MARKU 1
1
Joŋ-namijan
(Mat 3.1-12; Lúk 3.1-18; Joŋ 1.6-8,19-36)
1Ujuundi Upetsan-uwar Yeesu Këristu nul Abuk Nasien-batsi. 2#Mal 3.1Apicana di ulibëru Isaaya Nayëlia, aja:
“Teenan-e, mán wëtani nayëlia nji tsi bërunu,
ni kan yecis bëgau.
3 #
Isa 40.3
Ñaan ka lië ank di ulaalats, a nuu ja:
‘Nda yecis bëga Ajug;
nda colani ilëlul.’”
4Joŋ-namijan, apibandar di ulaalats, a nuu leents uleka bëmijan kayaar-ibats, pa pëjampësaa ngëjuban. 5A bañaan pëboos Judeeya bëlieng, ni bañaan ban ci biki bëlieng di Jerusalem kë tsëp di nul, a ba ja ba pets ngëjuban bukul, në mijan bukul di kabulaŋ Jordan. 6#2Bas 1.8Joŋ atiema iŋi i leempëna yi ni ifaal ungilëm, na tan katël ka n jand tsi bëlank. Barialaul aci ngë n jarabuts ni pëwaaj bëreeŋ; 7a nuu leents përim koo ja: “Nan peini kaka pëyëlan ka bi tsi ufets nji; nji n tsënkaants pëjaa ma ŋëp ka pacul katanëni iraalaul. 8Nji, man mijanaan ind di mlik; maa nul ka mijan ind un di Uwejats-ujënts.”
Yeesu amijana, a na teen-teenana
(Mat 3.13-17; 4.1-11; Lúk 3.21-22; 4.1-13; Joŋ 1.32-34)
9Tsi ngënu ngëmënts ngun, Yeesu pëni Nasaret di Galileeya, a Joŋ bi mijanul di kabulaŋ Jordan. 10Tsi uyëk umënts wun, umijëseeul di mlik, a na win batsi waantsar, a Uwejats welee tsi nul, anaam unk utuuba. 11#Uju 22.2; Iya 2.7; Isa 42.1; Mat 3.17; 12.18; Mar 9.7; Lúk 3.22A përim pëni di batsi a pa ja: “Wi ci-un Abuk nji na ŋalee; man lílandëru mak.”
12Tsi uyëk umënts wun, a Uwejats tsëpand Yeesu ulaalats. 13A na ro ngënu ngëntaaja ngëbaakër di ulaalats, a Useetaani kë teen-teenanul. A na ci rul ni ngë n jar, a ngëwaanju kë këmandul.
Yeesu ajot përui bafetsul
(Mat 4.12-22; Lúk 5.1-11)
14Bi Joŋ tsua bi di ukalabus, Yeesu bi Galileeya, a nuu leents Upetsan-uwar Nasien-batsi, 15#Mat 3.2koo ja: “Uwal aband, pësien Nasien-batsi awokani. Nda yaari ibats, ndë Uwak tsi Upetsan-uwar.”
16Bi nuu yandaar bi di kambaŋ bërëk Galileeya, a na win Simon, ni nan tsaari ni nul Simon, Andëre, a bu kë guts itseenk di bërëk, par bë ci bábuets. 17A Yeesu ja bukul: “Nda fetsin, ka tsu ind pëci babuets bañaan.” 18Tsi uyëk umënts wun, a ba ruk itseenk bukul, din, a ba fetsul. 19A na kika ko uties, na win Jakob abuk Sebede, ni Joŋ, nan tsaari ni nul, ba ci di kanawa a bu kë yecës itseenk. 20Din a na rui bukul; a ba ruk Sebede, asin bukul, di kanawa ni baleemp, a ba fetsul.
Yeesu ayësan nalon ñaan ni ucaay niaji
(Lúk 4.31-37)
21Bi ba niaj bi Kafarnaum, a Yeesu tsëp ee ci tsi bëjukan di kato-kajúki, tsi Unu-pënaakësa. 22#Mat 7.28,29A ba pikra tsi uleka bëjukanul, par ka jukan bukul pi ci ñaan nan kai pëyëlan, cits bi bapican-ngëtsua ja bi ba roon bu kë jukan.
