प्रेरितों के काम 13
13
बरनबास जां शाऊल भेईजियूंणै
1अन्ताकिया शहरेरी कलीसियै मझ केही भविष्यावक्ता जां शिख्रांणार थ्यै; यानि बरनबास जां शमौन तेसैरू होरू नाँ नीगर थ्यु। जां लूकियुस कुरेनी, जां चौथाई देशैरा राजा हेरोदेस अंतिपासेरा दूधभाई मनाहेम जां शाऊल। 2जेख्णी सै उपवास जां प्रभुरी अराधना कातै थ्यै, तां पवित्र आत्माय तैन्हांं सिंउ बौलु, “मिंडै तेईनी बरनबासा जां शाऊला मिंडी सेवा कांनेरै तेईनी अलग करा जेसेरै तेईनी मीं सैक्यै शदाउरै अत्तै।” 3तां तैन्हैं उपवास जां प्रार्थना करि-करि तैन्हांं पन हत्थ रखि करि सैक्यै परमेश्वरैरा कम कांनेरै तेईनी भेईजि दित्तै।
शाऊलेरी पेहिली प्रचार यात्रा
4शाऊल जां बरनबास जै पवित्र आत्मायरी और सिंउ भेईजोरै थ्यै, सै अन्ताकिया किना सिलूकिया बंदरगाह शहरा तेईनी ग्यै; जां तेठां किना समुद्री जहाजा पन चढ़िकरि साइप्रस टापु पन सलमीस बंदरगहिनी चलि ग्यै। 5जां सलमीस मझ पुजि करि, तैन्हैं परमेश्वरैरा वचन यहूदिया केरी प्रार्थना सभा घरा मझ शुणा; यूहन्ना मरकुस तेन्हैरी मजत कांनेरै तेईनी तैन्हांं सेईतै थ्या। 6जेख्णी सै सारै टापु मझ घुमिं करि पाफुस नगरा पुज्जै तैठि तेन्हांनि बार-यीशु नाँईयेरा अक जादूगर मैआ, जै यहूदी जां झूठा भविष्यवक्ता थ्या। 7जां बार-यीशु राज्यपाल सिरगियुस पौलुसा सेईतै थ्या, जै बुद्धिमान मड़द थ्या। तेनी राज्यपालै बरनबास जां शाऊल ऐपु किनि शदाय जां सै तैन्हांं किना परमेश्वरैरा वचन शुणना चांहथा थ्या। 8पण एलीमास जादूगरै, (जेसैरू ऐ यूनानी नाँ आ) शाऊल जां बरनबासनी राज्यपालनि यीशु पन विश्वास कांना किना रौकणैरी कोशिश की। 9तां शाऊलै जैसरू ना पौलुस बि आ, पवित्र आत्माय किना भरपूर भौकरी एलीमास जादूगरा धेरै तका करि बौलु, 10हे सारै कपटै जां सारी चलाकि सिंउ भरौरै शैतानेरी अउलादि, सारै धर्मा केरै दुशमणा, क्या तांउ प्रभुरा सिधा रास्ता ढैरा कांना ना छडणा। 11अबै तका, प्रभु ताउनि दंड दींणै वा; जां तु किछ टैंमा तेईनी कांणा रींहणा जां सूरजैरू प्रगड़ु ना तकाला। इकदम धुंधलापन जां अंधारू तैस पन पैई गियु, तां सै इदि-ओदि तौर-भतोरी कांना लगा जां पुच्छु कि कौ तेसैरा हत्थ पकड़ी करि तेसैरी मजत करिया। 12ऐ सभ-किछ तका करि राज्यपालै प्रभु यीशु मसीह पन विश्वास केया, प्रभुरै उपदेशै सैक्या हैरान करि छडथिया।
पिसिदियारै अन्ताकिया मझ पौलुसेरा उपदेश
