YAOGYAW 78
78
Pui Cie Siyiex Khankix
1Pui cie Aux khankix eue, veeh yhaok pex nghiet ka lox lai beenli Aux mai gumlox pa krai Aux awx. 2Aux tak ang moing tix mai krai lox phektem ka pex mai Aux tak plak jhi grawng pa raux pa mox jah tom didix heue.#Mat 13:35 3Ex hoik mhong hoik tawng grawh grawng pa hoik krai tax ex khankix. 4Ex ang mox khaing kawn praix kix, sonsang yaogyaw ka Siyiex mai sibrawm mai ceu pa daox am, pa hoik yuh Nawh Cao khankix, krai ka kix, pa tak sang hoek tix mawh sax heue. 5Grawh grawng nawh, Nawh Cao deuh sonsang kham sakse ka geh nyiex Yakop mai deuh lox tawm beenli ka geh nyiex Isarelax heue. Gumlox beenli an, Nawh Cao tawx ka tax ex, keeing ex, sonsang kieh kawn praix kix tawng heue. 6Kawn praix kix pa keh khaix, deeh gau ka kawn kix, kawn kix tom deeh sitoe tix gau ka kawn saux, kawn sex kix tawng. 7Sonsang yum rhawm, deuh kix rhawm ka Siyiex mai son ang lai pi awm ka ceu pa hoik yuh Siyiex khankix mai sonsang hawt ti yuh lox beenli Nawh Cao khankix, 8son ang kix sang mawh pui pa tieh feen ka Siyiex mai son ang kix sang mawh rhawm pui pa ang rah ang see mai son ang kix sang mawh khwan pa ang kaux sijax ka Siyiex, awm tax du kix heue. 9Ceu pui Epharim khankix, viang kix viex kraung naing mai ak kawx, yam puing naing kix deeh dah plak khaix heue. 10Kix ang lai krox ka sijax mukheu Siyiex mai kix ang hawt ka daux krax beenli Nawh Cao. 11Kix pi awm ka ceu pa daox am pa jhi Nawh Cao ka kix heue. 12Nawh Cao hoik yuh ceu pa daox am, sivoe ngai tax kix, keeing kix, ka daux lung Zoan ka daux meung Ejiptux heue.#Lih 7:8—12:32 13Nawh Cao kieh rawm sigrit sigra gwieh mai khrawm tix tau mai kieh kix tiang hu heue.#Lih 14:21-22 14Bawg yam ponngaix Nawh Cao kieh rong paiawm jhi kix yaox daux krax mai bawg yam ponsawm kieh pa riang ngu jhi kix yaox daux krax leeing sawm heue.#Lih 13:21-22 15Nawh Cao tawk simaox rang daux tiag mai kieh rawm lih tom nie mai tawx kix nyaux heue. 16Nawh Cao kieh rawm pa lih khaing daux rang an, lih hu awm rawm klawng heue.#Lih 17:1-7; Si 20:2-13 17Pui an khankix nie lheu ting lud mai tieh feen ka Siyiex Cao pa ting lhaongka daux tiagtu heue. 18Kix hawt alo tix mai keud daux rhawm ti yuh nin, ex cheu mhaing tix yaox pa ih ka Siyiex? 19Kix baox ah nin ka Siyiex, “Khex pon khre Nawh pheen sawm ex ka daux tiagtu lie? 20Jhak heue, kix ah lox map ka Siyiex ah nin, Nawh Cao tawk ka rang mai chix kieh rawm lih awm rawm klawng, blah mai nex kawx, Nawh Cao tak sang pon tawx, pon khre ka son pui Nawh khankix lie?” 21Siyiex mhong lox an mai kied song rhawm song rhi heue. Kieh ngu gleeing ti tik kix geh nyiex Yakop mai Isarelax heue. 22Grawh grawng nawh, kix ang yum rhawm ka Siyiex mai ang tawng ka bwanson krax taoh Nawh Cao. 23Nawh Cao tawm lox ka paiawm dee lhaong mai paoh siviex raoma heue. 24Nawh Cao kieh Mannax lih, awm lih lhiex mai tawx pa ih, gaox, nghox son pa sang ih kix khaing raoma heue.