23A tsi uyëk umënts wun, nalon niints ni ucaay niaji ro ci ba di kato-kajúki bukul, a na lië aja: 24“Yeesu, Kanpënë-ni-nasaret, we wi wund kaaraan wun ni wi? M bi pii cok-cokan wund-a? Ma me ne m cii: Najënts Nasien-batsi!” 25Yeesu leentsar aja: “Jaan jok, kë pën tsi niintsi!” 26A ucaay lic-lican niints ni pëyëlan, a u lië mak, u pën tsi nul. 27A bañaan bëlieng pikra mak, a bu kë yepëlar koo ja: “We ci wun umënts wi? Aci bëjukan bëwalu, ban ka bi pëyëlan! Aja ŋal në ja ngëcaay përim, din ngë ro ko wi na ja wi!” 28A tsi uyëk umënts wun, katim Yeesu jëk kaleka Galileeya bëlieng.
Yeesu yësan bañaan bacumal
(Mat 8.14-17; Lúk 4.38-41)
29Upën bukul di kato-kajúki, din a ba tsëp ni Jakob ni Joŋ di kato Simon ni Andëre. 30Anin aar Simon apiints, a tsijar ni uliaf; din, ba leents Yeesu ulekaul. 31A na kika awokul, a na mobul tsi kañan akat. A pëmaak pën tsi nul, a na ci tsi pëkëmand bukul.
32A bëtakala, uyër pëcaal, a ba tsijiul bamoj bëlieng, ni biki ngëcaay niaj biki. 33A bañaan përaasa bëlieng júk tsi pëlëman. 34A na yësan bamoj bacumal mmaak man ci mi ba këci. A na ruakand ngëcaay ngëcumal, maa niiraants ngëcaay nga ñakan, par ngul ameul.
Yeesu aci tsi bëñaan di tsëko tsa laayatsa tsi
(Lúk 4.42-44)
35Tsi kafa-unu, tsëko wama rëmënts, a Yeesu natsa atsëp tsëko tsa laayatsa tsi; a nee ci di bëñaan dul. 36A Simon, ni ban ci biki ni nul, ci tsi pëtsasul. 37Bi ba winul bi, a ba jaul: “Bañaan bëlieng ka tsasu.” 38Maa, Yeesu ja bukul: “Ngë ka pëtsëp ngëleka ngëlon tsi ngëntab nga woki ngink, pa nji pii leents buts rul përim; par ka wun n bi.” 39#Mat 4.23; 9.35A na yaana bëlieng pëboos Galileeya, a nuu jukan di ito-ijúki bukul nuu leents përim, nuu ruakand ngëcaay.
Yeesu ayësan nalon niints na maaki kantseul-kajankal
(Mat 8.1-4; Lúk 5.12-14)
40A nalon na maaki kantseul-kajankal bi tsi Yeesu, na buaraul, a na jintëla a na ja: “Uci m ŋal, m yëlan pëjëntsanin.” 41A Yeesu cum ni kayëk-ipës, na colan kañan akëraraul, a na jaul: “Man ŋal, jëntsan!” 42Tsi uyëk umënts wun, kantseul-kajankal pën tsi nul, a na jëntsana. 43A Yeesu ñakanaanul ni irim itamb, din na wëtanul na tsëp, 44#Ija 14.1-32a na jaul: “Teenan-e, tsë ja ñaan ko, maa tsëpan band di najakan, kë bëtseend pa mjëntsandaru, bi Moises tsu bi; u ci upibanaani pa bañaan.” 45Maa, upën niints pëtsëp, a na kur pëleents ngëcumal, a na jëkan përim tsëko. A u tsu Yeesu a katse yëlan pëniaj përaasa pan ci pi, na winaa. Maa a na ruka ka ci di utsand, di ngëleka ngan laayatsa ngi; bañaan kë pëni di ngëleka bëlieng, pëbi tsi nul.
Currently Selected:
MARKU 1: KPKNT
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.
