YAOGYAW 96
96
Lai Rhax Yaogyaw
(1Been 16:23-33)
1Ah lox rhax pa khraox yaogyaw ka Siyiex heue. Kawn pui piang haktiex khawmuik eue, ah lox rhax ka Siyiex heue. 2Ah lox rhax ka Siyiex mai yaogyaw ka ceu kaux Nawh heue. tix singaix hoik tix singaix krai grawng krax pa taoh Nawh Cao heue. 3Plak jhi min pakngai Nawh Cao, ka pui tang ceu khankix mai grawng ceu pa daox am, pa hoik yuh Nawh khankix ka daux ceu pui kuceu heue. 4Grawh grawng nawh, Siyiex mawh Cao pa ting lhaong, pa khaw ex ti yaogyaw heue. Mawh Cao pa khaw ex ti lhat graung khaing siyiex khawmuik heue. 5Siyiex pui tang ceu khawmuik mawh ngie pa giex going heue. Siyiex mawh Cao pa yuh raoma mai haktiex heue. 6Min plakngai mai sibrawm koe sivoe ngai Nawh, riang rao mai pa mhawm grang koe ka daux nyiex bwan Nawh Cao heue. 7Ceu pui kuceu khawmuik eue, rieb ti teei ka Siyiex Cao pa koe min plakngai mai sibrawm heue. 8Rieb ti teei ka ceu kaux Nawh pa ting min plakngai mai viex kraung pa tan mai laig ka daux nyiex Bwan Nawh heue. 9Ceep kraung mhawm pa singax mai krub ka Siyiex heue.#Yaog 29:1-2 Pui piang haktiex khawmuik eue, koe krax pa lhat graung sivoe ngai Nawh Cao heue. 10Krai ka pui tang ceu khankix, Siyiex mawh Cao pa giex kaing haktiex kaux cong mai ang chix gah greed, Nawh Cao prawng ca krax pa rahsee ka pui khawmuik heue. 11Kieh raoma mai haktiex gaux rhawm gaux rhi heue. Kieh rawm sigrit sigra mai can pa koe ka daux nawh khawmuik, kieh lox sinum siaox heue. 12Kaung mai can pa koe ka daux nawh khawmuik kawx, kieh gaux rhawm heue. Yam an, khaox, ox mai can pa koe ka daux tiagtu khawmuik ah lox rhax pa gaux rhawm gaux rhi sivoe ngai Siyiex heue. 13Grawh grawng nawh, Nawh Cao lih hoek ti prawng ca ka kawn pui haktiex heue. Nawh Cao tak prawng ca ka haktiex hawt beenli pa rahsee mai ka kawn pui hawt awm sijax mukheu Nawh heue.
Currently Selected:
YAOGYAW 96: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
YAOGYAW 96
96
Lai Rhax Yaogyaw
(1Been 16:23-33)
1Ah lox rhax pa khraox yaogyaw ka Siyiex heue. Kawn pui piang haktiex khawmuik eue, ah lox rhax ka Siyiex heue. 2Ah lox rhax ka Siyiex mai yaogyaw ka ceu kaux Nawh heue. tix singaix hoik tix singaix krai grawng krax pa taoh Nawh Cao heue. 3Plak jhi min pakngai Nawh Cao, ka pui tang ceu khankix mai grawng ceu pa daox am, pa hoik yuh Nawh khankix ka daux ceu pui kuceu heue. 4Grawh grawng nawh, Siyiex mawh Cao pa ting lhaong, pa khaw ex ti yaogyaw heue. Mawh Cao pa khaw ex ti lhat graung khaing siyiex khawmuik heue. 5Siyiex pui tang ceu khawmuik mawh ngie pa giex going heue. Siyiex mawh Cao pa yuh raoma mai haktiex heue. 6Min plakngai mai sibrawm koe sivoe ngai Nawh, riang rao mai pa mhawm grang koe ka daux nyiex bwan Nawh Cao heue. 7Ceu pui kuceu khawmuik eue, rieb ti teei ka Siyiex Cao pa koe min plakngai mai sibrawm heue. 8Rieb ti teei ka ceu kaux Nawh pa ting min plakngai mai viex kraung pa tan mai laig ka daux nyiex Bwan Nawh heue. 9Ceep kraung mhawm pa singax mai krub ka Siyiex heue.#Yaog 29:1-2 Pui piang haktiex khawmuik eue, koe krax pa lhat graung sivoe ngai Nawh Cao heue. 10Krai ka pui tang ceu khankix, Siyiex mawh Cao pa giex kaing haktiex kaux cong mai ang chix gah greed, Nawh Cao prawng ca krax pa rahsee ka pui khawmuik heue. 11Kieh raoma mai haktiex gaux rhawm gaux rhi heue. Kieh rawm sigrit sigra mai can pa koe ka daux nawh khawmuik, kieh lox sinum siaox heue. 12Kaung mai can pa koe ka daux nawh khawmuik kawx, kieh gaux rhawm heue. Yam an, khaox, ox mai can pa koe ka daux tiagtu khawmuik ah lox rhax pa gaux rhawm gaux rhi sivoe ngai Siyiex heue. 13Grawh grawng nawh, Nawh Cao lih hoek ti prawng ca ka kawn pui haktiex heue. Nawh Cao tak prawng ca ka haktiex hawt beenli pa rahsee mai ka kawn pui hawt awm sijax mukheu Nawh heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012