Daniel 8
8
Daniel ii Mukholna, Tuutal khat le Keal khat
1Belshazzar kumpi a sua zawk a kum thum kumin a nii veina mukholna ka nei hi. 2Ka mukholna sungah thakhatin Elam ngamkhen sung a ki uumcip Susa khuapi sungah keima le keima ka kimu hi. Keima sia Ulai ngunhui ah ka ding a, 3tua ngun pangh ah kiisau nii a nei tuutal khat ka mu hi, a kii khat sia a dang sia sangin sau zaw in thak zaw hi. 4Tua tuutal in a kiite taw, nitumna sang, saksang le thangsang a sik kawkoai sia ka en hi. Nganhing dangin khaktan zo ngawl a, a thahatna pan suakta zo ngawl uh hi. Ama sia a uk bang po ngamta in kisathei hi.
5Bang a cinopna ahi tam maw ci in lungmang a ka om laitak, nitumna sang pan keal khat hong tai vingveng a, a tai ngang mama ahikom a peang in lei zongh pha ngawl hi. Tua kealtal in a mitte kilaklaw ah a kician mama kii khat nei hi. 6Tuasia in ngunhui ah a ding ka mu tuutal zuan a, a tha nei zaza taw manlang tak del hi. 7Keima in tuutal a sik ka en hi. Tuasia a thin uuk mama ahikom, tua tuutal si ngawpin, a kiite nii taltansak hi. Tuutal in a nan zawk natu thangui thatang nei ngawl hi. Tuasia lei denna in kinei a, kituanhcil in, a hun zo tu kuama om ngawl hi.
8Tua keal sia kisathei vaial a, ahizong a thahatbel laitakin a kii taltan hi. Tua a kii pona munah a kician mama kii li poto a, tuate in mun tuatuam tek kawk uh hi. 9Tua kii lite sung khat tung pan kiino khat po a, a vaangletna in thangsang le nisuana sang le Kamciamsa Ngam sangah kizel hi. 10Ama sia vantung ngalkaphonpi, aksite mama do zawk khom natu in thahat a, pawlkhatte leitung ah lawn suk in tuanhcil hi. #Tpl 12:4 11Ama in vantung ngalkaphonpi Ukpa ngawngawn nalh in ama tungah ni sim a kipia biakpiaknate khaamin Biakinnpi melsia hi. 12Tua munah ni sim biakpiakna a piak luangin mihingte in mawna khialna vawt uh a, biakna maan sia lei ah vawk uh hi. Tua kii in a sepna theampo ah ma tun hi.
13Tuaciang vantunglalang khat in a dang khat ii munah, “Mukholna sungah a kimu hi thute bang tanvei kizom lai tu ziam? A kiihuai mawna khialna in ni sim biakpiaknate bang tanvei theak tu ziam? Vantung ngalkaphonpi le Biakinnpi sia bang tanvei kituanhcil tu ziam?” ci in a dok ka za hi.
14A dang vantunglalang in, “Nitak le zingsang kingawm 2,300 vei ngei tu a, tua hun sung teng ah biakpiakna kivawt ngawl tu hi. Tuasia zawkciang Biakinnpi sia a ngeina bangin kipua pha kik tu hi,” ci in a zona ka za hi.
Vantunglalang Gabriel in Mukholna ii A Khiakna Sonthiang
15Mukholna ii a khiakna tel nuam a ka hanciam laitak, tha khat thu in ka mai ah mihing khat hong ding hi. 16Ulai ngun ngal pan bia puina aw khat ka za a, “Gabriel awng, ama ii mu sia ii a khiakna ama tungah son in,” ci hi. #Lk 1:19,26 17Gabriel hong pai in ka kungah hong ding a, lau mama ka hikom lei ah ka puk hi.
Ama in kei tungah, “A thithei mihing awng, a khiakna tel in. Na mukholna sia leitung bo natu thu taw kisai hi,” hong ci hi. 18Ama ii thu a son laitak khua phawk ngawlin lei ah ka puk hi. Ahihang ama in hong phong to a hong dingsak kikin, 19ama in, “Pathian thin uukna hangin hong piang tu thute kong lak hi. Tua mukholna in a tawpna hun a lakna ahi hi.