MARKU 1
1
Joŋ-namijan
(Mat 3.1-12; Lúk 3.1-18; Joŋ 1.6-8,19-36)
1Ujuundi Upetsan-uwar Yeesu Këristu nul Abuk Nasien-batsi. 2#Mal 3.1Apicana di ulibëru Isaaya Nayëlia, aja:
“Teenan-e, mán wëtani nayëlia nji tsi bërunu,
ni kan yecis bëgau.
3 #
Isa 40.3
Ñaan ka lië ank di ulaalats, a nuu ja:
‘Nda yecis bëga Ajug;
nda colani ilëlul.’”
4Joŋ-namijan, apibandar di ulaalats, a nuu leents uleka bëmijan kayaar-ibats, pa pëjampësaa ngëjuban. 5A bañaan pëboos Judeeya bëlieng, ni bañaan ban ci biki bëlieng di Jerusalem kë tsëp di nul, a ba ja ba pets ngëjuban bukul, në mijan bukul di kabulaŋ Jordan. 6#2Bas 1.8Joŋ atiema iŋi i leempëna yi ni ifaal ungilëm, na tan katël ka n jand tsi bëlank. Barialaul aci ngë n jarabuts ni pëwaaj bëreeŋ; 7a nuu leents përim koo ja: “Nan peini kaka pëyëlan ka bi tsi ufets nji; nji n tsënkaants pëjaa ma ŋëp ka pacul katanëni iraalaul. 8Nji, man mijanaan ind di mlik; maa nul ka mijan ind un di Uwejats-ujënts.”
Yeesu amijana, a na teen-teenana
(Mat 3.13-17; 4.1-11; Lúk 3.21-22; 4.1-13; Joŋ 1.32-34)
9Tsi ngënu ngëmënts ngun, Yeesu pëni Nasaret di Galileeya, a Joŋ bi mijanul di kabulaŋ Jordan. 10Tsi uyëk umënts wun, umijëseeul di mlik, a na win batsi waantsar, a Uwejats welee tsi nul, anaam unk utuuba. 11#Uju 22.2; Iya 2.7; Isa 42.1; Mat 3.17; 12.18; Mar 9.7; Lúk 3.22A përim pëni di batsi a pa ja: “Wi ci-un Abuk nji na ŋalee; man lílandëru mak.”
12Tsi uyëk umënts wun, a Uwejats tsëpand Yeesu ulaalats. 13A na ro ngënu ngëntaaja ngëbaakër di ulaalats, a Useetaani kë teen-teenanul. A na ci rul ni ngë n jar, a ngëwaanju kë këmandul.
Yeesu ajot përui bafetsul
(Mat 4.12-22; Lúk 5.1-11)
14Bi Joŋ tsua bi di ukalabus, Yeesu bi Galileeya, a nuu leents Upetsan-uwar Nasien-batsi, 15#Mat 3.2koo ja: “Uwal aband, pësien Nasien-batsi awokani. Nda yaari ibats, ndë Uwak tsi Upetsan-uwar.”
16Bi nuu yandaar bi di kambaŋ bërëk Galileeya, a na win Simon, ni nan tsaari ni nul Simon, Andëre, a bu kë guts itseenk di bërëk, par bë ci bábuets. 17A Yeesu ja bukul: “Nda fetsin, ka tsu ind pëci babuets bañaan.” 18Tsi uyëk umënts wun, a ba ruk itseenk bukul, din, a ba fetsul. 19A na kika ko uties, na win Jakob abuk Sebede, ni Joŋ, nan tsaari ni nul, ba ci di kanawa a bu kë yecës itseenk. 20Din a na rui bukul; a ba ruk Sebede, asin bukul, di kanawa ni baleemp, a ba fetsul.
Yeesu ayësan nalon ñaan ni ucaay niaji
(Lúk 4.31-37)
21Bi ba niaj bi Kafarnaum, a Yeesu tsëp ee ci tsi bëjukan di kato-kajúki, tsi Unu-pënaakësa. 22#Mat 7.28,29A ba pikra tsi uleka bëjukanul, par ka jukan bukul pi ci ñaan nan kai pëyëlan, cits bi bapican-ngëtsua ja bi ba roon bu kë jukan.
