2 Corinth te 9
9
Tapidaw Puite atu Huna
1Judea ngam ah Pathian ii mihingte atu huna a kipuak huvau in, lai kong at sia a kul vateal hi ngawl hi. 2Note sia ngual hu nuamte hi ci in kong he hi, tuasia bangma in Macedonia mite tungah note kong kisuantaakpui hi. “Achaia a om suapuite in, ningkum panin huna pia nuam zo hi,” ci in ka na son hi. Noma lawpna in amate a tamzaw thawn zo hi. 3Hi thu huvau note kong kiphatsak pui nate a luithawthong a sua ngawl natu in hi suapuite tu in kong paisak hi. Ahihang kong ci sa bangma in, amate na hu natu uh taw na kingingta khol vun. 4Ahizong, note tungah ta za muanna hong kinei napi keima taw Macedonia pan mihingte kong pai uh ciangin, huna taw a kinging sa in om bua le uhte, note maizum tu bek son ngawlin, kote atu zongh bangza in maizumhuai tu ziam! 5Tua ahikomin, piak tu na kamciamsa letsongte a kinging kholsa in a om natu in, keima kong pai ma, hi suapuite hong paikhol tu sia hanthot tu kul ka sa hi. Tua hile kei kong thet ciang, kingin sa suak tu a, tuaciang piak tu a kul hang hi ngawlin, thinzawna taw a pia nuam ka hina uh hong kilangh tu hi.
6Thaicii tawm a poaipa in an tawm bek at tu a; tam a poaipa in an tam mama a at tu hi, ci in na phawk tavun. 7Tua hi a, mihing sim in ama khensat sa om bangin pia tu a, thinnop ngawlna taw, ahibuale piak nanak kul tu bangin ngaisutna taw pia ngawl tu hi; banghang ziam cile lungdam thinzo takin a pia sia Pathian in diksa hi. 8Tuaciang noma atu in na kitaangsap theampo na nei tawntung natu le, thupha vawt natu theampo ah a kicing za sangin a tamzaw na nei natu in, Pathian in na kitaangsap za sangin a tamzaw hong pia thei hi. 9Laithiangtho in:
“Ama in a kitaangsamhte tungah
ngo takin pia a;
ama dikna sia a tawntungin
a kikhomsuan hi,” ci hi.#Ps 112:9
10Poai tu ancii le neak tu an hong pia Pathian in na kisap thaicii theampo zongh hong pia tu a, tuate po in, anlaak ciang nangma ii ngo tak a na piakna tung panin an na hau tu hi.#Is 55:10 11Pathian in ngo takin a pia thei tawntung tu in, a khom in hong hausak tawntung tu hi; tuabangin letsong na piak uhte ko tung pan a nga uh ciang mihing tam mama in Pathian pok tu uh hi. 12Banghang ziam cile hi piakna, nasepna in Pathian ii mihingte kitaangsapna bek a hu hi ngawlin, Pathian tungah nasia tak lungdamko honna piangsak hi. 13Tuaciangin hi nasepna tungtawnin a kimu thei thute hang in, na up uh Christ lungdamna thu tungah na thumaanna uh hu ahizong, amate le ngualdang theampo taw ngo tak a na kihopna uh hu ahizong, mihing tam mama te in Pathian minthangsak tu uh hi. 14Tuaciang in note tungah Pathian ii thuthiamna a lamdangin hong piak hu in, note atu amate in ki itna a thuk tatak taw thu hong ngetsak tu hi. 15A manh a kisep zo ngawl letsong hong piak hu in Pathian tungah lungdamko tawng!
Currently Selected:
2 Corinth te 9: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
2 Corinth te 9
9
Tapidaw Puite atu Huna
1Judea ngam ah Pathian ii mihingte atu huna a kipuak huvau in, lai kong at sia a kul vateal hi ngawl hi. 2Note sia ngual hu nuamte hi ci in kong he hi, tuasia bangma in Macedonia mite tungah note kong kisuantaakpui hi. “Achaia a om suapuite in, ningkum panin huna pia nuam zo hi,” ci in ka na son hi. Noma lawpna in amate a tamzaw thawn zo hi. 3Hi thu huvau note kong kiphatsak pui nate a luithawthong a sua ngawl natu in hi suapuite tu in kong paisak hi. Ahihang kong ci sa bangma in, amate na hu natu uh taw na kingingta khol vun. 4Ahizong, note tungah ta za muanna hong kinei napi keima taw Macedonia pan mihingte kong pai uh ciangin, huna taw a kinging sa in om bua le uhte, note maizum tu bek son ngawlin, kote atu zongh bangza in maizumhuai tu ziam! 5Tua ahikomin, piak tu na kamciamsa letsongte a kinging kholsa in a om natu in, keima kong pai ma, hi suapuite hong paikhol tu sia hanthot tu kul ka sa hi. Tua hile kei kong thet ciang, kingin sa suak tu a, tuaciang piak tu a kul hang hi ngawlin, thinzawna taw a pia nuam ka hina uh hong kilangh tu hi.
6Thaicii tawm a poaipa in an tawm bek at tu a; tam a poaipa in an tam mama a at tu hi, ci in na phawk tavun. 7Tua hi a, mihing sim in ama khensat sa om bangin pia tu a, thinnop ngawlna taw, ahibuale piak nanak kul tu bangin ngaisutna taw pia ngawl tu hi; banghang ziam cile lungdam thinzo takin a pia sia Pathian in diksa hi. 8Tuaciang noma atu in na kitaangsap theampo na nei tawntung natu le, thupha vawt natu theampo ah a kicing za sangin a tamzaw na nei natu in, Pathian in na kitaangsap za sangin a tamzaw hong pia thei hi. 9Laithiangtho in:
“Ama in a kitaangsamhte tungah
ngo takin pia a;
ama dikna sia a tawntungin
a kikhomsuan hi,” ci hi.#Ps 112:9
10Poai tu ancii le neak tu an hong pia Pathian in na kisap thaicii theampo zongh hong pia tu a, tuate po in, anlaak ciang nangma ii ngo tak a na piakna tung panin an na hau tu hi.#Is 55:10 11Pathian in ngo takin a pia thei tawntung tu in, a khom in hong hausak tawntung tu hi; tuabangin letsong na piak uhte ko tung pan a nga uh ciang mihing tam mama in Pathian pok tu uh hi. 12Banghang ziam cile hi piakna, nasepna in Pathian ii mihingte kitaangsapna bek a hu hi ngawlin, Pathian tungah nasia tak lungdamko honna piangsak hi. 13Tuaciangin hi nasepna tungtawnin a kimu thei thute hang in, na up uh Christ lungdamna thu tungah na thumaanna uh hu ahizong, amate le ngualdang theampo taw ngo tak a na kihopna uh hu ahizong, mihing tam mama te in Pathian minthangsak tu uh hi. 14Tuaciang in note tungah Pathian ii thuthiamna a lamdangin hong piak hu in, note atu amate in ki itna a thuk tatak taw thu hong ngetsak tu hi. 15A manh a kisep zo ngawl letsong hong piak hu in Pathian tungah lungdamko tawng!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016