20“Kii nii a nei tuutal na mu sia Media le Persia kumpi ngamte cinopna ahi hi. 21Keal sia Greece kumpi ngam cinopna hi a, a mitte kilaklaw ah a po a kician kii sia kumpi masabel cinopna ahi hi. 22A kii po masabel sia a tal zawkciang a po kii lite sia, tua ngam a kikhenna pan hong piang tu kumpi ngam li a cinopna ahi hi, tua ngam lite sia a masabel kumpi ngam za in thahat ngawl tu uh hi.
23“Tua kumpi ngamte a bo kuan ciang seksol mama zo ahikom tuate daan kipia tu hi, tuaciang ama thu bek thu a sa, siatna nguicing a vawt a thinkoai le ngualtheam thei kumpi khat piang tu hi. 24Ama a thahat tu a — ahihang ama ii hantang thahatna hi ngawl tu hi. Ama in a lauhuai siatna piangsak tu a, a sep theampo zo tu hi. Ama in mihing thahatte le Pathian ii mihingte susia tu hi. 25Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi. 26Nitak le zingsang biakpiakna thu taw kisai a, hi mukholna ii khiakna bang nang tung hong kisonsa teng taangtung tu hi. Ahihang hi mukholna thu a taangtun tu hun khuangei lai tu ahikom tu in thuku in koi in,” hong ci hi.
27Ka thin kiam in ni tam ma ka ciina hi. Tua zawkciang thoto in kumpipa hong sawl ka nasep ma ka seam kik hi, ahihang tua mukholna in ka lung hong mangsak a, ka tel zo bua hi.
Currently Selected:
Daniel 8: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Daniel 8
8
Daniel ii Mukholna, Tuutal khat le Keal khat
1Belshazzar kumpi a sua zawk a kum thum kumin a nii veina mukholna ka nei hi. 2Ka mukholna sungah thakhatin Elam ngamkhen sung a ki uumcip Susa khuapi sungah keima le keima ka kimu hi. Keima sia Ulai ngunhui ah ka ding a, 3tua ngun pangh ah kiisau nii a nei tuutal khat ka mu hi, a kii khat sia a dang sia sangin sau zaw in thak zaw hi. 4Tua tuutal in a kiite taw, nitumna sang, saksang le thangsang a sik kawkoai sia ka en hi. Nganhing dangin khaktan zo ngawl a, a thahatna pan suakta zo ngawl uh hi. Ama sia a uk bang po ngamta in kisathei hi.
5Bang a cinopna ahi tam maw ci in lungmang a ka om laitak, nitumna sang pan keal khat hong tai vingveng a, a tai ngang mama ahikom a peang in lei zongh pha ngawl hi. Tua kealtal in a mitte kilaklaw ah a kician mama kii khat nei hi. 6Tuasia in ngunhui ah a ding ka mu tuutal zuan a, a tha nei zaza taw manlang tak del hi. 7Keima in tuutal a sik ka en hi. Tuasia a thin uuk mama ahikom, tua tuutal si ngawpin, a kiite nii taltansak hi. Tuutal in a nan zawk natu thangui thatang nei ngawl hi. Tuasia lei denna in kinei a, kituanhcil in, a hun zo tu kuama om ngawl hi.
8Tua keal sia kisathei vaial a, ahizong a thahatbel laitakin a kii taltan hi. Tua a kii pona munah a kician mama kii li poto a, tuate in mun tuatuam tek kawk uh hi. 9Tua kii lite sung khat tung pan kiino khat po a, a vaangletna in thangsang le nisuana sang le Kamciamsa Ngam sangah kizel hi. 10Ama sia vantung ngalkaphonpi, aksite mama do zawk khom natu in thahat a, pawlkhatte leitung ah lawn suk in tuanhcil hi. #Tpl 12:4 11Ama in vantung ngalkaphonpi Ukpa ngawngawn nalh in ama tungah ni sim a kipia biakpiaknate khaamin Biakinnpi melsia hi. 12Tua munah ni sim biakpiakna a piak luangin mihingte in mawna khialna vawt uh a, biakna maan sia lei ah vawk uh hi. Tua kii in a sepna theampo ah ma tun hi.
