1 Corinth te 15
15
Christ ii Thawkikna
1Ka suapuite awng, na saansa uh le na upna tung kho tak na dinna uh, kong hil Lungdamna Thupha huvau tu in kong phawksak kik nuam hi. 2Tua lungdamna thu sia note tungah kong hil sia ahi hi. A luithawthong in a um na hi buana uh a, pha takin lungdamna thu na kholet uhle tua thupha in note hong ngum tu hi.
3Keima ii ka nga sa teng note tungah kong pia sawn hi, tua thu in thupibel hi: banghang ziam cile Laithiangtho ii at bangma in Christ in eite ii mawna hangin thi hi; #Is 53:5-12 4tuaciang ama kiphum a, ni thum zawkciangin Laithiangtho ii at bangma in nuntakna sungah kithosak hi;#Ps 16:8-10; Mt 12:40; Sawl 2:24-32 5ama in Peter kungah kilak a, tua zawkciang sawltak sawm le nii teng kungah kilak hi.#Mt 28:16-17; Mk 16:14; Lk 24:34-36; Jn 20:19 6Tua zawkciang ama sia a nungzui 500 vaalte kungah thakhatin kilak a, tuate sung pan pawlkhat thi zo ahihang a tamzaw sia nungta nginge lai hi. 7Tuasia zawkciang ama in James kungah kilak a, tua zawkciang sawltakte theampo kungah kilak hi.
8Keima in nau a sua tu hunin a suak ngawl khat bang ka hi tazongin — a khakbel in kei tung zongh ah hong kilak hi.#Sawl 9:3-6 9Banghang ziam cile keima in sawltak sung panin a nobel ka hi a — sawltak khat ci in minpu tu zong ka kilawm bua hi, banghang ziam cile Pathian ii pawlpi ka vawtsia ngei hi.#Sawl 8:3 10Ahihang Pathian ii thuthiamna taw keima sia hi bang ciang ka hi a, ama hong piak thuthiamna sia a luithawthong a suak bua hi. Kei sia sawltak dangte sangin, nasia zaw in na ka seam hi. Tua zongh a tatakin kei ii sep hi ngawlin kei taw a om Pathian ii thuthiamna ii a sep ahi hi. 11Tua ahikom kei tung pan hong pai ahizong, amate tung pan hong pai ahizong, hisia ma ka vekpi in kong hil uh thu hi a, hisia ma in note ii up thu ahi hi.
Eite ii Thawkikna
12Tu in kote ii kong hil uh thu in, Christ sia thina panin kitho kiksak hi ci kasap, bangbangin note pawlkhat in a thite nuntakna sungah kithosak ngawl tu hi, ci thei nu ziam? 13Tuasia in thumaan ahile Christ kitho kiksak ngawl hi tu hi; 14tuaciang thina pan Christ tho kik ngawl hile, kote ii hil tu bangma om ngawl tu a, note ii up tu bangma om ngawl tu hi. 15Tua bek dom ngawlin kote sia Pathian tungtaang ah leilot thu son hong kici tu hi, banghang ziam cile Christ sia thina panin tho kik hi ci khu hi — ahihang mithite a nungta in kithosak ngawl hi takpi ahile, ama in Christ a thosak ngawl hi tu hi. 16Banghang ziam cile a thite nuntakna sungah tho kik ngawl hile Christ zongh kithosak ngawl hi tu hi. 17Tuaciangin Christ kithosak ngawl hile, na upna uh sia cithep thu hong suak tu a, note sia noma mawnate sung ma ah a mangthang lai na hi tu uh hi. 18Christ sungah thu um mi a thite a bocip hi cina zongh ahi hi. 19Christ sungah ih lametna in, hi nuntakna sung atu bekin kimang a, a dang om ngawl ahile leitung theampo ah a khuangai huai belte ih hi tu hi.
