MATEU 28
28
Yeesu anatsee di bacäts
(Mar 16.1-8; Lúk 24.1-12; Joŋ 20.1-18)
1Upar Unu-pënaakësa, a unu ucak kanëm kë joti, a Maaria kanpën-ni Magëdala, ni Maaria mcínts, tsëp kateen pëbuk. 2Ucar umënts wun a utsia siintsar mak, par aka uwaanju Ajug un pëni wi di batsi awelee, a u bi ee kël pëlaak apënan, a u tsoar tsi ruets pul. 3Bënaam aci pi kalikajan, a kaŋí faac pi imuets-ibeñ. 4A bawaay lal a ngëliaf bukul kë lënk, a ba ruka ci pi bu cäts. 5Maa, a uwaanju ja bakaats: “Ind, ind tsë lal, par man me nda ci tsi pëtsas Yeesu, nul nandoi rieŋa di kruus. 6Nul cits tsi; par anatsee di pëcäts, bi na ro bunk ja. Nda bili, da teenan tsëko tsi na ro tsi piintsana. 7Nda tsëpan tsi ko un car wi, ndii leents bafetsul na natsee tsi bacäts. Nul, ayër ind bërun pëtsëp Galileeya; dul di ndu winënul run. Nji n leents ind ank.” 8Din a ba lënk a ba ciind ni ulílan uwiak; a ba pën di pëbuk ucar umënts wun, a ba túk pii leents bafetsul. 9Din a Yeesu jëk ni bukul, a na ja: “Nda ciin tsi pëfac!” A ba bi ee wokul, a ba wúnkaraul iyots, a ba jintëlaul. 10A Yeesu ja bukul: “Ind tsë lënk; nda tsëpan ndii ja ban tsaar biki ni nji, ba tsëp Galileeya; dul di bu kë winënindun.” 11Bi bu kë tsëp bi, din a balon tsi bagaarir baandi përaasa, a ba leents bawiak-bajakan ngan par ngi bëlieng. 12Bi bawiak-bajakan júk bi ni bawiak Bajudeu a ba baar pëloole, a ba wël basondaari uncaam un kës wi mak. 13A ba ja bukul: “Nda jaan: ‘Bafetsul abi bërëm, a ba kiej puumul, bi wund ci bi tsi bëŋooy.’ 14A uci na tsijëna-ucaak bi te ko wan, wund ka ñakan ni nul te në niiran, din wund ka randan ind unoor.” 15A ba yank uncaam, a ba ro bi ba jukana bi. A përim pëmënts pan kë leentsa tsi Bajudeu, te unu untsari.
Kayëlia kawiak
(Mar 16.14-18; Lúk 24.36-49; Joŋ 20.19-23; Ngë 1.6-8)
16 #
Mat 26.32; Mar 14.28 Maa a bafetsul, untaaja bukun ni naloole pën pëtsëp Galileeya, di untunda wi na ro wi ja bukul. 17A bu kë winul, a ba jintëlaul; maa balon tsi bukul tsij ngëwejats ngëtëb. 18Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia. 19#Ngë 1.8Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts; 20nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”
Currently Selected:
MATEU 28: KPKNT
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.
MATEU 28
28
Yeesu anatsee di bacäts
(Mar 16.1-8; Lúk 24.1-12; Joŋ 20.1-18)
1Upar Unu-pënaakësa, a unu ucak kanëm kë joti, a Maaria kanpën-ni Magëdala, ni Maaria mcínts, tsëp kateen pëbuk. 2Ucar umënts wun a utsia siintsar mak, par aka uwaanju Ajug un pëni wi di batsi awelee, a u bi ee kël pëlaak apënan, a u tsoar tsi ruets pul. 3Bënaam aci pi kalikajan, a kaŋí faac pi imuets-ibeñ. 4A bawaay lal a ngëliaf bukul kë lënk, a ba ruka ci pi bu cäts. 5Maa, a uwaanju ja bakaats: “Ind, ind tsë lal, par man me nda ci tsi pëtsas Yeesu, nul nandoi rieŋa di kruus. 6Nul cits tsi; par anatsee di pëcäts, bi na ro bunk ja. Nda bili, da teenan tsëko tsi na ro tsi piintsana. 7Nda tsëpan tsi ko un car wi, ndii leents bafetsul na natsee tsi bacäts. Nul, ayër ind bërun pëtsëp Galileeya; dul di ndu winënul run. Nji n leents ind ank.” 8Din a ba lënk a ba ciind ni ulílan uwiak; a ba pën di pëbuk ucar umënts wun, a ba túk pii leents bafetsul. 9Din a Yeesu jëk ni bukul, a na ja: “Nda ciin tsi pëfac!” A ba bi ee wokul, a ba wúnkaraul iyots, a ba jintëlaul. 10A Yeesu ja bukul: “Ind tsë lënk; nda tsëpan ndii ja ban tsaar biki ni nji, ba tsëp Galileeya; dul di bu kë winënindun.” 11Bi bu kë tsëp bi, din a balon tsi bagaarir baandi përaasa, a ba leents bawiak-bajakan ngan par ngi bëlieng. 12Bi bawiak-bajakan júk bi ni bawiak Bajudeu a ba baar pëloole, a ba wël basondaari uncaam un kës wi mak. 13A ba ja bukul: “Nda jaan: ‘Bafetsul abi bërëm, a ba kiej puumul, bi wund ci bi tsi bëŋooy.’ 14A uci na tsijëna-ucaak bi te ko wan, wund ka ñakan ni nul te në niiran, din wund ka randan ind unoor.” 15A ba yank uncaam, a ba ro bi ba jukana bi. A përim pëmënts pan kë leentsa tsi Bajudeu, te unu untsari.
Kayëlia kawiak
(Mar 16.14-18; Lúk 24.36-49; Joŋ 20.19-23; Ngë 1.6-8)
16 #
Mat 26.32; Mar 14.28 Maa a bafetsul, untaaja bukun ni naloole pën pëtsëp Galileeya, di untunda wi na ro wi ja bukul. 17A bu kë winul, a ba jintëlaul; maa balon tsi bukul tsij ngëwejats ngëtëb. 18Din a Yeesu kikee, a na ñakanaan bukul, aja: “Pëyëlan pan ci pi-ba këci, awëlain di batsi, ni tsi utsia. 19#Ngë 1.8Bi u ci bank, nda tsëpan, ndë tsu bañaan ban cits biki Bajudeu bëlieng pëci bafetsin; nda mijani bukul di katim Asin, ki Abuk, ni ki Uwejats-ujënts; 20nda jukani bukul puu mob tsi ngi n tsu ind ngi, ngul bëlieng. Nda teenan-e, mán ci ni ind ngënu bëlieng, te uba umundu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Manjaku © Alliance Biblique du Sénégal, 2020.