13तां पौलुस जां तेसेरै साउगी पाफुस किना समुद्री जहाज पन पंफूलिया प्रदेशेरै पिरगा शहरा मझ यै; जां यूहन्ना मरकुस तैन्हांं छडि करि यरूशलेम शहरानि वापस चलि ग्या। 14जां सैक्यै पिरगा शहरा किना आघै गहि करि गलातिया प्रदेशेरै पिसिदिया जिल्है नीड़ अन्ताकिया शहरा मझ पुज्जै; जां आरामेरी धियाड़ी यहूदी सभा घरा मझ गहि करि बेशि ग्यै। 15मूसेरी व्यवस्था जां भविष्यवक्ता केरी किताबि मझां पढ़ना किना बाद यहूदी प्रार्थना सभा घरेरै सरदारै तैन्हांं किनि ऐ विषैक भेईजा, कि “हे भाईयो, अगर तुहां मझां कोसक्यै किनि मैहणुवंनी होंसला दींणैरा कौ वचन आ ता मेहरबानि करि-करि ऐठि बोला।”
16तां पौलुसै खड़ै भौकरी तैन्हांं चुप कांनेरै तेईनी हत्थै ला इशारा करि-करि बौलु, हे इस्राएलियो जां परमेश्वरा किना डरीणै बाई होरी जातियो, शुणा। 17ऐन्हां इस्राएलि मैहणुवां केरै परमेश्वरै असेड़ै पूर्वज छांटी लियै, जां जेख्णी सै मिस्र देशा मझ परदेशी भौकरी रिहींथ्यै, ता सै बड़ै बधि ग्यै जां प्रभु अपड़ि पराक्रमी सामर्थी ला सैक्यै तैस देशा किना भेईर कढै। 18जां सै लगभग चाहिया साला तेईनी रेगिस्थाना मझ तेन्हैरी हर गल सेहन काता रिय्हा। जबकि तैन्हैं बार-बार तेसेरै हुक्मैरा पालन ना क्या। 19जां कनान देशा मझ सत्ता जातिया केरा नाश करि-करि तेन्हैरा दैश विरासति मझ करि दित्ता। 20असेड़ै पूर्वजै तेन्हैरै पूर्वजा केरै मिस्र देशा मझ पुजणा किना लगभग चोउर शाउ पंजाह साल बाद कनान पनि अधिकार कांना शुरू केया; जां तैस टैंमा किना बाद परमेश्वरै भविष्यवक्ता शमूएला तेईनी, इस्राएलेरै मैहणुवां पन राज्य कांनेरै तेईनी अगुवे नियुक्त क्यै। 21जेख्णी शमूएल तेन्हैरा न्यायि थ्या, तैस टैंमा तैन्हैं अक राजा मग्गा; तां परमेश्वरै चाहिया साला केरै तेईनी बिन्यामीनेरै गौत्रा मझां अक मैहणु मतलब कीशैरा पुत्र शाऊल तैन्हांं पन राजा बंणा। 22फिरी परमेश्वरै शाऊल हठाय करि तेसेरी जगाय दाऊद तेन्हैरा राजा बणा, जेसेरै बारै मझ तेनी गवाहि दित्ती, कि मूंनी अक मैहणु, यिशैरा पुत्र दाऊद, मिंडै मंनेरै अनुसार मेईं गियौरा। सैहै मिंडी सारी मंनेरी ईच्छाय पूरी करैला।
23तेसेरै वंशा मझां परमेश्वरै अपड़ै वायदेरै मुताबिक इस्राएलेरै नीड़ अक उद्धारकर्ता, मतलब यीशु भेईजा। 24जेसेरै ऐईंणा किना पेहिलै यूहन्ने सभनियांं इस्राएलि मैहणुवंनी अपड़ै पापा केरा पश्चाताप कांननी जां परमेश्वरा धेरै मुड़नेरै तेईनी बपतिस्मा लींणैरा प्रचार केया। 25जां जेख्णी यूहन्ना अपड़ा सेवा कांनेरा कम पूरा कांने वा थ्या, तां तेनी बौलु, “तुवे मूं कितु समझतै अत्तै? आंउ मसीह ना! पण इदि तका, मूं बाद अक ऐईंणै वा, सै मूं किना बड़ा ज्यादा महान आ, आंउ ता ऐस काबिल बि ना कि तेसेरी जुत्तिया केरै तस्मै खोलि सकूँ।”
