Abharuumi 7
7
Abheekirirya bhataringi insi ya amaragiriryo ga Musa
1Abhahiiri bhaani kuimani, ndahaira na bheenyu abhantu bhanú mumanyiri bhujomu amaragiriryo ga Musa. Mumanyiri ega, omuntu areenderwa okugwata amaragiriryo eribhaga ryonsego hanú akyari omuhoru. 2Tiga noonjoore eringʼana riyo, kwa ekirengyo. Amaragiriryo garoorokererya ega, omukari atakwikiriribhwa okumutiga omusaaja waaye, nyoore omusaaja waaye akyari okukwa. Nawe, nyoore omusaaja waaye akwiri, nho arabha na obhwiyagaari okurwa kwiragiriryo riyo. 3Nawe, akaatetwa na omusaaja oundi, eribhaga omusaaja waaye atarakwa, hayo arabha arakora obhusimbe. Nawe, nyoore omusaaja waaye akwiri, eriragiriryo riyo, ritakumubhoha kweki. Hayo aratura okutetwa na omusaaja oundi, kora atakubha arakora obhusimbe.
4Abhahiiri bhaani kuimani, amangʼana gayo niigo garingi na kubheenyu bhonse. Kora bheenyu mutakubhohwa kweki na amaragiriryo ga Musa, kwa okubha mwakwa hamwi na Kiristu kumusarabha. Bhoono bheenyu m-bantu bhaaye, unú yaahyukibhwa okurwa mubhaku, naho obhuhoru bhwenyu bhubhe na emisumo emijomu kurusumo rwa okumukorera Waryubha emirimu. 5Eribhaga rinú obhusimuka bhwetu bhwa obhusarya bhwaringa bhuratutunga, amaragiriryo gaakora orunamba rwetu orubhiibhi rubhe na eginguru bhukongʼu kubheetu, tukeegomba okukora obhusarya, eribhaga ryonsego. Okurekana na riyo, oruku rukabha-ho. 6Twaringa tubhoherwe na amaragiriryo, nawe bhoono, tukwiri hamwi na Kiristu, kwa ego, tunyooreri obhwiyagaari okurwa kumaragiriryo. Bhoono tutakumukorera emirimu Waryubha kwa enjira ya akare, eya okugwata amaragiriryo ganú gaangʼoorwa, nawe, kwa enjira ehya ya okoorokereribhwa na Omutima Omurabhu.
Obhusarya bhuramanyikana kwa amaragiriryo
7Bhoono tugambe-ki? Tugambe ega, amaragiriryo m-busarya? Tiigo-ha kora ahake! Nawe, nyoore amaragiriryo gatakaabheeri-ho, ntakaamanyiri ega, obhusarya n-kintu-ki. Nyoore ritakaabheeri-ho eriragiriryo rinú riragamba ega, “Oteegomba ekintu kya omurikyaho,”#7:7 Maaha mubhitabho bhya Okuhuruka 20:17; Obhuhiituki bhwa Amaragiriryo 5:21. ntakaamanyiri ega, okwigomba ekintu kya omurikyaho, n-kukora obhusarya. 8Nawe, obhusarya bhukeebhukya orunamba orubhiibhi rwa amanga amaaru munsi waani, kwa enjira ya eriragiriryo. Nyoore amaragiriryo gayo gatakaabheeri-ho, obhusarya bhutakaabheeri na eginguru. 9Eribhaga nyabhurebhe, naaringa omuhoru bira okumanya amaragiriryo. Nawe, hanú eriragiriryo riyo ryaaja, nkamanya eginguru gya obhusarya na bhukandeetera oruku. 10Nkarora ega, eriragiriryo rinú ryaringa kurusumo rwa okungʼaana obhuhoru, ryandeetera oruku. 11Obhusarya bhukangʼeenererya kwa enjira ya eriragiriryo riyo, na okundeetera oruku. 12Kora ego, emanyikane ega, amaragiriryo m-marabhu, na emigiro gyago gyonse, m-mirabhu, n-gya obhuheene, na ni-njomu.
13Bhoono, nyoore niigo, ekintu ekijomu kinu nkyo kindeeteeri oruku? Tiigo-ha kora ahake! Obhusarya mbo bhundeeteeri oruku okuhitira kumaragiriryo amajomu gayo. Yaaringa ni-nsonga ya Waryubha ega, amaragiriryo gabhe garoorokya kubhurabhu ega, obhusarya n-kintu ekibhiibhi bhukongʼu.
