natu kong ngetsak hi, 17na upna hangin note thinsung ah Christ hong teangin, ki itna thu ah zung thuk le, bulkip na nei natu in thu ka ngen hi, 18tuasia ciang note le Pathian ii mihingte theampo in Christ itna ii a zaina le a sauna, a saanna le a thuknate heak theina na nei tu uh hi. 19Christ hong itna a kicing takin, kihe thei ngeingawl tu ahitazong, ama hong itna he thei in, Pathianzia mama taw na kidim sitset natu in, thu ka ngen hi.
20Ih sungah a vaangletna taw hong sep hu in, ei ii nget thei le ngaisut theiza sangin tamzaw pek a seam thei pa: 21Pathian tungah pawlpi sung le Christ sungah minthanna sia hun theampo atu in a tawntung a tawntungin om tahen! Amen.
Currently Selected:
Ephesus te 3: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Ephesus te 3
3
Gentile te atu Paul ii Nasepna
1Hisia thu hu in, no Gentile te atu in Christ Jesus ii thongtaakpa keima Paul in, Pathian tungah thu ka ngen hi. 2Note phattuam natu in, Pathian in a thuthiamna taw hi nasep sia kei hong piakna thu, na za takpi zo uh hi. 3Pathian in a tupku sia hong lak a, kei hong hesak hi. (Hi thu a tom in kong at zo hi. 4Kong lai at sa sia na sim uh le, Christ thuku ka heakna thu na he tu uh hi.) #Col 1:26-27 5Hun bosa sungah tua thuku sia mihingte tungah kison ngawl a, ahizong tu in Pathian in a thiangtho sawltakte le a kamsaangte tungah Thaa taw lak zo hi. 6A thuku sia bang ziam cile Gentile te le Jew te in Pathian thupha sia lungdamna thu hangin saang khawm thei hi; amate in pumpi khat ii nate hi tek a, Pathian ii Christ Jesus tungtawn a kamciam a piakte nga tek hi.
7Ama ii vaangletna tungtawnin Pathian ii a tuam vilvelin hong piak letsong taw kei sia lungdamna thuhil naseampa ka suak hi. 8Keima in Pathian ii mihingte sung pan a nobel sia sangin a nozaw lai pa ka hi hi; tua hi napi in, a kison zo ngawl Christ ii hauna Lungdamna Thupha Gentile te tungah a puak tu in Pathian in hamphatna hong pia hi, 9-10tuaciang mihing theampo in, koi bangin Pathian thuku sia kiseam thei tu ziam ci in a mu thei natu in hong seamsak hi. Vantung ngam ah vantunglalang a ukte le vaangletna a neite ii, Pathian ii ciimna a tuatuamte, tu hun sungah pawlpi tungtawnin a heak thei natu in, na theampo a bitphua Pathian in a thuku sia a bosa khang hunte sungah seal top hi. 11Hi thu sia Pathian in ih Topa Christ Jesus tungtawnin a kitaksua ama ii tawntung tupna taw kizui in a vawt ahi hi. 12Christ taw ih kikopna le ama sungah ih upna hu in, Pathian omna munah kimuanna le hanna taw ih pai ngam hi. 13Tua zawkciang, note atu in thuak ka hihang, na thin a kiam ngawl natu in kong thuum hi; tuate theampo sia noma phattuam natu ahi hi.
Christ ii hong Itna
14Hi thu hu in ih Pa mai ah ka khupdin hi, 15ama tung pan vantung le leitung ah a om innkuan sim in a min maan a nga uh hi. 16Pathian in ama ii a kicing minthanna panin a Thaa tungtawnin, na sungsang mi sia hong hatsak natu in, vaang hong piak natu kong ngetsak hi, 17na upna hangin note thinsung ah Christ hong teangin, ki itna thu ah zung thuk le, bulkip na nei natu in thu ka ngen hi, 18tuasia ciang note le Pathian ii mihingte theampo in Christ itna ii a zaina le a sauna, a saanna le a thuknate heak theina na nei tu uh hi. 19Christ hong itna a kicing takin, kihe thei ngeingawl tu ahitazong, ama hong itna he thei in, Pathianzia mama taw na kidim sitset natu in, thu ka ngen hi.
20Ih sungah a vaangletna taw hong sep hu in, ei ii nget thei le ngaisut theiza sangin tamzaw pek a seam thei pa: 21Pathian tungah pawlpi sung le Christ sungah minthanna sia hun theampo atu in a tawntung a tawntungin om tahen! Amen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016