#Yo 6:31 25Kix khawmuik, yaox ti ih ka blah pa ih kawncau Siyiex, pa tawx Nawh Cao ka kix mai kieh kix ih tom sak tix heue. 26Nawh Cao kieh bhaung plak lih singaix phlu hu ka raoma mai Nawh Cao teei sibrawm tix viex bhaung caong ma seh hoek heue. 27Nawh Cao kieh nex lih tom nie awm lih lhiex mai pa awm phawng tiex pa mawh sim pa pu tom haoh tom hun sidu awm mhaik rawm sigrit sigra, lih ka piang kix heue. 28Nawh Cao kieh rau hawt praok nyiex bang dee ot kix heue. 29Nawh Cao tawx ka kix, awm pa simie kix tix ih tom sak tix heue. 30Yam kawn tak sawm kix mai ang nyang tien sak, 31krax pa song rhawm song rhi Siyiex deeh hoek ka piang kix mai Nawh Cao pah pui brax pui kwa mai teei ka pui Isarelax pa awn ju khankix yum heue.#Lih 16:2-15; Si 11:4-23,31-35 32Viang kix hoik yaox ceu pa daox am kuceu kawx, kix ang yum rhawm mai ca kawn lud heue. 33Mawh kheu nan, Nawh Cao kieh singaix sawm kix luan giex going mai khix num kix sidah ka pa kha rhawm heue. 34Yam teei Nawh Cao kix yum, kix sawg ka Nawh Cao heue. Kix deeh hoek tix sawg ka Nawh Cao heue. 35Kix doh keud ka grawng mawh Siyiex rang ting cie kix mai Siyiex Cao pa ting piang khawmuik mai mawh Cao pa taoh ka kix heue. 36Viang mawh nan, mawh ngie jheeh giex, dak kix ah lox pie lhen heue. 37Phan mawh rhawm kix, ang rah ang see ka Nawh#Cau 8:21 mai ang kix tie kaux sijax ka Nawh Cao heue. 38Viang mawh nan, phan mawh Nawh Cao, caux rhawm ka kix mai ang tik ang vud ka kix mai pluat ploi phimap phighram kix heue. Nawh Cao gun yeung tom nie bawg, viang kied song rhawm kawx Nawh ang awt yuh kix laux. 39Nawh Cao doh keud ka mawh kix ngie nex nham khaing, phan khwan hoik luan hu, ang lai chix deeh hoek khaix heue. 40Kix tieh feen ka Nawh Cao ka daux tiagtu mai kix kieh Nawh Cao song rhawm song rhi ka daux tiag dee ang pui ot ka dee yiien tom nie bawg heue. 41Kix cheuk tix yaox ka Siyiex lawlawx mai yuh pa ang cee ang cak ka Siyiex Isarelax Cao pa singax singeh heue. 42Kix pi awm ka plawng taix Siyiex pa taoh kix lih khaing singaix bawg yam, yam ot kix ka daux tawm taix pui pa koeng ka kix heue. 43Nawh Cao hoik yuh sakse ka daux meung Ejiptux mai yuh mhai ceu pa daox am ka daux lung Zoan heue. 44Nawh Cao kieh rawm keut, rawm klawng khankix, lih mawh nham tom kieh kix ang chix ih chix nyaux heue.#Lih 7:17-21 45Nawh Cao ploi maing pa chix kiied mai khet khankix, #Lih 8:20-24 pa chix yuh laux, #Lih 8:1-6 hoek ka kix heue. 46Nawh Cao kieh kawng mai sido araphax yuh laux to ma to koi mai kraung khrai kix pak lawg heue.#Lih 10:12-15 47Nawh Cao kieh mu pre yuh laux ka nhu plix siiet khankix mai kieh lon sidap yuh laux ka khaox ruh khankix heue. 48Nawh Cao kieh mu pre yuh laux cub yung, mawie kix khankix yum mai kieh sah tuh, to brie kix khankix yum heue.