26हे भाईयो, तुवे जै अब्राहमेरी आउलाद आ, जां तुवे जै परमेश्वरा किना डरींतै, परमेश्वरै असुवां किनि यीशुरै बारै मझ ऐक्या विषैक भेईजौरा जै मैहणुवां बचांता। 27यरूशलेम मझ रीहिंणारै मैहणुवें जां तेन्हैरै अगुवे, मसीह यीशु ना पछियांणा, जां ना ऐ भविष्यवक्ता केरी गलै समझि; जै हर आरामेरी धियाड़ी पढ़ियूंती, ऐठणीरै तेईनी सैक्या दोषी ठहराय करि भविष्यवक्ता केरै वचन पूरै क्यै। 28तैन्हैं तैस मांनेरै काबिल तैस मझ कोई बि ऐतिया दोष ना कढा, फिरी बि राज्यपाल पिलातुसा सेईतै विनती की, कि सै मारी छडियो। 29जां सै सभ जै पवित्र शास्त्र तेसेरै बारै मझ बोलता, सै सभ गलै पूरी भुई, कि तैन्हैं सै एकि क्रूसा पन कीलै ठहिकरि मारी छडा जां फिरी सै उतारी करि कब्रि मझ रखा। 30पण परमेश्वरै सै मौरा मझां जींता करि दिता। 31जां यीशु तैन्हैं जै तैस सेईतै गलील प्रदेशा किना यरूशलेम शहर मझ यौउरै थ्यै, बड़ै धियाड़िया तेईनी तैन्हांं जां अपड़ा चैलानि लहिंथा रिय्हा; जैन्हैं सैक्या लधौरा थ्या सैहै तेसेरै गवाह अत्तै। 32जां असै तैस खुशखबरी तुहांनि शुणांतै अत्तै जै प्रतिज्ञा परमेश्वरै असेड़ै पूर्वजा सेईतै क्यौरी थी, 33कि परमेश्वरै यीशु मौरा मझां जींतैरी करि, सैहै प्रतिज्ञा असेड़ै तेईनी पूरी की; जै असेड़ै पूर्वजा केरी आउलादिरै तेईनी बोलोरी थी, जिहीं भजन सहिंता मझ बि लिखोरू आ, परमेश्वरै मसीहरै बारै मझ बौलु, कि “तु मिंडा पुत्र आ; आज आंउ तिंडा पिता बणि ग्या। 34जां तेसेरै ऐसै विश्वास सेईतै मौरा मझां जींतै भूंणेरै बारै मझ बि, कि सै कदि ना शड़िया, परमेश्वरै बोलोरू आ,
आंउ राजै दाऊदा प्रेनीं पवित्र जां अटल आशीषै तुहां पन करैला।
35राजा दाऊद ऐस गलै होरिया भजन संहिता मझ बोलता, कि तु अपड़ै पवित्र पुत्रा शड़ना ना दैला।
36केईनी कि दाऊद ता परमेश्वरेरी मर्जिरै मुताबिक अपड़ै टैंमा मझ सेवा कांना बाद मरि ग्या, जां अपड़ै पूर्वजा मझ गहि मिला, जां शड़ि बि ग्या। ऐनि ला असु पता लगता कि दाऊद ऐस भजना मझ अपड़ै बारै मझ गल ना थ्या काता। 37पण सै यीशुरै बारै मझ बोलता थ्या जै परमेश्वरै मौरा मझां जींतैरा, जां ना ऐ सै शड़ा। 38ऐठणीरै तेईनी, हे भाईयो; तुवे जांणि ल्या कि सिर्फ प्रभु यीशुरै जरियै ऐ पापा केरी माफिरा समाचार तुहां तेईनी पुजाईयूंता। 39जां जैन्हैं गलै ला तुवे मूसेरी व्यवस्थायरै अनुसार निर्दोष ना ठैहरी सकींथ्यै, तैन्हांं सारा सेईतै हर विश्वास कांने वा यीशुरै द्वारा निर्दोष ठैहरता। 40ऐठणीरै तेईनी चुस्त रिय्हा, ऐत्यु ना भुईया, कि जै भविष्यवक्ता केरी किताबिया मझ लिखियोरू आ, तुहां पन बि अईछी पुईया; 41हे निंदा कांने बाईयो, तका, जां हैरान भुआ, जां मिटि गहा; केईनी कि आंउ तुवाड़िया धियाड़िया मझ अक कम काता; ऐतिया कम, कि अगर कोई तुहां सेईतै तेसैरी चर्चा करिया, ता तुवे कदि बि विश्वास ना करेलै।”
