Sawltakte 24
24
Jew te in Paul Mawsiat
1Ni nga zawkciangin, Thiampi Lianbel Ananias in Caesarea ah upa pawlkhat le sitni Tertullus taw pai hi. Amate in Felix mai ah pai in, Paul a mawsakna thute son uh hi. 2Tuasia ciang, Paul samin, Tertullus in Paul a mawsakna thu hi bangin son hi:
“A zatakhuai pa awng! na ciimna taw nong lampui hu in, khuangei mama sung kilemna om a, ih ngam phattuam natu, a kul kipuuaphatna tam ma kivawt saan hi. 3Mun theampo ah a tawntungin, hi thu kiza nuam a, nangma tungah kilungdam mama hi. 4Ahizong na hun tam lei hong laaksak nuam ngawl khi hi, tua ahitazong, koma thu tawm kong son tu sia, nong ngai natu hesuak kong ngen hi. 5Hisia pa sia a kiitakhuai mihing nawngkai khat in ka mu uh hi; ama in leitung mun theampo ah a om Jew te sungah, buaina phuang pa hi a, Nazarenes pawl ii lampuipa ahi hi. 6Ama in Biakinnpi ninsak tu in zongh hanciam ahi hu in ka man uh hi. Koma thukham taw kizui in, ama tungah thukhen tu ci in ka ngeal uh hang, 7ngalkap hon ukpa Lysias hong pai a, zawthawk thu taw ko khut sung pan hong sut hi. Tuaciang ama a mawsak nuamte in nangma mai ah hong pai natu in, Lysias in thupia hi. 8Hisia pa thu dongh lete, nangma ma in, ama ka mawsakna uhte tel siat tu ni hi,” ci hi. 9Jew te in hi mawna a kisotna sungah, hong pawm hon uh a, hi thu theampo maan hi, a ci uh hi.
Paul in Felix Mai ah Kihung
10Ngamuk mangpa in, Paul ii pau natu in, a khut taw sawl hi. Paul in,
“Hi minam tungah kum tam mama thukhenin na om kong he a, tua ahikom nangma mai ah keima le keima ka kihuk tu sia ka lungdam hi. 11Nangma hantang in thu kan theipa na hi bangma, tu nung ni sawm le ni nii sangin a tamzaw ngawl hun lai, biakpiakna vawt tu in Jerusalem ah ka pai hi. 12Biakinnpi sungah khat po taw kam kinialna ahizong, synagogue le khuapi sung mundang ah, mite hol in ngamlumsak natu hanthotna ahizong, ngamta ka hi hunlam Jew te in hong mu ngeingawl hi. 13Tu in hong mawsiat nate zongh maan hi ci in, hong lak thei ngawl tu hi. 14Na mai ah ahi bang ka pualaak nop thu panin, amate ii maan ngawl hi a ci tua Lampi zui in ka taanghpupite ii Pathian ka bia hi. Ahihang Moses Thukham le kamsaangte thubute sung a ki at theampo sia kei zongh in ka um hi. 15Hi lai ah a om mihingte bangma in Pathian sungah lametna kibang khat ka nei thu sia, a pha taw a sia taw mihing theampo in thina pan tho kik tu ci thu ahi hi. 16Tua ahikom, Pathian mai le mihingte mai ah, kithasunna om ngawl thinsung thiangtho ka nei natu in, ka hanciam thei za in ka seam tawntung hi.
17“Kum tam mama sung Jerusalem ka nusiat zawkciang, ka mite kungah sum pawlkhat kengin, sangaw biakpiakna vawt tu in, tua munah ka pai hi.#Sawl 21:17-28 18Biakinnpi sungah kithiansuana a zeksa nate, ka man zawkciang, tua biakpiakna ka vawt laitakin, amate in hong mu hi. Tua munah keima taw mihon om ngawl a, buaina bangma om ngawl hi. 19Ahihang Asia ngamkhen panin, Jew te pawlkhat om hi; tua mite in kei langpan natu nei ahile, amate mama hi sung na mai ah hong pai kul tu hi. 20Tua ahibuale zong, Council mai ah ka din lai in, bangbang khialna lian ka vawt hong mu ziam ci in hi sungah a om mite in sonsak in — 21amate mai ah ka din lai in: ‘Mithite in tho kik tu hi, ci thu ka up hangin, tuni in nong thusit uh ka thuak hi,’ ci in ka son tu simngawl ka son tu dang om ngawl hi,” ci hi.#Sawl 23:6
22Tuaciang Felix in, Lampi ii thu a heak siat sa ahiciang, thusitna tawlngasak hi. Ama in “Ngalkap hon ukpa Lysias hong thet ciangin, na thu uh kong khensak tu hi,” ci hi. 23Ama in Paul a keam ngalkap bupa munah, Paul sia a kepcing natu thupia ahihang, ama suatakna pawlkhat le a kitaangsapte a lawmte in a piak thei natu thupia hi.
Felix le Drusilla mai ah Paul dingsak
24Ni tawmvei zawkciangin, Felix le Jew mi ahi a zi Drusilla hong pai uh hi. Ama in Paul samsak a, Jesus Christ ih upna huvau a thusonna ngai hi. 25Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi. 26Tua laitak ma in, Paul in ama sumnguk pia tu in muangmaw hi; tua hu in ama samsak nithi in thu son pui hi.
27Kum nii a kan zawkciangin, Porcius Festus in ngamuk mangpa Felix ii za laih hi. Felix in Jew te tung pan, maipha nga nuam ahikom, Paul sia thong sungah nusia hi.