23A tsi uyëk umënts wun, nalon niints ni ucaay niaji ro ci ba di kato-kajúki bukul, a na lië aja: 24“Yeesu, Kanpënë-ni-nasaret, we wi wund kaaraan wun ni wi? M bi pii cok-cokan wund-a? Ma me ne m cii: Najënts Nasien-batsi!” 25Yeesu leentsar aja: “Jaan jok, kë pën tsi niintsi!” 26A ucaay lic-lican niints ni pëyëlan, a u lië mak, u pën tsi nul. 27A bañaan bëlieng pikra mak, a bu kë yepëlar koo ja: “We ci wun umënts wi? Aci bëjukan bëwalu, ban ka bi pëyëlan! Aja ŋal në ja ngëcaay përim, din ngë ro ko wi na ja wi!” 28A tsi uyëk umënts wun, katim Yeesu jëk kaleka Galileeya bëlieng.
Yeesu yësan bañaan bacumal
(Mat 8.14-17; Lúk 4.38-41)
29Upën bukul di kato-kajúki, din a ba tsëp ni Jakob ni Joŋ di kato Simon ni Andëre. 30Anin aar Simon apiints, a tsijar ni uliaf; din, ba leents Yeesu ulekaul. 31A na kika awokul, a na mobul tsi kañan akat. A pëmaak pën tsi nul, a na ci tsi pëkëmand bukul.
32A bëtakala, uyër pëcaal, a ba tsijiul bamoj bëlieng, ni biki ngëcaay niaj biki. 33A bañaan përaasa bëlieng júk tsi pëlëman. 34A na yësan bamoj bacumal mmaak man ci mi ba këci. A na ruakand ngëcaay ngëcumal, maa niiraants ngëcaay nga ñakan, par ngul ameul.
Yeesu aci tsi bëñaan di tsëko tsa laayatsa tsi
(Lúk 4.42-44)
35Tsi kafa-unu, tsëko wama rëmënts, a Yeesu natsa atsëp tsëko tsa laayatsa tsi; a nee ci di bëñaan dul. 36A Simon, ni ban ci biki ni nul, ci tsi pëtsasul. 37Bi ba winul bi, a ba jaul: “Bañaan bëlieng ka tsasu.” 38Maa, Yeesu ja bukul: “Ngë ka pëtsëp ngëleka ngëlon tsi ngëntab nga woki ngink, pa nji pii leents buts rul përim; par ka wun n bi.” 39#Mat 4.23; 9.35A na yaana bëlieng pëboos Galileeya, a nuu jukan di ito-ijúki bukul nuu leents përim, nuu ruakand ngëcaay.
Yeesu ayësan nalon niints na maaki kantseul-kajankal
(Mat 8.1-4; Lúk 5.12-14)
40A nalon na maaki kantseul-kajankal bi tsi Yeesu, na buaraul, a na jintëla a na ja: “Uci m ŋal, m yëlan pëjëntsanin.” 41A Yeesu cum ni kayëk-ipës, na colan kañan akëraraul, a na jaul: “Man ŋal, jëntsan!” 42Tsi uyëk umënts wun, kantseul-kajankal pën tsi nul, a na jëntsana. 43A Yeesu ñakanaanul ni irim itamb, din na wëtanul na tsëp, 44#Ija 14.1-32a na jaul: “Teenan-e, tsë ja ñaan ko, maa tsëpan band di najakan, kë bëtseend pa mjëntsandaru, bi Moises tsu bi; u ci upibanaani pa bañaan.” 45Maa, upën niints pëtsëp, a na kur pëleents ngëcumal, a na jëkan përim tsëko. A u tsu Yeesu a katse yëlan pëniaj përaasa pan ci pi, na winaa. Maa a na ruka ka ci di utsand, di ngëleka ngan laayatsa ngi; bañaan kë pëni di ngëleka bëlieng, pëbi tsi nul.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.