#Lih 9:22-25 49Nawh Cao kied song rhawm song rhi ka kix mai tawx krax kha rhawm mai ploi kawncau Siyiex pa caox khankix, hoek tix tuktiaktukte ka kix heue. 50Nawh Cao hoik rien ti deuh krax ka pa song rhawm song rhi tix mai Nawh Cao ang lai lhawk ka ju kix, kieh kix yum ka saux preng heue. 51Nawh Cao pah kawn Ai daux meung Ejiptux#Lih 12:29 yum khawmuik, pa mawh pui ting pui lhaong khawm dee ot pui Hamax heue. 52Phan mawh pui Nawh khankix, Nawh kieh lih awm cub yung mai viex kix lih daux tiagtu, awm cub yung heue.#Lih 13:17-22 53Nawh Cao priex kix luan mhawm mhawm mai ang kieh kix koe krax pa lhat graung, viang mawh nan, Nawh Cao kieh rawm sigrit sigra kheem ka pui pa koeng khankix heue.#Lih 14:26-28 54Nawh Cao thong kix hu tom sidah, mee haktiex Nawh Cao pa singax singeh#Lih 15:17; Yaw 3:14-17 mai haktiex gawng lua pa pon Nawh ka taix khawn dawm pa giex tix kaing heue. 55Nawh Cao grheu ti tik ka pui tang ceu khankix, sivoe ngai kix#Yaw 11:16-23 mai gwieh kix ih haktiex, sin pa khaw kix ti pon, ka geh nyiex Isarelax mai kieh kix sum nyiex bang dee ot kix tan heue. 56Viang mawh nan, kix cheuk cheu mai tieh feen ka Siyiex Cao#Cao 2:11-15 pa ting lhaong mai kix ang nghiet ka lox grawng pa hoik kham Nawh ti deuh sakse khankix, 57kix deeh tieh hu mai yieh lox sijax mukheu laux awm tax du kix heue. Kix hoik lud krax hu, awm ak pa vawk te heue. 58Kix teei dee ot pa lhaong mai yuh Nawh Cao song rhawm song rhi mai krub ka riang grang pa hoik yuh ka tawng khankix, kieh rhawm Nawh Cao sung sang heue. 59Siyiex hoik mhong hoik tawng mai Nawh Cao lih songrhwm mai kied seeing brai ka pui Isarelax heue. 60Nawh Cao tik ka nyiex gox bwan man Silon pa deuh son pui Nawh khankix heue.#Yaw 18:1; Ye 7:12-14, 26:6 61Nawh Cao teei sibrawm mai min plakngai Nawh tawx hu ka daux tawm taix pui pa koeng khankix heue. 62Nawh Cao teei ti tawx pui cie Nawh ka lawm vaig mai Nawh Cao lih song rhawm song rhi ka sinngao cie Nawh khankix heue. 63Kieh sinaw khankix yum daux ngu mai ang kieh bunkrih khankix yaox tix koe mex. 64Cao giex kaing li khankix laux, yum ka lawm vaig, lawm pliah, miexmai tai nhang khankix, ang lai kieh kix yiiem. 65Yam an Siyiex siduad awm pui pa siduad khaing it tix mai ting riang rao awm pui pa nyaux rawm plix siiet heue. 66Nawh Cao tawx krax pa kha rhawm, kieh pui pa koeng khankix, deeh dah plak khaix mai kieh kix hoek krax pa kaig pa tua jheung jheung heue. 67Nawh Cao teei ti tik ka nyiex gox Yosiep mai ang laug ti teei ka geh nyiex Epharim. 68Viang mawh nan, Nawh Cao laug ti teei ka geh nyiex Yudax mai gawng Zion pa moh Nawh heue. 69Nawh Cao sum nyiex bwan, pa singax singeh awm pa koe choek dee lhaong mai awm pa kieh Nawh haktiex kaux cong jheung jheung heue. 70Nawh Cao laug ti teei aux, Davit lih khaing daux kawg yung heue. 71Nawh Cao laug ti teei aux, awm yung miex pa priex kawn tix mai kieh aux priex pui Nawh geh nyiex Yakop pa mawh sinngao Nawh ceu pui Isarelax khankix heue.#1Sa 16:11-12; 2Sa 7:8; 1Been 17:7 72Mawh kheu nan, Nawh priex kix mai thong kix hu ka daux tawm taix tix, awm pa koe rhawm Nawh heue.