अन्ताकिया मझ पौलुस जां बरनबास
42जेख्णी पौलुस जां बरनबास यहूदी प्रार्थना सभा घरा किना निकूंथै थ्यै, तेन्हैरै भेईर निकूंथै टैंमा मैहणु तैन्हांं सिंउ विनती कांना लगै, कि अगली आरामेरी धियाड़ी असुनि फिरी ऐस शिक्षायरै बारै मझ होरू बि शुणाय। 43जेख्णी सभा खत्म भौ गैई ता होरिया जातिया मझां यहूदी मता मझां यौउरै बड़ै सारै विश्वासयोग्य नवें विश्वासी पौलुसा जां बरनबासा पीछै चलि पियै; जां तैन्हैं तैन्हांं सेईतै गलै करि-करि समझाय, कि परमेश्वरेरै अनुग्रह मझ बंणी रिय्हा।
44अगली आरामेरी धियाड़ी नगरेरै लगभग सारै मैहणु प्रभुरा वचन शुणनेरै तेईनी किठै भौ ग्यै। 45पण यहूदी अगुवेनि भीड़ तका करि जलन भौ गैई, जां निंदा कातै-कातै पौलुसेरी गला केरै विरोधा मझ बोलणा लगै। 46तां पौलुसै जां बरनबासै निडर भौ करि बौलु, “जरूरी थियु, कि परमेश्वरैरा वचन सभनियांं पेहिलै तुहांनि शुणांईयूंता भुईं; केईनी कि तुहैं सै अपनांणा किना नमां केया जां अपांणा अनन्त जीवनेरै काबिल ना ठैहरांतै, ता अबै, असु होरनियां जातिया किनि गांहणु। 47केईनी कि प्रभु असुनि ऐ आज्ञा दितोरी आ, कि मीं तु होरिया जातिया केरै तेईनी ज्योति ठैहराउरा, तुहां संसारा मझ हर जगाय मैहणुवां किनि गांहणु जां तेन्हांनि शुणाणु कि परमेश्वर तैन्हांं किहीं बचांणा चांहथा।”
48ऐ शुणि करि होरी जाति खुश भुई, जां परमेश्वरेरै वचनेरी बडियेई कांना लगै, जां जेत्थरै अनन्त जीवनेरै तेईनी ठेहराउरै थ्यै, तैन्हैं विश्वास केया।
49तां प्रभुरा वचन तैस सारै देशा मझ फैलणा लगा। 50पण यहूदिया केरै अगुवे होरिया जातिया केरी सम्मानित जनेनी जै परमेश्वरैरा डर मनींथि जां नगरेरै मुखियै मैहणु भड़काय, जां पौलुस जां बरनबासा पन उपद्रव करवा करि सैक्यै अपड़ै इलाके किना कढि दित्तै। 51तां पौलुस जां बरनबासै तेन्हैरै सांमणै पैयिड़ा केरी धूड़ झाड़ी दित्ती, तेन्हांनि ऐ लुहानेरै तेईनी कि परमेश्वरै सैक्यै अस्वीकार करि थ्यै दितोरै जां तेन्हांनि सजा दैला। फिरी सै इकुनियुम शहरानि चलि ग्यै। 52जां अन्ताकिया शहरा मझ चैलै आनन्द सिंउ जां पवित्र आत्माय सेईतै भरपूर भूंतै रिय्है।
Currently Selected:
प्रेरितों के काम 13: CDJNT
Highlight
Copy
Compare
Share
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.