20Ahihang thumaan thu in bang ziam cile, Christ sia thina panin a kithaw kik sakna sia, thina sungah a mute zongh, kitho kiksak tu hi ci in a kip kamciam hong piakna ahi hi. 21Banghang ziam cile thina in mihing khat tungtawnin hong pian bangma in, thina panin thawkikna zongh, mihing khat tungtawnin hong piang hi. 22Adam taw a kipumkhat mihing theampo a thi bangma in Christ taw a kipumkhat theampo nuntakna sungah kitho kiksak tu hi. 23Ahihang mihing sim amate hun tekin kitho kiksak tu hi: Christ sia a masa phitbelin tho hi; tua zawkciang ama hong pai kik ciang, ama ii mihing teng tho tu hi. 24Tuasia ciang a tawpna hong theng tu hi; Christ in thaa lamsang ah a ukte, thuneite, vaangletna a neite theampo zo tu a, tuaciangin a Kumpi Ngam sia Pa Pathian tungah aap tu hi. 25Banghang ziam cile Pathian in a ngalte theampo zo a, ama peang nuai ah a koisak dong Christ in uk tu hi.#Ps 110:1 26A khakbel a zaw tu a ngal sia thina ahi hi. 27Banghang ziam cile laithiangtho in, “Pathian in na theampo a peang nuai ah koi hi,” ci hi. A kithiangtel thu in “na theampo” ci ciangin, Christ ii peang nuai ah na theampo a koipa, Pa Pathian a kihel bua hi.#Ps 8:6 28Ahihang Christ ukna nuai ah na theampo a kikoi zawkciang, Tapa ahi ama mama sia, na theampo ama nuai ah a koi Pathian nuai ah ama le ama kikoi tu hi; tuaciang Pathian in a vekpi in uk siat tu hi.
29Tu in mithite atu ki baptize na a vawtte bangbangin ih ngaisun tu ziam? Amate in bang phattuamna piangsak tu in kimuangmaw ziam? Pawlkhat ci bangin, a thite sia nuntakna sungah kitho kiksak ngawl tu ahile tua mihingte in, banghangin mithite atu ki baptize ziam? 30Kote sia nai simin banghangin launa thuak hi tu khu ziam? 31Ka suapuite awng, ni simin thina ka maingat hi! Note hu in, ih Topa Christ Jesus taw kipumkhat a, ih nuntakna hangin note sungah ka nei, hi kiphatsakna in hi bangin hong pausak hi. 32Ngamsa ngilote taw kido bang phet in, hi Ephesus khua ah ka dian nate sia mihing tupnate bek hile, ka nga tu bang phattuamna om tu ziam? Mithite sia nuntakna sungah kitho kiksak ngawl tu hile, “An ne zu dawn in om tawng, banghang ziam cile zing ciangin ih thi tu hi,” ci kam teptee om bangin ih om lel tu hi.#Is 22:13
33Theamna thuak heak vun. “Kitholpui pha ngawlte in ngamtatna pha lalsak hi.” 34Ahi tu bangin khua hong phawk kik tavun a, na mawnate kheal vun. No pawlkhat in Pathian he ngawl na hi uh kom a maizumhuai na hina uh kong hesak hi.
Thaw kikna Pumpi
35Pawlkhat in, “Bangbangin a thisate kitho kiksak tu ziam? Amate in bangbang pumpi nei tu ziam?” ci tu nu hi. 36No mihing mawmaw te! Thaicii khat lei sungah na tu uh ciangin, a thi phot buale a po bua hi. 37Tuaciang, zungtaang ahizong a dang thaicii khat pawpo ahizong, tua na tu uh thaicii sia a khangto tu, a kung po sa hi ngawlin, a thaicii nguak a tu na hi uh hi. 38Pathian in tua thaicii tek sia ama dei bangin a kung pia a; thaicii khat sim atu in a kung pha pia hi.
39Tuaciangin a nungta theampo ii sa sia a kibang sa nam khat bek ahi siat bua hi; Mihing sa in nam khat hi a, nganhingte, vacimte, ngasa te ii sa in a dang nam tuam tek nei hi.
40Vantung pumpite le leitung pumpite a om hi; vantung pumpi hoina le leitung pumpi hoina sia kilamdang hi. 41Ni in hoina a tuam nei a, tha ii hoina, tuaciang aksite hoina a tuam tek ahi hi; aksi tetek sung zongh ah, hoina a tuatuamin om lai hi.
42Mithisate a kinuntak kiksak ciangin, tuabang ma hi tu hi. Pumpi a kiphum ciangin a thithei pumpi ahi hi; a kithawsak ciangin a thi maw pumpi ahi tu hi. 43A kiphum ciangin a meal sia in zawngkhal hi. A kithawsak kik ciangin, a mealhoi in thahat tu hi. 44A kiphum ciangin cii le sa pumpi hi a; a kithawsak kik ciangin, thaa pumpi ahi tu hi. Ci le sa pumpi a om bangma in, thaa pumpi zongh a om kul hi. 45Banghang ziam cile laithiangtho in “Mihing masabel Adam sia nuntakna a nei mihing in kibitphua hi,” ci hi; ahihang a khakbel Adam sia nuntakna a pia Thaa ahi hi.#Pian 2:7 46Thaa sia pai masa ngawl hi, cii le sa hi phot a, tua zawkciang thaa hi pheang hi. 47Adam masa sia lei taw kivawt a, lei panin hong piang hi; Adam niina sia vantung panin hong pai hi. 48Leitung ii neisa ahite sia lei taw kivawt khat taw kibang hi; vantung neisate sia vantung pan hong pai pa taw kibang hi. 49Lei taw a kivawtpa lim le meal ih puak bangma in, vantung pan hong pai Pa lim le meal ih pua tu hi.
