YAOGYAW 72
72
Lox Rawg Bwan Son Simiang
1Siyiex eue, tawx akhwang krax pa prawng ca pa rahsee Maix ka kawn simiang liak. 2Sonsang chix prawng ca nawh ka pui Maix rahsee mai tawx krax pa rahsee ka pui pa hot sibhawm Maix khankix heue. 3Ka daux krax pa rahsee Maix kieh gawng iak gawng ting khankix, tawx krax pa nyawm rhawm ka pui Maix liak. 4Kieh nawh prawng ca rahsee ka pui pa hot pa sibhawm mai teem ka pui pa ang kub ih khankix mai yuh laux leeing ka pui pa tuktiaktukte ka pui heue. 5Kieh ceu kawn pui ku ju, lhat graung ka Maix, glang yam kawn koe khix, singaix heue. 6Nawh Cao tak sang lih hoek awm lhiex, pa lih piang rib pa hoik vawg mai awm lhiex pa kieh haktiex caux heue. 7Yam singaix baux ju nawh, pui pa rahsee sang magmi mai nyawm rhawm tom pa riang khix ang nyang grai heue. 8Rawm sigrit sigra tix mu tom sidah hoik tix mu mai rawm klawng ting tix klawng hoik tix klawng, tom sidah haktiex nawh tak sang giex kaing heue.#Zak 9:10 9Pui pa ot ka daux tiagtu krub sivoe ngai Nawh mai pui pa koeng ka Nawh khankix, tak sang lied tix ih phawng tiex heue. 10Simiang meung Tasux khankix mai simiang rawm sigrit sigra khankix, hoek tawx gha ka nawh mai simiang Shebax mai simiang Sebax hoek tix tawx totaix ka nawh heue. 11Lheu khaing an, simiang khawmuik, tak grux tix krub ka nawh mai ceu pui khawmuik tak yuh kaing jhaw nawh heue. 12Grawh grawng nawh, yam kok yo pui pa ang kub pa ih mai pui pa hot pa sibhawm pa ang koe dee deuh rhawm khankix, Nawh tawx krax pa nyawm rhawm ka kix heue. 13Nawh caux rhawm mai taoh ka ju kix pui pa hot pa sibhawm mai pui pa ang kub pa ih khankix heue. 14Nawh taoh ju kix lih khaing daux tawm taix pui pie pui lhen mai pui pa tuktiaktukte mai nham kix mawh pa ngawh sivoe ngai Nawh heue. 15Yam im ju nawh, kix teei khri meung Shebax mai tawx ka nawh mai kix rawg bwan son nawh mai yaogyaw ka nawh ku singaix jheung jheung heue. 16Plix nghox plix koi tak teen haoh ka daux meung nawh, awm rib riem pa koe ka daux tiag gawng Lebanon heue. Pui veng nawh kawx, tak haoh hun awm rib riem ka daux meung an heue. 17Ceu kaux Nawh tak kaux cong mai ting lhaong haok hwan jheung jheung tom ang singaix grai hu heue. Kawn pui khankix tak pon bwanson Nawh, pui tang ceu tak yaogyaw bwanson khawmuik heue. 18Kieh Siyiex, Siyiex pui Isarelax, Cao pa yuh ceu pa daox am tix kaux khaing koe bwanson liak. 19Kieh ceu kaux min plakngai Nawh koe bwanson jheung jheung liak, kieh min plakngai Nawh grum naog mai tah hu ka piang haktiex in khawmuik liak, Amen! mai Amen! 20Lox rawg bwan Davit kawn Yessie hoik heue.
Currently Selected:
YAOGYAW 72: WCL
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012
YAOGYAW 72
72
Lox Rawg Bwan Son Simiang
1Siyiex eue, tawx akhwang krax pa prawng ca pa rahsee Maix ka kawn simiang liak. 2Sonsang chix prawng ca nawh ka pui Maix rahsee mai tawx krax pa rahsee ka pui pa hot sibhawm Maix khankix heue. 3Ka daux krax pa rahsee Maix kieh gawng iak gawng ting khankix, tawx krax pa nyawm rhawm ka pui Maix liak. 4Kieh nawh prawng ca rahsee ka pui pa hot pa sibhawm mai teem ka pui pa ang kub ih khankix mai yuh laux leeing ka pui pa tuktiaktukte ka pui heue. 5Kieh ceu kawn pui ku ju, lhat graung ka Maix, glang yam kawn koe khix, singaix heue. 6Nawh Cao tak sang lih hoek awm lhiex, pa lih piang rib pa hoik vawg mai awm lhiex pa kieh haktiex caux heue. 7Yam singaix baux ju nawh, pui pa rahsee sang magmi mai nyawm rhawm tom pa riang khix ang nyang grai heue. 8Rawm sigrit sigra tix mu tom sidah hoik tix mu mai rawm klawng ting tix klawng hoik tix klawng, tom sidah haktiex nawh tak sang giex kaing heue.#Zak 9:10 9Pui pa ot ka daux tiagtu krub sivoe ngai Nawh mai pui pa koeng ka Nawh khankix, tak sang lied tix ih phawng tiex heue. 10Simiang meung Tasux khankix mai simiang rawm sigrit sigra khankix, hoek tawx gha ka nawh mai simiang Shebax mai simiang Sebax hoek tix tawx totaix ka nawh heue. 11Lheu khaing an, simiang khawmuik, tak grux tix krub ka nawh mai ceu pui khawmuik tak yuh kaing jhaw nawh heue. 12Grawh grawng nawh, yam kok yo pui pa ang kub pa ih mai pui pa hot pa sibhawm pa ang koe dee deuh rhawm khankix, Nawh tawx krax pa nyawm rhawm ka kix heue. 13Nawh caux rhawm mai taoh ka ju kix pui pa hot pa sibhawm mai pui pa ang kub pa ih khankix heue. 14Nawh taoh ju kix lih khaing daux tawm taix pui pie pui lhen mai pui pa tuktiaktukte mai nham kix mawh pa ngawh sivoe ngai Nawh heue. 15Yam im ju nawh, kix teei khri meung Shebax mai tawx ka nawh mai kix rawg bwan son nawh mai yaogyaw ka nawh ku singaix jheung jheung heue. 16Plix nghox plix koi tak teen haoh ka daux meung nawh, awm rib riem pa koe ka daux tiag gawng Lebanon heue. Pui veng nawh kawx, tak haoh hun awm rib riem ka daux meung an heue. 17Ceu kaux Nawh tak kaux cong mai ting lhaong haok hwan jheung jheung tom ang singaix grai hu heue. Kawn pui khankix tak pon bwanson Nawh, pui tang ceu tak yaogyaw bwanson khawmuik heue. 18Kieh Siyiex, Siyiex pui Isarelax, Cao pa yuh ceu pa daox am tix kaux khaing koe bwanson liak. 19Kieh ceu kaux min plakngai Nawh koe bwanson jheung jheung liak, kieh min plakngai Nawh grum naog mai tah hu ka piang haktiex in khawmuik liak, Amen! mai Amen! 20Lox rawg bwan Davit kawn Yessie hoik heue.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wa Common Language Bible © Bible Society of Myanmar, 2012