प्रेरितों के काम 13
13
बरनबास जां शाऊल भेईजियूंणै
1अन्ताकिया शहरेरी कलीसियै मझ केही भविष्यावक्ता जां शिख्रांणार थ्यै; यानि बरनबास जां शमौन तेसैरू होरू नाँ नीगर थ्यु। जां लूकियुस कुरेनी, जां चौथाई देशैरा राजा हेरोदेस अंतिपासेरा दूधभाई मनाहेम जां शाऊल। 2जेख्णी सै उपवास जां प्रभुरी अराधना कातै थ्यै, तां पवित्र आत्माय तैन्हांं सिंउ बौलु, “मिंडै तेईनी बरनबासा जां शाऊला मिंडी सेवा कांनेरै तेईनी अलग करा जेसेरै तेईनी मीं सैक्यै शदाउरै अत्तै।” 3तां तैन्हैं उपवास जां प्रार्थना करि-करि तैन्हांं पन हत्थ रखि करि सैक्यै परमेश्वरैरा कम कांनेरै तेईनी भेईजि दित्तै।
शाऊलेरी पेहिली प्रचार यात्रा
4शाऊल जां बरनबास जै पवित्र आत्मायरी और सिंउ भेईजोरै थ्यै, सै अन्ताकिया किना सिलूकिया बंदरगाह शहरा तेईनी ग्यै; जां तेठां किना समुद्री जहाजा पन चढ़िकरि साइप्रस टापु पन सलमीस बंदरगहिनी चलि ग्यै। 5जां सलमीस मझ पुजि करि, तैन्हैं परमेश्वरैरा वचन यहूदिया केरी प्रार्थना सभा घरा मझ शुणा; यूहन्ना मरकुस तेन्हैरी मजत कांनेरै तेईनी तैन्हांं सेईतै थ्या। 6जेख्णी सै सारै टापु मझ घुमिं करि पाफुस नगरा पुज्जै तैठि तेन्हांनि बार-यीशु नाँईयेरा अक जादूगर मैआ, जै यहूदी जां झूठा भविष्यवक्ता थ्या। 7जां बार-यीशु राज्यपाल सिरगियुस पौलुसा सेईतै थ्या, जै बुद्धिमान मड़द थ्या। तेनी राज्यपालै बरनबास जां शाऊल ऐपु किनि शदाय जां सै तैन्हांं किना परमेश्वरैरा वचन शुणना चांहथा थ्या। 8पण एलीमास जादूगरै, (जेसैरू ऐ यूनानी नाँ आ) शाऊल जां बरनबासनी राज्यपालनि यीशु पन विश्वास कांना किना रौकणैरी कोशिश की। 9तां शाऊलै जैसरू ना पौलुस बि आ, पवित्र आत्माय किना भरपूर भौकरी एलीमास जादूगरा धेरै तका करि बौलु, 10हे सारै कपटै जां सारी चलाकि सिंउ भरौरै शैतानेरी अउलादि, सारै धर्मा केरै दुशमणा, क्या तांउ प्रभुरा सिधा रास्ता ढैरा कांना ना छडणा। 11अबै तका, प्रभु ताउनि दंड दींणै वा; जां तु किछ टैंमा तेईनी कांणा रींहणा जां सूरजैरू प्रगड़ु ना तकाला। इकदम धुंधलापन जां अंधारू तैस पन पैई गियु, तां सै इदि-ओदि तौर-भतोरी कांना लगा जां पुच्छु कि कौ तेसैरा हत्थ पकड़ी करि तेसैरी मजत करिया। 12ऐ सभ-किछ तका करि राज्यपालै प्रभु यीशु मसीह पन विश्वास केया, प्रभुरै उपदेशै सैक्या हैरान करि छडथिया।
पिसिदियारै अन्ताकिया मझ पौलुसेरा उपदेश