Currently Selected:
YAOGYAW 78: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
YAOGYAW 78
78
Pui Cie Siyiex Khankix
1Pui cie Aux khankix eue, veeh yhaok pex nghiet ka lox lai beenli Aux mai gumlox pa krai Aux awx. 2Aux tak ang moing tix mai krai lox phektem ka pex mai Aux tak plak jhi grawng pa raux pa mox jah tom didix heue.#Mat 13:35 3Ex hoik mhong hoik tawng grawh grawng pa hoik krai tax ex khankix. 4Ex ang mox khaing kawn praix kix, sonsang yaogyaw ka Siyiex mai sibrawm mai ceu pa daox am, pa hoik yuh Nawh Cao khankix, krai ka kix, pa tak sang hoek tix mawh sax heue. 5Grawh grawng nawh, Nawh Cao deuh sonsang kham sakse ka geh nyiex Yakop mai deuh lox tawm beenli ka geh nyiex Isarelax heue. Gumlox beenli an, Nawh Cao tawx ka tax ex, keeing ex, sonsang kieh kawn praix kix tawng heue. 6Kawn praix kix pa keh khaix, deeh gau ka kawn kix, kawn kix tom deeh sitoe tix gau ka kawn saux, kawn sex kix tawng. 7Sonsang yum rhawm, deuh kix rhawm ka Siyiex mai son ang lai pi awm ka ceu pa hoik yuh Siyiex khankix mai sonsang hawt ti yuh lox beenli Nawh Cao khankix, 8son ang kix sang mawh pui pa tieh feen ka Siyiex mai son ang kix sang mawh rhawm pui pa ang rah ang see mai son ang kix sang mawh khwan pa ang kaux sijax ka Siyiex, awm tax du kix heue. 9Ceu pui Epharim khankix, viang kix viex kraung naing mai ak kawx, yam puing naing kix deeh dah plak khaix heue. 10Kix ang lai krox ka sijax mukheu Siyiex mai kix ang hawt ka daux krax beenli Nawh Cao. 11Kix pi awm ka ceu pa daox am pa jhi Nawh Cao ka kix heue. 12Nawh Cao hoik yuh ceu pa daox am, sivoe ngai tax kix, keeing kix, ka daux lung Zoan ka daux meung Ejiptux heue.#Lih 7:8—12:32 13Nawh Cao kieh rawm sigrit sigra gwieh mai khrawm tix tau mai kieh kix tiang hu heue.#Lih 14:21-22 14Bawg yam ponngaix Nawh Cao kieh rong paiawm jhi kix yaox daux krax mai bawg yam ponsawm kieh pa riang ngu jhi kix yaox daux krax leeing sawm heue.#Lih 13:21-22 15Nawh Cao tawk simaox rang daux tiag mai kieh rawm lih tom nie mai tawx kix nyaux heue. 16Nawh Cao kieh rawm pa lih khaing daux rang an, lih hu awm rawm klawng heue.#Lih 17:1-7; Si 20:2-13 17Pui an khankix nie lheu ting lud mai tieh feen ka Siyiex Cao pa ting lhaongka daux tiagtu heue. 18Kix hawt alo tix mai keud daux rhawm ti yuh nin, ex cheu mhaing tix yaox pa ih ka Siyiex? 19Kix baox ah nin ka Siyiex, “Khex pon khre Nawh pheen sawm ex ka daux tiagtu lie? 20Jhak heue, kix ah lox map ka Siyiex ah nin, Nawh Cao tawk ka rang mai chix kieh rawm lih awm rawm klawng, blah mai nex kawx, Nawh Cao tak sang pon tawx, pon khre ka son pui Nawh khankix lie?” 21Siyiex mhong lox an mai kied song rhawm song rhi heue. Kieh ngu gleeing ti tik kix geh nyiex Yakop mai Isarelax heue. 22Grawh grawng nawh, kix ang yum rhawm ka Siyiex mai ang tawng ka bwanson krax taoh Nawh Cao. 23Nawh Cao tawm lox ka paiawm dee lhaong mai paoh siviex raoma heue. 24Nawh Cao kieh Mannax lih, awm lih lhiex mai tawx pa ih, gaox, nghox son pa sang ih kix khaing raoma heue.