14Tumanyiri ega, amaragiriryo gaarwa ku Waryubha, nawe, oni kwa obhusimuka bhwani bhwa obhusarya, ndingi omugaya wa obhusarya. 15Oni ntamanyiri ganú ndakora, kwa okubha ganú ndeenda nkore, ntakugakora. Nawe, ganú ntakwenda okukora, ngo ndakora. 16Nyoore ndakora amangʼana ganú ntakwenda nkore, hayo nho eroorokya ega, ndeekirirya ega, amaragiriryo m-majomu. 17Hayo oranyoora ntaringi oni unú ndakora obhusarya, nawe, nu-bhusarya bhunú bhuringi munsi waani, mbo bhurakora. 18Mmanyiri ega, munsi waani, mubhusimuka bhwani bhwa obhusarya, kitarimo ekintu ekijomu kyokyonse. Ndeenda okukora amajomu, nawe, ntaana obhuturo bhwa okugakora. 19Amangʼana amajomu ganú ndeenda okukora, ntakugakora. Nawe, amabhiibhi ganú ntakwenda okukora, ngo ndakora. 20Bhoono, nyoore ndakora ganú ntakwenda nkore, hayo oranyoora ntaringi oni unú ndakora obhusarya, nawe, nu-bhusarya bhunú bhuringi munsi waani mbo bhurakora.
21Mbe, naamanyiri ega, hanú ndeenda okukora amangʼana amajomu, hayo nho oranyoora ndarutwa okukora amangʼana amabhiibhi. 22Amaragiriryo ga Waryubha, ngahanjiri kwa omutima gwani gonsego. 23Nawe, ndarora ega, ebhiroobhero bhya omubhiri gwani, oranyoora bhiratungwa na eginguru gya obhusarya bhunú bhurahigana na ameetegeerero gaani amajomu. Kiyo nkyo kirankora mbe omugaya wa obhusarya okuhitira ebhiroobhero bhya omubhiri gwani. 24Ndikirora-ko oni! Niwi unú arintuurya okurwa mubhuhoru bhwani bhunú bhuratungwa na oruku? 25Ndamukumya Waryubha, kwa okubha weeki ngʼo arantuurya, okuhitira ku Yeesu Kiristu, Omukuru weetu.
Kwa ego mbe, oni omwene ndakorera emirimu amaragiriryo ga Waryubha kwa ameetegeerero gaani, nawe, kwa obhusimuka bhwani bhwa obhusarya, oranyoora ndakorera emirimu eginguru gya obhusarya.
Currently Selected:
Abharuumi 7: Kabwa
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Abharuumi 7
7
Abheekirirya bhataringi insi ya amaragiriryo ga Musa
1Abhahiiri bhaani kuimani, ndahaira na bheenyu abhantu bhanú mumanyiri bhujomu amaragiriryo ga Musa. Mumanyiri ega, omuntu areenderwa okugwata amaragiriryo eribhaga ryonsego hanú akyari omuhoru. 2Tiga noonjoore eringʼana riyo, kwa ekirengyo. Amaragiriryo garoorokererya ega, omukari atakwikiriribhwa okumutiga omusaaja waaye, nyoore omusaaja waaye akyari okukwa. Nawe, nyoore omusaaja waaye akwiri, nho arabha na obhwiyagaari okurwa kwiragiriryo riyo. 3Nawe, akaatetwa na omusaaja oundi, eribhaga omusaaja waaye atarakwa, hayo arabha arakora obhusimbe. Nawe, nyoore omusaaja waaye akwiri, eriragiriryo riyo, ritakumubhoha kweki. Hayo aratura okutetwa na omusaaja oundi, kora atakubha arakora obhusimbe.
4Abhahiiri bhaani kuimani, amangʼana gayo niigo garingi na kubheenyu bhonse. Kora bheenyu mutakubhohwa kweki na amaragiriryo ga Musa, kwa okubha mwakwa hamwi na Kiristu kumusarabha. Bhoono bheenyu m-bantu bhaaye, unú yaahyukibhwa okurwa mubhaku, naho obhuhoru bhwenyu bhubhe na emisumo emijomu kurusumo rwa okumukorera Waryubha emirimu. 5Eribhaga rinú obhusimuka bhwetu bhwa obhusarya bhwaringa bhuratutunga, amaragiriryo gaakora orunamba rwetu orubhiibhi rubhe na eginguru bhukongʼu kubheetu, tukeegomba okukora obhusarya, eribhaga ryonsego. Okurekana na riyo, oruku rukabha-ho. 6Twaringa tubhoherwe na amaragiriryo, nawe bhoono, tukwiri hamwi na Kiristu, kwa ego, tunyooreri obhwiyagaari okurwa kumaragiriryo. Bhoono tutakumukorera emirimu Waryubha kwa enjira ya akare, eya okugwata amaragiriryo ganú gaangʼoorwa, nawe, kwa enjira ehya ya okoorokereribhwa na Omutima Omurabhu.