Currently Selected:
Sawltakte 24: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
Sawltakte 24
24
Jew te in Paul Mawsiat
1Ni nga zawkciangin, Thiampi Lianbel Ananias in Caesarea ah upa pawlkhat le sitni Tertullus taw pai hi. Amate in Felix mai ah pai in, Paul a mawsakna thute son uh hi. 2Tuasia ciang, Paul samin, Tertullus in Paul a mawsakna thu hi bangin son hi:
“A zatakhuai pa awng! na ciimna taw nong lampui hu in, khuangei mama sung kilemna om a, ih ngam phattuam natu, a kul kipuuaphatna tam ma kivawt saan hi. 3Mun theampo ah a tawntungin, hi thu kiza nuam a, nangma tungah kilungdam mama hi. 4Ahizong na hun tam lei hong laaksak nuam ngawl khi hi, tua ahitazong, koma thu tawm kong son tu sia, nong ngai natu hesuak kong ngen hi. 5Hisia pa sia a kiitakhuai mihing nawngkai khat in ka mu uh hi; ama in leitung mun theampo ah a om Jew te sungah, buaina phuang pa hi a, Nazarenes pawl ii lampuipa ahi hi. 6Ama in Biakinnpi ninsak tu in zongh hanciam ahi hu in ka man uh hi. Koma thukham taw kizui in, ama tungah thukhen tu ci in ka ngeal uh hang, 7ngalkap hon ukpa Lysias hong pai a, zawthawk thu taw ko khut sung pan hong sut hi. Tuaciang ama a mawsak nuamte in nangma mai ah hong pai natu in, Lysias in thupia hi. 8Hisia pa thu dongh lete, nangma ma in, ama ka mawsakna uhte tel siat tu ni hi,” ci hi. 9Jew te in hi mawna a kisotna sungah, hong pawm hon uh a, hi thu theampo maan hi, a ci uh hi.
Paul in Felix Mai ah Kihung
10Ngamuk mangpa in, Paul ii pau natu in, a khut taw sawl hi. Paul in,
“Hi minam tungah kum tam mama thukhenin na om kong he a, tua ahikom nangma mai ah keima le keima ka kihuk tu sia ka lungdam hi. 11Nangma hantang in thu kan theipa na hi bangma, tu nung ni sawm le ni nii sangin a tamzaw ngawl hun lai, biakpiakna vawt tu in Jerusalem ah ka pai hi. 12Biakinnpi sungah khat po taw kam kinialna ahizong, synagogue le khuapi sung mundang ah, mite hol in ngamlumsak natu hanthotna ahizong, ngamta ka hi hunlam Jew te in hong mu ngeingawl hi. 13Tu in hong mawsiat nate zongh maan hi ci in, hong lak thei ngawl tu hi. 14Na mai ah ahi bang ka pualaak nop thu panin, amate ii maan ngawl hi a ci tua Lampi zui in ka taanghpupite ii Pathian ka bia hi. Ahihang Moses Thukham le kamsaangte thubute sung a ki at theampo sia kei zongh in ka um hi. 15Hi lai ah a om mihingte bangma in Pathian sungah lametna kibang khat ka nei thu sia, a pha taw a sia taw mihing theampo in thina pan tho kik tu ci thu ahi hi. 16Tua ahikom, Pathian mai le mihingte mai ah, kithasunna om ngawl thinsung thiangtho ka nei natu in, ka hanciam thei za in ka seam tawntung hi.
17“Kum tam mama sung Jerusalem ka nusiat zawkciang, ka mite kungah sum pawlkhat kengin, sangaw biakpiakna vawt tu in, tua munah ka pai hi.#Sawl 21:17-28 18Biakinnpi sungah kithiansuana a zeksa nate, ka man zawkciang, tua biakpiakna ka vawt laitakin, amate in hong mu hi. Tua munah keima taw mihon om ngawl a, buaina bangma om ngawl hi. 19Ahihang Asia ngamkhen panin, Jew te pawlkhat om hi; tua mite in kei langpan natu nei ahile, amate mama hi sung na mai ah hong pai kul tu hi. 20Tua ahibuale zong, Council mai ah ka din lai in, bangbang khialna lian ka vawt hong mu ziam ci in hi sungah a om mite in sonsak in — 21amate mai ah ka din lai in: ‘Mithite in tho kik tu hi, ci thu ka up hangin, tuni in nong thusit uh ka thuak hi,’ ci in ka son tu simngawl ka son tu dang om ngawl hi,” ci hi.#Sawl 23:6
22Tuaciang Felix in, Lampi ii thu a heak siat sa ahiciang, thusitna tawlngasak hi. Ama in “Ngalkap hon ukpa Lysias hong thet ciangin, na thu uh kong khensak tu hi,” ci hi. 23Ama in Paul a keam ngalkap bupa munah, Paul sia a kepcing natu thupia ahihang, ama suatakna pawlkhat le a kitaangsapte a lawmte in a piak thei natu thupia hi.
Felix le Drusilla mai ah Paul dingsak
24Ni tawmvei zawkciangin, Felix le Jew mi ahi a zi Drusilla hong pai uh hi. Ama in Paul samsak a, Jesus Christ ih upna huvau a thusonna ngai hi. 25Ahihang Paul in ngamtat phatna, pumpi kitekna le, Thukhen Ni hong thet natu thute kikuppui top a, Felix sia lau hi. “Tu in na pai phot ta'n, hunpha ka nga ciangin, kong sam kik tu hi,” ci hi. 26Tua laitak ma in, Paul in ama sumnguk pia tu in muangmaw hi; tua hu in ama samsak nithi in thu son pui hi.
27Kum nii a kan zawkciangin, Porcius Festus in ngamuk mangpa Felix ii za laih hi. Felix in Jew te tung pan, maipha nga nuam ahikom, Paul sia thong sungah nusia hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016