#Yo 6:31 25Kix khawmuik, yaox ti ih ka blah pa ih kawncau Siyiex, pa tawx Nawh Cao ka kix mai kieh kix ih tom sak tix heue. 26Nawh Cao kieh bhaung plak lih singaix phlu hu ka raoma mai Nawh Cao teei sibrawm tix viex bhaung caong ma seh hoek heue. 27Nawh Cao kieh nex lih tom nie awm lih lhiex mai pa awm phawng tiex pa mawh sim pa pu tom haoh tom hun sidu awm mhaik rawm sigrit sigra, lih ka piang kix heue. 28Nawh Cao kieh rau hawt praok nyiex bang dee ot kix heue. 29Nawh Cao tawx ka kix, awm pa simie kix tix ih tom sak tix heue. 30Yam kawn tak sawm kix mai ang nyang tien sak, 31krax pa song rhawm song rhi Siyiex deeh hoek ka piang kix mai Nawh Cao pah pui brax pui kwa mai teei ka pui Isarelax pa awn ju khankix yum heue.#Lih 16:2-15; Si 11:4-23,31-35 32Viang kix hoik yaox ceu pa daox am kuceu kawx, kix ang yum rhawm mai ca kawn lud heue. 33Mawh kheu nan, Nawh Cao kieh singaix sawm kix luan giex going mai khix num kix sidah ka pa kha rhawm heue. 34Yam teei Nawh Cao kix yum, kix sawg ka Nawh Cao heue. Kix deeh hoek tix sawg ka Nawh Cao heue. 35Kix doh keud ka grawng mawh Siyiex rang ting cie kix mai Siyiex Cao pa ting piang khawmuik mai mawh Cao pa taoh ka kix heue. 36Viang mawh nan, mawh ngie jheeh giex, dak kix ah lox pie lhen heue. 37Phan mawh rhawm kix, ang rah ang see ka Nawh#Cau 8:21 mai ang kix tie kaux sijax ka Nawh Cao heue. 38Viang mawh nan, phan mawh Nawh Cao, caux rhawm ka kix mai ang tik ang vud ka kix mai pluat ploi phimap phighram kix heue. Nawh Cao gun yeung tom nie bawg, viang kied song rhawm kawx Nawh ang awt yuh kix laux. 39Nawh Cao doh keud ka mawh kix ngie nex nham khaing, phan khwan hoik luan hu, ang lai chix deeh hoek khaix heue. 40Kix tieh feen ka Nawh Cao ka daux tiagtu mai kix kieh Nawh Cao song rhawm song rhi ka daux tiag dee ang pui ot ka dee yiien tom nie bawg heue. 41Kix cheuk tix yaox ka Siyiex lawlawx mai yuh pa ang cee ang cak ka Siyiex Isarelax Cao pa singax singeh heue. 42Kix pi awm ka plawng taix Siyiex pa taoh kix lih khaing singaix bawg yam, yam ot kix ka daux tawm taix pui pa koeng ka kix heue. 43Nawh Cao hoik yuh sakse ka daux meung Ejiptux mai yuh mhai ceu pa daox am ka daux lung Zoan heue. 44Nawh Cao kieh rawm keut, rawm klawng khankix, lih mawh nham tom kieh kix ang chix ih chix nyaux heue.#Lih 7:17-21 45Nawh Cao ploi maing pa chix kiied mai khet khankix, #Lih 8:20-24 pa chix yuh laux, #Lih 8:1-6 hoek ka kix heue. 46Nawh Cao kieh kawng mai sido araphax yuh laux to ma to koi mai kraung khrai kix pak lawg heue.#Lih 10:12-15 47Nawh Cao kieh mu pre yuh laux ka nhu plix siiet khankix mai kieh lon sidap yuh laux ka khaox ruh khankix heue. 48Nawh Cao kieh mu pre yuh laux cub yung, mawie kix khankix yum mai kieh sah tuh, to brie kix khankix yum heue.