13तां पौलुस जां तेसेरै साउगी पाफुस किना समुद्री जहाज पन पंफूलिया प्रदेशेरै पिरगा शहरा मझ यै; जां यूहन्ना मरकुस तैन्हांं छडि करि यरूशलेम शहरानि वापस चलि ग्या। 14जां सैक्यै पिरगा शहरा किना आघै गहि करि गलातिया प्रदेशेरै पिसिदिया जिल्है नीड़ अन्ताकिया शहरा मझ पुज्जै; जां आरामेरी धियाड़ी यहूदी सभा घरा मझ गहि करि बेशि ग्यै। 15मूसेरी व्यवस्था जां भविष्यवक्ता केरी किताबि मझां पढ़ना किना बाद यहूदी प्रार्थना सभा घरेरै सरदारै तैन्हांं किनि ऐ विषैक भेईजा, कि “हे भाईयो, अगर तुहां मझां कोसक्यै किनि मैहणुवंनी होंसला दींणैरा कौ वचन आ ता मेहरबानि करि-करि ऐठि बोला।”
16तां पौलुसै खड़ै भौकरी तैन्हांं चुप कांनेरै तेईनी हत्थै ला इशारा करि-करि बौलु, हे इस्राएलियो जां परमेश्वरा किना डरीणै बाई होरी जातियो, शुणा। 17ऐन्हां इस्राएलि मैहणुवां केरै परमेश्वरै असेड़ै पूर्वज छांटी लियै, जां जेख्णी सै मिस्र देशा मझ परदेशी भौकरी रिहींथ्यै, ता सै बड़ै बधि ग्यै जां प्रभु अपड़ि पराक्रमी सामर्थी ला सैक्यै तैस देशा किना भेईर कढै। 18जां सै लगभग चाहिया साला तेईनी रेगिस्थाना मझ तेन्हैरी हर गल सेहन काता रिय्हा। जबकि तैन्हैं बार-बार तेसेरै हुक्मैरा पालन ना क्या। 19जां कनान देशा मझ सत्ता जातिया केरा नाश करि-करि तेन्हैरा दैश विरासति मझ करि दित्ता। 20असेड़ै पूर्वजै तेन्हैरै पूर्वजा केरै मिस्र देशा मझ पुजणा किना लगभग चोउर शाउ पंजाह साल बाद कनान पनि अधिकार कांना शुरू केया; जां तैस टैंमा किना बाद परमेश्वरै भविष्यवक्ता शमूएला तेईनी, इस्राएलेरै मैहणुवां पन राज्य कांनेरै तेईनी अगुवे नियुक्त क्यै। 21जेख्णी शमूएल तेन्हैरा न्यायि थ्या, तैस टैंमा तैन्हैं अक राजा मग्गा; तां परमेश्वरै चाहिया साला केरै तेईनी बिन्यामीनेरै गौत्रा मझां अक मैहणु मतलब कीशैरा पुत्र शाऊल तैन्हांं पन राजा बंणा। 22फिरी परमेश्वरै शाऊल हठाय करि तेसेरी जगाय दाऊद तेन्हैरा राजा बणा, जेसेरै बारै मझ तेनी गवाहि दित्ती, कि मूंनी अक मैहणु, यिशैरा पुत्र दाऊद, मिंडै मंनेरै अनुसार मेईं गियौरा। सैहै मिंडी सारी मंनेरी ईच्छाय पूरी करैला।
23तेसेरै वंशा मझां परमेश्वरै अपड़ै वायदेरै मुताबिक इस्राएलेरै नीड़ अक उद्धारकर्ता, मतलब यीशु भेईजा। 24जेसेरै ऐईंणा किना पेहिलै यूहन्ने सभनियांं इस्राएलि मैहणुवंनी अपड़ै पापा केरा पश्चाताप कांननी जां परमेश्वरा धेरै मुड़नेरै तेईनी बपतिस्मा लींणैरा प्रचार केया। 25जां जेख्णी यूहन्ना अपड़ा सेवा कांनेरा कम पूरा कांने वा थ्या, तां तेनी बौलु, “तुवे मूं कितु समझतै अत्तै? आंउ मसीह ना! पण इदि तका, मूं बाद अक ऐईंणै वा, सै मूं किना बड़ा ज्यादा महान आ, आंउ ता ऐस काबिल बि ना कि तेसेरी जुत्तिया केरै तस्मै खोलि सकूँ।”
