Thuhil kikna 16
16
Paisan Poai
(Pusuana 12:1-20)
1Abib tha sungah Paisan Poai vawtna taw in “Topa na Pathian patoai vun; tua tha sung zan khatin ama in Egypt pan note hong suatak hi. 2Biakna mun khat sia ah pai vun a, tua munah Topa na Pathian patoai natu in Paisan poai an in na tuu ahibuale na khui khat ngo vun. 3Hi an na neak uh ciang tol kisaw anluum ne heak vun. Egypt pan hi bingbungin, na pusua uh lai na neak uh bangin ni sali sung tol saw ngawl anluum na ne tu uh hi. Thuakna mun ahi Egypt ngam pan na pusua ni uh sia na nuntak lai teng na phawk thei natu in hi anluum ne vun — tuasia thuakna anluum kici tu hi. 4Na ngam sungah kuama in a inn ah ni sali sung tol koi ngawl tu hi; a ni masabel ni, nitak a na ngaw uh nganno ii sa sia tua zan ma in ne siat tu nu hi.
5-6“Paisan Poai sung a kizangh ngannote sia Topa na Pathian ii hong piak tu ngamsung mun khat po ah ngo ngawlin — biakna mun khat sia bek ah ngo vun. Egypt na nusiat hun, nitum hunin ngo vun. 7A sa huanin tua biakna munah ne vun a; a zingsang ciang inn ah cia vun. 8Tua zawk ni luk sung tol saw ngawl anluum na ne tu uh a, tuaciang ni sali ni in Topa na Pathian bia tu in kikhawm vun a, tua ni in naseam heak vun. #Pu 12:1-20; Thiam 23:5-8; Mi 28:16-25
Anlaak Poai
(Pusuana 34:22; Thiampite 23:15-21)
9“Anlaak na kipat hun pan kipan nipi sali sim vun a, 10Topa na Pathian patoai natu in ama hong piak thupha taw kizui in thinzaw biakpiakna paipui in Anlaak Poai vawt vun. 11Topa mai ah na tate, na naseamte le Levi te, ngamdangmite, tangate le noma khua ah a teang meingongte taw lungnuam khawm vun. Biakna mun khat sia ah lungdam takin biakna vawt vun. 12Egypt ah na saltannate uh mangil heak vun a; hi thupiakte pha takin zui vun. #Thiam 23:15-21; Mi 28:26-31
Buk Poai
(Thiampite 23:33-43)
13“Taang na cil siat zawkciang le sapittui na suuk siat zawkciang ni sali sung Buk Poai khaam vun. 14Na tate, na naseamte, Levi te, ngamdangmite, tangate le na khua sungah a teang meingongte taw lungdam in poai vawt khawm vun. 15Biakna mun khat sia ah ni sali sung hi poai vawtin, Topa na Pathian patoai vun. Topa in na lo an le na nasepna ah thupha hong piak hu in lungdam vun. #Thiam 23:33-36,39-43; Mi 29:12-38
16“Na minam sung pan pa theampo in kum khat sung thumvei tua biakna munah Topa bia tu in pai tu hi: tuate sia Paisan Poai, Anlaak Poai, le Buk Poai te ahi hi. 17Topa na Pathian ii hong piak thuphate taw kizui in, amate kitunna zaza taw mi simin letsong khat tek keng tu hi.
A maan in Thukhenna
18“Topa na Pathian ii hong piak thukhente le ulian dangte khua sim ah koi vun. Hi mite in thu lang khen ngawl, nguptuam nei ngawlin mipite tungah thukhen tu hi. 19Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi. #Pu 23:6-8; Thiam 19:15 20Topa na Pathian ii hong piak tu ngam lua a, tualai ah na teen tawntung thei natu in, thutang in thumaan tawntung vun.