50Ka ci nop thu in, suapuite awng, chi le sa taw a kivawt sia in, Pathian ii Ngam lua thei ngawl a, a thithei sia in thithei ngawlna lua thei ngawl hi.
51-52Hi a kiseal thumaan thutak sia ngai vun: Eite theampo ih thi siat buatu hi, ahihang lemle khakbel sia a kitum ciang, eite in tawmvei no sungin, ih kikheal tu hi, mitphet khat sung za in manlang tu hi. Banghang ziam cile lemle a kitum ciangin a thisate tho kik in thi kik ngei nawn ngawl tu a, ih vekpi in ih kikheal tu hi. #1 Th 4:15-17 53Banghang ziam cile thina sia thithei ngawlna ah kikheal nanak tu hi; a thi tu sia a thithei ngawlin hong kikheal nanak tu hi. 54Hisia hong piang in a thithei sia a thithei ngawlin a kikheal ciang, laithiangtho kammal: “Thina kisucip zo hi; zawna kikhuangkhim zo hi!” a ci sia taangtung tu hi.#Is 25:8
55“Thina awng na zawna
koisung om ziam?
Thina awng, na suksiat theina
vaang koisung om ziam?”#Hos 13:14
56Thina in, a suksiat theina vaang sia mawna panin nga a, tuaciang mawna in a vaang sia Thukham panin nga hi. 57Ahihang Topa Jesus Christ tungtawnin zawna hong pia Pathian tungah lungdam ih ko hi!
58Tua ahikom, kong it suapuite awng, kip tak le maan takin om vun. Topa atu na nasep uh peuma a luithawthong suak ngawl het tu hi ci in na heak uh ahiciang Topa atu na nasepna sungah a tawntung komla vun.
Currently Selected:
1 Corinth te 15: SCB2
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016
1 Corinth te 15
15
Christ ii Thawkikna
1Ka suapuite awng, na saansa uh le na upna tung kho tak na dinna uh, kong hil Lungdamna Thupha huvau tu in kong phawksak kik nuam hi. 2Tua lungdamna thu sia note tungah kong hil sia ahi hi. A luithawthong in a um na hi buana uh a, pha takin lungdamna thu na kholet uhle tua thupha in note hong ngum tu hi.
3Keima ii ka nga sa teng note tungah kong pia sawn hi, tua thu in thupibel hi: banghang ziam cile Laithiangtho ii at bangma in Christ in eite ii mawna hangin thi hi; #Is 53:5-12 4tuaciang ama kiphum a, ni thum zawkciangin Laithiangtho ii at bangma in nuntakna sungah kithosak hi;#Ps 16:8-10; Mt 12:40; Sawl 2:24-32 5ama in Peter kungah kilak a, tua zawkciang sawltak sawm le nii teng kungah kilak hi.#Mt 28:16-17; Mk 16:14; Lk 24:34-36; Jn 20:19 6Tua zawkciang ama sia a nungzui 500 vaalte kungah thakhatin kilak a, tuate sung pan pawlkhat thi zo ahihang a tamzaw sia nungta nginge lai hi. 7Tuasia zawkciang ama in James kungah kilak a, tua zawkciang sawltakte theampo kungah kilak hi.
8Keima in nau a sua tu hunin a suak ngawl khat bang ka hi tazongin — a khakbel in kei tung zongh ah hong kilak hi.#Sawl 9:3-6 9Banghang ziam cile keima in sawltak sung panin a nobel ka hi a — sawltak khat ci in minpu tu zong ka kilawm bua hi, banghang ziam cile Pathian ii pawlpi ka vawtsia ngei hi.#Sawl 8:3 10Ahihang Pathian ii thuthiamna taw keima sia hi bang ciang ka hi a, ama hong piak thuthiamna sia a luithawthong a suak bua hi. Kei sia sawltak dangte sangin, nasia zaw in na ka seam hi. Tua zongh a tatakin kei ii sep hi ngawlin kei taw a om Pathian ii thuthiamna ii a sep ahi hi. 11Tua ahikom kei tung pan hong pai ahizong, amate tung pan hong pai ahizong, hisia ma ka vekpi in kong hil uh thu hi a, hisia ma in note ii up thu ahi hi.
