2 Corinth te 13
13
A khakbel Kidop natu Sonkholnate le Vaithakte
1Hisia in tu in note kungah a thum veina haw tu in kong paina ahi hi. “Kimawsiatna khat pawpo sia tetti nii ahibuale a tamzaw ii tetti panna taw kipsak kul hi.” — laithiangtho ci bangma ahi hi.#Thkna 17:6; 19:15 2Hun bosa sungah mawna a vawt sa note tung le ngualdang theampo tungah kong son nuam hi; tu masia a, a nii veina kong pai lai in, hong ci zo khi hi, ahihang, tu in note kung pan a khualana ah om ka hi ciang hong ci kik tu khi hi: kong pai kik ciang ahile kuama daan thuakna taw na kipeal thei buatu uh hi. 3Christ in keima tungtawnin hong ci tatak ma a hina tetti lakna na dei uh teng na nga tu uh hi. Ama in note taw hong sep khop ciang, a thazawm bua hi; a vaangletna no sungah hong lak zaw hi. 4Banghang ziam cile, thinglamtee tungah a kithisakna in, thazawmna khat ahitazong, Pathian ii vaangletna taw ama nungta hi. Ama taw ih pumkhatna ah eite zongh ih thazawm hi; ahihang note taw ih kizopna ah ama ii nuntakna sung a om Pathian ii vaangletna sia ih siim khawm tek tu hi.
5Upna sungah na nungta uh ziam ci in na kitel natu in, noma le noma kisit vun a, noma le noma thu na kikhen vun. Christ Jesus in note sungah hong nungta hi ci in na he tatak na uh ziam? — noma a cingtaak ngawl het na hi buana uh le he tu ni hi. 6Kote ii lel ngawl hunlam noma tel tu in kong um hi. 7Kote zawna a lak tu hi ngawlin, ko sia a lelte bang zongh hi tha tu ka hi uh hang, a maan sia na sep thei natu in na tatkhial ngawl natu Pathian tungah thu kong ngetsak uh hi. 8Banghang ziam cile kote in thumaan thutak langpanin a seam thei te ka hi bua uh a, a panpui bek ka hi uh hi. 9Ko ka thazawm uh ciang, na thahat uh sia ka lung uh dam hi. Tua ahiciang note sia na cialcing thei natu in thu kong ngetsak si uh hi. 10Tua hangin, hi lai sia no taw ih khualat laitak kong at ahi hi; note hong susia tu hi ngawlin, note kong puuaphat nopna in, Topa hong piak thuneina zanghin — no kung kong thet ciang hangsanin kong ci a kul ngawl natu in lai hong ngal thaak ka hi hi.
11Tuaciang tu in suapuite awng, mangpha na man tavun! Cialcin natu na hanciam vun; kong thuumna hong ngai tavun; khat le khat na kithukim vun a; kilem takin na nungta vun. Tuaciangin ki itna le thinnopna — Pathian sia note taw hong omkhawm tu hi.
12Khat le khat sia suapui kinapna taw na kivaitha tavun.
Pathian ii mihing theampo in paupuina kam hong thaak hi.
13Topa Jesus Christ ii thuthiamna, Pathian ii itna le Thaa Thiangtho ii hong pawlpuina in note theampo taw hong om tahen.
Currently Selected:
2 Corinth te 13: SCB2
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
2 Corinth te 13
13
A khakbel Kidop natu Sonkholnate le Vaithakte
1Hisia in tu in note kungah a thum veina haw tu in kong paina ahi hi. “Kimawsiatna khat pawpo sia tetti nii ahibuale a tamzaw ii tetti panna taw kipsak kul hi.” — laithiangtho ci bangma ahi hi.#Thkna 17:6; 19:15 2Hun bosa sungah mawna a vawt sa note tung le ngualdang theampo tungah kong son nuam hi; tu masia a, a nii veina kong pai lai in, hong ci zo khi hi, ahihang, tu in note kung pan a khualana ah om ka hi ciang hong ci kik tu khi hi: kong pai kik ciang ahile kuama daan thuakna taw na kipeal thei buatu uh hi. 3Christ in keima tungtawnin hong ci tatak ma a hina tetti lakna na dei uh teng na nga tu uh hi. Ama in note taw hong sep khop ciang, a thazawm bua hi; a vaangletna no sungah hong lak zaw hi. 4Banghang ziam cile, thinglamtee tungah a kithisakna in, thazawmna khat ahitazong, Pathian ii vaangletna taw ama nungta hi. Ama taw ih pumkhatna ah eite zongh ih thazawm hi; ahihang note taw ih kizopna ah ama ii nuntakna sung a om Pathian ii vaangletna sia ih siim khawm tek tu hi.
5Upna sungah na nungta uh ziam ci in na kitel natu in, noma le noma kisit vun a, noma le noma thu na kikhen vun. Christ Jesus in note sungah hong nungta hi ci in na he tatak na uh ziam? — noma a cingtaak ngawl het na hi buana uh le he tu ni hi. 6Kote ii lel ngawl hunlam noma tel tu in kong um hi. 7Kote zawna a lak tu hi ngawlin, ko sia a lelte bang zongh hi tha tu ka hi uh hang, a maan sia na sep thei natu in na tatkhial ngawl natu Pathian tungah thu kong ngetsak uh hi. 8Banghang ziam cile kote in thumaan thutak langpanin a seam thei te ka hi bua uh a, a panpui bek ka hi uh hi. 9Ko ka thazawm uh ciang, na thahat uh sia ka lung uh dam hi. Tua ahiciang note sia na cialcing thei natu in thu kong ngetsak si uh hi. 10Tua hangin, hi lai sia no taw ih khualat laitak kong at ahi hi; note hong susia tu hi ngawlin, note kong puuaphat nopna in, Topa hong piak thuneina zanghin — no kung kong thet ciang hangsanin kong ci a kul ngawl natu in lai hong ngal thaak ka hi hi.
11Tuaciang tu in suapuite awng, mangpha na man tavun! Cialcin natu na hanciam vun; kong thuumna hong ngai tavun; khat le khat na kithukim vun a; kilem takin na nungta vun. Tuaciangin ki itna le thinnopna — Pathian sia note taw hong omkhawm tu hi.
12Khat le khat sia suapui kinapna taw na kivaitha tavun.
Pathian ii mihing theampo in paupuina kam hong thaak hi.
13Topa Jesus Christ ii thuthiamna, Pathian ii itna le Thaa Thiangtho ii hong pawlpuina in note theampo taw hong om tahen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016