Obhusarya bhuramanyikana kwa amaragiriryo
7Bhoono tugambe-ki? Tugambe ega, amaragiriryo m-busarya? Tiigo-ha kora ahake! Nawe, nyoore amaragiriryo gatakaabheeri-ho, ntakaamanyiri ega, obhusarya n-kintu-ki. Nyoore ritakaabheeri-ho eriragiriryo rinú riragamba ega, “Oteegomba ekintu kya omurikyaho,”#7:7 Maaha mubhitabho bhya Okuhuruka 20:17; Obhuhiituki bhwa Amaragiriryo 5:21. ntakaamanyiri ega, okwigomba ekintu kya omurikyaho, n-kukora obhusarya. 8Nawe, obhusarya bhukeebhukya orunamba orubhiibhi rwa amanga amaaru munsi waani, kwa enjira ya eriragiriryo. Nyoore amaragiriryo gayo gatakaabheeri-ho, obhusarya bhutakaabheeri na eginguru. 9Eribhaga nyabhurebhe, naaringa omuhoru bira okumanya amaragiriryo. Nawe, hanú eriragiriryo riyo ryaaja, nkamanya eginguru gya obhusarya na bhukandeetera oruku. 10Nkarora ega, eriragiriryo rinú ryaringa kurusumo rwa okungʼaana obhuhoru, ryandeetera oruku. 11Obhusarya bhukangʼeenererya kwa enjira ya eriragiriryo riyo, na okundeetera oruku. 12Kora ego, emanyikane ega, amaragiriryo m-marabhu, na emigiro gyago gyonse, m-mirabhu, n-gya obhuheene, na ni-njomu.
13Bhoono, nyoore niigo, ekintu ekijomu kinu nkyo kindeeteeri oruku? Tiigo-ha kora ahake! Obhusarya mbo bhundeeteeri oruku okuhitira kumaragiriryo amajomu gayo. Yaaringa ni-nsonga ya Waryubha ega, amaragiriryo gabhe garoorokya kubhurabhu ega, obhusarya n-kintu ekibhiibhi bhukongʼu.
14Tumanyiri ega, amaragiriryo gaarwa ku Waryubha, nawe, oni kwa obhusimuka bhwani bhwa obhusarya, ndingi omugaya wa obhusarya. 15Oni ntamanyiri ganú ndakora, kwa okubha ganú ndeenda nkore, ntakugakora. Nawe, ganú ntakwenda okukora, ngo ndakora. 16Nyoore ndakora amangʼana ganú ntakwenda nkore, hayo nho eroorokya ega, ndeekirirya ega, amaragiriryo m-majomu. 17Hayo oranyoora ntaringi oni unú ndakora obhusarya, nawe, nu-bhusarya bhunú bhuringi munsi waani, mbo bhurakora. 18Mmanyiri ega, munsi waani, mubhusimuka bhwani bhwa obhusarya, kitarimo ekintu ekijomu kyokyonse. Ndeenda okukora amajomu, nawe, ntaana obhuturo bhwa okugakora. 19Amangʼana amajomu ganú ndeenda okukora, ntakugakora. Nawe, amabhiibhi ganú ntakwenda okukora, ngo ndakora. 20Bhoono, nyoore ndakora ganú ntakwenda nkore, hayo oranyoora ntaringi oni unú ndakora obhusarya, nawe, nu-bhusarya bhunú bhuringi munsi waani mbo bhurakora.
21Mbe, naamanyiri ega, hanú ndeenda okukora amangʼana amajomu, hayo nho oranyoora ndarutwa okukora amangʼana amabhiibhi. 22Amaragiriryo ga Waryubha, ngahanjiri kwa omutima gwani gonsego. 23Nawe, ndarora ega, ebhiroobhero bhya omubhiri gwani, oranyoora bhiratungwa na eginguru gya obhusarya bhunú bhurahigana na ameetegeerero gaani amajomu. Kiyo nkyo kirankora mbe omugaya wa obhusarya okuhitira ebhiroobhero bhya omubhiri gwani. 24Ndikirora-ko oni! Niwi unú arintuurya okurwa mubhuhoru bhwani bhunú bhuratungwa na oruku? 25Ndamukumya Waryubha, kwa okubha weeki ngʼo arantuurya, okuhitira ku Yeesu Kiristu, Omukuru weetu.
Kwa ego mbe, oni omwene ndakorera emirimu amaragiriryo ga Waryubha kwa ameetegeerero gaani, nawe, kwa obhusimuka bhwani bhwa obhusarya, oranyoora ndakorera emirimu eginguru gya obhusarya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.