Eite ii Thawkikna
12Tu in kote ii kong hil uh thu in, Christ sia thina panin kitho kiksak hi ci kasap, bangbangin note pawlkhat in a thite nuntakna sungah kithosak ngawl tu hi, ci thei nu ziam? 13Tuasia in thumaan ahile Christ kitho kiksak ngawl hi tu hi; 14tuaciang thina pan Christ tho kik ngawl hile, kote ii hil tu bangma om ngawl tu a, note ii up tu bangma om ngawl tu hi. 15Tua bek dom ngawlin kote sia Pathian tungtaang ah leilot thu son hong kici tu hi, banghang ziam cile Christ sia thina panin tho kik hi ci khu hi — ahihang mithite a nungta in kithosak ngawl hi takpi ahile, ama in Christ a thosak ngawl hi tu hi. 16Banghang ziam cile a thite nuntakna sungah tho kik ngawl hile Christ zongh kithosak ngawl hi tu hi. 17Tuaciangin Christ kithosak ngawl hile, na upna uh sia cithep thu hong suak tu a, note sia noma mawnate sung ma ah a mangthang lai na hi tu uh hi. 18Christ sungah thu um mi a thite a bocip hi cina zongh ahi hi. 19Christ sungah ih lametna in, hi nuntakna sung atu bekin kimang a, a dang om ngawl ahile leitung theampo ah a khuangai huai belte ih hi tu hi.
20Ahihang thumaan thu in bang ziam cile, Christ sia thina panin a kithaw kik sakna sia, thina sungah a mute zongh, kitho kiksak tu hi ci in a kip kamciam hong piakna ahi hi. 21Banghang ziam cile thina in mihing khat tungtawnin hong pian bangma in, thina panin thawkikna zongh, mihing khat tungtawnin hong piang hi. 22Adam taw a kipumkhat mihing theampo a thi bangma in Christ taw a kipumkhat theampo nuntakna sungah kitho kiksak tu hi. 23Ahihang mihing sim amate hun tekin kitho kiksak tu hi: Christ sia a masa phitbelin tho hi; tua zawkciang ama hong pai kik ciang, ama ii mihing teng tho tu hi. 24Tuasia ciang a tawpna hong theng tu hi; Christ in thaa lamsang ah a ukte, thuneite, vaangletna a neite theampo zo tu a, tuaciangin a Kumpi Ngam sia Pa Pathian tungah aap tu hi. 25Banghang ziam cile Pathian in a ngalte theampo zo a, ama peang nuai ah a koisak dong Christ in uk tu hi.#Ps 110:1 26A khakbel a zaw tu a ngal sia thina ahi hi. 27Banghang ziam cile laithiangtho in, “Pathian in na theampo a peang nuai ah koi hi,” ci hi. A kithiangtel thu in “na theampo” ci ciangin, Christ ii peang nuai ah na theampo a koipa, Pa Pathian a kihel bua hi.#Ps 8:6 28Ahihang Christ ukna nuai ah na theampo a kikoi zawkciang, Tapa ahi ama mama sia, na theampo ama nuai ah a koi Pathian nuai ah ama le ama kikoi tu hi; tuaciang Pathian in a vekpi in uk siat tu hi.
29Tu in mithite atu ki baptize na a vawtte bangbangin ih ngaisun tu ziam? Amate in bang phattuamna piangsak tu in kimuangmaw ziam? Pawlkhat ci bangin, a thite sia nuntakna sungah kitho kiksak ngawl tu ahile tua mihingte in, banghangin mithite atu ki baptize ziam? 30Kote sia nai simin banghangin launa thuak hi tu khu ziam? 31Ka suapuite awng, ni simin thina ka maingat hi! Note hu in, ih Topa Christ Jesus taw kipumkhat a, ih nuntakna hangin note sungah ka nei, hi kiphatsakna in hi bangin hong pausak hi. 32Ngamsa ngilote taw kido bang phet in, hi Ephesus khua ah ka dian nate sia mihing tupnate bek hile, ka nga tu bang phattuamna om tu ziam? Mithite sia nuntakna sungah kitho kiksak ngawl tu hile, “An ne zu dawn in om tawng, banghang ziam cile zing ciangin ih thi tu hi,” ci kam teptee om bangin ih om lel tu hi.#Is 22:13
33Theamna thuak heak vun. “Kitholpui pha ngawlte in ngamtatna pha lalsak hi.” 34Ahi tu bangin khua hong phawk kik tavun a, na mawnate kheal vun. No pawlkhat in Pathian he ngawl na hi uh kom a maizumhuai na hina uh kong hesak hi.