26हे भाईयो, तुवे जै अब्राहमेरी आउलाद आ, जां तुवे जै परमेश्वरा किना डरींतै, परमेश्वरै असुवां किनि यीशुरै बारै मझ ऐक्या विषैक भेईजौरा जै मैहणुवां बचांता। 27यरूशलेम मझ रीहिंणारै मैहणुवें जां तेन्हैरै अगुवे, मसीह यीशु ना पछियांणा, जां ना ऐ भविष्यवक्ता केरी गलै समझि; जै हर आरामेरी धियाड़ी पढ़ियूंती, ऐठणीरै तेईनी सैक्या दोषी ठहराय करि भविष्यवक्ता केरै वचन पूरै क्यै। 28तैन्हैं तैस मांनेरै काबिल तैस मझ कोई बि ऐतिया दोष ना कढा, फिरी बि राज्यपाल पिलातुसा सेईतै विनती की, कि सै मारी छडियो। 29जां सै सभ जै पवित्र शास्त्र तेसेरै बारै मझ बोलता, सै सभ गलै पूरी भुई, कि तैन्हैं सै एकि क्रूसा पन कीलै ठहिकरि मारी छडा जां फिरी सै उतारी करि कब्रि मझ रखा। 30पण परमेश्वरै सै मौरा मझां जींता करि दिता। 31जां यीशु तैन्हैं जै तैस सेईतै गलील प्रदेशा किना यरूशलेम शहर मझ यौउरै थ्यै, बड़ै धियाड़िया तेईनी तैन्हांं जां अपड़ा चैलानि लहिंथा रिय्हा; जैन्हैं सैक्या लधौरा थ्या सैहै तेसेरै गवाह अत्तै। 32जां असै तैस खुशखबरी तुहांनि शुणांतै अत्तै जै प्रतिज्ञा परमेश्वरै असेड़ै पूर्वजा सेईतै क्यौरी थी, 33कि परमेश्वरै यीशु मौरा मझां जींतैरी करि, सैहै प्रतिज्ञा असेड़ै तेईनी पूरी की; जै असेड़ै पूर्वजा केरी आउलादिरै तेईनी बोलोरी थी, जिहीं भजन सहिंता मझ बि लिखोरू आ, परमेश्वरै मसीहरै बारै मझ बौलु, कि “तु मिंडा पुत्र आ; आज आंउ तिंडा पिता बणि ग्या। 34जां तेसेरै ऐसै विश्वास सेईतै मौरा मझां जींतै भूंणेरै बारै मझ बि, कि सै कदि ना शड़िया, परमेश्वरै बोलोरू आ,
आंउ राजै दाऊदा प्रेनीं पवित्र जां अटल आशीषै तुहां पन करैला।
35राजा दाऊद ऐस गलै होरिया भजन संहिता मझ बोलता, कि तु अपड़ै पवित्र पुत्रा शड़ना ना दैला।
36केईनी कि दाऊद ता परमेश्वरेरी मर्जिरै मुताबिक अपड़ै टैंमा मझ सेवा कांना बाद मरि ग्या, जां अपड़ै पूर्वजा मझ गहि मिला, जां शड़ि बि ग्या। ऐनि ला असु पता लगता कि दाऊद ऐस भजना मझ अपड़ै बारै मझ गल ना थ्या काता। 37पण सै यीशुरै बारै मझ बोलता थ्या जै परमेश्वरै मौरा मझां जींतैरा, जां ना ऐ सै शड़ा। 38ऐठणीरै तेईनी, हे भाईयो; तुवे जांणि ल्या कि सिर्फ प्रभु यीशुरै जरियै ऐ पापा केरी माफिरा समाचार तुहां तेईनी पुजाईयूंता। 39जां जैन्हैं गलै ला तुवे मूसेरी व्यवस्थायरै अनुसार निर्दोष ना ठैहरी सकींथ्यै, तैन्हांं सारा सेईतै हर विश्वास कांने वा यीशुरै द्वारा निर्दोष ठैहरता। 40ऐठणीरै तेईनी चुस्त रिय्हा, ऐत्यु ना भुईया, कि जै भविष्यवक्ता केरी किताबिया मझ लिखियोरू आ, तुहां पन बि अईछी पुईया; 41हे निंदा कांने बाईयो, तका, जां हैरान भुआ, जां मिटि गहा; केईनी कि आंउ तुवाड़िया धियाड़िया मझ अक कम काता; ऐतिया कम, कि अगर कोई तुहां सेईतै तेसैरी चर्चा करिया, ता तुवे कदि बि विश्वास ना करेलै।”