13Tuaciang vantunglalang khat in a dang khat ii munah, “Mukholna sungah a kimu hi thute bang tanvei kizom lai tu ziam? A kiihuai mawna khialna in ni sim biakpiaknate bang tanvei theak tu ziam? Vantung ngalkaphonpi le Biakinnpi sia bang tanvei kituanhcil tu ziam?” ci in a dok ka za hi.
14A dang vantunglalang in, “Nitak le zingsang kingawm 2,300 vei ngei tu a, tua hun sung teng ah biakpiakna kivawt ngawl tu hi. Tuasia zawkciang Biakinnpi sia a ngeina bangin kipua pha kik tu hi,” ci in a zona ka za hi.
Vantunglalang Gabriel in Mukholna ii A Khiakna Sonthiang
15Mukholna ii a khiakna tel nuam a ka hanciam laitak, tha khat thu in ka mai ah mihing khat hong ding hi. 16Ulai ngun ngal pan bia puina aw khat ka za a, “Gabriel awng, ama ii mu sia ii a khiakna ama tungah son in,” ci hi. #Lk 1:19,26 17Gabriel hong pai in ka kungah hong ding a, lau mama ka hikom lei ah ka puk hi.
Ama in kei tungah, “A thithei mihing awng, a khiakna tel in. Na mukholna sia leitung bo natu thu taw kisai hi,” hong ci hi. 18Ama ii thu a son laitak khua phawk ngawlin lei ah ka puk hi. Ahihang ama in hong phong to a hong dingsak kikin, 19ama in, “Pathian thin uukna hangin hong piang tu thute kong lak hi. Tua mukholna in a tawpna hun a lakna ahi hi.
20“Kii nii a nei tuutal na mu sia Media le Persia kumpi ngamte cinopna ahi hi. 21Keal sia Greece kumpi ngam cinopna hi a, a mitte kilaklaw ah a po a kician kii sia kumpi masabel cinopna ahi hi. 22A kii po masabel sia a tal zawkciang a po kii lite sia, tua ngam a kikhenna pan hong piang tu kumpi ngam li a cinopna ahi hi, tua ngam lite sia a masabel kumpi ngam za in thahat ngawl tu uh hi.
23“Tua kumpi ngamte a bo kuan ciang seksol mama zo ahikom tuate daan kipia tu hi, tuaciang ama thu bek thu a sa, siatna nguicing a vawt a thinkoai le ngualtheam thei kumpi khat piang tu hi. 24Ama a thahat tu a — ahihang ama ii hantang thahatna hi ngawl tu hi. Ama in a lauhuai siatna piangsak tu a, a sep theampo zo tu hi. Ama in mihing thahatte le Pathian ii mihingte susia tu hi. 25Ama sia thimthel pil ahikom ngual theamna taw in a ma tun tu hi. Ama kiphasak tu a, hil khol ngawlin mihing tam mama susia tu hi. Ama in kumpite sung pan a lianbel Kumpipa ngawngawn nalh tu a, ahihang mihing thahatna zangh ngawlin ama kisusia tu hi. 26Nitak le zingsang biakpiakna thu taw kisai a, hi mukholna ii khiakna bang nang tung hong kisonsa teng taangtung tu hi. Ahihang hi mukholna thu a taangtun tu hun khuangei lai tu ahikom tu in thuku in koi in,” hong ci hi.
27Ka thin kiam in ni tam ma ka ciina hi. Tua zawkciang thoto in kumpipa hong sawl ka nasep ma ka seam kik hi, ahihang tua mukholna in ka lung hong mangsak a, ka tel zo bua hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016