#Lih 9:22-25 49Nawh Cao kied song rhawm song rhi ka kix mai tawx krax kha rhawm mai ploi kawncau Siyiex pa caox khankix, hoek tix tuktiaktukte ka kix heue. 50Nawh Cao hoik rien ti deuh krax ka pa song rhawm song rhi tix mai Nawh Cao ang lai lhawk ka ju kix, kieh kix yum ka saux preng heue. 51Nawh Cao pah kawn Ai daux meung Ejiptux#Lih 12:29 yum khawmuik, pa mawh pui ting pui lhaong khawm dee ot pui Hamax heue. 52Phan mawh pui Nawh khankix, Nawh kieh lih awm cub yung mai viex kix lih daux tiagtu, awm cub yung heue.#Lih 13:17-22 53Nawh Cao priex kix luan mhawm mhawm mai ang kieh kix koe krax pa lhat graung, viang mawh nan, Nawh Cao kieh rawm sigrit sigra kheem ka pui pa koeng khankix heue.#Lih 14:26-28 54Nawh Cao thong kix hu tom sidah, mee haktiex Nawh Cao pa singax singeh#Lih 15:17; Yaw 3:14-17 mai haktiex gawng lua pa pon Nawh ka taix khawn dawm pa giex tix kaing heue. 55Nawh Cao grheu ti tik ka pui tang ceu khankix, sivoe ngai kix#Yaw 11:16-23 mai gwieh kix ih haktiex, sin pa khaw kix ti pon, ka geh nyiex Isarelax mai kieh kix sum nyiex bang dee ot kix tan heue. 56Viang mawh nan, kix cheuk cheu mai tieh feen ka Siyiex Cao#Cao 2:11-15 pa ting lhaong mai kix ang nghiet ka lox grawng pa hoik kham Nawh ti deuh sakse khankix, 57kix deeh tieh hu mai yieh lox sijax mukheu laux awm tax du kix heue. Kix hoik lud krax hu, awm ak pa vawk te heue. 58Kix teei dee ot pa lhaong mai yuh Nawh Cao song rhawm song rhi mai krub ka riang grang pa hoik yuh ka tawng khankix, kieh rhawm Nawh Cao sung sang heue. 59Siyiex hoik mhong hoik tawng mai Nawh Cao lih songrhwm mai kied seeing brai ka pui Isarelax heue. 60Nawh Cao tik ka nyiex gox bwan man Silon pa deuh son pui Nawh khankix heue.#Yaw 18:1; Ye 7:12-14, 26:6 61Nawh Cao teei sibrawm mai min plakngai Nawh tawx hu ka daux tawm taix pui pa koeng khankix heue. 62Nawh Cao teei ti tawx pui cie Nawh ka lawm vaig mai Nawh Cao lih song rhawm song rhi ka sinngao cie Nawh khankix heue. 63Kieh sinaw khankix yum daux ngu mai ang kieh bunkrih khankix yaox tix koe mex. 64Cao giex kaing li khankix laux, yum ka lawm vaig, lawm pliah, miexmai tai nhang khankix, ang lai kieh kix yiiem. 65Yam an Siyiex siduad awm pui pa siduad khaing it tix mai ting riang rao awm pui pa nyaux rawm plix siiet heue. 66Nawh Cao tawx krax pa kha rhawm, kieh pui pa koeng khankix, deeh dah plak khaix mai kieh kix hoek krax pa kaig pa tua jheung jheung heue. 67Nawh Cao teei ti tik ka nyiex gox Yosiep mai ang laug ti teei ka geh nyiex Epharim. 68Viang mawh nan, Nawh Cao laug ti teei ka geh nyiex Yudax mai gawng Zion pa moh Nawh heue. 69Nawh Cao sum nyiex bwan, pa singax singeh awm pa koe choek dee lhaong mai awm pa kieh Nawh haktiex kaux cong jheung jheung heue. 70Nawh Cao laug ti teei aux, Davit lih khaing daux kawg yung heue. 71Nawh Cao laug ti teei aux, awm yung miex pa priex kawn tix mai kieh aux priex pui Nawh geh nyiex Yakop pa mawh sinngao Nawh ceu pui Isarelax khankix heue.#1Sa 16:11-12; 2Sa 7:8; 1Been 17:7 72Mawh kheu nan, Nawh priex kix mai thong kix hu ka daux tawm taix tix, awm pa koe rhawm Nawh heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012