Thaw kikna Pumpi
35Pawlkhat in, “Bangbangin a thisate kitho kiksak tu ziam? Amate in bangbang pumpi nei tu ziam?” ci tu nu hi. 36No mihing mawmaw te! Thaicii khat lei sungah na tu uh ciangin, a thi phot buale a po bua hi. 37Tuaciang, zungtaang ahizong a dang thaicii khat pawpo ahizong, tua na tu uh thaicii sia a khangto tu, a kung po sa hi ngawlin, a thaicii nguak a tu na hi uh hi. 38Pathian in tua thaicii tek sia ama dei bangin a kung pia a; thaicii khat sim atu in a kung pha pia hi.
39Tuaciangin a nungta theampo ii sa sia a kibang sa nam khat bek ahi siat bua hi; Mihing sa in nam khat hi a, nganhingte, vacimte, ngasa te ii sa in a dang nam tuam tek nei hi.
40Vantung pumpite le leitung pumpite a om hi; vantung pumpi hoina le leitung pumpi hoina sia kilamdang hi. 41Ni in hoina a tuam nei a, tha ii hoina, tuaciang aksite hoina a tuam tek ahi hi; aksi tetek sung zongh ah, hoina a tuatuamin om lai hi.
42Mithisate a kinuntak kiksak ciangin, tuabang ma hi tu hi. Pumpi a kiphum ciangin a thithei pumpi ahi hi; a kithawsak ciangin a thi maw pumpi ahi tu hi. 43A kiphum ciangin a meal sia in zawngkhal hi. A kithawsak kik ciangin, a mealhoi in thahat tu hi. 44A kiphum ciangin cii le sa pumpi hi a; a kithawsak kik ciangin, thaa pumpi ahi tu hi. Ci le sa pumpi a om bangma in, thaa pumpi zongh a om kul hi. 45Banghang ziam cile laithiangtho in “Mihing masabel Adam sia nuntakna a nei mihing in kibitphua hi,” ci hi; ahihang a khakbel Adam sia nuntakna a pia Thaa ahi hi.#Pian 2:7 46Thaa sia pai masa ngawl hi, cii le sa hi phot a, tua zawkciang thaa hi pheang hi. 47Adam masa sia lei taw kivawt a, lei panin hong piang hi; Adam niina sia vantung panin hong pai hi. 48Leitung ii neisa ahite sia lei taw kivawt khat taw kibang hi; vantung neisate sia vantung pan hong pai pa taw kibang hi. 49Lei taw a kivawtpa lim le meal ih puak bangma in, vantung pan hong pai Pa lim le meal ih pua tu hi.
50Ka ci nop thu in, suapuite awng, chi le sa taw a kivawt sia in, Pathian ii Ngam lua thei ngawl a, a thithei sia in thithei ngawlna lua thei ngawl hi.
51-52Hi a kiseal thumaan thutak sia ngai vun: Eite theampo ih thi siat buatu hi, ahihang lemle khakbel sia a kitum ciang, eite in tawmvei no sungin, ih kikheal tu hi, mitphet khat sung za in manlang tu hi. Banghang ziam cile lemle a kitum ciangin a thisate tho kik in thi kik ngei nawn ngawl tu a, ih vekpi in ih kikheal tu hi. #1 Th 4:15-17 53Banghang ziam cile thina sia thithei ngawlna ah kikheal nanak tu hi; a thi tu sia a thithei ngawlin hong kikheal nanak tu hi. 54Hisia hong piang in a thithei sia a thithei ngawlin a kikheal ciang, laithiangtho kammal: “Thina kisucip zo hi; zawna kikhuangkhim zo hi!” a ci sia taangtung tu hi.#Is 25:8
55“Thina awng na zawna
koisung om ziam?
Thina awng, na suksiat theina
vaang koisung om ziam?”#Hos 13:14
56Thina in, a suksiat theina vaang sia mawna panin nga a, tuaciang mawna in a vaang sia Thukham panin nga hi. 57Ahihang Topa Jesus Christ tungtawnin zawna hong pia Pathian tungah lungdam ih ko hi!
58Tua ahikom, kong it suapuite awng, kip tak le maan takin om vun. Topa atu na nasep uh peuma a luithawthong suak ngawl het tu hi ci in na heak uh ahiciang Topa atu na nasepna sungah a tawntung komla vun.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Siyin Chin Bible © Bible Society of Myanmar, 2016