अन्ताकिया मझ पौलुस जां बरनबास
42जेख्णी पौलुस जां बरनबास यहूदी प्रार्थना सभा घरा किना निकूंथै थ्यै, तेन्हैरै भेईर निकूंथै टैंमा मैहणु तैन्हांं सिंउ विनती कांना लगै, कि अगली आरामेरी धियाड़ी असुनि फिरी ऐस शिक्षायरै बारै मझ होरू बि शुणाय। 43जेख्णी सभा खत्म भौ गैई ता होरिया जातिया मझां यहूदी मता मझां यौउरै बड़ै सारै विश्वासयोग्य नवें विश्वासी पौलुसा जां बरनबासा पीछै चलि पियै; जां तैन्हैं तैन्हांं सेईतै गलै करि-करि समझाय, कि परमेश्वरेरै अनुग्रह मझ बंणी रिय्हा।
44अगली आरामेरी धियाड़ी नगरेरै लगभग सारै मैहणु प्रभुरा वचन शुणनेरै तेईनी किठै भौ ग्यै। 45पण यहूदी अगुवेनि भीड़ तका करि जलन भौ गैई, जां निंदा कातै-कातै पौलुसेरी गला केरै विरोधा मझ बोलणा लगै। 46तां पौलुसै जां बरनबासै निडर भौ करि बौलु, “जरूरी थियु, कि परमेश्वरैरा वचन सभनियांं पेहिलै तुहांनि शुणांईयूंता भुईं; केईनी कि तुहैं सै अपनांणा किना नमां केया जां अपांणा अनन्त जीवनेरै काबिल ना ठैहरांतै, ता अबै, असु होरनियां जातिया किनि गांहणु। 47केईनी कि प्रभु असुनि ऐ आज्ञा दितोरी आ, कि मीं तु होरिया जातिया केरै तेईनी ज्योति ठैहराउरा, तुहां संसारा मझ हर जगाय मैहणुवां किनि गांहणु जां तेन्हांनि शुणाणु कि परमेश्वर तैन्हांं किहीं बचांणा चांहथा।”
48ऐ शुणि करि होरी जाति खुश भुई, जां परमेश्वरेरै वचनेरी बडियेई कांना लगै, जां जेत्थरै अनन्त जीवनेरै तेईनी ठेहराउरै थ्यै, तैन्हैं विश्वास केया।
49तां प्रभुरा वचन तैस सारै देशा मझ फैलणा लगा। 50पण यहूदिया केरै अगुवे होरिया जातिया केरी सम्मानित जनेनी जै परमेश्वरैरा डर मनींथि जां नगरेरै मुखियै मैहणु भड़काय, जां पौलुस जां बरनबासा पन उपद्रव करवा करि सैक्यै अपड़ै इलाके किना कढि दित्तै। 51तां पौलुस जां बरनबासै तेन्हैरै सांमणै पैयिड़ा केरी धूड़ झाड़ी दित्ती, तेन्हांनि ऐ लुहानेरै तेईनी कि परमेश्वरै सैक्यै अस्वीकार करि थ्यै दितोरै जां तेन्हांनि सजा दैला। फिरी सै इकुनियुम शहरानि चलि ग्यै। 52जां अन्ताकिया शहरा मझ चैलै आनन्द सिंउ जां पवित्र आत्माय सेईतै भरपूर भूंतै रिय्है।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Churahi New Testament (चुराही नवाँ नियम), 2020 by The Love Fellowship is licensed under a Creative Commons Attribution-ShareAlike 4.0 International License.