21“Topa na Pathian atu in biaknatau na vawt ciang, a kungah thing taw a kivawt Asherah numeipathian lim khat koi heak vun.#Pu 34:13 22Tuaciang milim biak natu in suangkhuam khat pawpo na phut heak vun; Topa in tuate ngaimaw hi. #Thiam 26:1
Currently Selected:
Thuhil kikna 16: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Thuhil kikna 16
16
Paisan Poai
(Pusuana 12:1-20)
1Abib tha sungah Paisan Poai vawtna taw in “Topa na Pathian patoai vun; tua tha sung zan khatin ama in Egypt pan note hong suatak hi. 2Biakna mun khat sia ah pai vun a, tua munah Topa na Pathian patoai natu in Paisan poai an in na tuu ahibuale na khui khat ngo vun. 3Hi an na neak uh ciang tol kisaw anluum ne heak vun. Egypt pan hi bingbungin, na pusua uh lai na neak uh bangin ni sali sung tol saw ngawl anluum na ne tu uh hi. Thuakna mun ahi Egypt ngam pan na pusua ni uh sia na nuntak lai teng na phawk thei natu in hi anluum ne vun — tuasia thuakna anluum kici tu hi. 4Na ngam sungah kuama in a inn ah ni sali sung tol koi ngawl tu hi; a ni masabel ni, nitak a na ngaw uh nganno ii sa sia tua zan ma in ne siat tu nu hi.
5-6“Paisan Poai sung a kizangh ngannote sia Topa na Pathian ii hong piak tu ngamsung mun khat po ah ngo ngawlin — biakna mun khat sia bek ah ngo vun. Egypt na nusiat hun, nitum hunin ngo vun. 7A sa huanin tua biakna munah ne vun a; a zingsang ciang inn ah cia vun. 8Tua zawk ni luk sung tol saw ngawl anluum na ne tu uh a, tuaciang ni sali ni in Topa na Pathian bia tu in kikhawm vun a, tua ni in naseam heak vun. #Pu 12:1-20; Thiam 23:5-8; Mi 28:16-25
Anlaak Poai
(Pusuana 34:22; Thiampite 23:15-21)
9“Anlaak na kipat hun pan kipan nipi sali sim vun a, 10Topa na Pathian patoai natu in ama hong piak thupha taw kizui in thinzaw biakpiakna paipui in Anlaak Poai vawt vun. 11Topa mai ah na tate, na naseamte le Levi te, ngamdangmite, tangate le noma khua ah a teang meingongte taw lungnuam khawm vun. Biakna mun khat sia ah lungdam takin biakna vawt vun. 12Egypt ah na saltannate uh mangil heak vun a; hi thupiakte pha takin zui vun. #Thiam 23:15-21; Mi 28:26-31
Buk Poai
(Thiampite 23:33-43)
13“Taang na cil siat zawkciang le sapittui na suuk siat zawkciang ni sali sung Buk Poai khaam vun. 14Na tate, na naseamte, Levi te, ngamdangmite, tangate le na khua sungah a teang meingongte taw lungdam in poai vawt khawm vun. 15Biakna mun khat sia ah ni sali sung hi poai vawtin, Topa na Pathian patoai vun. Topa in na lo an le na nasepna ah thupha hong piak hu in lungdam vun. #Thiam 23:33-36,39-43; Mi 29:12-38
16“Na minam sung pan pa theampo in kum khat sung thumvei tua biakna munah Topa bia tu in pai tu hi: tuate sia Paisan Poai, Anlaak Poai, le Buk Poai te ahi hi. 17Topa na Pathian ii hong piak thuphate taw kizui in, amate kitunna zaza taw mi simin letsong khat tek keng tu hi.
A maan in Thukhenna
18“Topa na Pathian ii hong piak thukhente le ulian dangte khua sim ah koi vun. Hi mite in thu lang khen ngawl, nguptuam nei ngawlin mipite tungah thukhen tu hi. 19Amate in a thukhenna ah thumaan ngawlin khen ngawl tu a, nguptuam nei ngawl tu hi; amate in sumnguk la ngawl tu hi, banghang ziam cile letsong te in mipilte le a thumaante ii mit ngawngawn tawsak in, a maan ngawlin thu khensatsak hi. #Pu 23:6-8; Thiam 19:15 20Topa na Pathian ii hong piak tu ngam lua a, tualai ah na teen tawntung thei natu in, thutang in thumaan tawntung vun.
21“Topa na Pathian atu in biaknatau na vawt ciang, a kungah thing taw a kivawt Asherah numeipathian lim khat koi heak vun.#Pu 34:13 22Tuaciang milim biak natu in suangkhuam khat pawpo na phut heak vun; Topa in tuate ngaimaw hi. #Thiam 26:1
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016