YAOGYAW 98
98
Siyiex Mawh Cao Pa Giex Kaing Haktiex
1Ah lox rhax pa khraox mai yaogyaw ka Siyiex mai Nawh Cao hoik yuh grawng ceu pa daox am, taix khawn dawm Nawh mai plawng taix Nawh pa singax hoik yuh krax taoh son Nawh heue. 2Siyiex hoik kieh bwanson krax taoh Nawh sidawng, krai gumlox Nawh pa rahsee, sivoe ngai pui tang ceu khankix heue. 3Nawh Cao doh keud ka krax pa caux rhawm mai sijax mukheu pa hoik yuh Nawh mai ceu pui Isarelax mai bwanson krax pa taoh Siyiex, hoik yaox pui piang haktiex tom sidah heue. 4Kawn pui haktiex khawmuik eue, teei lox pa ting pa sinum kok yo ka Siyiex mai ah lox rhax pa gaux rhawm mai yaogyaw ka Nawh heue. 5Tah ting mai rhax lai ka Siyiex, tah ting mai yaogyaw heue. 6Phlu teettawng mai kok yo sivoe ngai Siyiex, pa mawh Simiang heue. 7Kieh rawm sigrit sigra mai can pa koe ka daux nawh, kieh haktiex mai can pa koe ka daux nawh, ah lox pa ting pa sinum ka Nawh heue. 8Kieh rawm klawng khankix dieh taix tix mai gawng lua khankix, rhax lai gaux rhawm sivoe ngai Siyiex heue. 9Grawh grawng nawh, Nawh Cao hoik hoek ti prawng ca ka pui haktiex, Nawh Cao teei beenli pa rahsee mai prawng ca ka haktiex mai teei sijax mukheu Nawh prawng ca ka kawn pui khankix heue.
Currently Selected:
YAOGYAW 98: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
YAOGYAW 98
98
Siyiex Mawh Cao Pa Giex Kaing Haktiex
1Ah lox rhax pa khraox mai yaogyaw ka Siyiex mai Nawh Cao hoik yuh grawng ceu pa daox am, taix khawn dawm Nawh mai plawng taix Nawh pa singax hoik yuh krax taoh son Nawh heue. 2Siyiex hoik kieh bwanson krax taoh Nawh sidawng, krai gumlox Nawh pa rahsee, sivoe ngai pui tang ceu khankix heue. 3Nawh Cao doh keud ka krax pa caux rhawm mai sijax mukheu pa hoik yuh Nawh mai ceu pui Isarelax mai bwanson krax pa taoh Siyiex, hoik yaox pui piang haktiex tom sidah heue. 4Kawn pui haktiex khawmuik eue, teei lox pa ting pa sinum kok yo ka Siyiex mai ah lox rhax pa gaux rhawm mai yaogyaw ka Nawh heue. 5Tah ting mai rhax lai ka Siyiex, tah ting mai yaogyaw heue. 6Phlu teettawng mai kok yo sivoe ngai Siyiex, pa mawh Simiang heue. 7Kieh rawm sigrit sigra mai can pa koe ka daux nawh, kieh haktiex mai can pa koe ka daux nawh, ah lox pa ting pa sinum ka Nawh heue. 8Kieh rawm klawng khankix dieh taix tix mai gawng lua khankix, rhax lai gaux rhawm sivoe ngai Siyiex heue. 9Grawh grawng nawh, Nawh Cao hoik hoek ti prawng ca ka pui haktiex, Nawh Cao teei beenli pa rahsee mai prawng ca ka haktiex mai teei sijax mukheu Nawh prawng ca ka kawn pui khankix heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012